О всесвятый Николае, угодниче преизрядный Господень,теплый наш заступниче, и везде в скорбех скорый помощниче!Помози ми, грешному и унылому, в; настоящем сем житии,умоли Господа Бога даровати ми оставление всех моих грехов, елико согреших от юности моея,во всем житии моем, делом, словом, помышлением и всеми моими чувствы;и во исходе души моея помози ми, окаянному,умоли Господа Бога, всея твари Содетеля, избавити мя воздушных мытарств и вечнаго мучения,да всегда прославляю Отца и Сына и Святаго Духа и твое милостивное предстательство,ныне и присно и во веки веков.
Аминь.
К Николаю Чудотворцу обращаются с самыми разными просьбами:об исцелениио покровительстве семейного очагаза детейо помощи во всех трудных обстоятельствахо самых заветных надеждах"О, всехвальный и всечестный архиерею, великий чудотворче, святителю Христов, отче Николае,человече Божий, и верный рабе, мужу желаний, сосуде избранный, крепкий столпе церковный,светильниче пресветлый, звездо осиявающая и освещающая всю вселенную, ты еси праведник,яко финикс процветший, насажденный во дворех Господа своего:живый в Мирех, миром благоухал еси, и миро приснотекущее благодати Божия источаеши.
Твоим шествием, пресвятый отче, море освятися,егда многочудесныя твоя мощи шествоваху во град Барский,от востока до запада хвалити имя Господне.
О, преизящный и предивный чудотворче, скорый помощниче, теплый заступниче,пастырю предобрый, спасающий словесное стадо от всяких бед,тебе прославляем и тебе величаем, яко надежду всех христиан, источника чудес, защитителя верных, премудраго учителю, алчущих кормителю, плачущих веселие, нагих одеяние, болящих врача,по морю плавающих управителя, пленников свободителя, вдов и сирот питателя и заступника,целомудрия хранителя, младенцев кроткаго наказателя, старых укрепление, постников наставника, труждающихся упокоение, нищих и убогих изобильное богатство.
Услыши нас, молящихся тебе и прибегающих под кров твой,яви предстательство твое о нас к Вышнемуи исходатайствуй твоими Богоприятными молитвами вся полезная ко спасению душ и телес наших:сохрани святую обитель сию (или: храм сей), всякий град и весь, и всякую страну христианскую,и люди живущыя, от всякого озлобления помощию твоею:вемы бо, вемы, яко много может молитва праведнаго, поспешествующая во благое:тебе же праведнаго по преблагословенней Деве Марии, предстателя ко Всемилостивому Богу имамы,и к твоему, преблагий отче, теплому ходатайству и заступлению смиренно притекаем:ты нас соблюди яко бодрый и добрый пастырь, от всяких врагов, губительства, труса, града, глада, потопа, огня, меча, нашествия иноплеменников, и во всяких бедах и скорбех наших подавай нам руку помощии отверзи двери милосердия Божия; понеже недостойны есмы зрети высоту небесную,от множества неправд наших: связани есмы узами греховными,и николиже воли Создателя нашего сотворихом, ни сохранихом повелений Его.
Тем же преклоняем колена сокрушенна и смиренна сердца нашего к Зиждителю своему,и твоего отеческаго заступления к нему просим:помози нам, угодниче Божий, да не погибнем со беззаконии нашими,избави нас от всякого зла, и от всякие вещи сопротивныя,управи ум наш, и укрепи сердце наше в правой вере,в ней же твоим предстательством и ходатайством, ни ранами, ни прещением, ни мором,ни коим гневом от Создателя своего умалени будем, но мирное зде поживем житие,и да сподобимся видети благая на земли живых, славяще Отца и Сына и Святаго Духа,единаго в Троице славимаго и поклоняемаго Бога, ныне и присно, и во веки веков.
Аминь.
"ЭТОЙ МОЛИТВОЙ ЕСЛИ ЕЕ ПРОЧИТАТЬ 40 РАЗ МОЖНО ВЫМОЛИТЬ ЛЮБУЮ ПРОСЬБУ.
ЗАЖИГАЮТ ТОЛСТУЮ СВЕЧУ И ОБРАЗА СВЯТОГОНИКОЛЫ И ЧИТАЮТ 40 РАЗ.
В КОНЦЕ ДОБАВЛЯЮТ ПРОСЬБУ.
ВАША ПРОСЬБА БУДЕТ УСЛЫШАНА И ПОМОЩЬ БУДЕТ ОКАЗАНА.
