Молитва преподобного старца

 Сохранилось немало свидетельств о том, как во время Великой Отечественной войны преподобный Серафим Вырицкий оказывал молитвенную помощь своим духовным чадам. Среди них была и раба Божия Екатерина из Вырицы, которую молитва старца спасла от неминуемой лютой смерти.

 Однажды, когда женщина шла на дойку коров, фашист натравил на нее двух собак-волкодавов: «Фас, рус, фас!». Огромные чудища буквально повисли на женщине, но... не оставили даже царапинки! Не помнила она, как добралась домой. Но лишь только переступила порог батюшкиной кельи, старец сказал: «Екатерина, твоя жизнь была на одной волосинке, а я, не переставая, молился, и Господь пощадил тебя ради детей».

 Во время войны преподобный Серафим Вырицкий, кроме строгих постов и непрестанной келейной молитвы, принял на себя особый подвиг ради спасения России и ее народа от гибели: 1000 ночей стоял он на камне в саду, в тиши ночной пред иконой преподобного Серафима Саровского и с воздетыми руками молился, подражая подвигу своего небесного покровителя. Есть свидетельство келейницы старца матери Серафимы, которой зимой 1942 года приснился сон: старец Серафим в валенках и белом халате гонит по заснеженному полю множество вооруженных немецких солдат.

                              МОЛИТВА О СПАСЕНИИ РУССКОЙ ДЕРЖАВЫ

 «Господи Иисусе Христе Боже наш!

 Со умилением и воздыханием, с тугою сердечною приступихом к Тебе, и припадаем, и в болезни духа вопием: согрешихом, беззаконновахом, неправдовахом пред Тобою. Дары Твоя: Церкве благолепие, плодов изобилие, воздухов благорастворение, земли благоплодие ихже Святей Руси даровал еси чрез Царство Самодержавное - в небрежении прияхом и благодарения подобна Тебе Владыце и Щедродателю нашему не воздахом, паче же отрекохомся владычества Твоего, еже чрез Помазанника Твоего и Царство его Православное утвердил еси. Возлюбихом земная паче небесных и временная паче вечных, - и се обою лишихомся. Исповедуем же, яко истиною и судом праведным навел еси вся сия на ны грех ради наших. Приидоша языцы не ведущии Тя в достояние Твое, разориша храмы святыя Твоя, яко хранилища овощные положиша я, кровь людей Твоих пролияша, яко воду, прочия же пленением лютым положиша, к вере своей христоборней соблазниша, от истины Твоея отвратиша и баснем своим веру внушити потщашося. Оле, окаянства нашего, оле плача достойного позорища!

 Сокрушил еси оплот винограда Твоего - и се обымают и вси мимоходящии путем. Отъял еси от среды предержащего злобу адову, - и се тайна беззакония яве совершается. Отверзл еси студенец бездны, - и изыде дым, и солнце померче, и от дыма изыдоша прузи адския на землю.

 Исповедуем же, яко исполнение времен приближися и отступление еже от путей Твоих утвердися в человецех: несть разумеваяй или взыскаяй Бога, несть до единаго, вси же неключими и зело непотребни сотворихомся, и в пленении лютом пребываем от человек беззаконных, иже прежде нас от Тебе возлюблени быша и отвергошася Тебе, и вражду еже к Тебе сладость себе положиша, от них же и человек беззакония и сын погибельный в мале времени прити имать. И кто от зверей земных подобен будет сему зверю адскому, и кто постоит пред могутством его злобы лживыя, - се бо пришествие его во мнозех силах и знамениях ложных, да еже и избранныя Твоя прельсти.

 Тем же со страхом и трепетом к Тебе припадаем, Господи, помяни обетование Твое о еже неодолимой пребыти Церкве Твоей от врат адовых, о еже жертве безкровней даже до пришествия Твоего совершатися.

 Помяни, Господи, и речения пророк Твоих новых, ихже в земли Русской в последния времена сия прославил еси, яко даруеши людем Твоим на малое время последнее оплот крепок и стену нерушиму - Царя Самодержавна, Помазанника Твоего. Сия же паки вемы, яко несть дар сей от человек, но всемощною силою Твоею и благим Промышленном Твоим. Темже и припадаем к Тебе со слезами: воздвигни нам вожди духовныя - мужи в силе Илии, да воля Твоя, яже от них возвещаема, непреложно да совершится; нашу же волю падшую греховную отлагаем зде пред Тобою.

 И аще благоволиши милостивно призрети на ны недостойныя рабы Твоя, Сам Владыко укажи нам избраннаго Твоего, помазанием же Божественным еже на служение царское и всеми дарами духовными снабди его: подаждь ему веру и упование Константиново, мужество Феодосиево, мудрость и богомыслие Юстинианово, незлобие Маврикиево, и еже ко страданию за люди своя тщание Николаево, возглаголи в сердце его благая о Церкви Твоей, да Твоею силою укрепляем покрыет остаток верных Твоих от обольщения злаго и ко спасению наставити нас всемерно да потщится, во еже устояти нам во брани духовней и древняго отступника со чады и клевреты его победити и тако вечных Твоих благ не лишитися. На Тя бо, Господи, уповаем и в волю Твою прошения своя повергаем; вемы бо, яко несть воли Твоея, да погибнет един от малых сих. Путие же Твоя в мире сем кто исповесть, или кто советник бысть Промышлению Твоему. Темже и славу боголепно по долгу воздаем Ти, вси в скорбех и гонениих суще, да и в будущем веце радости сия не лиши нас, еже воспевати всесвятое Имя Твое, Отца и Сына, и Святаго Духа ныне и присно и во веки веков. Аминь.»

 Икона "Георгий Победоносец"