"Видев Тя Исаия на престоле высоце и превознесение..." (молитвослов) |
Молитвослов
Пресвятой и Животворящей Троице
Акафист
Кондак 2
Видев Тя Исаия на престоле высоце и превознесенне, глаголаше: "О окаянный аз, яко человек сый и нечисты устне имый, и Господа Саваофа видех очима моима". Егда же угль горящий, носимый от Ангела, прикоснуся устом его, чисте восхваляше Тебе, Отца, и Сына, и Святаго Духа, единаго Бога. Попали убо, о Пресвятая Троице, огнем Божества Твоего терние и наших многих беззаконий, да чистым сердцем возопием Тебе: Аллилуия.
Икос 2
Разум неуразуменный разумети ища великий во пророцех Моисей, глаголаше: "Яви мне лице Твое, да разумно вижду Тя". Ты же к нему: "Задняя Моя узриши, лице же Мое не явится Тебе: не бо узрит человек лице Мое и жив будет". Нам же, аще и недостойным, благоволил еси явити Себе в лице Единороднаго Сына Твоего. Темже благодарне вопием:
Свят, Свят, Свят еси, Господи Боже наш, Серафимов пламенногорящая Любы и Херувимов выну светящая Премудросте; свят еси, Господи Боже наш, небесных престолов превышниий Царю и премирных Господствий всеистинный Господи.
Свят еси, Господи Боже наш, Вышних Сил непобедимая Крепосте и Горних Властей Всемогущий Властителю; свят еси, Господи Боже наш, Архангелов всерадостное благовестие и Ангелов неумолкающая проповедь.
Свят еси, Господи Боже наш, разумных Начал верховное Всеначало, и всех прочих небесных чинов державный Повелителю; свят еси, Господи Боже наш, един имеяй безсмертие и живый во Свете Неприступнем, со избранными же Твоими, яко со други, лицем к лицу беседуяй.
Свят, Свят, Свят еси, Господи Боже наш, помилуй ны, падшее создание Твое, имене ради Святаго Твоего.
Рубрики: | христианство/молитвослов христианство/Праздники верующих христиан христианство/угодники Божии |
Комментировать | « Пред. запись — К дневнику — След. запись » | Страницы: [1] [Новые] |