“Масхарабозлик” судлари оқибатида 2013 йилдан бошлаб аввал уй қамоғида, 2015 йилдан қамоқхонада сақланаётган профессор Гулнора Каримова 2022 йил 8 июл куни 50 ёшга тўлади. Мен шу муносабат билан Ўзбекистон Президенти Шавкат Мирзиёев ва Ўзбекистоннинг АҚШдаги элчиси Жавлон Ваҳобов номига Мурожаатнома ёздим. 6 июл куни Вашингтондаги Ўзбекистон элчихонаси олдида пикет ўтказдим. Элчихона биносидан чиққан ва ўзини Акбар Ибрагимов дея таништирган ходим пикет сабабини сўради ва мен жавоб бердим. Унга Мурожаатноманинг битта нусхасини бериб Жавлон Ваҳобовга бериб қўйишни ва ўзимдаги нусхага имзо қўйишни сўрадим. У имзо қўйишни хоҳламади ва мен Мурожаатнома нусхасини унга бермадим. 7 ва 8 июл кунлари соат 9:00 дан 11:00 гача элчихонамиз олдида пикетни давом қиламан, иншааллоҳ. Қуйида Мурожаатномам матнини ўқишингиз, плакатлар ва пикет вақтида олинган суратлар билан танишишингиз мумкин.

---------------------------------------------

Ўзбекистон Президенти Шавкат Мирзиёевга
нусхаси Ўзбекистоннинг АҚШдаги элчиси Жавлон Ваҳобовга
нусхаси “Озодлик” радиосига
нусхаси “Би-би-си” радиосига

Шуҳратжон Аҳмаджонов (1954 йилда туғилган, Ўзбекистон фуқароси)
216 Tulip Dr., Gaithersburg, Maryland, USA 20877
E-mail: havassh54@gmail.com

2022 йил 6 июл

ГУЛНОРА КАРИМОВАГА ОЗОДЛИК (2022)

КУЧ – АДОЛАТДАДУР.
АМИР ТЕМУР (1336-1405)



Фото. Мазлума Гулнора Каримова Ўзбекистон қамоқхонасида ёзган шеъри. 2021 йил март.

Ўқимишли, зукко, олим, ишбилармон, жасур аёл бўлмиш профессор Гулнора Каримова устидан ўтказилган адолатсиз судлар ҳақида сизга ёзмоқдаман. Чунки у танлаган адвокатларни судда қатнашишига йўл қўйишмади ва судни ёпиқ эшиклар ортида ўтказишди. Адолатсиз суд ҳукми ва турли хил тақиқлар сабабли кўп йиллардан бери қамоқхонада азоб чекаётган Ўзбекистон фуқароси Гулнора Каримова тақдирига беэътиборлик президентлик даврингиздаги катта қора доғ бўлиб қолиши мумкин.

“Гулнора Каримованинг швейцариялик адвокати Грегуар Манжа (Gregoire Mangeat ) Озодлик билан суҳбатда ўз мижози устидан (2020 йил) 18 март куни Тошкентда чиқарилган ҳукмни “Ўзбекистон ҳукумати Гулнора Каримовага нисбатан қўллаëтган ҳатти-ҳаракатларнинг ноқонунийлигини кўрсатувчи навбатдаги мисол”сифатида баҳолади.

Жиноят ишлари бўйича Тошкент шаҳар суди Гулнора Каримовани “жиноий уюшма ташкил этиш, товламачилик, ўзлаштириш ва растрата йўли билан талон-торож қилиш, жиноий фаолиятдан олинган даромадларни легаллаштириш ва бошқа жиноятларни содир этганликда айбли” деб топди ва 13 йил 4 ойга озодликдан маҳрум этишга қарор қилди.

2015 йилнинг 21 августидан ҳисобланиши айтилган бу ҳукм, бундан сўнг ҳам ўзгаришсиз қолдирилса, Гулнора Каримова 2028 йилнинг бошида озодликка чиқиши мумкин.

