Ўзбекистон Президенти Шавкат Мирзиёевга
нусхаси Ўзбекистоннинг АҚШдаги элчиси Жавлон Вахобовга
нусхаси Ўзбекистоннинг АҚШдаги Бош консули Камол Икрамовга
нусхаси Ўзбекистоннинг АҚШдаги консули-биринчи котиби Фахриддин Мўминовга
нусхаси Ўзбекистон «Ватандошлар» жамоат фондининг Васийлик кенгаши раиси Шерали Жўраевга

Ўзбекистон фуқароси Шуҳратжон Аҳмаджоновдан (ўзбек, 1954 йилда туғилганман)
Манзилим:
216 Tulip Dr.,
Gaithersburg, Maryland, 20877
E-mail: maqsadsh54@gmail.com

2022 йил 1 декабр

ФУҚАРОЛИГИМГА ДОИР ШИКОЯТ АРИЗАМ

Аваламбор Сизни 2022 йил 8 декабр куни нишонланаётган Ўзбекистон Конституциясининг 30 йиллиги билан самимий табриклайман.

Мени Ўзбекистон фуқаролигидан маҳрум қилиш ҳақидаги расмий хатни 2021 йил 21 октябр куни Ўзбекистоннинг АҚШдаги консули-биринчи котиби Фахриддин Мўминов менга берди (1-иловага қаранг). Шикоятдан мақсадим: Ҳурматли Шавкат Миромонович! Илтимос, ушбу адолатсиз қарорни бекор қилинишига ва Ўзбекистон фуқаролигини тиклашимга ёрдам берсангиз.

Фото 1. Ўзбекистон фуқаролигидан ўчирилганимга доир инглиз тилидаги расмий хат. Уни менга Ўзбекистоннинг АҚШдаги консули-биринчи котиби Фахриддин Мўминов 2021 йил 21 октябр куни берди.

Ҳужжатдаги матнни ўзбек тилига мен ўгирдим.

“2021 йил 21 октябр

ТАЛАБ ҚИЛИНГАН ЖОЙДА КЎРСАТИШ УЧУН

Ўзбекистон Ресубликасининг Америка Қўшма Штатларидаги элчихонаси Консуллик бўлими қуйидагини тасдиқлайди: Ўзбекистон Ресубликаси Президентининг 2015 йил 22 майдаги PF-4727 рақамли Фармони билан Шуҳратжон Аҳмаджонов (1954 йил 20 январда туғилган) Ўзбекистон фуқаролигидан маҳрум қилинди.

Агар сизда бунга доир қандайдир саволлар бўлса, сиз 202-887-5300 телефони орқали элчихона билан ёки + 1202-251-8298 мобил телефони орқали шахсан мен билан боғланишингиз мумкин (uzbekconsul.org@gmail.com или consul.washington@mfa.uz ).

Фахриддин Мўминов,
Ўзбекистоннинг АҚШдаги консули-биринчи котиби (имзо ва муҳр)”

Паспортимга доир маълумот. Мен 1999 йил 2 декабрда олган Ўзбекистон паспортида суратим ёпиштирилган ва асосий маълумотлар ёзилган саҳифаси нусхасини қуйида келтирдим. 45 ёшда олинган паспорт шу инсоннинг умри охиригача берилар эди. Паспортим рақами: CG 0491414. Ушбу паспортим рўйхатга қўйилган (прописка қилинган) манзил: Жиззах вилояти, Шароф Рашидов (собиқ Жиззах) тумани, Қулама қишлоқ фуқаролар йиғини, Тинчлик кўчаси, 25-уй.


Фото 2. Мен 1999 йил 2 декабрда олган Ўзбекистон паспортида суратим ёпиштирилган ва асосий маълумотлар ёзилган саҳифаси нусхаси.

