Шуҳратжон АҲМАДЖОНОВ
ВАШИНГТОНДА ЖАНЖАЛ БОШЛАНДИ
КИРИШ
Мен 2010 йил январ ойидан АҚШда ва 2012 йил апрел ойидан Вашингтон шаҳрида яшамоқдаман. Мен шанба куни Эстерн бозорида ва якшанба куни Дюпон Cеркл бозорида Street Sense газетасини сотиш орқали тирикчилик қилмоқдаман.
Мени Дюпон Cеркл бозоридан ҳайдаб чиқариш учун мен газета сотаётган жойга кўп марта Street Sense газетасини сотувчи провокаторларни жўнатишди. Уларнинг режаси оддий эди: агар мен ўша провокаторлар билан жой талашиб жанжаллашсам менга ҳам, унга ҳам бозорда газета сотишни кўпгина йилга тақиқ қўйишарди. Мен провокация эканлигини тушуниб уларни аввалига огоҳлантирдим. Улардан бирортаси кетмади. Шу сабабли уларни фотоаппаратим ва телефонимга суратга тушириб олдим. Кейинги ҳафта газета олиш учун Street Sense газетаси идорасига борганимда менеджерга суратларни кўрсатиб газета сотувчиси ҳақидаги қонунни бузиб бозорда провокаторлик қилгани ҳақида айтдим (фотосуратларни Иловада келтирдим). Шу йўл билан Федерал қидирув бюроси агентлари ва улар билан боғлиқ шахслар режалаган бозордан ҳайдаб чиқариш режасини кўп марта барбод қилдим. Шу сабабли улар қуйидаги усулни 2023 йил менга қарши қўллашди.
2023-йил 6-август (якшанба) куни Дюпон Cеркл бозори менеджери жаноб Томас Коулман ва полиция ходими Э. Нотон (E. Naughton) менга “Тақиқлаш ҳақидаги билдирги” (“Barring Notice”) ни беришди. Унда менинг беш йил давомида якшанба кунлари соат 8:30 дан 13:30 гача, яъни бозор вақтида келишим тақиқлангани ҳақида ёзилган. Мен ўзбек, мусулмон, қочқин, инсон ҳуқуқлари ҳимоячиси бўлганим ва журналистик фаолиятим туфайли бу ирқий камситишдир, деб ҳисоблайман.
2012-2020 йиллар давомида полиция ходимлари кўп марта “Тақиқлаш ҳақидаги билдирги” (“Barrin Notice”) бериб мени уч йилдан беш йилгача айрим МакДоналдс ресторанлари ва йирик озиқ-овқат дўконларига киришимни тақиқлашган. Бу билан улар кўп марта асоссиз равишда мени ирқий камситишган.
АҚШда федерал миқёсда фаолият юритувчи ягона инсон ҳуқуқлари ташкилоти бўлмиш Америка фуқаролик эркинликлари иттифоқи (АФЭИ - American Civil Liberties Union (ACLU)) бор. Мен унга 2021 йилдан бери аъзоман. Ҳар бир штатда, шу жумладан Вашингтон шаҳрида АФЭИ нинг қонунчилик идораси бор. Мен Ню-Йорк шаҳрида жойлашган АФЭИнинг раҳбари ва Вашингтондаги АФЭИ қонунчилик идораси раҳбариятига шикоят ёзиб ноқонуний тақиқни бекор қилишга ва Дюпон Cеркл бозорида Street Sense газетасини сотишни давом эттиришимга ёрдам сўрадим. Хатларни 2023 йил 31 август куни жўнатдим.
Мен олдин Америка фуқаролик эркинликлари иттифоқига шикоят хатимни жўнатиш, кейин улар ёрдами ва маслаҳати билан судга шикоят аризасини беришни режалаштиргандим.
Ню-Йорк шаҳрида жойлашган АФЭИнинг бош идорасининг ҳуқуқшунос ёрдамчиси ва қабул бўйича менеджери Элейн Стэмп менга 2023 йил 19 сентябр куни жўнатган хатини 4 октябр куни олдим. Мен уларга хатимни инглиз тилида ёзиб жўнатгандим. У жавоб ҳатни менга рус тилида ёзиб жўнатибди. Бу мени таажжублантирган биринчи ҳолатдир.
Мени таажжублантирган иккинчи ҳолат сабаби у бундай ёзганлигида: “Чтобы мы могли общаться быстрее, чем это позволяет обычная почта, есть ли у вас адрес электронной почты, который мы можем использовать?” (“Оддий почта имкон берадиганидан тезроқ мулоқот қилишимиз учун сизда биз фойдаланадиган электрон почта борми?”).
Мен 31 август куни жўнатган хатим охирида бундай ёзгандим: “P.S.1. I think I need to sue. I need a lawyer. Please, I need to meet with you and discuss this problem. My contact emails: havassh54@gmail.com , maqsadsh54@gmail.com , jiz54@mail.ru”. (“P.S.1. Мен судга беришим керак деб ўйлайман. Менга адвокат керак. Илтимос, мен сиз билан учрашиб, бу муаммони муҳокама қилишим керак. Менинг электрон почта манзилларим: havassh54@gmail.com , maqsadsh54@gmail.com , jiz54@mail.ru”)
Элейн Стэмп хоним ўз хатида АФЭИнинг Вашингтон шаҳридаги қонунчилик идорасида 4 октябр куни муҳокама қилишлари ҳақида ёзган. Муҳокама натижаси менга ҳозирча номаълум. Жавоб хати келмади.