Ўз мижози устидан (2020 йил) 18 март куни Тошкентда чиқарилган навбатдаги суд ҳукмини биринчи бўлиб Озодликдан эшитганини эътироф қилган Манжа, Каримова устидан ўтказилган маҳкамаларни “масхарабозлик” деб атади.

- 2015 йил август ойида мижозим (Гулнора Каримова) уйининг ошхонасида ўтказилган масхарабозлик судида биринчи ҳукм ўқилган, иккинчи ҳукм вилоят судида ëпиқ эшиклар ортида ўқилган, мана энди учинчисини Олий суд эълон қиляпти, деди Озодликка (2020 йил) 18 март кунги ҳукмга муносабат билдирган швейцариялик адвокат.

2019 йилнинг 12 март куни Британияда чиқадиган The Guardian нашрида эълон қилинган интервьюсида Каримованинг қизи Имон онаси устидан 2015 йил августида ошхонада уюштирилган биринчи “маҳкама мажлиси” ҳақида гапирган эди.

Имон Каримовага кўра, судья, прокурорлар ва "қўрққанидан аъзойи бадани титрашдан тўхтамаган ҳукумат адвокати" онаси тутқунликда сақланган вилла ошхонасида бир неча соатлик суд мажлиси ўтказиб, ҳукм чиқарган.

Каримова устидан маҳкама бўлиб, унда ҳукм чиқарилгани ҳақида Ўзбекистон Бош прокуратураси орадан икки йилча ўтиб - 2017 йилнинг 28 июль куни биринчи марта жамоатчиликка маълумот берган эди” [1]

“Расмий хабарда Жиноят ишлари бўйича Тошкент вилояти судининг 2015 йил 21 август кунги мажлисида Гулнора Каримовага Жиноят кодексининг 6 та моддаси бўйича айблов эълон қилингани ва суд ҳукми билан унга 5 йил муддатга озодликни чеклаш жазоси тайинлангани айтилган эди.

Ўзбекистон ҳукумати ҳозирга қадар биринчи ҳукмнинг Каримова уй қамоғида сақланган вилла ошхонасида ўқилгани ҳақидаги Имон Каримова ва Грегуар Манжа иддаоларини инкор қилган эмас.

Грегуар Манжага кўра, Гулнора Каримова устидан олиб борилган тергов ва суд жараëнида адвокатларнинг ўз ишини мустақил амалга оширишига имкон берилмаган.

- Гулнора Каримовага тайинланган ўзбек адвокатлари бирин-кетин ғойиб бўлди, сўнгги ҳукм ҳам ëпиқ эшиклар ортида ўқилди. Ўзбекистон ҳукумати бу билан мижозимга қарши кейинги 6 йил давомида қилинаëтган ишларнинг бари ўз табиатига кўра ноқонуний ва қабул қилиб бўлмайдиган эканини очиқ намойиш қилди, - деди швейцариялик адвокат.

2020 йил 18 март кунги суд ҳукми бўйича Озодликка берган шарҳида Манжа Ўзбекистон ҳукуматининг Каримова манфаатларини ҳимоя қилаëтган швейцариялик адвокатлар гуруҳи¸ шахсан ўзининг мамлакатга киришини тақиқлаганини эслатиб ўтди.

Манжа таъкидича, бундай тақиқ билан ҳукумат ўз ваколатларини суиистеъмол қилиб, Гулнора Каримовани рисоладагидай ҳимоя ҳуқуқидан маҳрум қилган” [1]

Ўзбекистон фуқароси Гулнора Каримова устидан ўтказилган “масхарабозлик” судларида Ўзбекистон ва халқаро қонунлар қўпол равишда бузилганини ҳисобга олиб унинг судини қайтадан ўтказилиши ўринли деб ҳисоблайман. Буни Ўзбекистон Адлия вазирлиги қарори билан ҳам амалга ошириш мумкин. Судда маҳбуса Гулнора Каримова танлаб олган ҳимоячи (адвокат)лар қатнашишига рухсат берилмоғи керак.
Ўзбекистон раҳбарияти имзолаган “Фуқаролик ва сиёсий эркинликлар тўғрисида халқаро пакт”нинг 14-моддаси 3-бандида жумладан қуйидагича ёзилган.

