Творение святителя Димитрия Ростовского





Один старец от Богоносных Отцев, стоя на молитве и быв в восторзе, слышал глас Господа нашего Иисуса Христа, глаголющий с Пречистою и Пресвятою Богородицею, Материю Своею, рекши к Ней:

— Рцы Мне, Мати Моя, колико болезней наибольших, живущи на свете, претерпела еси Мене ради?

И рече Пресвятая: — Сыне и Боже Мой! Наибольших пять болезней Тебе ради претерпела:


первая — егда услышала от Симеона Пророка, еже имел еси убиен быти;

вторая — егда, ищущи Тебе во Иерусалиме через три дня, Тя не видела есмь;

третья — егда Тя поймана и связана от жидов услышала;

четвертая — егда Тя на кресте между разбойниками Распятаго видела;

пятая — егда Тя видела во гробе полагаема.


И рече к Ней Господь:

— Глаголю Тебе, Мати Моя: аще кто каждую болезнь Твою на кийждо день прочтет с молитвою Моею, сие есть "Отче наш” и Архангельское обрадование, сие есть "Богородице Дево, радуйся”

за первую болезнь дам ему познание грехов и жаление о них;

за вторую — дам ему всех грехов прощение;

за третию — возвращу ему добродетели его, через грехи изгибшия;

за четвертую — напитаю его, при смерти его, Телом и Кровию Моею Божественною;

за пятую — явлюся ему Сам при смерти его и прииму душу его в живот вечный. Аминь.”


По видению этого Богоносного старца, святителем Димитрием Ростовским было сложено далее следующее молитвословие.

Начало к сим молитвам:

Слава Тебе, Христу Богу моему, не погубившему мя грешнаго со беззаконьми моими, но даже доселе грехом моим потерпевшему.

(Поклон)

Сподоби, Господи, в день сей без греха сохранится нам; даруй ми, Господи, да ни словом, ни делом, ни помышлением прогневаю Тя, Создателя моего, но вся дела моя, советы и помышления да будут во славу Пресвятаго имени Твоего.

(Поклон)

Боже, милостив буди мне, грешному, во всей жизни моей: во исходе моем и по кончине моей не остави мене.

(Поклон)

Сие, падши ниц на земли, глаголи:

Господи Иисусе Христе, Сыне Божий, приими умершаго мя душею и умом. Приими мя грешнаго, блудника, сквернаго душею и телом. Отыми неприязнь безстудную и не отврати лица Твоего от мене, не рцы, Владыко: не вем, кто еси, но вонми гласу моления моего; спаси мя, яко имеяй множество щедрот и не хощеши смерти грешника, не оставлю же Тя, Создателя моего, и не отступлю от Тебе, довдеже послушаеши мя и даси всем грехом моим прощение, молитв ради Пречистыя Матери Твоея, предстательствы честных Небесных Сил безплотных, святаго славнаго Ангела хранителя моего, пророка же и предтечи Твоего Крестителя Иоанна, богоглаголивых Апостол, святых и добропобедных мученик, Преподобных и Богоносных отец наших и всех Твоих святых, помилуй и спаси мя грешнаго. Аминь.


Царю Небесный... Трисвятое... Отче наш... Яко Твое есть Царство и Сила и Слава во веки. Аминь. Богородице Дево, радуйся...


По сем:

Молитва 1

О, Мати Милосердая, Дево Марие, аз грешный и непотребный раб Твой, воспоминаючи Твоя болезни, егда Ты услышала от Симеона пророка о немилостивном убиении Сына Твоего, Господа нашего Иисуса Христа, приношу сию тебе молитву и Архангельское обрадование, приими в честь и память болезней Твоих и умоли Сына Твоего, — Господа нашего Иисуса Христа, да дарует ми познание грехов и жаление о них.

(Поклон)

Молитва 2


Отче наш... Яко Твое есть Царство... Богородице Дево, радуйся...


