Шуҳратжон АХМАДЖОНОВ

“ГАДО”НИ “ГАДО”ГА ҚАРШИ ҚЎЯЁТГАН МАХСУС ХИЗМАТЛАР (АҚШНИНГ ЁРИТИЛМАГАН МАНЗАРАЛАРИ ТУРКУМИДАН 2-МАҚОЛА, давоми 1)

5. БРЭНДОН КИМ?


Фото 2. Street Sense газетаси сотув менеджери жаноб Брэндон Кодилл (Brandon Caudill). [8]

Street Sense газетаси сотув менеджери жаноб Брэндон Кодилл (Brandon Caudill) ҳақида [8]-да қисқача маълумот берилган. Уни тўлиқсинча келтираман (таржимани мен қилганман).

“Brandon Caudill, Sales Manager - Brandon joined the Street Sense staff in the spring of 2013 after volunteering for the organization for over a year. Prior to moving to the District in 2011, Brandon lived in his native state of California where he began his professional career working in customer service management and sports management. He has previously served as a volunteer with the Prado Day Center in San Luis Obispo, California” [8]

“Сотув менеджери Брэндон Кодилл (Brandon Caudill) бир йиллик волонтерликдан кейин Street Sense газетаси ходимлари рўйхатига 2013 йил баҳорида қўшилган (волонтерлик - кўнгилли бўлиб текинга ишлаш, А.Ш.). Брендон Колумбия округи (Вашингтон шаҳри)га 2011 йилда кўчиб ўтганига қадар Калифорния штатидаги ўзининг қадрдон шаҳрида яшаган ва касбий карьераси (ўсуви)ни клиентларга хизмат кўрсатиш ҳамда спорт менеджменти бошқармасида бошлаган. У бундан олдин Калифорниянинг Сан-Луис-Обиспо шаҳридаги Прадо Кундузги Марказда волонтер (кўнгилли) бўлиб хизмат қилган” [8]

Мен Street Sense газетасида 2012 йил октябридан бошлаб сотувчи бўлиб ишлаяпман. Лекин 2013 йил март ойигача Брэндон Кодиллни Street Sense газетаси муҳарририятида кўрганимни эслай олмадим, яъни кўрмаганман.

Менимча, Брэндон Кодиллни Street Sense газетасига атайлаб киритишган. У газетага ишга киргач (киритилгач) 2013 йил 5 март куни газета сотувчиларнинг биринчи умумий йиғилиши бўлди. Шу йиғилишда уни кўрдим. Бундай йиғилишлар ҳар ойнинг биринчи сешанбасида ўтказиш йўлга қўйилди.


6. БРЭНДОН ХАРАКТЕРИГА ХОС ВОҚЕА

Мен Street Sense газетасида 2012 йил октябридан бери сотувчи бўлиб ишлаётганим ҳақида юқорида ёзгандим. 2012 йил 7 ноябрда [6]-мақолам (Таклифим) чоп этилгач www.streetsense.org сайтини очиб батафсил танишдим. У пайти сайтда газета ходимларининг фотосуратлари ва қисқача таржимаи ҳоли чоп этилмаганди. Шу сабабли ходимларни, жумладан ижроия директори Брайан Кэроум (Brian Carome) айнан ким эканлигини билмасдим. Бу – биринчидан.

Иккинчидан, ходимларни батафсил танимаслигим сабабларидан бири - Street Sense газетаси муҳарририяти черков биносининг 2-қаватидаги бир неча хонасида жойлашган. Офисга борганимда эшикдан кириб-чиқувчилар кўп бўлиб, уларни сўраб-суриштиришга ҳаракат қилмаганман.

Учинчидан, газета сотувчилар юздан ортиқ бўлиб, борганимда кириб-чиқувчи сотувчилар ҳам кўп бўларди.

Тўртинчидан, Брэндон Кодилл муҳарририятда 2013 йил мартида пайдо бўлди. У бир неча ой давомида бевосита газета сотиш билан шуғулланмади, яъни ен борганимда кўпинча волонтер (кўнгилли), айрим ҳолларда ходима Ребекка Стюарт (Rebecca Stewart) газета сотарди.

Шу ва шунга ўхшаш сабаблар туфайли мен Street Sense газетаси сотув менеджери Брэндон Кодиллни Street Sense ижроия директори Брайан Кэроум (Brian Carome) деб ўйлаб унга “Брайан” деб кўп марта мурожаат қилганман. Лекин Брэндон бирор марта менга: “Мен Брайан эмасман, мен Брендонман” деб айтмади.

