Акафист святой старице Матроне Московской для всех у кого проблемы в жизни..
Кондак 1
Избранная Духом Божиим от пелен младенческих, блаженная старице Матроно, слепоту и немощь телесную ко очищению духовному от Бога приявшая, даром прозрения и чудес обогатилася еси и венцем нетленным от Господа украсилася еси. Сего ради и мы благодарне венец похвальный приносим ти, вопиюще: Радуйся, праведная мати Матроно, теплая о нас к Богу молитвеннице.
Икос 1
Ангел во плоти явилася еси на земли, Матроно блаженная, исполняющи волю Божию. Аще рождество твое в слепоте телесней бысть, но Господь, умудряяй слепцы и любяй праведныя, просвети духовнеи очи твои, да послужеши людем и дела Божии явятся чрез тебе. Мы же с любовию вопием ти таковая:
Радуйся, от младенчества Богом избранная; Радуйся, благодатию Духа Святаго от пелен осененная.
Радуйся, даром чудес измлада обогащенная; Радуйся, премудростию от Бога свыше исполненная.
Радуйся, мысленныма очима волю Божию прозирающая; Радуйся, слепотствующих умом мудрецов века сего посрамляющая.
Радуйся, души заблуждшия к Богу приводящая; Радуйся, скорби и печали утоляющая.
Радуйся, праведная мати Матроно, теплая о нас к Богу молитвеннице.
Кондак 2
Видяще людие и иерей, егда крещаше тя, блаженная, чудный столп облачный над главою твоею и обонявше благоухание велие, дивляхуся, что убо сия отроковица будет, поюще Богу: Аллилуиа.
Икос 2
Разум имея просвещенный, иерей Божий Василий позна, яко крещаемая от него сосуд благодати Божия есть, и тя, праведная Матроно, отроковицу святу нарече. От нашего же усердия приносим ти похвалы сия:
Радуйся, во святей купели благодатию Святаго Духа облагауханная; Радуйся, на персех твоих крест запечатленный имевшая.
Радуйся, молитвеннице, от Бога людем дарованная; Радуйся, свеще неугасимая, пред Господем сияющая.
Радуйся, даром чудотворения от Бога прославленная на земли; Радуйся, венцем неувядаемым от Господа увенчанная на небеси.
Радуйся, милости Божия грешным возвещающая; Радуйся, от источника воды живыя жаждущия напаяющая.
Радуйся, праведная мати Матроно, теплая о нас к Богу молитвеннице.
Кондак 3
Силу Божия благодати ощущающи, еще во младенчестве сущи, Матроно блаженная, ко иконам святым устремлялася еси, и чистым сердцем и младенческими усты хвалу Богу возглашала еси: Аллилуиа.
Икос 3
Имущи от Бога дар прозрения издетска, блаженная мати, сокровенная сердец приходящих к тебе ведущи, и оным будущая, яко настоящая сказующи, многия люди на путь благочестия направляла еси. Темже прославляюще Бога, умудряющаго слепцы, вопием тебе сице:
Радуйся, дивная провидице; Радуйся, сокровенных грехов обличительнице.
Радуйся, помраченных душею пресветлая наставнице; Радуйся, заблуждших милостивая путеводительнице.
Радуйся, звездо, верным путь указующая; Радуйся, свеще, во тьме века сего светящая.
Радуйся, единому Богу послужившая; Радуйся, козни диавольския благодатию Духа Святаго поправшая.
Радуйся, праведная мати Матроно, теплая о нас к Богу молитвеннице.
Кондак 4
Буря недоумения и смятения о чудесех твоих в людех развеяся, мати блаженная, и тии, вразумившу их Господу, дивному во святых Своих, прославиша и восхвалиша тя, Богу же с благодарением воспеша: Аллилуиа.
Икос 4
Слышавше людие, мати Матроно, яко помощь в недузех душевных и телесных подаеши, прихождаху к тебе со упованием, и, совет благоприятен и исцеление получивше, благодаряще Бога, воспеваху тебе:
Радуйся, яко болезнующих и страждующих душею приемлеши; Радуйся, яко мир душам скорбящим даруеши.