“3. Ҳар бир киши ўзига қўйилган ҳар қандай айблов кўриб чиқилаётганда тўлиқ тенглик асосида камида қуйидаги кафолатлар таъминланиши ҳуқуқига эга:
a) ўзига қўйилган айблов хусусияти ва асослари ҳақида ўзи тушунадиган тилда дарҳол ва батафсил хабардор этилиш;
b) ўз ҳимоясини тайёрлаш ва ўзи танлаган ҳимоячи билан мулоқотда бўлиш учун етарлича вақт ва имкониятга эга бўлиш:
c) асоссиз ҳолда тўхтатиб турилмасдан ўз ишининг судда кўриб чиқилиши;
d) ўзи қатнашиб суд қилиниши ва ўзининг ўзи ёки танлаб олинган ҳимоячи воситасида ҳимоя қилиниши; агар ҳимоячиси бўлмаса, унга эга бўлиш ҳуқуқи борлиги ҳақида хабардор қилиниши; одил суд манфаатлари талаб этган ҳар қандай ҳолда ўзига тайинланган ҳимоячига эга бўлиш, унга тўлаш учун етарли маблағи бўлмаган барча ҳолларда ўзига ҳимоячининг текинга берилиши.” [2]

Ўзбекистон Олий судида йўл қўйилган асосий хато - Гулнора Каримова танлаган адвокатларнинг Ўзбекистонга киритилмагани ва судда қатнашишига имкон берилмаганлиги бўлиб, бу билан улар Гулнорани рисоладагидай ҳимоя ҳуқуқидан маҳрум қилишган. Ўзбекистон Бош прокуратурасининг швейцариялик адвокатлар Ўзбекистонга киришини тақиқловчи қарори асоссиздир. Агар прокуратура бу қарорни асосли деб ҳисобласа, Европа судига ёзма мурожаат қилиб ушбу адвокатлар айбини судда асослаши ва уларни адвокатлик ҳуқуқидан маҳрум қилишга эришиши ўринли бўларди. Қонуний йўл билан асослаш қўлларидан келмас экан, швейцариялик адвокатларнинг Ўзбекистонга киришини тақиқловчи қарорни бекор қилишлари ва Тошкентда Гулнора Каримова устидан ўтказиладиган суд маҳкамасига уларнинг келишига рухсат беришлари керак.

Ҳурматли Шавкат Миромонович! Сиз 2022 йилни «Инсон қадрини улуғлаш ва фаол маҳалла йили» деб эълон қилгансиз. Ҳар бир давлатда, жумладан Ўзбекистонда инсон ҳуқуқларининг бош ҳимоячиси президентдир. Ватандошимиз Гулнора Каримованинг инсон ҳуқуқлари ва қадрини тиклаш мақсадида унинг устидан халқари талаблар даражасида, яъни у танлаган адвокатлар иштирокида адолатли қайта суд ўтказилишига имкон яратиб беришингизни илтимос қиламан.

Унутмайлик: Мазлумнинг дуои бадига учрашдан сақланайлик.

“Абу Ҳурайра розияллоҳу анҳудан ривоят қилинади:
«Расулуллоҳ соллаллоҳу алайҳи васаллам:

«Уч дуо мустажобдир. Мазлумнинг дуоси, мусофирнинг дуоси ва ота-онанинг фарзандига қилган дуоси», - дедилар».