Одатда тарбияли инсон бундай ҳолларда ўзининг аниқ исмини айтади ва киши хатосини тузатади. Брендон эса бундан мустасно бўлса керак.

Шу сабабларга кўра мен 2013 йил 28 июн кунги хатимни Street Sense ижроия директори Брайан Кэроум номига ёзиб Брэндон Кодилл қўлига топширдим (ушбу хатни 2-иловада келтирганман).

У Брайан эмаслиги, яъни Брендон эканлигини менга фақат 5 июл куни айтди. Шунда ҳам ўз ташаббуси билан айтган эмас. У менга берган Ёзма огоҳлантирув ҳужжати пастига Brandon Caudill (Брэндон Кодилл) деб ёзилганди. Мен имзо ва санани ёзишни илтимос қилдим. У санани ёзди ва имзо қўйди. Мен: “Ўз исми шарифингизни ҳам ёзсангиз” деб илтимос қилдим. Шундагина у айтди: “Мен Брэндон Кодиллман. Пастда менинг исми шарифим ёзилган”. Мана шу вазият орқалигина у Брэндон Кодилл эканлигини аниқлаштирдим.


7. БРАЙАН КИМ?




Фото 3. Street Sense газетаси ижроия директори жаноб Брайан Кэроум (Brian Carome). [8]

“Brian Carome, Executive Director – Brian joined the staff of Street Sense in November 2011. He has over 20-years of senior management experience at non-profit homeless service and child welfare agencies in the Washington, DC metro area. Previously he served as Executive Director at Housing Opportunities for Women, Project Northstar and A-SPAN. Additionally he worked at New Hope Housing, Sasha Bruce Youthwork, the Washington Legal Clinic for the Homeless and the Father McKenna Center. He also completed an executive certificate program in non-profit management at Georgetown University’s Center for Non-profit Leadership” [8]

“Брайан Кэроум (Brian Carome), ижроия директори - Брайан Street Sense ходимлари рўйхатига 2011 йил ноябрда киритилган. У уйсизларга нотижорат хизмат кўрсатиш ва Вашингтон, Колумбия округи метро ҳудудида болаликни ҳимоя қилиш хизматида катта бошқарувчи сифатида 20 йилдан зиёд тажрибага эга. У аввал Housing Opportunities for Women (Хотин-қизлар учун Яшаш Имкониятлари), Northstar (Қутб юлдузи) и A-SPAN лойиҳасида ижроия директори лавозимини эгаллаганди. У қўшимча равишда New Hope Housing (Янги Уй-жой Умиди), Sasha Bruce Youthwork (Саша Брюс Ёшлар маркази), The Washington Legal Clinic for the Homeless (Уйсизлар учун Вашингтон Ҳуқуқий Клиникаси) и The Father McKenna Center (Маккенни Отаси Маркази)да қўшимча ишлаган. У шунингдек Жорджтаун университети Нотижорат Раҳнамолиги Марказини Жамоатчилик ташаббуси асосида бошқарув дастурини ижроия сертификати бўйича тугатган” [8]

8. “ТИЛАМЧИ”-КООРДИНАТОР

Мен газета сотаётган Вашингтон шаҳри Шимолий Фаррагат метро шоҳбекати олдига турли хил одамлар сафарбар этилди. Шулардан бири ҳақида ушбу параграфда ёзмоқчиман.

2013 йил май ойида Шимолий Фаррагат метро шоҳбекати олдида соқолини 1-2 см ўстирган навбатдаги тиламчи пайдо бўлди. У 40 ёшлардаги афро-америкалик бўлиб, бўйи 175 см, тўладан келган бақувват эркак эди. Улар икки киши бўлиб келишди. Иккаласи ҳам велосипедда келишарди. Иккаласининг велосипеди орқасига аравача боғланган бўлиб, аравачага нималардир ортилган ва усти тент билан ёпилганди. АҚШда ёш болаларни миндириб, велосипед орқасига маҳкамланадиган аравача бор. Улар аравачаси болалар аравачаси бўлиб, устидаги болалар учун мўлжалланган тенти олиб ташланганди.

Иккинчиси бу ерда ортиқча эканлигини тушунишгач, бир ҳафтача вақт ўтгандан кейин фақат биттаси келадиган бўлди. У аравачали велосипеди билан йўлакнинг ярмини тўсиб қўйса ҳамки унга бирор киши танбеҳ бера олгани йўқ. Бунга сабаб - у нуфузли ташкилот билан боғлиқлигидир, деб ўйлайман.

