О Пресвятая и Премилостивая Владычице Богородице! Припадая к святей иконе Твоей, смиренно молимся Тебе, коими гласу моления нашего, виждь скорби, виждь беды наша и, яко любвеобильня Мати, потщися на помощь нам безпомощным, умоли Сына Твоего и Бога нашего: да не погубит нас за беззакония наша, но явит нам человеколюбие свою милость. Испроси нам, Владычице, у благости Его телесное здравие и душевное спасение, и мирное житие, земли плодоносие, воздуха благорастворение, и благословение свыше на вся благая дела и начинания наша... И якоже древле призрела еси милостиво на смиренное славословие послушника Афонского, воспевавшего Тя пред пречистою иконою Твоею и послала еси к нему Ангела научити его пети песнь небесную, еюже славословят Тя Ангели; тако и ныне прими наше усердное молитвословие, Тебе приносимое. О Царица Всепетая! Простри ко Господу богоносныя Твоя руце, Твою милость к нам: имиже Богомладенца Иисуса Христа носила еси, и умоли Его избавити нас от всякаго зла. Яви, Владычиче, Твою милость к нам: болящия исцели, скорбящия утеши, бествующих помози и сподоби нас благочестино житие сие земное совершити, христианскую непостыдную кончину получити и Небесное Царствие наследити матерним ходатайством Твоим к Рождшемуся от Тебе Христу Богу нашему, Емуже со Безначальным Его Отцем и Пресвятым Духом подобает всякая слава, честь и поклонение ныне и присно, и во веки веков. Аминь.

память 24 июня \ 11 июня

LI 5.09.15