Қуйида Америка фуқаролик эркинликлари иттифоқининг Ню-Йорк ва Вашингтон шаҳарларидаги идорасига 31 август куни юборган хатимни ўзбек тилиги ўгириб келтирдим. Ушбу мақолам иловасидаги суратлар ва маълумотларни фақат ўзбек тилидаги мақолам матнида келтирмоқдаман. Яъни бундай илова рус ва инглиз тилидаги мақолам матнида келтирмаганман.
---------------------------------------
Shuhratjon Ahmadjonov
Mail address: 216 Tulip Dr.,
Gaithersburg, Maryland, 20877
Wendor in Street Sense
Office Street Sense: 1317 G St NW, Washington, DC 20005
August 15-29, 2023
Board of Directors ACLU of DC
American Civil Liberties Union Washington Legislative Office
915 15th St NW, Washington, DC 20005
Ҳурматли ______________________________________
Мен 2012 йилнинг кузидан бери Дюпон Cеркл бозорида Street Sense газетасини сотаман. Бозор фақат якшанба кунлари соат 8:30 дан 13:30 гача ишлайди.
Сурат 1. Мен Дюпон Cеркл бозорида 2021 йил иккинчи ярмидан 2022 йил биринчи ярми давомида Street Sense газетасини сотган жойим. Вашингтон шаҳри. 2021 йил 4 июл – АҚШ Мустақиллик байрами куни.
2023 йил 6 август (якшанба) куни Дюпон Cеркл бозори менеджери жаноб Томас Коулман ва полиция ходими Э. Нотон (E. Naughton) менга “Тақиқлаш ҳақидаги билдирги” (“Barring Notice”) ни беришди (2-суратга қаранг). Унда айтилишича, мен беш йил давомида якшанба кунлари соат 8:30 дан 13:30 гача, яъни бозор фаолияти вақтида келишим тақиқланган. Менимча, ушбу тақиқлаш орқали улар мени ирқий камситишди (дискриминация).
Ўзбекча-инглизча таржима дастурлари, жумладан www.translate.google.com ёмон ва нотўғри таржима қилади. Шунинг учун мен рус тилида шикоят ёздим ва уни www.translate.google.com дастури ёрдамида инглиз тилига таржима қилдим. Инглиз тилига таржима қилишда йўл қўйилган хатоларим учун узр сўрайман.
Сурат 2. Томас Коулман жаноблари томонидан тайёрланган ва менга берилган “Тақиқлаш ҳақидаги билдирги” (“Barrin Notice”).
Энди воқеалар тафсилотига ўтсам бўлади. 2023 йил 30 июл (якшанба) куни соат 13:20 да жаноб Томас Коулман олдимга келди ва суратга олиш ҳақида гапира бошлади. Инглиз тилидаги оғзаки сўзларни тушунишим қийин. Мен сумкамдан қоғоз ва ручка олиб, "Илтимос, айтаётан гапларингизни ёзинг", дедим. У қуйидаги гапларни ёзди (3-суратга қаранг).
Сурат 3. Жаноб Томас Коулман 2023 йил 30 июл куни ёзган хат.
Жаноб Томас Коулман 2023 йил 30 июл куни ёзган хат матни.
«I have recived complaints from Spring Vallet that their Staff feel uncomfortable havis their pictures taken.
Since many of them are under age and there is no reason to take their photo, I have asked that you refrain from photographing them.
Thomas Coleman
Dupont farmers Market Manager
tommy@ffm.org Katie@ffm.org Itugo@ffm.org
July 30, 2023»
Инглиз тилидан ўзбек тилига мен ўгирдим.
“Спринг Валлет ходимлари суратга тушганда ўзларини ноқулай ҳис қилишлари ҳақида мен улардан шикоятлар олдим.
Уларнинг кўпчилиги вояга етмаганлар бўлгани ва уларни суратга олишдан маъно йўқлиги сабабли уларни фотосуратга олишдан тийилишингизни сўрайман.
Томас Коулман
Дюпон фермерлар бозори менеджери
tommy@ffm.org Katie@ffm.org Itugo@ffm.org
2023 йил 30 июл”
Мен жаноб Томас Коулманнинг сўзларини тингладим ва унинг хатини ўқидим (3-фотога қаранг). Мен бундай тушундим: у мендан Спринг Валлет ишчиларини суратга олмасликни сўради. Бу менинг суратга олиш ҳуқуқларимни чеклайди, деган хулосага келдим. Бошқа америкаликларнинг ҳуқуқларига нисбатан менинг ҳуқуқларимнинг чекланиши ирқий камситишдир (дискриминациядир). Шунинг учун мен унга: “Бу дискриминация”, дедим. У ҳеч нарса демади ва кетди.