Метрога кираверишда чап томонда баландлиги 120 см бўлган бетондан супача қилинган. Бошқа тиламчилар асфалтда ёки бирор қўти устида ўтиришса, бу шу супа устига чиқиб олиб қўлидаги каттагина қоғоз стакани билан ғуддайиб ўтирарди. Чунки у ён-атрофни яхшилаб кузатиши ва зарур пайти координация қилиши, яъни бошқариши керак.

Яна бир эътиборли ҳолат: ушбу “тиламчи” куннинг маълум бир вақти пайдо бўлиб, аниқ маълум бир пайти, кўпинча соат 18-га яқин кетади. Яъни унинг иш куни тугагач кетса керак. Аслида соат 17 дан 19 гача минглаб фуқаролар ишдан қайта туриб метрога киришади. Яъни шу вақт оралиғида катта тушум бўлади. У эса тушумдан воз кечиб жўнаб кетмоқда.

Мен унинг қаршисида, ундан 3-4 қадам нарида устун яқинида туриб газета сотардим. Шу сабабли унинг кўпгина ҳаракатлари менга яхши кўриниб турарди.

Бир куни у метро томонга келаётган одамлар гуруҳига бироз қараб турдида, тўсатдан супадан дик этиб сакраб тушиб одамларга орқаси билан туриб олди. Мен у қараган тарафга бурилдим. У томондан одамлар орасида ёши 35-40 ларда, бўйи 180 см бақувват эркак ушбу “тиламчи”га қараб келаётганди. Унинг қўлида мобил телефони бор бўлиб, телефондан чиққан сим унинг икки қўлоғига уланганди. АҚШда чақимчилар мобил телефон ёрдамида чақимчилик қилишади. АҚШ чақимчилари масаласи алоҳида катта мақола мавзусидир. Яъни ўша эркак ҳам кучишлатар органлар билан боғлиқ киши эди.

“Тиламчи” тескари туриб олганини кўрган бу эркак бироз шошиб қолди ва бир неча сония тўхтади ҳам. У вазиятни тушунди шекилли, ўнг томонда турган кишига бир нарса деб мурожаат қилди. Кейин метрога кириб жўнаб кетди. У жўнаб кетгач “тиламчи” супа устига чиқиб “тиламчи”лигини давом эттирди.

“Тиламчи” тескари туришининг сабаби нимада? Менимча, бу эркак “тиламчи”нинг кўп йиллик танишидир, ҳатто синфдоши ёки эски дўсти ёинки рақобатчиси, яъни душмани бўлиши мумкин.

Бунданам қизиқарли воқеа кейин бўлди. Бир сафар одамлар орасидан яхши кийинган, чиройликкина 25-30 ёшлардаги аёл унга кулиб кела бошлади. “Тиламчи” олдига келиб, унинг тиззасига қўлини қўйиб завқ билан кула бошлади. “Тиламчи” у аёлга бир неча сўз деди. Аёл эса бошини у ёқ бу ёққа секин силкитиб роса куларди. “Тиламчи” ҳам табассум қилиб, ўзини хо-хо-холаб кулиб юборишдан зўрға тутиб турди. Кейин аёл сумкасидан бир долларлик пул чиқариб “тиламчи” стаканига сола туриб янада завқ билан кула бошлади. Аёл кулгидан йиқилиб тушмаслик учун бир қўли билан мармар супани ушлаб турар, иккинчи қўлидаги пулни стаканга солгач қўлини “тиламчи” тиззасига қўйиб кулишда давом этарди.

“Тиламчи” аёлга бир неча сўз айтди. Бу ҳол бошқалар эътиборини тортиши мумкинлигини тушуниб, бироз ўтгач, аёл кулгу аралаш “тиламчи”га икки-учта сўз айтиб кула-кула метрога кириб кетди.

Бундай кулган аёл воқеаси 7-8 кун танаффус билан икки марта такрорланди.

Нега аёл завқланиб кулди? Менимча, аёл бу “тиламчи”ни кўп йиллардан бери билади, унинг нуфузли ташкилотда маълум бир раҳбар даражасида ишлашидан ҳам хабардор. Бу кун эса у стакан ушлаб Вашингтон марказида, Оқ уйдан бор-йўғи 200 қадам нарида тиламчилик қилиб ўтирибди. Бу аёл учун кутилмаган ва жуда кулгили ҳолатдир.

Бу “тиламчи” Шимолий Фаррагат метро шоҳбекати олдида пайдо бўлгач, газета сотувчиси Рашавн Боузер (Rashawn Bowser, № 458) хоним у билан иржайиб-тиржайиб кўп марта гаплашганини, маслаҳатлашганини кўрдим. 10-параграфда ёзган Шикоят хатимда Рашавн Боузер хоним олдимда провокация мақсадида атайлаб газета сотган кунлари ҳам у “тиламчи” билан маслаҳатлашганди.

