Святителю Божий Иоанне, милостивый защитниче сирых и сущих в напастех! К тебе прибегаем и тебе молимся, яко скорому покровителю всех ищущих от Бога утешения в бедах и скорбех. Hе престай, моляся ко Господу о всех с верою притекающих к тебе! Ты, преисполнен сый Христовы любви и благости, явился еси яко чудный чертог добродетели милосердия и стяжал еси себе имя "милостивый". Ты был еси яко река, непрестанно текущая щедрыми милостьми и всех жаждущих обильно напаяющая. Веруем, яко по переселении от земли на небо, усугубися в тебе дар благодати сея и яко соделался еси неисчерпаемый сосуд всякия благостыни. Сотвори убо твоим ходатайством и заступлением пред Богом “всякия утехи”, да вси, прибегающий к тебе, обретают мир и безмятежие: даруй им утешение в печалех временных и пособие в нуждах житейских, всели в них надежду вечнаго упокоения во Царствии Небеснем. В житии твоем на земли ты был еси пристанище всем сущим во всякой беде и нужде, обидимым и недугующим, и ни един от притекавших к тебе и просивших у тебе милости лишен бысть твоея благостыни. Тожде и ныне, царствуя со Христом на Небеси, яви всем покланяющимся пред честною твоею иконою и молящимся о помощи и заступлении. Не точию сам ты творил еси милость безпомощным, но и сердца других воздвигал еси ко утешению немощных и ко призрению убогих. Подвигни убо и ныне сердца верных к заступлению сирых, ко утешению скорбящих и успокоению неимущих. Да не оскудевают в них дары милости, паче же да вселится в них и в дому сем, призревающем страждущих, мир и радость о Дуxе Святе, во славу Господа и Спаса нашего Иисуса Христа, во веки веков. Аминь."

Серия сообщений "Молитвы на каждый день":
Часть 1 - Молебен о путешествующих
Часть 2 - Молитва об исцелении
...
Часть 27 - Молитвы за здравие больного человека
Часть 28 - ПРЕПОДОБНЫЙ СТИЛИАН - ПОКРОВИТЕЛЬ И ЦЕЛИТЕЛЬ ДЕТЕЙ
Часть 29 - Молитва о помощи в бедности и нужде святителю Иоанну Милостивому.
Часть 30 - Ежедневная молитва святителя Филарета, митрополита Московского
Часть 31 - Молитва Ангелу-Хранителю от бедности и денежных нужд
...
Часть 43 - МОЛИТВА О ДЕТЯХ
Часть 44 - Молитва перед экзаменом
Часть 45 - Молитва св. праведного Иоанна Кронштадтского ко Господу об укреплении душевных сил.