Чудотворный образ
Афон - самый восточный из трёх длинных отрогов полуострова Халкидики, вдающийся в Эгейское море. С 1046 года Афон стал официально именоваться « Святой Горой». Святая Гора Афон, согласно древнему церковному преданию, стала жребием евангельской проповеди Божией Матери. Именно здесь во множестве явились ее чудесные, преизобильно источающие благодать иконы. Оттуда же, со Святой Горы, пришла и прежде неизвестная в России «Пантанасса» - «Всецарица». Господь по молитвам Пресвятой Девы даровал этому образу особую благодать: исцелять и утешать тех, кто поражен тяжелейшей болезнью наших дней - раком.
Древняя икона «Всецарица» написана в ХVІІ веке и явилась благословением известного на Афоне старца Иосифа Исихаста своим ученикам. Сохранился рассказ приснопамятного старца об этой иконе. В ХVІІ веке перед иконой Божией Матери «Всецарица» появился странный молодой человек. Он стоял, что - то невнятно бормоча. И вдруг лицо Богородицы блеснуло, подобно молнии, и какая-то неведомая сила бросила молодого человека на землю. Только он пришел в себя, как сразу отправился исповедоваться отцам со слезами на глазах, что он жил далеко от Бога, занимался магией и пришел в монастырь, чтобы проверить свою силу на святых иконах. Чудотворное вмешательство Богородицы убедило молодого человека изменить свою жизнь и стать благочестивым. Он исцелился от душевного недуга и после этого остался на Афоне. Так эта икона впервые проявила свою чудотворную силу на человеке, одержимом бесами (занятия оккультизмом всегда приводит к одержимости).

Позже стали замечать, что эта икона оказывает благотворное влияние и на больных с различными злокачественными опухолями. В ХVІІ веке она впервые была списана греческим монахом и постепенно стала известна во всем мире как исцелительница раковых заболеваний. Само имя иконы - Все-госпожа, Bсe-повелительница - говорит о ее особой, всеобъемлющей силе. Всецарица имеет благодать исцелять страшнейшую из болезней современного человечества.


Иконография.
Милость Господа нашего Иисуса Христа воплощена в прекрасной древней иконе Божией Матери, именуемой по-гречески "Пантанасса", а по-русски: "Всецарица". На иконе средних размеров изображена Пречистая Дева Мария в багряном одеянии, восседающая на царском троне. На руках ее Богомладенец со свитком в левой руке и с благословляющей десницей. Правой рукой Пречистая Дева указывает на Своего Царственного Сына как на Спасителя всех человеков. Нимб Христа Спасителя украшен греческими буквами: "Он" - Существующий, Тот, Кого не может не быть; Тот, от Которого все; Тот, Которым все мы и движемся и существуем. Нимб Божией Матери и Христа украшен красивым узором из эмали. На заднем плане иконы - два Ангела Божия, которые с благоговением осеняют крылами Пречистую Деву Марию и протягивают к ней руки. Икона выполнена в ярких цветах: багряное одеяние, золотой фон, символизирующий самую вечность, и эмалевые нимбы, сделанные в белоснежном, темно-синем, красном и бирюзовом тонах.

Чудотворная икона Божией Матери "Всецарица"– главная святыня женского монастыря в честь этой иконы в городе Краснодаре. Она является точной копией Чудотворного образа «Всецарица», который находится в Греции на Святой Горе Афон возле восточной колонны соборного храма Ватопедской обители.
Образ Пресвятой Богородицы «Всецарица» для краснодарского монастырского храма в честь этой иконы был написан с афонского первообраза русским мастером, иконописцем из г.Переславль-Залесский В.А.Поляковым, в обители Ватопед во время Страстной седмицы Великого поста 2005 года. Наместником монастыря и греческими иконописцами написанная Валерием Поляковым икона была признана точной копией оригинала. Освятили икону в день праздника Святой Пасхи - был отслужен молебен, который возглавил наместник Ватопеда архимандрит Ефрем, затем икона была приложена к 130 святыням Ватопедского монастыря, в том числе к Поясу Пресвятой Богородицы. На обратной стороне иконы стоит печать Ватопедского монастыря и подпись архимандрита Ефрема. В июне 2005 года чудотворный образ был доставлен с Афона в сердце России - Москву, а затем с почестями в сопровождении монахов Троице-Сергиевой Лавры в г.Краснодар, в Свою обитель. Встретив дорогую сердцу Святыню на железнодорожном вокзале Краснодар-1, сотни прихожан нашего города Крестным ходом сопроводили чудотворный образ к месту Его обитания. С душевной радостью, волнением и трепетом, с песнопениями матушка Неонилла и сестры встречали Небесную Игуменью.
Православные жители нашего города, края и других регионов посещают обитель Пресвятой Богородицы в честь Ее иконы «Всецарица» и молятся перед Её чудотворным образом, испрашивая для себя Её помощи и покровительства. Особенно благоговейно молятся перед Чудотворной иконой страждующие больные лечебных заведений, прилегающих к монастырю, и особенно - онкобольные. Со слезами на глазах они слушают молитву «Всецарице», в которой есть очень важные слова о значении небесной помощи для врачей и для болящих:
«Исцели болящия люди Твоя, о Всемилостивая Царице! Ум и руки врачующих нас благослови, да послужат орудием Всемощного Врача Христа Спаса нашего».