Мен одамлар билан, шу жумладан менеджер билан зиддиятни ёқтирмайман. Шунинг учун, кейинги якшанба - 2023 йил 6-август куни, мен бозордаги сотувчиларни, шу жумладан Спринг Валлет ишчиларини суратга олмадим.
6 август соат 13:20 да жаноб Томас Коулман менинг олдимга яна келди. У бозорда ҳамма жойда суратга тушириш ҳақида гапира бошлади. Мен: "Агар мени ёки менинг мижозимни фотосуратга олишаётган бўлса, мен баъзан ўша одамни фотосуратга оламан" дедим. Бир ёш аёл келди. Томас бу назоратчи (супервайзер) эканлигини айтди. Жаноб Томас Коулман давом этиб яна гаплар айтди. Мен оғзаки сўзларни яхши тушунмайман. Мен сумкачамдан қоғоз ва қалам олиб, “Илтимос, айтган гапларинизни ёзинг”, дедим. У қоғозни олишдан бош тортди ва гапида давом этди. Мен телефонимни чиқариб, кейинроқ тушуниб олишим учун унинг нутқини видеога олмоқчи болдим. Назоратчи аёл кетди. Томас чап тарафга ўтиб, қаергадир қўнғироқ қилди ва ким биландир маслаҳатлаша бошлади.
Жаноб Томас Коулман тез орада қайтиб келиб, менинг исмим ва фамилиямни сўради. Мен унга яна бир бор қоғоз ва ручкани узата туриб дедим: “Менинг исмим Шуҳратжон. Мен оғзаки гапларни яхши тушунмайман. Илтимос, айтаётган гапларингизни шу қоғозга ёзинг". У ўз қўлидаги телефонини ёққан ҳолда мен томонга йўналтириб нимадир гапира бошлади ва мени видеога тушира бошлади. Мен ҳам телефонимни ёқдим, уни ва нутқини телефонимга видеосуратга ола бошладим. У ўнг тарафга ўтиб, телефонда ким биландир гаплашди. Мен сумкачамдан ҳужжатимни олиб, унга кўрсатдим. У телефони билан ҳужжатимни суратга олди. Мен жойимга қайтдим. Бу пайтда бозорнинг иш вақти тугаб, барча сотувчилар ўз нарсалари ва маҳсулотларини йиғиштира бошлади. Мен ҳам нарсаларимни йиғиб, четга олиб ўтдим.
Жаноб Томас Коулман ва полициячи келди. Полициячининг қўлида "Тақиқлаш тўғрисида билдирги" («Barring Notice») қоғоз варағи бор эди (2-суратга қаранг). У саволлар бера бошлади: “Сизнинг вазнингиз қанча...” Мен унга дедим: “Жаноб Томас Коулман мени нимада айблаётганини билмайман. Мен ўқиб кўришим керак." Полициячи Билдиргини берди ва ўқиб чиқдим. Мен Билдиргидаги “Reason for Issuing Barring Notice” (“Тақиқлаш тўғрисида билдиргини бериш сабаби”) сатрини кўчириб ёзиб олдим. Мана ўша айблов.
«Continued targeted harassment of workers of the Farmers market, unwanted photos of women and minors» (“Деҳқон бозори ишчиларини мақсадли таъқиб қилишнинг давом этиши, аёллар ва вояга етмаганларни исталмаган фотосуратларга олиш”)
"Тақиқлаш тўғрисида билдирги"нинг юқори қисмида қуйидаги сўзлар ёзилганди.
“BARRING NOTICE
The below named person was found on the premises owned, occupied or managed by _Fresh Farm . This same person is hereby warned to stay off the property and grounds there of known as _________________ at (address) 20th/Q St NW and (if applicable, other property owned/occupied/managed by same) 1500 Block of 20th St at ________________________ (address) _________________________ . There is no exception to this notice. Failure to heed this warning shall result in the prosecution for Unlawful under D.C. Code 22-3302.
Name of Barred Individual (Last, First, Middle: __Ahmadjonov, Shuhratjon__”
Ушбу матнни инглиз тилидан ўзбек тилига мен ўгирдим.
"ТАҚИҚЛАШ ТЎҒРИСИДАГИ БИЛДИРГИ
Қуйида кўрсатилган шахс _Fresh Farm га тегишли, эгаллаб турган ёки бошқариладиган мулкдан топилган. Худди шу шахсга __20/Q St NW__ манзилидаги (манзил) ва (агар мавжуд бўлса, унга тегишли бўлган/ишғол қилинган/бошқа мулк) __1500-blok, 20-chi ko'cha (1500-блок, 20-чи кўча) деб номланувчи кўчмас мулк ва ҳудуддан узоқроқ туриши ҳақида огоҳлантирилади. Манзил _____________________________ (манзил) _________________________ . Ушбу билдиргида истиснолар йўқ. Ушбу огоҳлантиришга риоя қилмаслик Колумбия Округи Кодексининг 22-3302 (моддаси) бўйича айбловга олиб келади.