Шарҳ: Демак, дуони шу уч тоифадан сўраш керак экан, шу уч тоифанинг дуосидан қўрқиш керак экан. Бундан ушбу уч тоифага мансуб шахслар билан бўладиган муомалаларда ўта ҳушёр бўлиш ва уларнинг ранжитмаслик ҳамда уларни хурсанд қилиб дуосини олиш пайидан бўлиш зарурлиги чиқади. Албатта, мазлум – зулмга учраган кишига меҳр кўрсатиш, унга тушган зулмни кўтариш учун ҳаракат қилиш ҳар бир мусулмон учун муҳим ишдир. Ҳеч бўлмаса, унга ҳамдардлик кўрсатиш лозим. Аммо мазлумга ёмонлик қилиб унинг дуои бадига учрашдан сақланмоқ керак.” [3]
------------------------------------------------

ИЗОҲ. Сиёсатшунослик фанлари доктори, профессор Гулнора Каримова 1972 йил 8 июл куни туғилган.
Мен инсон ҳуқуқи ҳимоячиси сифатида у 45 ёшга тўлган кун, яъни 2017 йил 8 июл куни Ўзбекистоннинг Вашингтондаги элчихонаси олдида пикет ўтказдим. Пикетимда 2013 йилдан бери ноқонуний ҳибсда тутиб турилган Гулнора Каримова ва унинг Имон исмли қизига нисбатан бўлаётган қўпол ҳамда нотўғри муносабатни танқид қилиб, уни ё ошкора ва у танлаган адвокатлар иштирокида суд қилишни ёки уни ҳибсдан озод этишларини талаб қилдим. Шундан кейингина Ўзбекистон Бош прокуратураси 2017 йил 28 июл куни Гулнора Каримовани 2015 йил августида яширин суд ўтказиб 5 йилга қамагани ҳақида биринчи марта жамоатчиликка қисқача маълумот берди. ([4]-га қаранг).

Қонун олдида ҳамма бирдек ҳуқуққа эга бўлмоғи керак. Шу оддий талабга асосан Гулнора Каримова суди ҳам очиқ ва қонунларнинг барча талаблари асосида, масалан Гулнора тарафи танлаган адвокатлар иштирокида ўтказилмоғи керак эди. Шу оддий талаб бажарилмади. Юқори мансабли амалдорлар судда жуда кўп ноқонуний ишлари очилиб кетиши ва Гулнорага тиркалган кўпгина айбловлар сохта эканлиги судда аён бўлишидан қўрқишди.

Мана шу сабаблар туфайли 2013 йилдан бери тутқунликда сақланаётган ва 2015 йилда яширин ҳамда нотўғри суд қилинган Ўзбекистон фуқароси Гулнора Каримованинг озод этилишини талаб қилиб мен 2018 йил 7 июл (шанба) куни Ўзбекистоннинг Вашингтондаги элчихонаси олдида иккинчи пикетни, 2019 йил 8 июл куни учинчи пикетни ўтказдим. Мен бу ҳақда «Тутқиндаги Гулнора Каримова 46 ёшга тўлди” номли [5]-мақоламда ёздим ва Фейсбукдаги саҳифамда ҳамда гуруҳлар саҳифаларида суратлар билан биргаликда чоп этдим.

Оддийгина факт: жиноят ишлари бўйича Тошкент шаҳар судида 2020 йил 18 март куни Гулнора Каримова устидан ўқилган ҳукм нусхасини инсон ҳуқуқлари ҳимоячилари ўша кунлари ололмади. Ушбу адолатсиз суд ҳукмидан норозилик аризаси Бирлашган Миллатлар Ташкилотининг инсон ҳуқуқлари қўмитасига ва 57 мамлакат аъзо бўлган Европада хавфсизлик ва ҳамкорлик ташкилотининг Демократиявий институтлар ва инсон ҳуқуқлари бюросига топширилишидан чучишган бўлсалар керак.

Юқорида ёзган сабаблар туфайли мен 2013 йилдан бери тутқунликда сақланаётган, 2015 йилда яширин ҳамда нотўғри суд қилинган, 2020 йил январ-март ойларида инсоннинг оддий қонуний ҳуқуқлари қўпол равишда бузиб сохта суд қилинган Ўзбекистон фуқароси Гулнора Каримованинг озод этилишини талаб этиб 2020 йил 8 ва 9 июл кунлари Ўзбекистоннинг Вашингтондаги элчихонаси олдида тўртинчи пикетни ўтказдим ва сизнинг номингизга - Ўзбекистон Президенти Шавкат Мирзиёев номига ёзган Мурожаатимни элчихона ходимига топширдим.

