Сите знаеме дека вегетаријанската и веганската кујна буквално изобилува со бои, ама еве ви неколку идеи како празничната веге трпеза да ја претворите во уметничко дело.

Елката од јаготки и топено чоколадо на сликата горе е само еден пример од што се може да си направите новогодишна елка. 

Новогодишната трпеза покрај елка мора да има нормално и дедо мраз, или еден куп вкусни дедо мразовци од солени крекери, јаготки и се друго што ќе ви падне на ум.

Наместо на врата, украсниот празничен венец поставете го на средина на масата. Пиперчињата полнети со рижото се лампиони. 

Зимската трпеза е ништо без овој сладок благ Снешко.

А ако ве мрзи да се мачите со правење колачиња, само претворете го овошјето во скулптури или направете ја финтата со бони- топ во украсна чаша и малку шлаг. Никој нема да знае колку малку време сте потрошиле.

Ми се чини со ваква празнична трпеза ќе ги одушевите сите, а и најголемите љубители на месо ќе ги убедите дека Вегетаријанската кујна е сериозно поубава ем повкусна!