Тақиқланган шахснинг исми шарифи (фамилияси, исми, отасининг исми: __Ahmadjonov, Shuhratjon__"
Варақнинг пастки қисмида, охирги қаторда қуйидаги сўзлар ёзилган:
«Barring Notice is in effect for 5 years unless cancelled in writing. Sundays 8:30 am – 1:30 pm»
("Тақиқлаш тўғрисидаги билдирги, агар ёзма равишда бекор қилинмаса, 5 йил давомида амал қилади.
Якшанба кунлари соат 8:30 дан 13:30 гача”)
Мен айблов сатрини кўчириб ёзиб олдим ва варақни полициячига қайтариб бера туриб дедим: “Бу ирқий камситиш. Илтимос, менга ушбу ҳужжат нусхасини беринг”.
Полициячи: "Ҳужжатнинг нусхаси йўқ", деди. Мен полициячининг исми ва нишон рақамини ёзиб олдим: E. Naughton. Кўкрак нишони 5033.
“Илтимос, бу айбловларни ҳужжатнинг тоза нусхасига (бланкага) кўчириб олиб менга беринг”, дедим. Менеджер Томас Коулман қайта ёзишдан бош тортди. Полиция зобити Э.Нотон ҳужжатнинг тоза нусхасига кўчириб ёзиб, жаноб Томас Коулманнинг имзосини олди ва менга берди.
Мен жаноб Томас Коулманга: “Ҳужжатга “БУ ИРҚИЙ КАМСИТИШ” деган сўзларни ёзмоқчиман”, дедим. У қўлидаги “Тақиқлаш тўғрисида билдирги”ни менга беришдан бош тортди ва тезда жўнаб кетди.
Эътибор беринг: “Тақиқлаш тўғрисида билдирги” ҳужжатида айбланувчи, жумладан мен, ўз фикримни ёзишим учун тоза қаторлар йўқ. Бундай Билдирги Америка Қўшма Штатларининг ишсиз ва уйсиз фуқароларига, жумладан Вашингтон шаҳри (Колумбия Округи) да яшовчи ишсиз ва уйсиз фуқароларга қарши кураш учун ишлаб чиқилган ва қўлланилмоқда.
“Тақиқлаш тўғрисида билдирги” да ёзилган айбловларга қисқача жавоб берай.
"Бозордаги ишчиларини мақсадли таъқиб қилиш давом этмоқда" деган сўзлар нимани англатади? Мен Фермерлар бозори ишчиларини 2023-йил 6-август куни, яъни менеджер жаноб Томас Коулманнинг 2023-йил 30-июлдаги ёзма сўровидан кейин суратга олмадим. Демак, "Давом этаётган" ҳақида, "мақсадли таъқиб" ҳақида ёзиш учун ҳеч қандай сабаб йўқ. Бу шунчаки ирқий камситиш мақсадида менга нисбатан туҳматдир.
Энди "аёллар ва вояга етмаганларни исталмаган фотосуратларга олиш" айблови ҳақида. Савол туғилади: жаноб Томас Коулман "исталмаган фотосуратларга олиш" сўзлари билан нимани назарда тутади? Мен оммавий бозор марказида газета сотдим, у жуда гавжум. Бу ерда қандай қилиб "исталмаган фотосуратлар" олиш мумкин? Айниқса, вояга етмаганларнинг суратларини?
Аёллар ва вояга етмаганларнинг исталмаган фотосуратлари мени қизиқтирмаслигига доир учта асос кўрсатишим мумкин. Биринчидан, университетда беш йил ўқиганман, дипломим бор, касбим бўйича ўқитувчиман. Иккинчидан, мен 69 ёшдаман, пенсия ёшидаги одамман. Учинчидан, мен мусулмонман ва вояга етмаганларнинг суратларига умуман қизиқмайман.
Хулоса қилиб айтганда, 2023 йил 30 июл ва 6 август кунги айбловлар туҳмат ва мени ирқий камситишдир, ва Дюпон Cеркл бозорида газета сотишимга халақит бериш учун олдиндан режалаштирилган ПРОВОКАТСИЯдир. Федерал Қидирув Бюроси (ФҚБ) агентлари ишининг асосий усулларидан бири Провокациядир. Демак, менимча, бу уюштирилган провокациялар ортида ФҚБ агентлари ва улар билан алоқадор шахслар турибди.
Муҳим таъкид: агар менеджер Томас Коулманнинг "аёллар ва вояга етмаганларнинг исталмаган фотосуратлари" ҳақида изоҳи бўлса, мен қоғозга ёзишни сўраганимдек, у ёзма равишда тушунтириши ва биринчи марта мени огоҳлантириши керак эди. У ва уларнинг орқасидаги амалдорлар менга 5 йил муддатга амал қиладиган “Тақиқлаш тўғрисида билдирги”ни беришди. Бу факт ҳам менга қарши провокация ва ирқий камситиш атайлаб уюштирилганини исботлайди.