2020 йил июлидан 2021 йил июлигача ўтган бир йил давомида Гулнора Каримова билан боғлиқ айрим воқеалар ҳақида.

Маълумки, Швейцария прокурорлари 2012 йилдан бошлаб Швейцариядаги Teliasonera (ҳозирги Telia, Ўзбекистондаги номи Ucell) компаниясининг уч раҳбари Гулнора Каримова билан боғлиқ оффшор (хориж)даги компания банк ҳисобига 320 миллион доллар маблағ ўтказганлиги сабабли буни коррупсия деб ҳисоблаб тергов-суриштирув олиб боришди ва 2018 йили жиноий иш очишди. Улар Швеция банкидаги Гулнора Каримовага тегишли 350 миллион доллар маблағни музлатиб қўйишди.

Стокголм шаҳар суди 2019 йил 15 феврал куни Гулнора Каримовага пора берганлик ҳақидаги айбловни асоссиз деб топди ва Telia компаниясининг уч нафар раҳбарини гуноҳсиз деб оқлаш ҳукмини чиқарди. Швейцария прокуратураси Стокголм шаҳарсуди ҳукмидан норози бўлиб 2019 йил февралда Швейцария Федерал апелляция судига апелляция шикоятини беришди. Швейцария Федерал апелляция суди 2021 йил 4 феврал куни Стокголм шаҳар судининг оқлов ҳукмини тўғри деб топди. [6]

Таҳликали факт: Стокголм шаҳар суди 2019 йил 15 февралда Гулнора Каримова ва уч нафар раҳбарни оқлаш ҳақидаги ҳукмини ўқиб эшиттиргач 2019 йил март ойида Гулнора Каримовани уй қамоғидан Тошкент вилояти Зангиота туманидаги аёллар қамоқхонасига қамашди. [7]

Маълумки, Гулнора Каримованинг ўғли Ислом ва қизи Имон Лондон шаҳрида яшамоқда. Қамоқдаги Гулнора Каримовага фарзандлари билан ҳар қандай алоқа қилиш тақиқланган: фарзандлари ёзган хатларини Гулнорага беришмаётир, унинг ҳузурига адвокатлар киритилмаётир, ҳатто телефон қўнғироқлари тақиқланган. Бу ҳақда Имон Каримова 2021 йил март ойи бошида ўзининг Instagram даги iman.k17 саҳифасида ёзди. [8]

Тошкент вилояти Зангиота туманидаги 21-сонли жазони ижро этиш муассасасида жазо ўтаëтган Гулнора Каримова 2021 йил феврал ойида қамоқдан озод этилган аëл орқали мактуб чиқариб, ўзининг “мунтазам қийноққа тутилгани"ни шеърий мисраларда баëн қилган [9]. Мен ушбу шеърнинг рус тилидаги матнини ва унинг ўзбек тилига сатрма-сатр таржимасини Мурожаатим иловасида келтирмоқдаман.

Имон Каримова 2021 йил апрелда онаси билан учрашиш ниятида Лондондан Тошкентга келди. Лекин аёллар қамоқхонаси раҳбарияти Гулнора билан қизи Имонни учрашишига рухсат бермади. Имон ўз онаси Гулнора билан кўришмаганига икки йилдан ошди. Ўзбекистондаги айрим қамоқхона раҳбарларининг пасткашликлари мана шу даражада. Айтмоқчидек, Имон Лондонда коронавирусга доир уч марта тест (синов) топширган ва учаласида ҳам у соппа-соғ эканлиги таъкидланган.