Ўзимга доир маълумот. Мен Ўзбекистонда инсон ҳуқуқларини ҳимоя қилганим ва мустақил журналист сифатида ёзган юзлаб танқидий мақолаларим учун 2007-2008 йилларда тазйиқлар жуда кучайди ва туҳмат билан қамалиш хавфи пайдо бўлди. Шу сабабли 2008 йил октябрида Ўзбекистонни тарк этишга мажбур бўлдим. АҚШ ҳукумати менга сиёсий бошпана беришга рози бўлди ва мен АҚШга 2010 йил 21 январ куни келдим.

Мен АҚШда яшаётганимга 13 йилга яқин вақт ўтган бўлсада, мен АҚШ фуқаролигини қабул қилмадим ва Ўзбекистон фуқаролигида қолганман.

2014 йил 26 майга ўтар кечаси икки босқинчи тўппончасини пешонамга тираб сумкам ва рюкзагимни олиб кетишди. Сумкамда Ўзбекистон паспортим ҳам бор эди. Мен полицияга телефон қилдим ва улар воқеага доир рапорт ёзди (1- ва 2-иловага қаранг).

2018 йил баҳорида Вашингтондаги элчихонамизда учрашув бўлди. АҚШда яшаётган Ўзбекистон фуқаролари ўз муаммоларига доир саволлар бериб жавоб олишди. Мен ҳам ўша учрашувда қатнашиб паспортимни қуролли босқинчилар олиб кетишганини айтиб, янги паспортни қандай олишим мумкинлигини сўрадим.


Фото 3. Паспортимни қуролли босқинчилар олиб кетишганини айтиб, янги биометрик паспортни қандай олишим мумкинлигини сўраётган пайтим. Ўзбекистоннинг Вашингтондаги элчихонаси. 2018 йил баҳори. Журналист Навбаҳор Имамова фотоси.

Ўзбекистоннинг янги биометрик паспортини олишимга ҳалақит берган воқеалар ҳақида қисқача ёзай.

АҚШда яшаётган ўзбек қочқинларидан олти нафарига қарши заҳарлаш, суиқасд, босқинчилик, ўғирлик ва тазйиқ уюштиришаётгани, ҳибсга олиб кўп йиллар давомида суд қилиша олмаётганига доир аниқ фактлар асосида шикоят ёздим ва 2015 йил февралда АҚШ Президенти Барак Обамага жўнатдим Хатимнинг инглиз тилидаги матнини 3-иловада, ўзбек тилидаги матнини 4-иловада келтирдим.

Масалан, Колорадо штати Денвер шаҳрида яшаган ўзбек қочқини жиззахлик ҳамшаҳрим Жамшид Мухторовни (1976) АҚШ Федерал қидирув бюроси агентлари “хориждаги террорчиларга моддий ёрдам берган” деган туҳмат билан 2012 йил 21 январ куни ҳибсга олиб 2015 йилгача суд қилиша олмади. Унинг уч нафар фарзанди бўлиб, оиласи билан ижарадаги хонадонда яшарди. Президент Барак Обамага ёзган хатимдан кейин унинг устидан дастлабки суд 2015 йил августга белгиланди. У суд ҳам, 2017 йил мартда бошланган суд ҳам қолдирилди. Мен Жамшидга Вашингтонга АҚШ Олий судига шикоят ёзишни маслаҳат бердим. АҚШ Конституциясининг Олтинчи Тузатишида ҳибсга олинган фуқаро тез ва қонун талаблари доирасида суд қилиниши, суд қилинмаган тақдирда (масалан бир йил давомида) маҳбуснинг шикояти асосида у дарҳол озод қилиниши ҳақида ёзилган. У ёзмади. 2018 йил июнда бошланган судда у хориждаги террорчиларга ақалли бир долларлик ёрдам берганига доир айбномани Федерал қидирув бюроси агентлари ва прокурорлар исботлаша олмади. Шундай бўлсада уни 11 йилга қамаш ҳақида суд ҳукми ўқилди. Жамшид Мухторов 2022 йил 7 январ куни АҚШдан Ўзбекистонга қайтарилди.
(AQSh terrorizmda aybdor deb topilgan o'zbekistonlikni vatanga qaytardi. - www.amerikaovozi.com/a/6393781.html (www.amerikaovozi.com/a/ January 12, 2022).

