"Бурю внуть имея душепагубныя ереси, второй Иуда, Арий безумный..." (молитвослов) |
Молитвослов
Пресвятой и Животворящей Троице
Акафист
Кондак 4
Бурю внутро имея душепагубныя ереси, вторый Иуда, Арий безумный, отвержеся Тебе, Сына Божия, единаго от Пребожественныя Троицы быти; мы же, аще и ино лице Отчее, ино Сыновне, ино Святаго Духа, глаголем, но Отчее, Сыновнее и Святаго Духа едино Божество, равну силу, соприсносущно величество сердцем и устны исповедуем и, яко трисолнечным светом в купели крещения озареннии, Отцу, и Сыну, и Святому Духу, единому Богу покланяемся, зовуще: Аллилуия.
Икос 4
Слышавше пастырие и учителие Святыя Церкве Ария, яко лютаго зверя, вторгшася в словесное Христово стадо и восхищающа овцы от истиннаго исповедания православныя веры, сошедшеся в Никеи на Соборе, Бога, а не тварь, Христа исповедаша, и равна Отцу Сына и Святаго Духа чтуще, громогласие возгласиша:
Свят, Свят, Свят еси, Господи Боже наш, Боже Отче, Боже Сыне, Боже Душе Святый, единый истинный Боже, а не три бози; свят еси, Господи Боже наш, несозданный Отче, несозданный Сыне, несозданный Душе Святый, едине вкупе несозданне, а не три особь несозданны.
Свят еси, Господи Боже наш, Отец, раждаяй предвечно Сына, Сын, раждаемый безлетно от Отца, Дух Святый, из Негоже от век происходяй, но не раждаяся; свят еси, Господи Боже наш, Отец, воззвавый нас от небытия, Сын, искупивый нас падших Крестом Своим, Дух Святый, освящаяй и животворяй всех Своею благодатию.
Свят еси, Господи Боже наш, в духе, душе и теле нашем трехчастную скинию на вселение Свое основати благоволивый и всеконечне грехом разрушитися ей в нас не попустивый; свят еси, Господи Боже наш, знамение Триипостаснаго Существа Своего на всех делех рук Своих, в мире видимем и невидимем, положивый.
Свят, Свят, Свят еси, Господи Боже наш, помилуй ны, падшее создание Твое, имене ради Святаго Твоего.
Серия сообщений "толкование церковных терминов и понятий":
Часть 1 - Толкование церковных терминов и понятий: ТРОПАРЬ
Часть 2 - Тропарь на Рождество Христово
...
Часть 32 - Восемь главных страстей (христианское вероучение)
Часть 33 - Пасха. Суббота Светлой седмицы (праздники верующих христиан)
Часть 34 - "Бурю внуть имея душепагубныя ереси, второй Иуда, Арий безумный..." (молитвослов)
Часть 35 - "Основание, почему родители не должны прекращать своего занятия делом нравственно-религиозного воспитания..." (христианское вероучение)
Рубрики: | христианство/молитвослов христианство/Праздники верующих христиан христианство/христианские летописи |
Комментировать | « Пред. запись — К дневнику — След. запись » | Страницы: [1] [Новые] |