О, Богоблаженная и Пренепорочная Отроковице, Мати и Дево, приими от мене, грешнаго и непотребнаго раба Твоего, сию молитву и Архангельское обрадование в честь памяти болезни Твоея, егда позабыла Сына Твоего, Господа нашего Иисуса Христа, в церкви и через три дни Его не видела еси; умоли Его и испроси у Него всех грехов моих прощение и оставление, Едина Благословенная.

(Поклон)


Молитва 3

Отче наш... Яко Твое есть Царство... Богородице Дево, радуйся...


О, Мати света, Преблагословенная Дево Богородице, приими от мене, грешнаго и непотребнаго раба Твоего, сию молитву и Архангельское обрадование, в честь и память болезни Твоея, егда Сына Твоего, Господа нашего Иисуса Христа, поймана и связана слышала еси. Умоли Его, да возвратит мне добродетели, через грех изгибшия, да Тя, Пречистая, во веки величаю.

(Поклон)


Молитва 4


Отче наш... Яко Твое есть Царство... Богородице Дево, радуйся...


О, Милосердия Источниче, Дево Богородице, приими от мене, грешнаго и непотребнаго раба Твоего, сию молитву и Архангельское обрадование в честь и память болезни Твоея, егда на кресте между разбойники видела еси Сына Твоего, Господа нашего Иисуса Христа, Егоже умоли, Владычице, да подаст ми дар милосердия Своего в час смерти моея и да напитает мя Телом и Кровию Своею Божественною, да Тя, Заступницу, славлю во веки.

(Поклон)


Молитва 5


Отче наш... Яко Твое есть Царство... Борогодице Дево, радуйся...


О, Надеждо моя, Пречистая Дево Богородице, приими от мене, грешнаго и непотребнаго раба Твоего, сию молитву и Архангельское обрадование в честь и память болезни Твоея, егда видела еси Сына Твоего, Господа нашего Иисуса Христа, во гробе полагаема, Егоже умоли, Владычице, да явится мне в час смерти моея и да приимет душу мою в живот вечный. Аминь. (Поклон)

О, Премилостивая Дево, Госпоже Богородице, чадолюбивая Горлице, небесе и земли Самодержавная Царице, любезная Приемнице всех, простирающих к Тебе свои мольбы, печальных Утешительнице, приими от мене, грешнаго и непотребнаго раба Твоего, пяточисленное сие моление, в нем же воспоминаю земные и небесныя Твоя радости, умильно вопиюща к Тебе сице:


(Земные радости) Радуйся, заченшая во чреве без семене Христа Бога нашего. Радуйся, во чреве без болезни носившая Того. Радуйся, порождшая чудным смотрением. Радуйся, восприимшая от волхвов-царей дары и поклонение. Радуйся, яко обрела еси посреди учителей Своего Сына и Бога. Радуйся, яко рождество Твое преславно из мертвых воста. Радуйся, видевшая возносящагося Своего Создателя, к Нему же сама душею и телом возшла еси.


(Небесные радости) Радуйся, девства ради Своего, паче ангел и всех святых Преславная. Радуйся, близ Пресвятыя Троицы просияющая. Радуйся, Миротворице наша. Радуйся, Властительнице, обладающая всеми небесными силами. Радуйся, паче всех дерзновение к Сыну и Богу Своему имущая. Радуйся, милосердая Мати всем, к Тебе прибегающим. Радуйся, яко Твое веселие во веки не скончается!


И мне недостойному, по неложному обещанию Твоему, в день исхода моего милостива предстани, да Твоим руководством управлен буду к горнему Иерусалиму, в нем же прославленно царствуеши с Сыном Твоим и Богом нашим. Ему же подобает всякая слава, честь и поклонение со Отцем и с Пресвятым Духом в безконечныя веки веков. Аминь.

