Молитва от бессонницы Cвятому преподобному Иринарху, затворнику Ростовскому

Тропарь, глас 4-й:
Яко мученика добропроизвольна и преподобных удобрение, звезду Ростовскую, в затворе, узах и веригах Господеви благоугодившаго и чудес благодать от Него приемшаго, Иринарха предивнаго песньми хвалебными почтим и, к нему припадающе, умильно глаголем: отче преподобне, моли Христа Бога спастися душам нашим.

Кондак, глас 2-й:
Волнений множество жестоким житием преходя, изгнания, затвор и узы железныя претерпел еси мужески, Иринарше терпеливодушне, нам оставль образ злострадания и терпения твоего, озаряя чудес блистаньми с верою приходящих к честному гробу твоему, у негоже, яко почесть победную, вериги твоя тяжкия видим, от нихже подаеши исцеления недужным. Сего ради зовем ти: радуйся, Иринарше, отче предивный.

Молитва:
О, преподобне отче Иринарше! Се мы молим тя усердно: буди ходатай наш присный, испроси нам от Христа Бога мир, тишину, благоденствие, здравие и спасение, и от всех врагов видимых и невидимых ограждение, покрый же нас ходатайством твоим от нахождения всяких бед и скорбей, паче же от искушения врага темнаго, да вси мы с тобою прославляем всесвятое имя Отца и Сына и Святаго Духа, ныне и присно и во веки веков. Аминь.

 

Серия сообщений "Молитвы на каждый день":
Часть 1 - Молебен о путешествующих
Часть 2 - Молитва об исцелении
...
Часть 39 - Молитва Ефрема Сирина в неспокойные времена
Часть 40 - >Молитвы, когда на душе тяжело и хочется плакать
Часть 41 - Молитва от бессонницы Cвятому преподобному Иринарху, затворнику Ростовскому
Часть 42 - Молитва Николаю Чудотворцу о замужестве дочерей
Часть 43 - МОЛИТВА О ДЕТЯХ
Часть 44 - Молитва перед экзаменом
Часть 45 - Молитва св. праведного Иоанна Кронштадтского ко Господу об укреплении душевных сил.