Ушбу “тиламчи”ни Street Sense газетаси офисида 2013 йил 4 июн кунги газета сотувчиларнинг оммавий йиғилишда ҳам кўрдим.

Газета сотувчилар шикояти уюштирилиб, Street Sense нинг сотув менеджери Брэндон Кодилл (Brandon Caudill) менга 2013 йил 5 июл куни Ёзма огоҳлантирув эълон қилгач бу “тиламчи”ни 15-20 кунча Шимолий Фаррагат метро шоҳбекати олдида кўрмадим. Сабаби – муваффақиятли ишдан кейин раҳбарият унга дам олишга рухсат берганидир, балким. У 26 июл куни метро олдида яна пайдо бўлди.

АҚШда мана шунақа “тиламчи”лар ҳам бор.


9. БРЭНДОН КОДИЛЛНИНГ ЁЗМА ОГОҲЛАНТИРУВИ

Брэндон Кодилл 2013 йил 5 июл куни менга қуйидаги Ёзма огоҳлантирувни берди. Уни аввал инглиз, кейин ўзбек тилида келтираман. Ёзма огоҳлантирувдаги воқеалар тафсилоти 10-параграфдаги Шикоят хатимда келтирилган.


“STREET SENSE

To: Shuhratjon Ahmadjonov, vendor # 457
From: Brandon Caudill, Sales Manager
Subject: Written Warning
Date: July 3, 2013


Dear Mr. Ahmadjonov,

Please consider this a formal warning that your actions reported on 6/21/13 by other vendors were in violation of the Street Sense territorial policy.

At around 4 PM on 6/21/13, a vendor # 133 Jeffery McNeil called the Street Sense offices to report that you were violating the vendor territorial policy while distributing newspapers near Farragut North Metro Station. Mr. McNeil claims you first were distributing newspapers too close to vendor # 458 Rashawn Bowser, then began distributing newspapers too close to Mr. McNeil. Ms. Bowser has made a similar such claim.

This action is in violation of the vendor Code of Conduct, which all vendors must obey when distributing newspapers. The Code of Conduct states “I will abide by the Street Sense vendor territorial policy at all times and will resolve any related disputes I have with other vendors in a professional manner”. The vendor territorial policy states that all vendors must distribute newspapers at least one (1) block away from each other unless they can come to a specific agreement to do otherwise.

You may refute this warning if you wish, but if further reports are received regarding behavior such as this, Street Sense may take disciplinary action, including temporary suspension from Street Sense.

Thank you,

имзо

Brandon Caudill
Sales Manager
Street Sense
202-347-2006x14
brandon@streetsense.org
www.streetsense.org

7/5/13 (Brandon Caudill ёзган сана, менинг илтимосим билан)”

Ушбу Ёзма огоҳлантирувнинг ўзбек тилидаги матнини келтираман (уни инглиз тилидан ўзбек тилига мен ўгирганман).

“STREET SENSE (КЎЧА ФИКРИ)

Кимга: Шуҳратжон Аҳмаджоновга, № 457 сотувчи
Кимдан: Брэндон Кодилл, сотув менеджери
Мавзу: Ёзма огоҳлантирув
Сана: 2013 йил 3 июл

Ҳурматли жаноб Аҳмаджонов,

Марҳамат қилиб, бу расмий огоҳлантирув эканлигини ҳисобга олинг, бошқа сотувчилар 2013.21.06 куни берган хабарга кўра сизнинг ҳаракатингиз Street Sense нинг ҳудудий ўзини тутиш қоидасини бузиш бўлган.

Сотувчи № 133 Джеффри Макнейл 2013 йил 21 июн соат 16:00 да Street Sense офисига қўнғироқ қилиб, сиз Шимолий Фаррагат метро шоҳбекати олдида газета сота туриб сотувчининг ҳудудий ўзини тутиш қоидасини бузгансиз. Жаноб Макнейл таъкидлашича, сиз аввалига сотувчи № 458 Рэшон Боузерга жуда яқин жойда, кейин Жаноб Макнейлга жуда яқин жойда газета сотгансиз. Боузер хоним ҳам шунга ўхшаш эътирозлар билдирди.