От скверных устен моих, от мерзкаго сердца, от нечистаго языка и от души оскверненной приими, Госпоже Царице, сие похваление, Радосте моя. Приими, якоже вдовий прияла сии две лепты, и даруй ми принести Твоей благости дар достоин. О, Владычице моя, Пречистая Дево, Небесная Царице, якоже хощеши и волиши, паче же научи мя, что ми подобает Тебе, Матери Божией, глаголати к Тебе единой грешных прибежищу и решению. Радуйся, Владычице, да и аз, многогрешный раб Твой, радостно зову Тебе, воспетой Матери Христа Бога нашего. Аминь.

На Твой Пресвятый образ взирая, яко истинную самую Тя зрю Богородицу, верою сердечною от души припадаю и поклоняюся с Предвечным на руку Твоею держимым Младенцем, Господом нашим Иисусом Христом, боголепно почитаю и молю Тя со слезами, покрый мя покровом Твоим, от враг видимых и невидимых, Ты бо род человеческий ввела еси в Царство Небесное. Аминь.


По сем:

Достойно есть, яко воистину... Слава и Благодарение Господу за все!

«Молитвословия и Псалтирь ко Пресвятой Богородице», УПЦ МП, Полтавская епархия, Спасо-Преображенский Мгарский монастырь, 2001г., стр. 468-476

Серия сообщений "Молитвы ":
Часть 1 - ЦАРИЦЕ МОЯ ПРЕБЛАГАЯ
Часть 2 - Молитва друга. Случай на чеченской войне
...
Часть 29 - Настоящая молитва начинается с боли... Преподобный Паисий Святогорец
Часть 30 - Молитва преподобного Анатолия Оптинского (Потапова) против антихриста
Часть 31 - Пяточисленные молитвы в память пяти болезней наибольших , живущи на свете, претерпела Богородица ради Сына Своего...
Часть 32 - Взбранной Воеводе пред иконой "Стой за Христа до мученического креста"
Часть 33 - «Молись Божией Матери и как мож­но чаще читай "Богородице Дево, радуйся".
...
Часть 47 - Схиигумен Гавриил о важности всенародной соборной молитвы в нынешних условиях
Часть 48 - Пасха! Христос воскресе!
Часть 49 - Как молиться после Пасхи.

Серия сообщений "Молитвы, песнопения":
Часть 1 - Воскресение Христово видевши
Часть 2 - Царице моя преблагая
...
Часть 29 - Праздник Крестовоздвижения
Часть 30 - КСЕНИЯ БЛАЖЕННАЯ , ПОМОГИ, РОДНАЯ.
Часть 31 - Пяточисленные молитвы в память пяти болезней наибольших , живущи на свете, претерпела Богородица ради Сына Своего...
Часть 32 - Кресту Твоему покланяемся Владыко
Часть 33 - Величит душа Моя Господа ( Честнейшую Херувим )
Часть 34 - Благовещенье... Днесь спасения нашего главизна
Часть 35 - Тимур Кибиров. Их-то Господь вон какой...
Часть 36 - Македонская Литургия

Серия сообщений "Богородица, что мы знаем о Ней":
Часть 1 - Святые отцы о Богоматери, какая Она была...
Часть 2 - Введение во храм Пресвятой Богородицы. Три подвига Богоматери
Часть 3 - Пресвятой Богородице даны особенная сила и власть, ходатайствовать пред Богом о человечестве.
Часть 4 - Литургическое прославление Божией Матери
Часть 5 - Пяточисленные молитвы в память пяти болезней наибольших , живущи на свете, претерпела Богородица ради Сына Своего...
Часть 6 - Крещение - Второе Рождение. ...Он родил Меня вторым Рождением. Кто крестил Пречистую Богородицу? Свидетельства Священного Предания
Часть 7 - Взбранной Воеводе пред иконой "Стой за Христа до мученического креста"
...
Часть 19 - Святитель Димитрий Ростовский: Житие святых и праведных Богоотец Иоакима и Анны
Часть 20 - Григорий Палама, омилия 18, в Неделю Жен Мироносиц,В ней же говорится также и о том, что первая Богородица узрела Господа Воскресшаго из мертвых
Часть 21 - Об успении Божьей Матери. Святитель Димитрий Ростовский.