Айтишим ўринли: Вашинтон шаҳрида 2012 йил ноябр ойидан бери 25 марта ўғирлик ва тўрт марта босқинчилик уюштиришиб, сумкаларим ва нарсаларимни олиб кетишди. Мендан учта ноутбук, учта қимматбаҳо телефон ва бошқа журналистик нарсаларимни ўғирлаб кетишди. Кўп марта полицияга қўнғироқ қилдим, улар жиноий иш қўзғатишмади. “Street Sense” газетасини сотиш вақтида ҳам бир неча марта ўғирлик содир этишди. Шунинг учун мен ўғирликнинг олдини олишга ҳаракат қиламан ва баъзида нарсаларим ёнида узоқ вақт турган шубҳали одамни суратга оламан. Агар алоҳида фотосурат бўйича бошқа савол бўлса, мен ўша суратга доир аниқ жавоб беришим мумкин.
Айтишим керакки: мен бундай баҳсларда ҳеч қачон ҳеч кимга таҳдид қилмайман. Мен ҳуқуқ ҳимоячисиман, баъзида “Ҳужжатнинг нусхасини беринг, даъволарингизни қоғозга ёзинг, судга даъво қиламан”, дейман. Айрим ФҚБ агентлари ва расмийлари буни таҳдид сифатида тушунишади. Даъво аризаси таҳдид эмас, балки шахснинг фуқаролик ҳуқуқларидан биридир.
Мен қочқинман ва уйсизман. ФҚБ агентлари ва улар билан алоқадор одамлар 13 йилдан ортиқ вақт давомида мени кечалари кўп марта наркосўроқ ўтказишган ва суратга олишган. Улар аудио ва видеоларни монтаж қилиш учун катта имкониятларга эга. Агар амалдорлар мен таҳдид қилган видеони кўрсатишса, демак бу монтаж қилинган видеодир.
Савол туғилади: мени айнан 2023 йил 30 июл ва 6 август кунлари таъқиб қилишларига нима сабаб бўлди? Бу менинг танқидий таклифларимдан бири билан боғлиқ. Воқеа тафсилоти бундай.
Street Sense газетаси 2021 йилнинг апрелигача ҳар икки ҳафтада бир марта нашр этилди. Газета 2021 йил апрел ойидан бошлаб ҳафталик нашрга айланди. Бугунги кунга келиб энергия нархининг ошиши, ижара ҳақи ва газета ишлаб чиқаришнинг бошқа харажатлари ошганлиги туфайли ҳафталик газета чоп этиш имконсиз бўлиб қолди. 2023-йил 19-июлдан бошлаб газета икки ҳафтада бир марта чоп этила бошланди. Бу газета сотувчиларининг даромади янада камайтиради. Чунки ўтган ҳафта газета сотиб олган харидор бу ҳафта газета сотиб олмайди.
Мен газета нархини бир долларга кўтариб, уни ҳар ҳафта чоп этишни таклиф қилдим. 2023 йил 28 июл (жума) куни Street Sense ходимлари ва сотувчиларнинг навбатдаги ойлик умумий йиғилиши режалаштирилган эди. Мен "Ўқувчиларга мурожаат" лойиҳасини ёздим ва уни йиғилишда ўқиб бердим (4-суратга қаранг).
Сурат 4. "Appeal to readers" ("Ўқувчиларга мурожаат") лойиҳам.
"Appeal to readers" ("Ўқувчиларга мурожаат") лойиҳамни ўзбек тилига мен ўгирдим. Мурожаатим бошида Street Sense раҳбариятига учта таклифимни ҳам ёздим.
"Ушбу "Ўқувчиларга мурожаат"ни Street Sense жамоасининг 2023 йил 28 июл кунги умумий йиғилишида муҳокама ва қабул қилишни таклиф этаман. Муҳокама ва "Ўқувчиларга мурожаат" ни қабул қилиш тугагандан сўнг, бутун жамоа билан суратга тушайлик ва фотосуратни Street Sense кейинги сонининг биринчи саҳифасида чоп этайлик.
1. Сотувчилар ва ходимлар яна нима ва қанчага қимматлашганини айтишсин. Бундай фактларни матнга киритиш керак.
2. Газетанинг ҳар бир сонини чиқаришда қандай харажатлар борлиги ва харажатлар қай даражада қопланишини қўшсангиз яхши бўларди.
3. Матнга даромад 75% дан 25% гача, яъни сотувчиларга 2,25 АҚШ доллари ва Street Sense ходимларига 0,75 АҚШ доллари миқдорида тақсимланишини қўшиш мақсадга мувофиқдир.
------------------------------------------
Шуҳратжон АҲМАДЖОНОВ
ЎҚУВЧИЛАРГА МУРОЖААТ
Ҳурматли газетамиз ўқувчилари! Озиқ-овқат, метро, энг зарур товарлар ва ҳоказолар нархлари ошиши давом этаётгани сабабли газета нархини бир долларга оширишга мажбурмиз.
2022-йилнинг май ойидан 2023-йилнинг майигача озиқ-овқат маҳсулотлари нархи 4,4 фоизга ошди. Йил давомида озиқ-овқат ва энергиядан ташқари барча моддалар бўйича индекс 3,9 фоизга ўсди. [1]
Аниқроқ мисоллар. Пандемиягача бир чашка қаҳванинг ўртача нархи 1,75 доллар эди. Ҳозир - 3,0 доллардан ортиқ. Галерея метро бекатидан Роквилл метро бекатигача йўлкира нархи 4,0 долларгача эди. 2023 йил апрел ойидан бошлаб биз ушбу масофага йўлкира учун 6,0 доллар тўлаяпмиз.