Ушбу ҳаракатлар Сотувчи ўзини тутиш кодексини бузишдир, қайсики барча сотувчилар газета сотаётганида амал қилиши лозим. Ўзини тутиш кодексида шундай дейилган: “Мен доимо Street Sense нинг ҳудудий ўзини тутиш қоидасига амал қиламан ва мен бошқа сотувчилар билан бўладиган ҳар қандай тортишувларни маҳорат билан ҳал қиламан”. Сотувчи ҳудудий ўзини тутиш кодексида таъкидланишича, агар сотувчилар маълум бир келишувга келиша олмаса, барча сотувчилар бир-биридан камида бир блок (квартал) нарида газета тарқатиши керак.

Сиз хоҳласангиз ушбу огоҳлантирувни рад этишингиз мумкин, лекин ўзини тутишга доир шунга ўхшаш ҳисоботлар олсак, Street Sense интизомий чоралар, жумладан Street Senseдан вақтинча узоқлаштириш чораси кўриши мумкин.

Раҳмат,

имзо

Брэндон Кодилл
Сотув менеджери
Street Sense
202-347-2006x14
brandon@streetsense.org
www.streetsense.org

7/5/13 (Менинг илтимосим билан Брэндон Кодилл ёзган сана)»

Эътибор беринг: Брэндон Кодилл ушбу Ёзма огоҳлантирувни 2013 йил 3 июл куни тайёрлаган. Мен у билан 3 июл куни учрашганимда буни менга бермади. Сабаби: ҳар ойнинг биринчи пайшанбасида Street Sense нинг ижроия директори Брайан Кэроум (Brian Carome)нинг газета сотувчилари билан учрашув вақти белгиланган. Агар у 3 июл (чоршанба) куни менга берса, мен 4 июл (пайшанба) куни Брайан Кэроум билан учрашиб, муаммони тездан ҳал қилиш чораларини кўрардим. Энди Брайан Кэроум билан фақат 8 август (пайшанба) куни учрашиб гаплашишим мумкин.


10. ШИКОЯТ ХАТИМ ЎЗБЕК ТИЛИДА

Шикоят хатимда газета сотувчиларнинг шикояти ва Брэндон Кодилл уюштирган Ёзма огоҳлантирув ҳақидаги зарур маълумотлар берилган.

“Street Sense” ижроия директори
Брайан Кэроум (Brian Carome) жанобларига

Шуҳратжон Аҳмаджонов (ўзбек, 1954.20.01 да туғилганман)
Манзилим:
2700 Мартин Лютер Кинг авеню, SE (Sourse-East – Жанубий-шарқ (даҳаси))
Вашингтон, Колумбия округи 20032
Тел: (202) 423-7578

09.07.2013

Ҳурматли Брайан!

Жаноб Брэндон Кодилл (Brandon Caudill), Street Sense нинг сотув менеджери, 2013 йил 5 июл (жума) куни менга ёзма огоҳлантирув эълон қилди (1-илова, 9-параграфга қаранг).

Жаноб Брэндон Кодилл шикоятда ёзилган вазиятни яхши ўрганмай ва мен билан муҳокама қилмай ёзма огоҳлантирув тайёрлаган, деб ҳисоблайман. Мен вазиятни батафсилроқ баён қиламан.

Мен Шимолий Фаррагат (Farragat North) метро шоҳбекати олдида 2012 йил октябридан бери савдо қиламан. Рашавн Боузер (Rashawn Bowser, № 458) хоним газетани ушбу метро олдида 2012 йил декабридан сота бошлади. У кўпинча кечроқ келарди ва Фаррагат хиёбони бурчагида, яъни К-кўчасининг нариги томонида сотарди. У баъзан мендан эртароқ келарди ва Шимолий Фаррагат метро шоҳбекати олдида сотарди, мен эса Фаррагат хиёбони бурчагида сотардим. Бу ўзаро келишилган ҳолда қилинарди, деб ҳисоблайман.

Жаноб Джеффри МакНил (№ 133) Фарагат хиёбони бурчагида тахминан 2013 йил январ-февралидан сота бошлади.

Мен Шимолий Фаррагат метро шоҳбекати олдига 2013 йил 22 май куни соат 16 да келдим. Рашавн Боузер хоним эса соат 18:30 да келди ва мендан икки-уч қадам нарида Street Sense газетасини сота бошлади. Мен унга эртароқ келганимни айтиб, бу ердан кетишини илтимос қилдим. У кетмади. Бу провокация эканлигини тушундим. Мен 20 дақиқа давомида туриб газета сотишни давом эттирдим. Мен эртароқ келганимни исботловчи далиллар йўқ эди. Шу сабабли жанжал чиқмаслиги учун мен жўнаб кетдим.