Мен Денвер шаҳридаги суд жараёнларидан кейин Вашингтон шаҳрига 2018 йил ёзда қайтиб келдим. 2018 йил сентябр тунларидан бирида менинг грин-картам ва ижтимоий таъминот карточкамни ўғирлашни уюштиришди (ушбу ҳужжатларим нусхасини 5-иловада келтирдим). Бундай ўғирликни тунда ухлаётганимда АҚШ Федерал қидирув бюроси (ФҚБ) агентлари наркоукол қилиш ва наркосўроқ ўтказиш давомида уюштирган, деб ҳисоблайман. ФҚБ агентлари наркоукол қилиш ва наркосўроқ ўтказиш услубини менга қарши 2010-2022 йиллар давомида кўп марта қўллашди.


Фото 4. Менинг грин-картам (Green card) ва ижтимоий таъминот карточкам (Social Securite) сурати.

Мен биометрик паспорт олишга доир талабларни Ўзбекистоннинг АҚШдаги элчихонаси сайтининг рус тилидаги саҳифасида ўқидим: Биометрический паспорт. - https://www.uzbekistan.org/page/view?id=29 Унда 6- ва 9-талаблар қуйидагича ёзилганди.

«Гражданам Республики Узбекистан для оформления биометрических паспортов необходимо предоставить нижеследующий перечень документов:

6. Документ (вместе с копией), подтверждающий легальность пребывания гражданина РУ на территории иностранного государства (виза, вид на жительство, оригинал "грин-карты" (вместе с копией));

9. В случае утери паспорта, заявитель представляет справку из правоохранительных органов страны пребывания об обращении заявителя по поводу утери паспорта и заявление с подробным указанием обстоятельств утери паспорта.» https://www.uzbekistan.org/page/view?id=29

Бу матннинг ўзбек тилига таржимаси.

“Биометрик паспортни расмийлаштириш учун Ўзбекистон Республикаси фуқаролари қуйидаги ҳужжатларни тақдим қилишлари шарт:

6. Ўзбекистон Республикаси фуқароси хориж давлат ҳудудида қонуний эканлигини тасдиқловчи ҳужжат (нусхаси билан) (виза, яшаш учун рухсатнома, "грин-карта"нинг асл нусхаси (нусхаси билан));

9. Паспортни йўқотиб қўйган ҳолда аризачи паспортини йўқотиб қўйганига доир ўзи яшаётган мамлакат ҳуқуқни муҳофаза қилиш органларига мурожаат қилганига доир маълумотнома ва паспортни йўқотиб қўйиш ҳолатига доир батафсиз ёзилган аризани тақдим қилади;”

Мана шу талаблардан келиб чиқиб мен олдин АҚШ янги грин-картасини олишга ҳаракат қила бошладим. Янги грин-карта олишим учун АҚШ Полиция раҳбариятига олдинги грин картам қандай йўқ бўлганлиги, яъни ўғирланганига доир ариза ёзишим керак экан.

Мен юқорида ёзганимдек, менинг грин картам ўғирлашни АҚШ Федерал қидирув бюроси (ФҚБ) агентлари тунда ухлаётганимда наркоукол қилиш ва наркосўроқ ўтказиш давомида уюштирган, деб ҳисоблайман. Бундай битта ҳолат билан ФҚБ агентлари жиноятини исботлай олмаслигим аниқ.

АҚШда 2012 йил ноябрдан 2021 йил июнга қадар менга қарши 19 марта ўғирлик ва 4 марта босқинчилик уюштиришди. Ушбу жиноятларни мени 2010 йилдан бери кечаю-кундуз кузатаётган фуқаро кийимидаги шахслар, менимча, АҚШ Федерал қидирув бюросининг айрим агентлари уюштиришаётганини таҳлил қилиб тушундим. Полиция раҳбариятига 2021 йил сентябрдан бошлаб ёзган ариза-шикоятимда ушбу ўғирликлар ва босқинчиликларни кимлар ва қандай уюштирганига доир воқеаларни ҳужжатлар ҳамда фактлар асосида таҳлил қилиб ёздим.

