Святлана Ціханоўская наведала офіс YouTube у Берліне, дзе сустрэлася з кіраўніцай платформы, адказнай за сувязі з урадамі, Сабін Франк.

Паведамляецца, што асноўнай тэмай размовы была падтрымка беларускай мовы ў YouTube. У YouTube адзначылі, што магчымасць падтрымкі беларускай мовы ў Google Ads ужо абмяркоўваецца. Відэахостынг адсочвае і імкнецца выдаляць «пакаянныя» відэа, каналы і акаўнты прапагандыстаў.



«Цяпер нашая мова падтрымліваецца ў бальшыні сэрвісаў YouTube, даступная ў інтэрфейсе і дазваляецца манетызацыя беларускамоўнага кантэнту», - паведамляе прэс-служба Ціханоўскай.



Акрамя таго, абмеркаваная магчымасць арганізацыі трэнінгаў для беларускіх медыя і ініцыятываў з удзелам спецыялістаў YouTube.

Рэалізацыя праекта “пашпарта новай Беларусі” знаходзіцца на этапе “вырабу першых узораў”, праводзіцца закупка матэрыялаў для іх друку, паведаміла дэмакратычны лідар Святлана Ціханоўская 1 лістапада ў сваім тэлеграм-канале.

Пасля таго як узоры будуць гатовыя, іх перададуць “урадам краін-партнёраў з прапановай прызнаць новы дакумент”, удакладніла Ціханоўская. Паводле яе слоў, працягваюцца кансультацыі па праекце з замежнымі палітыкамі, іх “інфармуюць аб дзеяннях і планах”.

“Адначасова з палітычнай працай на міжнародным узроўні мы працуем над стварэннем органа выдачы. Гэта структура, якая будзе займацца ўсімі этапамі выпуску пашпартоў — ад прыёму заявак і іх праверкі да друку пашпартоў і захоўвання дадзеных. Забеспячэнне бяспекі ўсіх дзеянняў у працэсе выдачы пашпарта для нас прынцыпова важна”, — адзначыла дэмлідар.

Ціханоўская падкрэсліла, што “пашпарт новай Беларусі” не адмяняе неабходнасці легалізацыі ў краінах знаходжання: уладальнікам дакумента па-ранейшаму трэба будзе атрымліваць візы або від на жыхарства.

“Запуск вытворчасці і працэс прызнання новага беларускага пашпарта вельмі складаныя. Мы першыя ідзём па гэтым шляху не толькі ў сваёй краіне, але і ў свеце. Наша каманда з нуля распрацоўвае шматлікія тэхнічныя і юрыдычныя механізмы. Я вельмі спадзяюся на вашыя цярпенне і падтрымку”, — падсумавала Ціханоўская.

Беларуская лідарка выступіла ва ўніверсітэце MCI – «Цэнтр менеджменту ў Інсбруку». Гэта адзін з найбольш прэстыжных універсітэтаў цэнтральнай Еўропы, які спецыялізуецца на падрыхтоўцы спецыялістаў для дзяржаўнага і бізнес кіравання. На выступ Святланы Ціханоўскай прыйшлі больш за 1000 чалавек.

• 
  For students from Belarus and other Eastern European countries


• 
  Available for freshers who are required to pay the current annual tuition fee


• 
  For all bachelors‘ and masters' programs (including executive master’ programs)


• 
  Students who have been engaged in activities relating to promoting freemdom, demogracy and good governance and aim to further engage with and promote these goals during their studies


• 
  Scholarship amount will offset the corresponding amount of the tuition fees for the first academic year; it cannot be used to cover any other expenses like travel, accommodation, etc.


• 
  Students who have been granted the scholarship are paying only the reduced tuition fee of 1.500 EUR per year


• 
  Application Deadline: March 31

For details and required application documents see attached [mci4me.at/en/component/phocadownload/category/3-international?download=203:sviatlana-tsikhanouskaya-scholarship].