Рашавн Боузер хоним худди шундай провокацияни 2013 йил 28 май куни уюштирди. Мен 28 май куни соат 16:34 да Street Sense газетаси муҳарририятига қўнғироқ қилдим. Бу қўнғироқ ҳақидаги ёзув менинг телефонимда бор. Жавоб бўлмади. Мен мессеж қолдирдим. Кейинчалик менинг бу қўнғироғимга ҳеч ким жавоб бермади.

2013 йил 4 июн куни Street Sense катта залида газета сотувчиларининг навбатдаги йиғилиши бўлди. Мен йиғилиш пайти Шимолий Фаррагат метро шоҳбекати олдида сотувчи Рашавн Боузер хоним ва Эстерн Маркет (Eastern Market –Шарқий бозор) бозори олдида бошқа сотувчи томонидан Сотув қоидаларини бузган ҳолда савдо қилаётгани ҳақида айтдим (у вақтда мен улар исмини ва бейджик рақамини билмасдим). Ушбу сотувчи-аёл мендан кеч келаётгани ва газетани менинг яқинимда сотаётгани ҳақида айтдим.

Менга қарши провокация тайёрланаётгани ҳақида Street Sense раҳбариятини 4 июн куни огоҳлантирдим, деб ҳисоблайман. Сиз - жаноб Брайан Кэроум ўша йиғилишда қатнашгандингиз ва газета сотуви қоидаларига доир нутқ қилгандингиз.

Йиғилишдан кейин ҳамма йўлакка чиқди. У ерда жаноб Джеффри МакНил ҳам турганди. Мен жаноб Брэндон Кодиллга уни кўрсатдим ва Шимолий Фаррагат метро шоҳбекати олдида сотув қоидаларини бузаётгани ҳамда бир блок (бир кўча ва бир уй) масофасига риоя қилмаётгани ҳақида айтдим. Жаноб Брэндон Кодилл ҳеч нарса демади ва бошқа сотувчилар муаммолари билан шуғулланди. Жаноб Джеффри МакНил эса жойида турар ва куларди.

Энди 2013 йил 21 июн (жума) кунги воқеаларни баён қиламан. Мен 21 июн куни Шимолий Фаррагат метро шоҳбекати олдига тахминан соат 15 да келдим. Мндан кейин 30 дақиқа ўтгач Рашавн Боузер хоним келди ва мендан 2-3 қадам нарида сота бошлади. Мен газета сотишда давом этдим. 7-8 дақиқа ўтгач жаноб Джеффри МакНил келди ва Рашавн Боузер хонимга нималардир деди. Менимча, у Street Sense газетаси офисига қўнғироқ қилишни маслаҳат берди. Кейин жаноб Джеффри МакНил Фаррагат хиёбони томон кетди.

Рашавн Боузер хоним ўз телефонини олди ва қўнғироқ қилиб газета сотилиши ҳақида гапира бошлади. Мен тушундимки, у телефон орқали мен Сотув қоидаларини бузаётганлигим ҳақида айтаётир. Шу сабабли мен ўз сумкаларимни олдим ва Фаррагат хиёбони томон кетдим.

Мен К-кўчани кеcиб ўтдим. Бу ерда чорраха яқинида жаноб Джеффри МакНил телефонда гаплашиб турганди. Мен сумкаларимни четга қўйдим ва Street Sense газетасини одамларга таклиф қила бошладим. Эҳтимол, шу вақтда жаноб Джеффри МакНил телефонда Street Sense газетаси офисига қўнғироқ қиларди ва мен ҳақимда гапирарди (бу чорраха жуда шовқинли ва телефон орқали гаплашаётган кишининг сўзларини эшитиб бўлмайди). У гўшакни ушлаб турган ҳолда менга қараб кетишим кераклигини айтди. Мен: “Бу чорраҳага мен бугун биринчи бўлиб келдим” дедим. У 3-4 дақиқадан кейин суҳбатини тугатди ва газеталарини сумкасидан олиб сота бошлади. Мен вазиятни тушундим, сумкаларимни олдим ва бошқа жойга жўнадим. Мен таъкидлайман: мен ушбу бурчакда бирорта газета сотганим йўқ.

Шундай қилиб, мен газета сотувчисининг ҳудудий қоидасини бузганим йўқ.

Мен газета сотувчилар Рашавн Боузер хоним ва жаноб Джеффри МакНил 3 юл куни ҳудудий қоидани бузганлиги ҳақида баён қиламан.