Гулнора Каримованинг озод этилишини талаб этиб 2020 йил 8 ва 9 июл кунлари Ўзбекистоннинг Вашингтондаги элчихонаси олдида мен бешинчи пикетни ўтказдим ва сизнинг номингизга - Ўзбекистон Президенти Шавкат Мирзиёев номига ёзган навбатдаги Мурожаатномамни элчихона ходимига топширдим. Ушбу Мурожаатномамни “Гулнора Каримовага озодлик. Ўзбекистон Президенти Шавкат Мирзиёевга 2021 йил 8 июл кунги Мурожаатномам” номли [10]-мақоламда чоп қилдим.

Гулнора Каримова 2022 йил 8 июл куни эллик ёшга тўлади. Худо кўрсатмасин, мабодо у қамоқхонада вафот қилса, бу тузатиб бўлмас катта хатога айланади ва ўшанда сизнинг президентлик даврингиздаги катта қора доғ бўлиб қолади.

Ушбу иккинчи қора доғни осонлик билан ўчиришингиз учун ҳозирча сизда имкон бор. Ҳар бир давлатда, жумладан Ўзбекистонда инсон ҳуқуқларининг бош ҳимоячиси президентдир. Конституция ва қонунлар берган ваколат асосида ватандошимиз Гулнора Каримованинг инсон ҳуқуқлари ва қадрини тиклаш мақсадида унинг устидан халқари талаблар даражасида, яъни у танлаган адвокатлар иштирокида адолатли қайта суд ўтказилишига имкон яратиб беришингизни илтимос қиламан. Буни Ўзбекистон Адлия вазирлиги қарори билан ҳам амалга ошириш мумкин.

ИЛОВА 1.

Гульнара КАРИМОВА

В ТЮРЬМЕ УЗБЕКИСТАНА

ЗДЕСЬ ЗАСТАВЛЯЮТ УНИЖАТЬСЯ И УНИЖАТЬ СОБОЙ ДРУГИХ,
НА КРИК ЛЮДСКОЙ НЕ ОТКЛИКАТЬСЯ, ЛЮДЕЙ В ЖИВОТНЫХ ПРЕВРАТИВ.
ЗДЕСЬ ЕДИНИЦЫ ВЕРЯТЬ В БОГА, ЗДЕСЬ ДУХ ПРЕДАТЕЛЬСТВА ЦАРИТ,
КАЛЕЧАТ ЖИЗНИ ЗДЕСЬ БЕЗ СЧЁТА И ЗАСТАВЛЯЮТ ПАДАТЬ НИЦ.

ЗДЕСЬ ЧЕЛОВЕЧЕСКОЕ ПАЛЯТ, С КОРНЕМ ВЫТРАВЛИВАЯ ЛИК,
ЗДЕСЬ ЧЕСТЬ И ГОРДОСТЬ НЕ ОСТАВЯТ, ПОКА ТЫ ДО КОНЦА НЕ СНИК.
ЗДЕСЬ КАЖДОМУ ПОСТАВЛЕН ЦЕННИК, И ТОЛЬКО ЦИФРЫ ПРАВЯТ БАЛ,
И СЧИТАННЫЕ, КТО ОШЕЙНИК ДЛЯ ПОДЛОСТИ НЕ ЗАВЯЗАЛ.

ЗДЕСЬ ВСЁ ПОСТРОЕНО НА ПЫТКЕ, ТЕБЯ ПЫТАЮТ ДЕНЬ-ДЕНЬСКОЙ,
И ДУШИ ВЫПЛАВЛЯЮТ В СЛИТКИ, И ТОЛЬКО СНИТЬСЯ ЗДЕСЬ ПОКОЙ.
НА ОКРИКИ, НА МАТ, НА СКЛОКИ, УЖЕ НИКТО НЕ ГОЛОСЯТ,
И ТОЛЬКО ПРОДЛИВАЮТ СРОКИ ДЛЯ ТЕХ, КТО СОВЕСТЬ НЕ УБИЛ.

ЗДЕСЬ ПОПИРАЮТСЯ ЗАКОНЫ, ИХ НЕ ЧИТАЛИ НИКОГДА,
С ЗЕМЛЕЙ РАВНЯЮТСЯ КАНОНЫ ПРОСТОГО ЧЕЛОВЕЧЕСКОГО БЫТИЯ! ([8])
ТАШКЕНТ, ЖЕНСКАЯ ТЮРЬМА МАРТ 2021

ИЛОВА 2.