Биз одатда Wалмарт магазинида арзонроқ нархда зарур нарсаларни харид қилардик. Яқинда (99 Ҳ Ст НW Wашингтон, ДC. (202) 719-3720) манзилда жойлашган Wалмарт магазини ёпилди. Нархларнинг ошишига доир бундай мисоллар кўп.
Пандемияга қарамай, биз Street Sense газетасини 2021 йил апрел ойидан бошлаб ҳар ҳафта чоп эта бошладик. Аммо энергия нархининг ошиши, ижара ҳақи ва газета чиқаришнинг бошқа ҳаражатлари туфайли ҳафталик газета чоп этишнинг иложи йўқ. Газета нархини уч долларга кўтариш орқали биз ҳар ҳафта газета чиқаришимиз мумкин.
Биз - сотувчиларнинг ягона даромад манбамиз Street Sense газетасини сотишдан тушади. Ва биз Street Sense нархини 3 долларга кўтаришга мажбурмиз.
Газетамизни сотиб олганингиз ва шу орқали давом этаётган пандемиядан омон қолишимизга ёрдам берганингиз учун сизга миннатдорчилик билдирамиз.
STREET SENSE ЖАМОАСИ
ФОЙДАЛАНИЛГАН АДАБИЁТ
1. Consumer Price Index, Washington-Arlington-Alexandria area – May 2023 (Исте'мол нархлари индекси Вашингтон-Арлингтон-Александрия ҳудуди - 2023 йил май).
- Consumer Price Index, Washington-Arlington-Alexandria area – May 2023 : Mid–Atlantic Information Office : U.S. Bureau of Labor Statistics (bls.gov) (www.bls.gov/regions/mid-atlantic/news-release/consumerpriceindex_washingtondc.htm June 13, 2023).»
----------------------------------------------
“Ўқувчиларга мурожаатим”ни овозга қўйишди. Кўпчилик газета нархини уч долларга кўтариш учун овоз берди.
Ўқувчиларим тез-тез мендан «Газетада мақолангиз чоп этилганми?», деб сўрашади. Мен ўқувчиларимни янгиликлардан хабардор қиламан. Мен ўқувчиларга Мурожаатномам ксерокс қилиб нусхаларини кўпайтирдим. 29-июл (шанба) куни Эстерн бозорида ва 30-июл (якшанба) куни Дюпон Cеркл бозорида ҳар бир харидорга Мурожаатномамни тарқатдим.
Афтидан, Мурожаатномамдаги танқидий сўзларим ҳуқуқ-тартибот идораларининг айрим раҳбарларига ёқмади ва улар газетани Дюпон Cеркл бозорида сотишимни тақиқлаш орқали мендан қутулишга қарор қилишди.
Яна бир савол туғилади: “Ўқувчиларга мурожаатим”да уларга нима ёқмади? Мен у ерда бундай фактларни ёзгандим.
“2022-йилнинг май ойидан 2023-йилнинг майигача озиқ-овқат маҳсулотлари нархи 4,4 фоизга ошди. Йил давомида озиқ-овқат ва энергиядан ташқари барча моддалар бўйича индекс 3,9 фоизга ўсди. (Consumer Price Index, Washington-Arlington-Alexandria area – May 2023 : Mid–Atlantic Information Office : U.S. Bureau of Labor Statistics (bls.gov) )
(Истеъмол нархлари индекси, Вашингтон-Арлингтон-Александрия ҳудуди - 2023 йил май: Ўрта Атлантика маълумот идораси: АҚШ Меҳнат статистикаси бюроси (bls.gov))
Аниқроқ мисоллар. Пандемиядан олдин ўртача ҳажмдаги бир чашка қаҳва 1,75 доллар эди. Ҳозир - 3,0 доллардан ортиқ. Галерея бекатидан Роквилл стансиясигача бўлган метро йўли 4,0 долларгача турарди. 2023 йил апрел ойидан бошлаб биз ушбу масофа учун 6,0 доллар тўлаяпмиз.
Биз одатда озиқ-овқат ва нарсаларни арзонроқ нархларда Волмарт (Walmart) магазинида харид қилардик. Вашингтон шаҳрида учта Волмарт магазини бор. Яқинда улардан бири – (99 H St NW Washington, DC. (202) 719-3720) манзилда жойлашган Wолмарт магазини ёпилди.
Нархларнинг ошишига доир бундай мисолларни кўп келтиришимиз мумкин”.
Бунга қўшимча қилишим мумкин: соч олдириш нархи 19 доллардан 26 долларга кўтарилди. Шунингдек озиқ-овқат нархлари, жумладан, нон ва нон маҳсулотлари нархлари жиддий ошди.