«Да исцелится душа моя и укрепится немощствующее тело мое… Ты за мя упроси. Ты за мя умоли». «Имаши бо державу непобедимую. И не изнеможет у Тебя всяк глагол, о Всецарице!» - взывают болящие Краснодарского краевого онкологического диспансера, предстоя с зажженными свечами во время молебна с акафистом пред Чудотворным образом. Многие из них здесь впервые узнали, что такое молитва и скорое ее услышание, что такое небесная помощь Заступницы и Целительницы.
Излечивается ли рак при совершении Церковных таинств? Можно сказать, что в ряде случаев «Да». Об этом свидетельствуют факты исцелений после молитв перед чудотворным образом Божией Матери «Всецарица», иконами и мощами святых угодников Божиих, находящихся в храме «Всецарица». Иногда бывает, что после молитв человек не исцеляется от опухоли, но она как бы «застывает», «замораживается» в той стадии, на которой человек пришёл с просьбой к Богу и Его Пречистой Матери.
Безымянные свидетельства милости Божией отражены на иконе Заступницы усердной от больных Краснодарского краевого онкологического диспансера и других больниц - от православных людей города и края, получивших благодатную помощь, в память о совершившихся чудесных исцелениях.
«Радуйся, раковые язвы дивная Губительнице;
Радуйся, прочих болезней Исцелительнице» - эти слова акафиста «Всецарице» вселяют надежду в сердца благочестивых людей, приходящих за помощью к нашей Спасительнице – Пресвятой Богородице.


Чудотворная икона Божией Матери "Всецарица" в монастыре г.Краснодар в честь ее имени с дарами от исцеленных людей.



Тропарь, глас 4:
Образом радостотворным честныя Всецарицы, желанием теплым взыскающих благодати Твоея спаси, Владычице; избави от обстояний к Тебе прибегающих;от всякия напасти огради стадо Твое, к заступлению Твоему взывающее присно.



Акафист Пресвятей Владычице нашей Богородице в честь иконы Ея, именуемой «Всецарица»





Кондак 1
Новоявленней Твоей иконе предстояще вернии, умильно воспеваем Ти, Всецарице, раби Твои; низпосли цельбы к Тебе притекающим ныне рабом Твоим, да вси радостно зовем Ти:
Радуйся, Всецарице, недуги наша благодатию исцеляющая.

Икос 1
Ангел предстатель с Небесе сшед, рече Всецарице: радуйся! И боговещанным гласом, воплощаема Тя зря, Господи, возопи к Ней таковая:

Радуйся, главизно нашего спасения; радуйся, исполнение Зиждителева смотрения.
Радуйся, яко Тобою Бог воплотися; радуйся, яко Невидимый в Тебе изобразися.
Радуйся, Милость мира внутрь приявшая; радуйся, одеяние плоти Слову соткавшая.
Радуйся, уму непостижная горняя славо; радуйся, сердца оживившая небесная манно.
Радуйся, звездо, благодати сияние; радуйся, источниче, живыя воды излияние.
Радуйся, Богородице, в женах благословенная; радуйся, рождшая Спаса Дево нетленная.
Радуйся, Всецарице, недуги наша благодатию исцеляющая.

Кондак 2
Безначальное Слово Отроча младо Тобою бысть, исцеления подая Тя, Дево, чтущим и неизреченное Его Рождество воспевающим: Аллилуиа.