Гулнора КАРИМОВА

В ТЮРЬМЕ УЗБЕКИСТАНА (ЎЗБЕКИСТОН ҚАМОҚХОНАСИДА)

Здесь заставляют унижаться и унижать собой других,
Бу ерда таҳқирланишга ва ўзинг орқали бошқаларни таҳқирлашга мажбур қилишади,

На крик людской не откликаться, людей в животных превратив.
Инсонларфарëдига ҳамдардлик билдирмасликка (мажбур қилишади), одамларни айлантириб махлуқларга.

Здесь единицы верять в Бога, здесь дух предательства царит,
Бу ерда саноқли одам Худога инонар. Бу ерда сотқинлик арвоҳи подшоҳлик қилар.

Калечат жизни здесь без счёта и заставляют падать ниц.
Ҳисобсиз одамнинг ҳаëти қамишдай синган ва улар юзтубан қулашга мажбурланаëтир,

Здесь Человеческое палят, С корнем вытравливая лик,
Бу ерда инсонлик ëнмоқда. Инсон юзидан томиригача суғурилмоқда инсоний қиëфа.

Здесь честь и гордость не оставят, пока ты до конца не сник.
Бу ерда шараф ва ғурурингдан мосуво қилишар. Буткул адо бўлгунингча пажмурдаликда,

Здесь каждому поставлен ценник, И только цифры правят бал.
Бу ерда ҳар одам бўйнида нархнома. Фақат рақамлар бу салтанатда султонлик қилар.

И считанные, кто ошейник для подлости не завязал.
Фақат саноқли одамлар ит бўйинбоғини шарафсизлик учун боғламай қўйган.

Здесь всё построено на пытке, Тебя пытают день-деньской,
Бу ерда ҳамма нарса қийноқ устига қурилган. Сени ҳар куни, ҳар он, ҳар сония қийнашар.

И души выплавляют в слитки, И только сниться здесь покой.
Ва руҳингни ёмбига айлантиришар, Ва бу ерда тушингга фақат ором кирар.

На окрики, на мат, на склоки, уже никто не голосит,
Бақириқлар, онангнилаб сўкиш, бузғунчиликларга ҳеч ким шовқин қилмай қўйган.

И только продливают сроки для тех, кто совесть не убил.
Ва фақат виждонини ўлдирмаганларнинг қамоқ муддатини узайтиришар.

Здесь попираются законы, Их не читали никогда,
Бу ерда қонунлар топталмоқда. Бу қонунларни ҳеч ким ўқимаган ҳеч қачон.

С землей равняются каноны простого Человеческого Бытия!
Оддий инсонликнинг ҳаёт тарзини, одамнинг одамлигини ер билан бир қилишар!” [8], [9]

Шуҳрат Бобожон ва Шуҳратжон Аҳмаджоновнинг сатрма-сатр таржимаси
-----------------------------------------------

ФОЙДАЛАНИЛГАН АДАБИЁТЛАР

1. Каримова адвокати: Сўнгги суд ҳукми томонларнинг муросавий келишувга эришишини янада қийинлаштирди! - https://www.ozodlik.org/.../gulnora.../30499238.html (www.ozodlik.org/a/ 2020.20.03).

2. Фуқаролик ва сиёсий эркинликлар тўғрисида халқаро пакт. –
http://taraqqiyot.uz/fuarolik-va-siyosiy-uular-t2 (www.taraqqiyot.uz “Тараққиёт” номли Минтақавий тадқиқотлар маркази сайти);
https://kasaba.uz/wp-content/uploads/2015/06/Пакт-1.pdf (www.kasaba.uz Ўзбекистон касаба уюшмалари Федерациясининг Портали).

3. Мазлумнинг дуоси. – www.islom.uz/maqola/2491 (www.islom.uz 2017.13.03).