Кузатувларимга кўра, 2023 йил июн-июл ойларидан бошлаб Вашингтон шаҳри кўчаларида ва жамоат транспортида чақимчилар ҳамда хабарчилар сони кескин ошди. Табиийки, улар раҳбарларининг сони ҳам ортди. Улар юқори маош олувчи АҚШ фуқаролари эканликларини инобатга олсак, қўшимча катта харажатлар зарурлиги аниқ. Бундай ҳаражатларни қоплаш учун, назаримда, кичик бизнесдан олинадиган солиқлар кескин оширилди ва нархлар, биринчи навбатда, кафе ва барлардаги нархлар кескин ошди. Баъзи кичик бизнес эгалари инқирозга учради ва ўз бизнесларини ёпишга мажбур бўлишди. Асосий зарба Вашингтон шаҳрида яшовчи кам таъминланган фуқароларига, жумладан пенсионерлар, кўп болали оилалар ва биздек газета сотувчиларига берилди. “Ўқувчиларга мурожаатим”да мен нарх-наво ошишининг ана шундай жиҳатларини очиб бердим.
Юқорида ёзганимдек, 29-июл (шанба) куни Эстерн бозорида ва 30-июл (якшанба) куни Дюпон Cеркл бозорида ҳар бир харидорга “Ўқувчиларга мурожаатим”ни тарқатдим. Натижада, бозор менеджери Томас Коулман менга 2023-йил 30-июл (якшанба) куни Спринг Валлет сотувчиларини суратга олиш тақиқланганлиги ҳақидаги хатни, 2023-йил 6-августда эса у ва полиция ходими Э. Нотон (E.Naughton) "Тақиқлаш тўғрисида билдирги" ("Barring Notice ")ни бериб, мени Дюпон Cеркл бозорида беш йил давомида газета сотишимни тақиқлашди.
(Қуйидаги икки абзацни 2023 йил 3 октябр куни қўшдим.
Менга қарши уюштирилган бундай тазйиқнинг яна битта муҳим сабаби бор. 2023 йил июл-август ойларида ўзбек тилида “Гулнора Каримова тақдири” номли йирик танқидий мақола ёзиб, чоп этаётгандим. Унда мен ўн йилдан ортиқ давом этаётган қўпол ҳуқуқбузарликлар, безорилик, терговдаги масхарабозлик ва Гулнора Каримованинг Тошкентдаги суд жараёнлари ҳақида ёзганман. “Гулнора Каримова тақдири” номли катта таҳлилиий мақоламнинг “Дор остидан қочган терговчи” номли 14-параграфни 2023 йил 26 июл куни, “2018-2019: Қамоқдан озод қилиш баҳонасида провокация” номли 15-параграфни 2023 йил 2 август куни сайтларда чоп қилдим (Шуҳратжон АҲМАДЖОНОВ. Гулнора Каримова тақдири. (Бошланиши, давоми 1, 2, 3, ... охири). – 2023 YILGI MAQOLALARIM | Записи в рубрике 2023 YILGI MAQOLALARIM | Дневник Турон_Шухратжони : LiveInternet - Российский Сервис Онлайн-Дневников (www.liveinternet.ru/users/4799013/rubric/6995770/ "Турон Шухратжони" кундалиги (дневник)даги “2023 YILGI MAQOLALAR”, “ПРАВОЗАЩИТА” рукнлари. 2023 йил 26 июл-2 август). Навбатдаги 20-параграф “Сохта судлар” номли бўлиб, Гулнора Каримова устидан ўтказилган судларнинг сохталикларини фактлар асосида фош қилишни режалаштиргандим.
Ўзбек халқига тегишли Гулнора Каримованинг юз миллионлаб долларлик хориждаги мол-мулки ва банклардаги маблағларини кучишлатар органлар ўзаро бўлиб олиш учун ҳаракат қилаётганида менинг мақоламдаги фактлар халақит бериши мумкин эди. Ўзбекистон Давлат хавфсизлик хизмати ва АҚШ Федерал қидирув бюроси агентлари ўртасидаги узоқ йиллик яқин ҳамкорликни инобатга олсак, улар мени иқтисодий жиҳатдан бўғиб қўйишда, яъни беш йилга газета сотишимга тақиқ қўйишида муҳим рол ўйнаган, деб ўйлайман. Мен ноилож “Гулнора Каримова тақдири” номли катта таҳлилий мақоламни вақтинча тўхтатиб ушбу жавоб тадбирларини уч тилда ёзишга мажбурман. Акс ҳолда улар газета сотишимга яна тақиқ қўйиш орқали мени молиявий аҳволимни танг ҳолга келтиришлари мумкин. (Охирги икки абзацни 2023 йил 3 октябр куни қўшдим.)
Фотосуратга олишимга доир. Мен Дюпон Cеркл бозорида Street Sense газетасини 2012 йил ноябр ойидан, яъни 11 йилдан бери сотмоқдаман. Мен 1964 йилдан бери фотография билан шуғулланаман, яъни 59 йил. 1974 йилдан инсон ҳуқуқлари ҳимоячиси, 2004 йилдан эса мустақил журналистман. Шу сабабларга кўра, шунингдек АҚШда яшаётган 335 миллион фуқаролардан бири сифатида мен Вашингтон шаҳрида, жумладан Дюпон Cеркл бозорида 2012-2023 йилларда кўп марта суратга туширдим. Аммо 11 йил давомида фотосуратга олишда ҳеч қандай муаммо йўқ эди.