Мен Шимолий Фарагат метро шоҳбекати олдига 2013 йил 3 июл куни соат 14:50 да келдим. Газета сотувчиларидан бирортаси йўқ эди. Маълумки, байрам арафасида савдо яхши бўлади. Шу сабабли Рашавн Боузер хоним ва жаноб Джеффри МакНил келишини тахмин қилгандим. Метрога кираверишда тахминан 30 ёшлардаги аёл ўтирибди ва тиламчилик қилмоқда (у картонга бундай деб ёзган: "I am hungry!" (“Мен очман!”)). Мен шу аёл олдига соат 14:54 да келдим ва мен келган вақтни ва ён-атрофда бирорта газета сотувчиси йўқлигини эслаб қолишни илтимос қилдим. У эслаб қолди ва ҳатто вақтни картонга ёзиб қўйди.

Мен газета сотишни бошладим. Соат 15:30 да олдимдан жаноб Джеймс Дэвис (James Davis, № 20) ва жаноб Джеффри МакНил (№ 133) ўтиб кетишди.

Жаноб Джеффри МакНил соат 15:50 да қайтиб келди, Коннектикут шоҳкўчасини кесиб ўтди ва мендан ўнг томондаги бурчакда, яъни К-кўча ва Коннектикут шоҳкўчаси бурчагида савдо қила бошлади.

Рашавн Боузер хоним соат 16:45 да келди ва мендан 2-3 қадам нарида газета сота бошлади. Мен 16:50 да гувоҳ (тиламчи) олдига келдим, Rashawn хоним соат 16:45 да келгани ва шу вақтни эслаб қолишни илтимос қилдим.

Рашавн хоним 55 дақиқа давомида газета сотди. Шундан кейин у кетишга қарор қилди. У ёнимдан ўтаётганида мен сўрадим: “Кечирасиз, сизнинг бейджик рақамингиз нечи? Менинг бейджигим рақами 457”. У ўз бўйнига осилган бейджигини Street Sense газетаси билан тўсди ва бейджик рақамини айтишни рад қилди. У CVC-Pharmacy магазини тарафга соат 17:40 да кетди.











Фото 4-6. Жаноб Джеффри МакНил газета сотаётган пайти. У оқ шим ва кўк ўйлак кийган. Вашингтон шаҳри, Фаррагат хиёбони. 2013 йил 3 июл.




Фото 7. Рашавн Боузер (Rashawn Bowser, № 458) хоним К-кўча ва Коннектикут шоҳкўчаси бурчагида савдо қилаётган пайти. Вашингтон шаҳри. 2013 йил 3 июл.




Фото 8. Шуҳратжон Аҳмаджонов. Фаррагат хиёбони ва К-кўчаси чорраҳаси одида. Вашингтон шаҳри. 2013 йил 3 июл.

Жаноб Джеффри МакНил соат 17:45 да Фаррагат хиёбони томонга ўтди. Рашавн Боузер хоним соат 18:00 да қайтиб келди, К-кўчани кесиб ўтди ва жаноб Джеффри МакНил билан гаплашди. У қўли билан К-кўча ва Коннектикут шоҳкўчаси бурчагини кўрсатди. Рашавн Боузер хоним ўша бурчакка ўтди ва газета сота бошлади. Мени ва уни бир блок масофа эмас, фақат битта кўча ажратиб турганди.

Шундай қилиб, жаноб Джеффри МакНил ва Рашавн Боузер хоним газета сотувчисининг ҳудудий қоидасини очиқдан-очиқ бузди.

Мен уларни 3 июл куни соат 18:20 да фотосуратга олдим. Жаноб МакНил оқ шим ва ҳаво ранг кўйлакда эди. У кўпинча Street Sense нинг яшил формасини киймай газета сотади. У менга тескари туришга ҳаракат қилди. Мен унинг учта суратини илова қилмоқдаман (фото 4-6-га қаранг).

Кейин мен Рашавн Боузер хоним турган бурчакни икки марта суратга олдим. Биринчи суратда кўчадан ўтаётган машина уни тўсиб қўйди. Шу сабабли Рашавн Боузер хонимнинг иккинчи суратинигина илова қилмоқдаман (фото 7 га қаранг).

3 июл куни ўзим ҳам суратга тушдим (фото 8 га қаранг). Ушбу 5 та фотосуратни 2-6-Илова сифатида илова қилмоқдаман. Ҳар бир сурат орқасига қисқача изоҳ ёздим.

Жаноб МакНил соат 18:30 да кетди. Рашавн Боузер хоним Фарагат хиёбони бурчагига соат 18:35 да ўтди.

Ушбу фактлар ва фотолар жаноб Джеффри МакНил ва Рашавн Боузер хонимнинг ўзлари газета сотувчиси ҳудудий қоидасини қўпол бузувчиси эканлигини кўрсатиб турибди.

