Владыко Господи Боже наш, высокий и славный Человеколюбче, воздая противу трудом славу же и честь и причастники творя Своего Царства, помяни яко Благ нас нищих Твоих; яко имя Тебе Человеколюбец. Аще и добрых дел не имамы, но многия ради Своея милости спаси ны; мы бо людие Твои, и овцы паствины Твоея, и стадо, еже новоначат паствити, исторгнув от пагубы идолослужения.

 

Пастырю добрый, положивый душу Свою за овцы, не остави нас, аще и еще блудим; не отвержи нас, аще и еще согрешихом Ти, аки новокуплени раби, во всем не угодяще господину своему. Не возгнушайся, аще мало стадо, но рци к нам: Не бойся, малое Мое стадо; яко благоизволи Отец ваш Небесный дати вам Царствие.

 

Богатый милостию и Благий щедротами, обещавыйся приимати кающихся, ожидая обращения грешных, не помяни многих грех наших, приими ны обращающихся к Тебе, заглади рукописание соблазн наших, укроти гнев, имже прогневахом Тя, Человеколюбче; Ты бо ны еси Господь и власть или жити нам, или умрети. Утоли ж гнев, Милостиве, егоже достойни есмы по делом нашим, мимоведи искушение наше; яко персть есмы и прах, и не вниди в суд с рабом Твоим. Мы людие Твои в " Тебе ищем, Тебе мили ся деем, Тебе припадаем: согрешихом, злая сотворихом, ни соблюдохом, ни сотворихом, якоже заповеда нам; земнии суще, к земли приклонихомся, и лукавая содеяхом пред лицем славы Твоея, на похоти телесныя предахомся, поработахомся грехови и печалем житейским, быхом бегуни своего владыки, убози от добрых дел, окаянни злаго ради жития.

 

Плачемся, просим, и молим, и каемся своих злых дел в " просим, да страх Твой послеши в сердца наша, молим, да на Страшнем Суде помилуеши ны; ныне же спаси, ущедри, призри, посети, умилосердися, помилуй; Твое бо есмы создание, Твоею руку дела. Аще бо беззакония наша назриши, Господи, Господи, кто постоит? Аще бо воздаси комуждо по делом его, то кто спасется? Яко от Тебе очищение есть, от Тебе милость, избавление, и душа наша в руку Твоею, и дыхание наше в воли Твоей. Донеле ж бо благое призирание Твое на нас бяше, благо денствовахом; а егда с яростию призре на ны, ищезохом, аки утреняя роса, не постояхом, аки прах пред лицем ветру, и уж мали оставшеся милости просим.  

 

Помилуй ны, Боже, по велицей милости Твоей; все бо благо от Тебе к нам приходит; все бо неправедное от нас к Тебе; вси бо уклонихомся, несть от нас ни единого о небесных тщащася и подвизающеся, но вси о печалех житейских; яко оскуде преподобный на земли, не Тебе оставляющу и презрящу нас, но нам Тебе не взыскающих. Темже боимся, егда сотвориши на нас, яко на Иерусалиме, оставльшем Тя и не ходившим в пути Твоя. Но потерпи на нас и еще, Долготерпеливе, устави гневный Твой пламень, рабы Твоя Сам направляя на истину Твою, научая ны творити волю Твою, яко Ты еси Бог наш, и мы людие Твои, Твоя часть, Твое достояние. Не воздеваем рук наших к богу чужему, ни последуем лжепророку, ни учения еретического держим; но к Тебе вопием Истинному Богу и к Тебе, Живущему на Небесех, очи возводим, к Тебе руки наша воздеваем: изми ны из напасти, помилуй ны, призываяй грешники на покаяние, и на Страшнем Ти Суде деснаго стояния не отлучи ны, но благословения праведных причасти нас.  

 

И донеле же стоит мир, изми ны от руку чужих; и да не нарекутся людие Твои в " людие пагубнии, и стадо Твое в " пришельцы в земли не своей; да не рекут страны: Где есть Бог их? И не попущай на ны скорби, и гладу, и напрасных смертей, огня, и потопления, да не отымаются малодушнии милости Твоея. Мало показни, а много помилуй: мало уязви, а милостивно исцели; вмале оскорби, а вскоре обвесели, яко не терпит наше естество долго носити гнева Твоего, яко стеблие в " огня.  

 

Но укротися, умилосердися на люди Твоя: ратныя прожени, мир утверди, а страны укроти, град угобзи, благовернаго князя нашего (имярек) языком огради, боляры умудри, грады рассели, Церковь Твою возрасти, достояние Твое соблюди, мужи, и жены, и младенцы спаси, сущая в работе, и в пленении, и в заточении, и на путех, и в плаваниих, в темницах, и в алкоте, в жажди, и в наготе в " вся помилуй, вся утеши и обрадуй, радость творя им душевную и телесную, молитвами Пречистыя Ти Матере, и Святых Небесных Сил, и Предтечи Твоего Крестителя Иоанна, апостол, и пророк, и мученик,и преподобных, и всех святых.  

 

Умилосердися на ны, да милостию Твоею пасоми в единении веры, вкупе и в веселии радостно славим Тя Господа нашего Иисуса Христа с Отцем и Пресвятым Духом, Троицу Нераздельну, Единобожественну, Царствующу на небеси и на земли, в " ангелом и человеком, видимей и невидимей твари, ныне и присно и во веки веков. Аминь.

Серия сообщений "Молитвы ":
Часть 1 - ЦАРИЦЕ МОЯ ПРЕБЛАГАЯ
Часть 2 - Молитва друга. Случай на чеченской войне
...
Часть 41 - Молитва Царя Манассии
Часть 42 - Иисусова молитва спасла попугая
Часть 43 - Общая покаянная молитва святого митрополита Илариона Русского
Часть 44 - 18 марта 2020 года Св.Синод УПЦ МП постановил в период вызванного коронавирусом карантина ежедневно совершать на литургии особую молитву
Часть 45 - Молитва трёх отроков в печи. Книга пророка Даниила.
...
Часть 47 - Схиигумен Гавриил о важности всенародной соборной молитвы в нынешних условиях
Часть 48 - Пасха! Христос воскресе!
Часть 49 - Как молиться после Пасхи.