Аризам-шикоятимни инглиз тилига таржима қилиш осон ва сифатли бўлиши учун уни рус тилида ёздим. Унинг дастлабки варианти 81 банддан иборат 39 бетни ташкил қилди. Мен уни 2021 йил 21 октябр куни ёзиб тугатдим ва элчихонамизга бердим. Менимча, улар 39 бетлик Ариза-шикоятимдан ксерокс қилиб нусха олишди.

Фахриддин Мўминов билан бўлган салом-аликдан кейин мен вазиятни қисқача тушунтирдим ва 2022 йил 24 октябр кунги президентлик сайловларида қатнашмоқчи эканлигимни айтдим. Унга 2018 йил сентябрда ўғирланган грин-картам ва ижтимоий таъминот карточкамдан олинган нусха (фото 4), паспортим сурати ёпиштирилган ва асосий маълумотлар ёзилган саҳифа нусхаси (фото 1), шунингдек рус тилидаги 39 бетли тушунтириш ариза-шикоятимни бердим. У «Ҳозир аниқлаштираман» деб ичкарига кириб кетди. Фахриддин Мўминов менинг АҚШ фуқаролигини олган-олмаганлигимни текшириш учун кириб кетди, деб ўйладим.

Бу орада Комил исмли 30 ёшлардаги йигит фотокамерасини менга тўғрилаб президентлик сайловларига доир қисқача интервю беришимни илтимос қилди. Мен рози бўлдим. Мен 2016 йил 4 декабрдаги президентлик сайловлари куни АҚШдаги Ўзбекистон элчихонаси қаршисида пикет қилганим ва унда плакатда ёзилган ноҳақ қамалган 45 нафар инсон ҳуқуқи ҳимоячилари, журналистлар, шунингдек имом Руҳиддин Фахриддиновнинг қамоқдан озод қилинишини талаб қилганим, сайлов ўтгач 1-2 йил давомида, адашмасам, уларнинг барчалари қамоқдан озод қилингани ва улар ўз оилалари бағрига қайтганини айтиб, сайловда қатнашмоқчи ва президент Шавкат Мирзиёевга овоз бермоқчи эканлигимни айтдим.

2021 йил 21 октябр куни Фахриддин Мўминов менга Ўзбекистоннинг марҳум президенти Ислом Каримовнинг 2015 йил 22 майдаги ПФ-4727 рақамли фармони асосида мен Ўзбекистон фуқаролигидан ўчирилганимга доир инглиз тилида ёзилган варақни берди (1-фотога қаранг). Мен ушбу ҳужжатга ким имзо қўйганини сўрадим ва ўша ҳужжат нусхасини беришни илтимос қилдим. Фахриддин Мўминов бу саволимга жавоб бераолмади. У менга рус тилидаги «Заявление-анкета на оформление биометрического паспорта для выезда за границу» номли бланка берди ва ундаги саволларга жавоб ёзишим кераклигини айтди. Бу пайтда соат 18:00 дан ўтганлиги сабабли “Анкетани ёзиб эртага олиб келарсиз” деди. Мен рози бўлдим ва уйга жўнаб кетдим.

Мен 2012 йил март ойида Бойсе шаҳридан Вашингтонга кўчиб келганимдан кейин йилига бир-икки марта элчихонамиз олдида пикет қилдим. 2016 йил 4 декабрдан бошлаб қилган пикетларимда талабларим матнини ёзиб элчихонага берганман. Унда АҚШдаги яшаш манзилим ва бошқа ўзимга доир маълумотларни ёзганман.