Икос 2
Разум недоразумеваемый разумети Дева ищущи, возопи к служащему: яко Отроковица чистая, како буду Вышняго Мати, изъясни. К Ней же Гавриил рече со страхом, зовый таковая:

Радуйся, совета Вышняго Избраннице; радуйся, гласа молящихся Скоропослушнице.
Радуйся, сокровище Христова мира; радуйся, людей Твоих надеждо и сило.
Радуйся, раковыя язвы дивная губительнице; радуйся, прочих болезней Исцелительнице.
Радуйся, единое миру заступление; радуйся, верное в скорбех избавление.
Радуйся, плач и слезы присно утоляющая; радуйся, спасения входы всем отверзающая.
Радуйся, скиптре и державо Афон населяющих; радуйся, жезле монахов и мирян.
Радуйся, Всецарице, недуги наша благодатию исцеляющая.

Кондак 3
Сила Вышняго осени Тя, Отроковице, плоть прият неизреченно, показа Тя село сладкое хотящим жати спасение и поющим: Аллилуиа.

Икос 3
Прославися дивно святая икона Твоя, Всецарица именуемая, егда цельбоносно явися Богоматере изображение; вопиющим же пред нею с верою исцеления подаеши, да умножаются песни сицевыя:

Радуйся, Мати незаходимаго Света; радуйся, претерпевших до конца победо.
Радуйся, в болезнех и скорбех сущим врачевание; радуйся, сирот и вдовиц нерушимая стено.
Радуйся, двери райския отверзающая; радуйся, труждающихся и обремененных заступающая.
Радуйся, о спасении верных Ходатаице; радуйся, за род человеческий Молитвеннице.
Радуйся, лествице небесная, возводящая от земли к Небеси; радуйся, водо живая, омывающая смертные грехи.
Радуйся, Агнице, сердца незлобивых хранящая; радуйся, Покрове, чад Церкви осеняющий.
Радуйся, Всецарице, недуги наша благодатию исцеляющая.

Кондак 4
Живот мирови даруя, Владыка мира вселися во утробу Твою неискусомужно и, Матерь верных Тя показав, в мире тех воспевати призва: Аллилуиа.

Икос 4
Преславная содеяшася о Тебе, Граде Божий, исцелением бывающим от святыя иконы Твоея; цельбоносныя струи врачеваний приемлюще, благодарственно, о Всецарице, вопием:

Радуйся, снадобие, боль утоляющее; радуйся, прохладо, жар недужный остужающая.
Радуйся, прижигающая раковыя язвы, аки пламенем; радуйся, подымающая со одра оставленных врачми.
Радуйся, лик Свой пречистый избранным являющая; радуйся, от греховных уз разрешающая.
Радуйся, яко Тобою избавление от смерти даровася; радуйся, яко Тобою неисчетный сонм верных оправдася.
Радуйся, высото, человеческими помыслы неизследованная; радуйся, глубино, единым Словом изведанная.
Радуйся, пророчествие прежде Тебе бывших патриархов; радуйся, наставнице Тебе молившихся иерархов.
Радуйся, Всецарице, недуги наша благодатию исцеляющая.

Кондак 5
Пречистый Храм Спасов познахом Тя, Отроковице; к Тебе припадаем, Чистая, да нас соделаеши храмы Божества, вопиющих Ему : Аллилуиа.

Икос 5
Видеша чини Ангельстии на руку Твоею Создавшаго рукою человеки и, яко Владычицу разумевающе Тя едину, аще и рабою Себе нарекла еси, потщашася песньми послужити Ти, Благословенней, сицевыми:

Радуйся, Богом поставленная превыше небесных Сил; радуйся, чудесными исцеленьми исполняющая мир.
Радуйся, хвалу и славу от Небес слышащая; радуйся, благодарение от земли приемлющая.
Радуйся, яко семя тли в сердцах потребила еси; радуйся, яко козней диавольских ярем сокрушила еси.
Радуйся, юдоль плачевную исполнившая радостию; радуйся, скорби изменяющая в небесную сладость.
Радуйся, благоухание Богу приятное; радуйся, кающихся грешников веселие изрядное.
Радуйся, броне правды от искушений; радуйся, щите ограждения от вражды и нестроений.
Радуйся, Всецарице, недуги наша благодатию исцеляющая.

Кондак 6
Проповедницы богоглаголивии, Спасовы ученицы, предсташа Ти, Дево, чудно, внегда от земли к Небеси восходила еси, да единым сердцем и усты воспоют Богови: Аллилуиа.