2023-йил 30-июлда “Ўқувчиларга мурожаатим”ни харидорларга тарқата бошлаганимда, ўша куни улар мени сотувчиларни суратга олишда айблашди ва “Спринг Валлет ходимларини фотосуратга олишдан тийилишимни сўрашди”. 6 август куни эса мени “Деҳқон бозори ишчиларини мақсадли таъқиб қилишнинг давом этиши, аёллар ва вояга етмаганларни исталмаган фотосуратларга олиш”да айблашди. Алал-оқибат мени Дюпон Cеркл бозорига боришимни ва у ерда Street Sense газетасини сотишимни беш йилга ман қилишди.
Эслатиб ўтаман: "Жамоат жойларида аниқ кўринадиган нарсаларни, жумладан транспорт воситалари, федерал биноларнинг ташқи кўриниши, полиция ва бошқа давлат хизматчиларини суратга олиш ва видеога олиш конституциявий ҳуқуқдир,." (If Stopped for Photographing in Public | ACLU of DC (acludc.org) (www.acludc.org/en/know-your-rights/if-stopped-photographing-public ).
(Оммавий суратга олиш учун тўхтатилса | ДC АCЛУ (acludc.org) (www.acludc.org/en/know-your-rights/if-stopped-photographing-public ).
Дюпон Cеркл бозорига ҳар якшанба куни ўн мингдан ортиқ аҳоли ва меҳмонлар, шу жумладан юздан ортиқ чақимчи ва информатор келади. Уларнинг кўпчилиги суратга ва видеога олишади. Уларга ҳеч ким ва ҳеч қандай эътироз билдирмайди. Ахир, Дюпон Cеркл бозори жамоат жойи ва бундай жойларда суратга олиш тақиқланмаган. Бу бир томондан. Бошқа томондан, мен ўғирлик каби қандайдир қоидабузарликка гувоҳ бўлишим мумкин. Шу ҳолда мен олган сурат жиноятни очишда қимматли далил бўлиши мумкин.
Менеджер жаноб Томас Коулман ва полиция ходими Э. Нотон (E.Naughton) сўз эркинлиги бўйича АҚШ Конституциясининг Биринчи Тузатишини қўпол равишда бузди ва иш жойимга асоссиз равишда тақиқ қўйди, деб ҳисоблайман. АҚШ Конституциясининг Биринчи Тузатишида шундай ёзилган (рус тилидан ўзбек тилига мен ўгирдим).
«Конгресс бирон-бир динни қарор топтириш ёки ҳар қандай динга эътиқод қилиш эркинлигини тақиқлаш, ёки сўз ва матбуот эркинлигини чеклаш, ёки халқнинг тинч йиғилиш ҳуқуқини чеклаш, шунингдек суиистеъмолликларни тўхтатишга доир ҳукуматдан сўрашни чеклашга доир бирорта қонун чиқариши мумкин эмас” (Конституция США. Поправки к Конституции США. - Конституция США — Викитека (wikisource.org) )
АҚШ Конституциясига киритилган Биринчи Тузатиш Ҳуқуқлар ҳақидаги Биллнинг бир қисмидир. Бу АҚШ Конгресси, шунингдек, турли даражадаги мансабдор шахслар қуйидаги ҳолатларга йўл қўймасликларини таъминлайди:
- Ҳар қандай динни қўллаб-қувватлаш ёки давлат динини ўрнатиш.
- Дин эркинлигини тақиқлаш.
- Сўз эркинлигини бузиш.
- Матбуот эркинлигига тажовуз қилиш.
- Йиғилишлар эркинлигини чеклаш.
- Шикоятларни қондириш учун аҳолининг ҳукуматга мурожаат қилиш ҳуқуқини чеклаш.
Мен ўзбек, қочқин, мусулмон, инсон ҳуқуқлари ҳимоячиси, мустақил журналист, уйсиз ва ишсизман. Ишончим комилки, менеджер жаноб Томас Коулман, полиция ходими Э. Нотон (E.Naughton) ва уларнинг ортидаги мансабдор шахслар АҚШ Конституциясининг Биринчи Тузатишни қўпол равишда бузишди ва менга нисбатан ирқий камситишга (дискриминацияга) йўл қўйишди.
2024-йил январида 70 ёшга тўламан. Менга пенсия беришмаётир. Ягона даромадим бозорда газета сотишдан эди. Менеджер жаноб Томас Коулман ва полиция ходими Э. Нотон (E.Naughton) ва уларнинг ортида турган амалдорлар мени беш йилга бозорга киришимни тақиқлашди. Шундай қилиб, улар мени озиқ-овқат ва кундалик ҳаётимга зарур минимал харажатлар учун пул топиш имкониятимдан маҳрум қилишди.
Илтимос, менга ноқонуний тақиқни олиб ташлашга ёрдам беринг ва Дюпон Cеркл бозоридаги манзилимда Street Sense газетаси сотишни давом эттиришимга имкон беринг.
Ҳурмат билан
Шуҳратжон Аҳмаджонов,
ҳуқуқ ҳимоячиси, мустақил журналист, мусулмон, қочқин, нафақасиз пенсионер ва Street Sense газетаси сотувчиси
ДАВОМИ БОР