Қамоқда 2015 йилдан бери азоб чекаётган Гулнора Каримова 2017 йил 8 июл куни 45 ёшга тўлди. Мен 2017, 2018, 2019, 2020 ва 2021 йил 8 июл кунлари ҳам элчихонамиз олдида пикет қилиб унга нисбатан адолатли суд қилиниши ёки уни озод қилишларини талаб қилдим. Ҳар сафар элчихонадан Фахриддин Мўминов ва бир-икки ходим чиқиб мен билан қисқача суҳбатлашган, баъзан талабномамни олиб қолишган, баъзан уни элчихонанинг хатлар қўтичасига солганман. Лекин улар консуллик рўйхатидан ўтишим кераклиги ва бунинг учун яна қандай маълумотлар зарур эканлиги ҳақида бирор марта менга айтган эмас.

2021 йил 7 июл кунги пикет давомида элчихонамиз биносидан жаноб Фахриддин Муминов ва яна икки нафар ўзбек чиқишди. Улар олдимга келишди ва биз салом-алик қилдик. Улар пикетим сабабини сўрашди. Мен пикетим сабаби – хоним Гулнора Каримова устидан ўтказилган адолатсиз судлар эканлигини айтдим ва уларга сизнинг номингизга ёзган Мурожаатим матнини бердим. Улардан бири, менимча Жамшид Мирзабоев шундай деди: “Биометрик паспорт олиш учун ҳужжатларингизни тезроқ тайёрлаб топширинг” деди. Мен унга жавобан: “2018 йил сентябрда менинг грин картамни ўғирлаб кетишди. Ҳозир АҚШ ва полиция раҳбариятига шикоят-аризамни ёзаяпман. Шикоятимни тугатгач мен унинг нусхасини ва бошқа ҳужжатларни сизларга бераман, иншааллоҳ” дедим. 2021 йил 7 июл кунги пикет давомида жаноб Фахриддин Муминов ва Жамшид Мирзабоев мени Ўзбекистон фуқаролигидан маҳрум қилишгани ҳақида ҳеч нарса демади.

Эътибор беринг: 2021 йил 7 июл куни биометрик паспорт олишим учун керакли ҳужжатларни беришимни илтимос қилишди. Шундан уч ой ўтгач, аниқроғи 2021 йил 21 октябр куни менга Ўзбекистон фуқаролигидан маҳрум қилиш ҳақидаги ҳужжатни беришди. Савол туғилади: сабаби нимада? Сабаби шундаки, мен ўзимнинг 200 бетлик катта шикоят-аризамни 2021 йил сентябрдан ёза бошладим ва унда Ўзбекистон Миллий хавфсизлик хизмати (2017 йилдан кейин Давлат хавфсизлик хизмати (ДХХ)) АҚШ Федерал қидирув бюроси (ФҚБ) билан ҳамтовоқ бўлаётгани ва улар менга қарши уюштирган айрим жиноятлар тарихини ёза бошладим. ФҚБ агентлари ва Ўзбекистон ДХХси зобитлари компютеримни туну кун назорат қилишаётгани, ёзаётган шикоят-аризам ва бошқа матнларни ўқишаётгани ва ушбу ёзув давомида жиноятларни озми-кўпми фош қила бошладим. Шу сабабли улар 2021 йил 21 октябрда Ўзбекистон фуқаролигидан маҳрум қилиш орқали мендан қутулишга қарор қилишди, менимча. Шундан сўнг тазйиқлар, провокациялар, ҳатто мени дарди бедаво касал қилиб ўлдириш учун ҳар хил усуллар билан заҳарлашлар уюштиришмоқда. Улар қўллаётган заҳарлаш ҳолатлари ҳақида 200 бетлик шикоят-аризамда ёзганман.

Ушбу шикоят-аризамда кўпгина муҳим фактлар, воқеалар ҳақида ёзганим, шунингдек муҳим ҳужжатлар ва фотоларни илова қилганим сабабли унинг тўлиқ иккинчи варианти икки юз бетни ташкил қилди. Уни тугатиш арафасидаман. Тугатганимдан кейин уни АҚШ ва Ўзбекистон раҳбариятига, инсон ҳуқуқини ҳимояловчи халқаро ташкилотларга ва оммавий ахборот воситаларига жўнатаман, иншааллоҳ.

