Память святителя Луки Крымского празднуется Православной Церковью 29 мая/11 июня; в день Собора Курских святых (19 июля/1 августа); в день Собора Новомучеников и исповедников Российских (воскресенье 25 января/7 февраля или ближайшее воскресенье после 25 января/7 февраля); в день Собора Ростово-Ярославских святых (23 мая/5 июня)
Молитва
О всеблаженный исповедниче, святителю отче наш Луко, великий угодниче Христов! Со умилением приклоньше колена сердец наших и припадающее к раце честных и многоцелебных мощей твоих, якоже чада отца, молим тя всеусердно: услыши нас, грешных, и принеси молитву нашу к Милостивому Человеколюбцу Богу, Емуже ты ныне в радости святых и с лики Ангел предстоиши. Веруем бо, яко любиши ны тою же любовию, еюже вся ближния возлюбил еси, на земли пребывая.
Испроси у Христа Бога нашего, да утвердит во Святей Своей Православней Церкви дух правыя веры и благочестия, пастырем ея да даст ревность святую и попечение о спасении паствы, вверенной им: право верующия соблюдати, слабыя и немощныя в вере укрепляти, неведующия наставляти, противныя обличати. Всем нам подай дар, коемуждо благопотребен, и вся, яже к жизни временней и к вечному спасению полезная: градов наших утверждение, земли плодоносие, от глада и пагубы избавление, скорбящим утешение, недугующим исцеление, заблудшим на путь истины возвращение, родителем благословение, чадом в страсе Господнем воспитание и научение, сирым и убогим помощь и заступление.
Подаждь всем нам твое архипастырское и святое благословение, да тем осеняеми, избавимся от козней лукаваго и избегнем всякия вражды и нестроений, ересей и расколов.
Даруй нам поприще жизни временныя богоугодно преити, настави нас на путь, ведый в селения праведных, избави воздушных мытарств и моли о нас Всесильнаго Бога, да в вечней жизни с тобою непрестанно славим Отца и Сына и Святаго Духа, в Троице славимаго Бога, Емуже подобает всякая слава, честь и держава во веки веков. Аминь.
http://hram-luki.com/articles.php?lng=ru&pg=56