Радуйся, в заблуждениих сущих вразумительнице; Радуйся, благочестия учительнице.
Радуйся, печалей наших утолительнице; Радуйся, в скорбех утешительнице.
Радуйся, благая бессеребренице; Радуйся, недугов всячеких безмездная врачевательнице.
Радуйся, праведная мати Матроно, теплая о нас к Богу молитвеннице.
Кондак 5
Боготечная звезда возсияла еси, мати блаженная Матроно, во дни лихолетия во Отечествии нашем, яко новая исповедница, иго Христово дерзновенно и безбоязненно чрез все житие пронесла еси, и благодатиею Божиею укрепляема, подавала еси недоумевающим вразумление, страждующим ослабу, больным исцеление, благодарственно зовущим Богу: Аллилуиа.
Икос 5
Видяще мнози Российстии людие чудеса и исцеления, Божиею благодатиею от тебе подаваемая: хромым – хождение, разслабленным и на одре лежащим – исцеление, беснующимся – духов злобы отгнание, устремишася к тебе, мати, яко к источнику неисчерпаемому, от него же испивше обильно, умиленным сердцем возопиша тебе таковая:
Радуйся, на путь правый от младенчества призванная; Радуйся, праведнице, от Бога нам дарованная.
Радуйся, целительнице, недуги наша исцеляющая; Радуйся, в нуждах наших скоро помогающая.
Радуйся, душеполезными советы нас вразумляющая; Радуйся, недоумения наша скоро разрешающая.
Радуйся, духи нечистыя от человек отгоняющая; Радуйся, от всякого зла молитвою твоею ограждающая.
Радуйся, праведная мати Матроно, теплая о нас к Богу молитвеннице.
Кондак 6
Провозвестник святости и праведности жития твоего, блаженная мати, явися святый и праведный отец Иоанн Кронштадтский, егда узре тя во храме и наименова тя свою преемницу таже и осмый столп России. Вси же, слышавше сие, прославиша Господа, возглашающе Ему песнь: Аллилуиа.
Икос 6
Возсия молитвами твоими, мати Матроно, свет благодати Божия в сердцах, не ведущих Бога и грехми многими прогневляющих Его. Тии же, видяще чудеса, тобою совершаемая, обращахуся ко Господу, ублажающе тя сице:
Радуйся, подвиги твоими Бога прославляющая; Радуйся, славу Божию нам являющая.
Радуйся, неверныя на путь правый наставляющая; Радуйся, грехми оскверненныя молитвами твоими очищающая.
Радуйся, к покаянию нас призывающая; Радуйся, за вся благодарити Господа нас вразумляющая.
Радуйся, храм Божий любити нас научающая; Радуйся, во ограду церковную расточенныя овцы собирающая.
Радуйся, праведная мати Матроно, теплая о нас к Богу молитвеннице.
Читайте далее
Если нет времени и средств на салонные омолаживающие процедуры, не отчаивайтесь. Для того чтобы сохранить лицо в прекрасной форме и продлить молодость кожи, достаточно проводить сеансы омолаживающего самомассажа.
День рождения, юбилей, выпускной вечер, новый год или даже ваша собственная свадьба – так много поводов, чтобы выглядеть ещё прекрасней, чем обычно. Конечно, каждая из нас хочет в эти дни выглядеть особенно неотразимо. Всего несколько шагов, пройдя которые, вы будете выглядеть на зависть всем окружающим, чувствовать себя молодыми и цветущими независимо от возраста и в полной мере ощутить радость телесного бытия. Сначала подумайте о коже - она должна иметь хороший ровный оттенок, хорошенько отдохните перед праздником - Вы не должны выглядеть уставшей, приведите в порядок волосы - они должны быть в полном порядке. В этом со мною согласится любая женщина! Предлагаю Вам несколько рецептов, после применения которых Вы будете выглядеть великолепно!