З нагоды візіту беларускай лідаркі ўніверсітэт запусціў стыпендыяльную праграму для беларусаў пад патранажам Святланы Ціханоўскай. У межах гэтай праграмы беларускія студэнты могуць атрымаць ступень бакалаўра ці магістра па больш чым 10 спецыяльнасцях. Падрабязней пра стыпендыю глядзіце па спасылцы.

Вложение: 13467861_231018tsikhanouskayascholarship_final.pdf

«Гэты Вялікдзень трэці, калі мы з Сяргеем вымушана знаходзімся ў розных краінах і ў розных умовах. І зараз такіх сем’яў, як нашая, якія рэжым падзяліў, вельмі шмат.



Сем’і падзяліліся, бо мама ці тата, сын ці дачка за кратамі па палітычных прычынах. Сем’і падзяліліся, бо бабуля ці дзядуля глядзяць тэлевізар, вераць кожнаму слову і не хочуць разумець, што іх пенсіі змяншаюцца не праз «бразгат гусеніц» на Захадзе, а таму што рэжым уступіў у вайну. Яны кажуць, нібыта дзяржава абараняе іх і «ў нас няма вайны», пакуль рэжым дамаўляецца пра размяшчэнне ядзернай зброі ў Беларусі.



Але ўсё ж Вялікдзень мусіць аб’ядноўваць сем’і. Як аб’ядналіся ў 2020 годзе беларусы, якія сталі адной вялікай сям’ёй. І сем’і, якія падзяліў рэжым, таксама аб’яднаюцца. Людзі выйдуць з-за кратаў, а бабулі з дзядулямі будуць ведаць праўду, бо мы не апусцім рукі.



Я зычу кожнай сям’і міру і дабрабыту. Беражыце сябе і сваіх родных».

«Сенатар Менендэс, шаноўныя сябры камітэта, дзякуй за магчымасць пагаварыць з вамі пра цяжкае становішча дэмакратыі і правоў чалавека ў Беларусі і яго наступствы для рэгіянальнай бяспекі і глабальных інтарэсаў.

Я падзялюся з вамі кароткім каментаром, а таксама папрашу старшыню Менендэса прыняць мае паказанні для публічнай справаздачы.

У 2020 годзе беларусы прагаласавалі супраць Аляксандра Лукашэнкі і выйшлі з пратэстам супраць ягонай адмовы сысці ў адстаўку. Нелегітымны рэжым адказаў беззаконнымі рэпрэсіямі супраць палітычных сілаў, грамадзянскай супольнасці і СМІ. Сістэмныя рэпрэсіі закранулі літаральна ўсе пласты грамадства: жанчынаў і мужчынаў, дзяцей і пенсіянераў, працоўных і настаўнікаў, спартоўцаў і юрыстаў, медыкаў і рэлігійныя суполкі.

Арышты суправаджаюцца гвалтам, катаваннямі і абыходжаннем, якое прыніжае годнасць, што прыраўнянае да злачынстваў супраць чалавечнасці, гэта неаднаразова прызнавалася міжнароднай супольнасцю, у тым ліку ў дакладах экспертаў ААН і АБСЕ.

Рада Еўропы прыняла беспрэцэдэнтнае рашэнне: замарозіла ўсе кантакты з афіцыйным Мінскам і ўстанавіла супрацоўніцтва з дэмакратычнымі сіламі і грамадзянскай супольнасцю Беларусі, прызнаўшы іх прадстаўнікамі краіны і народа.

Святлана Ціханоўская

Пад эгідай кантактнай групы Рады Еўропы па супрацоўніцтве з Беларуссю нядаўна адбылася першая сустрэча, на якой абмяркоўвалася сітуацыя ў беларускіх незалежных медыя ў выгнанні і патрэбы незалежнай журналістыкі.

Чаму Рада Еўропы змяніла беларускага партнёра? Што набудуць дэмакратычныя сілы і што ад гэтага страціць рэжым Лукашэнкі? - «Наша Ніва» пагутарыла з Аляксандрам Шлыкам, спецыяльным дарадцам Святланы Ціханоўскай па выбарах і яе прадстаўніком у кантактнай групе Рады Еўропы.