25 лютага, Позірк. Затрымана не менш за чатыры супрацоўнікі кампаніі “Легіён-104”, якая займаецца абслугоўваннем публічных экранаў у Беларусі. Пра гэта 25 лютага паведаміў адзін з набліжаных да МУС тэлеграм-каналаў.

Затрыманне праводзілі супрацоўнікі Галоўнага ўпраўлення па барацьбе з арганізаванай злачыннасцю і карупцыяй (ГУБАЗіК). Тром мужчынамі і жанчыне, прозвішчы якіх не называюцца, інкрымінаваны ўдзел у акцыях пратэсту ў 2020 годзе.

24 лютага аб’яднанне супрацоўнікаў сілавых структур BelPol, якія перайшлі на бок народа, атрымала доступ да сістэмы публічных экранаў у Мінску для трансляцыі звароту Святланы Ціханоўскай з нагоды правядзення 25 лютага парламенцкіх выбараў і выбараў у мясцовыя саветы.

Паводле інфармацыі офіса Ціханоўскай, відэазварот мог быць паказаны больш чым на 2 тыс. экранаў у гандлёвых цэнтрах, буйных крамах, на станцыях метрапалітэна.

У сацыяльных сетках былі размешчаныя фатаграфіі з выявай экранаў, на якіх трансляваўся выступ.

У звароце, які доўжыцца каля 50 секунд, Ціханоўская выказала ўпэўненасць, што беларусы не забыліся, як сказалі “не” вайне і дыктатуры. “Сёння мы гаворым “не” фальшывым выбарам. Мы ўмеем змагацца. Мы ўмеем аб’ядноўвацца. Мы ўмеем перамагаць. Мы не спынімся, пакуль усе не будуць вольныя. Перамены ў Беларусі — задача кожнага з нас”, — заявіла дэмлідар.

Рэалізацыя праекта “пашпарта новай Беларусі” знаходзіцца на этапе “вырабу першых узораў”, праводзіцца закупка матэрыялаў для іх друку, паведаміла дэмакратычны лідар Святлана Ціханоўская 1 лістапада ў сваім тэлеграм-канале.

Пасля таго як узоры будуць гатовыя, іх перададуць “урадам краін-партнёраў з прапановай прызнаць новы дакумент”, удакладніла Ціханоўская. Паводле яе слоў, працягваюцца кансультацыі па праекце з замежнымі палітыкамі, іх “інфармуюць аб дзеяннях і планах”.

“Адначасова з палітычнай працай на міжнародным узроўні мы працуем над стварэннем органа выдачы. Гэта структура, якая будзе займацца ўсімі этапамі выпуску пашпартоў — ад прыёму заявак і іх праверкі да друку пашпартоў і захоўвання дадзеных. Забеспячэнне бяспекі ўсіх дзеянняў у працэсе выдачы пашпарта для нас прынцыпова важна”, — адзначыла дэмлідар.

Ціханоўская падкрэсліла, што “пашпарт новай Беларусі” не адмяняе неабходнасці легалізацыі ў краінах знаходжання: уладальнікам дакумента па-ранейшаму трэба будзе атрымліваць візы або від на жыхарства.

“Запуск вытворчасці і працэс прызнання новага беларускага пашпарта вельмі складаныя. Мы першыя ідзём па гэтым шляху не толькі ў сваёй краіне, але і ў свеце. Наша каманда з нуля распрацоўвае шматлікія тэхнічныя і юрыдычныя механізмы. Я вельмі спадзяюся на вашыя цярпенне і падтрымку”, — падсумавала Ціханоўская.

Сьвятлана Ціханоўская ў сваёй калёнцы для The Guardian заклікала Захад адмовіцца ад ілюзій наконт Аляксандра Лукашэнкі і ўзмацніць ціск на яго. Артыкул прымеркаваны да пачатку візыту Ціханоўскай у Вялікую Брытанію.

Ціханоўская заявіла, што рэжым Лукашэнкі «зьяўляецца дзяржаўным спонсарам тэрарызму»:

«The UK and the west need to fully grasp this point. We still pick up misguided signals from some allied nations that wish to believe Lukashenko is a man they can do business with. Some still like to think of him as a potential honest broker who, through no fault of his own, is trapped as a prisoner of geography and unwilling hostage of Putin. Nothing could be further from the truth.»

«Вялікая Брытанія і Захад павінныя цалкам зразумець гэты момант. Мы па-ранейшаму атрымліваем памылковыя сыгналы ад некаторых саюзных краін, якія хочуць верыць, што Лукашэнка — чалавек, зь якім яны могуць весьці справы. Некаторым да гэтага часу падабаецца думаць пра яго як пра патэнцыйнага сумленнага пасярэдніка, які не па сваёй віне апынуўся ў пастцы геаграфіі і міжвольным закладнікам Пуціна. Няма нічога больш далёкага ад праўды. Захаду трэба перастаць пападацца на яго хлусьню і зразумець, што Лукашэнка сьвядома жадае, каб Беларусь была васальнай дзяржавай Расеі», — напісала яна.

«The west needs to stop falling for his lies and understand that Lukashenko consciously desires Belarus to be a vassal state of Russia. Most Belarusians are quintessentially European, and wish to live peacefully in a democracy. They want Russian troops to be withdrawn from Ukraine and from Belarus immediately. They recognise that Lukashenko is a war criminal and hope that he will eventually face justice at the ICC.»

Ціханоўская падкрэсьліла, што большасць беларусаў па сваёй сутнасьці зьяўляюцца эўрапейцамі, хочуць мірна жыць ва ўмовах дэмакратыі:

«Яны хочуць, каб расейскія войскі былі неадкладна выведзеныя з Украіны і зь Беларусі. Яны прызнаюць, што Лукашэнка зьяўляецца ваенным злачынцам, і спадзяюцца, што ён урэшце паўстане перад судом», — напісала яна.

На яе думку, Вялікая Брытанія і Захад павінны цалкам падтрымліваць гэтыя стратэгічныя мэты. Яна заклікала да ўзмацненьня ціску на беларускія ўлады:

«Вялікая Брытанія першай увяла санкцыі супраць тырана і ягоных паслугачоў. Але гэта можа пайсьці далей. Нам трэба больш фінансавых і другасных санкцый, накіраваных на дзяржаўную эканоміку, якая падсілкоўвае выведвальнае ўпраўленне КДБ Лукашэнкі і ваенную машыну Пуціна», — адзначыла Ціханоўская.

theguardian.com