Энди жаноб Брэндон Кодилл билан бўлган муносабатларим ҳақида ёзаман. Мен Street Sense офисига 2013 йил 27 июн (пайшанба) куни келдим ва 80 дона газета сотиб олдим. Жаноб Брэндон Кодилл менга бир варақни кўрсатди. Унда учта гап ёзилган бўлиб, бошқа газета сотувчиларининг менга қарши шикоятлари борлиги ҳақида эди. У 2013 йил 1 июл кунига учрашув белгилади.

Мен 27 июн куни хат тайёрладим ва уни жаноб Брэндон Кодиллга 28 июн эрталаб бердим. Хат матнини 7-Иловада келтирдим (мақоламда бу Илова 2, А.Ш., 2013.31.07).

Жаноб Брэндон Кодилл ўқиб чиқди ва кутиб туриш ҳақида айтди. У офисга кирди ва 10 дақиқадан кейин жавоб хатини олиб келди. Мен уни Илова 8 кўринишида келтираяпман (мақоламда бу Илова 3, А.Ш., 2013.31.07).

Мен хатни ўқидим ва дедим: “Бунда санаси, вақти, жойи ва ҳолат ҳақида ёзилмаган. Газета сотувчиларининг шикоят хатлари нусхасини беришингизни илтимос қиламан. Мен ушбу шикоятларда ёзилган санаси, жойини ва бошқа маълумотларни билишим керак. Мен бу шикоятларга жавоб ёзаман. Шундан кейин сиз билан муҳокама қилсам бўлади.”

Жаноб Брэндон Кодилл эшитди ва шикоят нусхаларини беришга ваъда қилди. Мен жўнаб кетдим.

Мен Street Sense офисига 1 июл (душанба) куни келдим ва жаноб Брэндон Кодиллдан газета сотувчилари шикояти нусхаларини сўрадим. У ҳозирча шикоят нусхалари йўқлиги ҳақида айтди. У шикоятларни кейинроқ беришга ваъда қилди. Мен кетдим.

Мен Street Sense офисига 3 июл (чоршанба) куни газетанинг янги сонини харид қилиш учун келдим. Жаноб Брэндон Кодилл менга инглиз ва рус тилидаги қуйидагини матнни кўрсатди.

«I have been told by vendor # 133 Jeffery McNeil that you violated the vendor territorial police on Friday 21 June. May we discuss this in our office? I would like to listen to your version of this story?

Мне сказали по производителю № 133 жаноб Джеффри МакНил, что вы нарушили поставщика территориальной полиции в пятницу, 21 июнь. Можем ли мы обсудить это в нашем офисе? Я хотел бы послушать вашу версию этой истории?»

Бу матннинг ўзбек тилига таржимаси:

«Менга Джеффри МакНил (№ 133) шикоятида айтишича, сиз 21 июн (жума) куни газета сотувчисининг ҳудудий қоидасини бузган экансиз. Бизнинг офисда буни муҳокама қилишимиз мумкинми? Мен ушбу воқеа тарихига доир сизнинг версиянгизни билмоқчиман.»

Мен ушбу сўзларни такрорладим: «Газета сотувчилари шикоятлари нусхаларини беришингизни сўрайман. Мен ушбу шикоятларда ёзилган санаси, жойини ва бошқа фактларни аниқ билишим керак. Мен бу шикоятларга жавоб ёзаман. Шундан кейин сиз билан бу шикоятларни муҳокама қилсак бўлади.”

Жаноб Брэндон Кодилл шикоят нусхаларини менга 5 июл куни беришга ваъда қилди.

Мен бошқа газета сотувчилари ёзган шикоят нусхаларини олиш учун Street Sense офисига 2013 йил 5 июл куни келдим. Лекин жаноб Брэндон Кодилл шикоят нусхалари ўрнига менга Ёзма Огоҳлантирув (Written Warning)ни берди (Илова 1 га қаранг).

Шундай қилиб, жаноб Брэндон Кодилл газета сотувчиларининг шикоят нусхаларини бериш ҳақида менга уч марта ваъда берди, лекин шикоят нусхаларини бермади. Шу сабабли ушбу вазият, аниқроқ қилиб айтсам менга қарши провокация муҳокама қилинмади. Ва у муҳокама қилмай Ёзма огоҳлантириш ёзди.

Мен комиссия тузишингизни, ушбу материалларни ўрганишни ва асосланмаган Ёзма огоҳлантиришни бекор қилишингизни сўрайман.

Ҳурмат билан

Шуҳратжон Аҳмаджонов,
инсон ҳуқуқлари ҳимоячиси, эркин журналист ва қочқин”

Давоми бор