Владыко Вседержителю, Врачу душ и телес,
смиряяй и возносяй, наказуяй и паки исцеляяй,
сестру нашу Тамару немощствующа посети милостию Твоею,
простри мышцу Твою, исполнену исцеления и врачбы, и исцели ее,
возставляй от одра и немощи, запрети духу немощи,
остави от нее всяку язву, всяку болезнь, всяку рану, всяку огневицу и трясавицу.
И аще есть в ней согрешение или беззаконие, ослаби, остави, прости, Твоего ради человеколюбия.
Аминь. Аминь. Аминь

МОЛИТВА ЛУКЕ КРЫМСКОМУ ОБ ИСЦЕЛЕНИИ

О всеблаженный исповедниче, святителю отче наш Луко, великий угодниче Христов. Со умилением приклоньше колена сердец наших, и припадая к раце честных и многоцелебных мощей твоих, якоже чада отца молим тя всеусердно: услыши нас грешных и принеси молитву нашу к Милостивому и Человеколюбивому Богу. Емуже ты ныне в радости святых и с лики ангел предстоиши. Веруем бо, яко ты любиши ны тою же любовию, еюже вся ближния возлюбил еси, пребывая на земли.
Испроси у Христа Бога нашего, да утвердит чад Своих в духе правыя веры и благочестия: пастырям да даст святую ревность и попечение о спасении вверенных им людей: право верующия соблюдати, слабыя и немощныя в вере укрепляти, неведущия наставляти, противныя обличати. Всем нам подай дар коемуждо благопотребен, и вся яже к жизни временней и к вечному спасению полезная.

Градов наших утверждение, земли плодоносие, от глада и пагубы избавление. Скорбящим утешение, недугующим исцеление, заблудшим на путь истины возвращение, родителем благословение, чадам в страхе Господнем воспитание и научение, сирым и убогим помощь и заступление.

Подаждь нам всем твое архипастырское благословение, да таковое молитвенное ходатайство имущи, избавимся от козней лукавого и избегнем всякия вражды и нестроений, ересей и расколов.

Настави нас на путь, ведущий в селения праведных, и моли о нас всесильнаго Бога, да в вечней жизни сподобимся c тобою непрестанно славити Единосущную и Нераздельную Троицу, Отца и Сына и Святаго Духа. Аминь.

http://www.k-istine.ru/orationem/orationem-262.htm
http://asaulyak.ru/harm/molitva-luke-krymskomu-ob-istselenii

Молитва Серафиму Саровскому об исцелении

О пречудный отче Серафиме, великий Саровский чудотворче, всем прибегающим к тебе скоропослушный помощниче! Во дни земнаго жития твоего никтоже от тебе тощ и неутешен отъиде, но всем в сладость бысть видение лика твоего и благоуветливый глас словес твоих. К сим же и дар исцелений, дар прозрения, дар немощных душ врачевания обилен в тебе явися. Егда же призва тя Бог от земных трудов к небесному упокоению, николиже любовь твоя проста от нас, и невозможно есть исчислити чудеса твоя, умножившаяся, яко звезды небесныя: се бо по всем концем земли нашея людем Божиим являешися и даруеши им исцеления. Темже и мы вопием ти: о претихий и кроткий угодниче Божий, дерзновенный к Нему молитвенниче, николиже призывающия тя отреваяй, вознеси о нас благомощную твою молитву ко Господу Сил, да дарует нам вся благопотребная в жизни сей и вся к душевному спасению полезная, да оградит нас от падений греховных и истинному покаянию научит нас, во еже безпреткновенно внити нам в вечное Небесное Царство, идеже ты ныне в незаходимей сияеши славе, и тамо воспевати со всеми святыми Живоначальную Троицу до скончания века. Аминь.
-----------------
О Господь мой, Создатель мой, прошу помощи Твоей, даруй исцеление рабе божьей Тамаре, омой кровь ее лучами Твоими. Только с помощью Твоею придет исцеление ей. Прикоснись к ней силою чудотворною, благослови все пути ее ко спасению, выздоровлению, исцелению.
Подаришь телу ее здравие, душе ее - благословенную легкость, сердцу ее - бальзам божественный. Боль отступит, и силы вернутся, и раны заживут ее телесные и душевные, и придет помощь Твоя. Лучи Твои с Небес дойдут до нее, дадут ей защиту, благословят на исцеление от недугов ее, укрепят веру ее.
Да услышит молитву сию Господь.
Слава и благодарность силе Господа.
Аминь.