Икос 6
Возсия дивная благодать от иконы Твоея, Всецарице, егда юноша, ученьми сатанинскими омраченный, пред нею паде и недвижим бысть; паче чаяния же от уз мрачных свобожденный, со страхом и радостию взываше Ти сице:

Радуйся, исправление нечестиваго жития; радуйся, утешение страждущих люте.
Радуйся, бесовских полчищ от Церкве отгнание; радуйся, мглы греховныя разсеяние.
Радуйся, козней невидимых упразднение; радуйся, демонских чар всемощное одоление.
Радуйся, светильниче, прельщенных наставляяй; радуйся, облаче, невинных от зла покрываяй.
Радуйся, холме, небесною манною питающий; радуйся, долино, смирением Христовым насыщающая.
Радуйся, каменю Небеснаго Царствия; радуйся, зерцало превечнаго Света.
Радуйся, Всецарице, недуги наша благодатию исцеляющая.

Кондак 7
Хотящу дати Себе в снедь верным, благоволил еси от Девы воплотитися, да приемлюще Пречистое Тело и Кровь Твою, познают Тя, Бога совершеннаго; темже, дивящеся неизреченней премудрости сей, зовем: Аллилуиа.

Икос 7
Новое показа таинство явлься Зиждитель, со ученики совершивый Тайную Свою Вечерю; мы же, моляще Всецарицу удостоити нас Божественныя Святыни, восписуем Ей сицевая:

Радуйся, Подательнице Небеснаго Хлеба; радуйся, Родительнице Вечнаго Живота.
Радуйся, чаше, Христу приобщающая; радуйся, душу и тело с Богом сочетающая.
Радуйся, лжице златая, исполнь Божественных Таин; радуйся, кивоте драгий, вместилище великия Святыни.
Радуйся, персте, на святую Евхаристию указуяй; радуйся, Трапезо, предлагающая нам Пищу Святую.
Радуйся, в час судный достойных причастников одесную поставляющая; радуйся, ревнителей Божественныя Литургии от ада избавляющая.
Радуйся, приводящая смертных к Источнику безсмертия; радуйся, ограждающая чад Своих миром и крепостию.
Радуйся, Всецарице, недуги наша благодатию исцеляющая.

Кондак 8
Странное Рождество видевше, житейское всякое отложим попечение и горе имеем сердца; на сие бо Вышний явися, во еже привлещи к высоте Тому вопиющия: Аллилуиа.

Икос 8
Неотступно в недрах Отеческих пребывая, Слово неописанное на земли плоть бысть; Бог Велий сотвори величие Деве и призре на смирение Рабы Своея, слышащия сицевая:

Радуйся, невместимаго Бога вместившая; радуйся, надмирнаго Творца миру явившая.
Радуйся, яко сокрушися смерти держава; радуйся, яко исцелися Адамова рана.
Радуйся, пластырю, струпы душевныя заживляяй; радуйся, елее, язвы телесныя умащаяй.
Радуйся, утоление болезней рождающих; радуйся, облегчение мук умирающих.
Радуйся, нанесшая поражение аду; радуйся, притупившая смерти жало.
Радуйся, чаяние всеобщаго воскресения; радуйся, православных несумненное спасение.
Радуйся, Всецарице, недуги наша благодатию исцеляющая.

Кондак 9
Всякое естество ангельское и человеческое удивися величию непостижимаго Твоего воплощения, Слове; недоумевающе же о сей велией тайне благочестия, со страхом и трепетом благодарственно зовем Ти: Аллилуиа.

Икос 9
Многоразличными недуги одержимии, о Всецарице, от святыя иконы Твоея паче чаяния исцеления получают, да приимше верою благодать, велегласно вопиют Ти:

Радуйся, здравых чад присное сохранение; радуйся, болящих ко здравию преложение.
Радуйся, детей недугующих исцеление; радуйся, юных страдальцев Мати.
Радуйся, возстание на одр болезни поверженных; радуйся, отрадо страхом смертным одержимых.
Радуйся, яко внемлеши человеков рыданием; радуйся, призревающая на наша стенания.
Радуйся, болей земных небесною радостию растворение; радуйся, люте обуреваемых пачеестественное терпение.
Радуйся, яко уготовляеши плачущим радость; радуйся, яко снабдеваеши кротких крилома молитвы.
Радуйся, Всецарице, недуги наша благодатию исцеляющая.