Фахриддин Мўминов менга 2021 йил 21 октябр куни берган ҳужжатда раҳматли президент Ислам Каримов 2015 йил 22 май куни имзолаган ПФ-4727 (ПУ-4727) фармони асосида мени Ўзбекистон фуқаролигидан маҳрум қилишгани ёзилган. Мен қонунлар чоп қилинадиган сайтларда, жумладан www.lex.uz сайтида фармон матнини изладим. Лекин ушбу фармон сайтларда йўқ. Ўзбекистон Миллий хафсизлик хизмати раҳбарияти бундай муҳим фармонни www.lex.uz норматив сайтида чоп қилишга рухсат бермаганга ўхшайди.

Мени Ўзбекистон фуқаролигидан ноҳақ ва қонунга зид равишда маҳрум қилганлиги сабабли мен 2021 йил 22 октябр куни сизнинг номингизга шикоят ёздим ва элчихона котибига топширдим. Шикоятимга жавоб келмади.

Мен Ўзбекистон Президенти сайловлари куни бўлмиш 2021 йил 24 октябр куни Ўзбекистоннинг Вашингтондаги элчихонасига бордим. У ерда Жамшид Мирзабоев менинг шикоятимга доир Тошкентдан жавоб келмаганини айтди. Мен ундан ПФ-4727 (ПУ-4727) фармонини кўрсатишни илтимос қилдим. У ушбу фармон ҳақида билмаслиги ва унда унинг нусхаси йўқлигини айтди. Жамшид Мирзабоев билан 2021 йил 21 ва 24 октябр кунлари бўлган суҳбатлардан у Ўзбекистон Давлат хавфсизлик хизмати билан боғлиқ шахс, деган тассаввур менда ҳосил бўлди.

Ҳурматли Шавкат Миромонович! Диктатор-президент Ислам Каримов 2016 йил 2 сентябр куни вафот қилди. Сиз маърузаларингиздан бирида айтган таърифга кўра «столбани қамаганлар» бунунги кунда ҳали ҳам от устидадир. Ислам Каримовнинг асосий воситаси бўлмиш Миллий хавфсизлик хизмати иш услублари сизнинг президентлигингиз даври бўлмиш охирги олти йил давомида деярли ўзгармади. Айтмоқчидек, фақат номигина Давлат хавфсизлик хизмати бўлиб ўзгарди. Улар ҳозирга қадар муаммоларни ўз билганларича ва ўзларига маъқул келгандек ҳал қилишмоқда. Бунга мени Ўзбекистон фуқаролигидан маҳрум қилиш каби қонунга зид ҳолат навбатдаги мисол бўлаолади.

Хуллас калом, Давлат хавфсизлик хизмати билан боғлиқ қайсидир амалдор менга нисбатан адолатсиз қарор чиқарган ва мени Ўзбекистон фуқаролигидан маҳрум қилган.

Ҳурматли Шавкат Миромонович! Илтимос, ушбу адолатсиз қарорни бекор қилинишига ва Ўзбекистон фуқаролигини тиклашимга ёрдам берсангиз.
------------------------------------

ИЛОВАЛАР

ИЛОВА 1. Полиция ходими жаноб Келвин В. Брэнч 2014 йил 26 майга ўтар кечаси менга қарши уюштирилган босқинчиликка доир ёзган 14074924 рақамли рапортнинг биринчи бети.


ИЛОВА 1-НИНГ ДАВОМИ. 14074924 рақамли рапортнинг иккинчи бети.


ИЛОВА 2. 2014 йил 26 майга ўтар кечаси босқинчилик билан олиб кетилган нарсаларим рўйхатининг биринчи бети.


ИЛОВА 2-НИНГ ДАВОМИ. 2014 йил 26 майга ўтар кечаси босқинчилик билан олиб кетилган нарсаларим рўйхатининг иккинчи бети. 21-бандда “(Uzbekistan) Pasport 1” деб ёзганман. Мен ушбу рўйхатни 7-полиция бўлими ходимаси Ms. DaeTonya Seoh га бердим, имзо қўйиши ва санани ёзишини илтимос қилдим.


ДАВОМИ БОР