4. Бош прокуратура: Гулнора Каримова қамоқда. - https://www.ozodlik.org/a/28644507.html (www.ozodlik.org/a/ 2017.28.07).

5. АҲМАДЖОНОВ Ш. Тутқиндаги Гулнора Каримова 46 ёшга тўлди. - https://www.facebook.com/permalink.php... (www.facebook.com Фейсбукдаги “Шухратжон Ахмаджонов” саҳифаси, 2018.08.07).

6. Дело Гульнары Каримовой: Оправдательный приговор в отношении бывших руководителей компании Telia оставлен в силе (Гулнора Каримованинг суд иши: Telia компаниясининг собиқ раҳбарларига доир оқлов ҳукми ўз кучида қолдирилди). - https://rus.ozodlik.org/a/31090751.html (www.rus.ozodlik.org/a/ 08.02.2021)

7. Bloomberg: Гульнара Каримова победила в суде в Швейцарии (Bloomberg: Гулнора Каримова Швейцария судида ғолдиб бўлди). - https://www.gazeta.uz/ru/2020/12/04/karimova/ (www.gazeta.uz/ru/ 2020.04.12).

8. Дочь Гульнары Каримовой опубликовала стихотворение матери о тюрьме (Гулнора Каримованинг қизи онасининг қамоқхона ҳақидаги шеърини чоп қилди).
- Дочь Гульнары Каримовой опубликовала стихотворение матери о тюрьме (fergana.media) (www.fergana.media 11.03.2021);
- www.fergana.media/news/121791/ (www.fergana.media 11.03.2021).

9. ШУҲРАТ БОБОЖОН. Ўзбекистон қамоқхонасидаги икки VIP маҳкум қийноқлар ҳақида хат чиқарди. – https://www.ozodlik.org/a/ўзбекистон-қамо
...ат-чиқарди/31143846.html (www.ozodlik.org/a/ 2021.10.03).

10. АҲМАДЖОНОВ Ш. Гулнора Каримовага озодлик. Ўзбекистон Президенти Шавкат Мирзиёевга 2021 йил 8 июл кунги Мурожаатномам. - www.liveinternet.ru/users/4799013/rubric/6952466/ (www.liveinternet.ru Дневник “Турон-Шухратжони”, Рубрика «2021 YILGI MAQOLALAR», March1, 2022).
------------------------------------------

Ҳурмат ва эҳтиром билан

Шуҳратжон Аҳмаджонов,
инсон ҳуқуқлари ҳимоячиси, мустақил журналист ва қочқин





АҲМАДЖОНОВ Ш. Гулнора Каримовага озодлик. Президент Шавкат Мирзиёевга Мурожаатим-2022. - 2022 YILGI MAQOLALAR | Записи в рубрике 2022 YILGI MAQOLALAR | Дневник Турон_Шухратжони : LiveInternet - Российский Сервис Онлайн-Дневников (www.liveinternet.ru/users/4799013/rubric/6974575/ Дневник “Турон Шухратжони”. Рубрики “2022 YILGI MAQOLALAR”, “ПРАВОЗАЩИТА”. July 11, 2023);
- (3) ХАЛК ДАРДИ ! | Facebook (www.facebook.com/groups/214292470235509/?multi_permalinks=559657205699032¬if_id=1657157634453307¬if_t=feedback_reaction_generic&ref=notif Фейсбукдаги “Халқ дарди” гуруҳи саҳифаси, July 6, 2022);
- www.facebook.com/profile.php?id=100002930964631 (www.facebook.com Фейсбукдаги “Шухратжон Ахмаджонов» саҳифаси, July 6, 2022);
www.facebook.com/photo/?fbid=5281937921913854&set=a.708596052581420&comment_id=553249746494042&force_theater=true¬if_id=1658204954662101¬if_t=photo_comment&ref=notif (www.facebook.com 2022 йил 6 июл куни элчихона олдида пикет вақтида тушган ва Фейсбукда чоп қилинган фотосуратим остига ёзилган постинглар).