Кондак 10
Спасти хотя Зиждитель истлевшее грехом человеческое естество, сниде на Тя, яко дождь на руно, и, купину Тя соделав неопалимую, Бог сый, бысть Человек, да воспеваем Ему: Аллилуиа.

Икос 10
Стена еси девам, Отроковице Чистая, и всем о чистоте радящим, в Тя бо вселися Бог, очищаяй разумная создания Своя, да избывше всякия скверны, предлагаем Ти сицевая:

Радуйся, молчания взыскующих Собеседнице; радуйся, венче хранящих девство.
Радуйся, начало и конец духовнаго совершения; радуйся, хранилище Божественнаго откровения.Радуйся, Троическаго Совета Таиннице; радуйся, спасения человеков виновнице.
Радуйся, вершино, гордым умом неприступная; радуйся, убежище, смиренным сердцам доступное.
Радуйся, Чистая, Небесе чистейшая; радуйся, Херувимов и Серафимов честнейшая.
Радуйся, Обрадованная, яко прияла еси от Архангела радование; радуйся, Утешенная, яко руце Твои осязасте воскресшаго Христа.
Радуйся, Всецарице, недуги наша благодатию исцеляющая.

Кондак 11
Пение тщащеся разумное Спасу приносити, всегда неключими, Владычице, остаемся раби Твои; кто бо может достойно воспети Бога, Егоже имя, яко миро излиянное? Сего ради вопием Ему: Аллилуиа.

Икос 11
Свет велий возсияв во тьме седящим, посети нас, о Дево, Восток свыше Сын и Бог Твой; Тя соделав свещею на свещнице, светоносным чадом церковным наказует приносити Ти сицевая:

Радуйся, заре умнаго Солнца; радуйся, вместилище Божественнаго Огня.
Радуйся, свете, яко одеяние святых соткала еси; радуйся, свеще, яко тьму бесовскую отгнала еси.
Радуйся, косных умов просвещение; радуйся, грешных сердец озарение.
Радуйся, деснице, из моря суетствий изводящая; радуйся, лучу, путеводяй к Царствию спасающихся.
Радуйся, молние, нераскаянных поражающая; радуйся, громе, губителей устрашающий.
Радуйся, лукавыя совести просветление; радуйся, умилостивление Божия Суда.
Радуйся, Всецарице, недуги наша благодатию исцеляющая.

Кондак 12
Благодать дати восхотев, завета ветхаго Податель завет новый нам дарова; мы же, благодать сию приимше, не делы закона, но единою верою спасение улучивше, восписуем вси: Аллилуиа.

Икос 12
Поюще Твое рождество, якоже древле Израиль в кимвалех сеновную скинию воспеваше, тако мы ныне Тя, Скинию истинну, добродетельми прославляем, да слышиши от всех сицевая:

Радуйся, песне, воспеваемая горе; радуйся, псалме, слышимый низу.
Радуйся, Единому Богу достойно послужившая; радуйся, Божественней Троице смирением угодившая.
Радуйся, веки Носящаго носившая в Себе; радуйся, престоле Содержащаго вселенную в руце.
Радуйся, тайно неизреченная веков и времен; радуйся, упование твердое народов и племен.
Радуйся, сердечное радование иереев благоговейных; радуйся, быстрое слышание молитв церковных и келейных.
Радуйся, Премудрости доме богозданный; радуйся, милости сосуде, Богом избранный.
Радуйся, Всецарице, недуги наша благодатию исцеляющая.

Кондак 13
О Всецарице Мати, рождшая всех святых Святейшее Слово, нынешнее наше приемши песнопение, от всякия смертныя болезни исцели ны и будущаго избави осуждения вопиющих: Аллилуиа.

Этот кондак читается трижды, затем 1-й икос «Ангел предстатель…» и 1-й кондак «Новоявленней Твоей…».

Молитва первая
О Всеблагая досточудная Богородице Пантанасса, Всецарице! Несмь достоин, да внидеши под кров мой! Но яко милостиваго Бога любоблагоутробная Мати, рцы слово, да исцелится душа моя и укрепится немощствующее тело мое. Имаши бо державу непобедимую и не изнеможет у Тебе всяк глагол, о Всецарице! Ты за мя упроси, Ты за мя умоли, да прославляю преславное имя Твое всегда, ныне и в безконечныя веки. Аминь.

Молитва вторая
О Пречистая Богомати, Всецарице! Услыши многоболезненное воздыхание наше пред чудотворною иконою Твоею, из удела Афонскаго в Россию пренесенною, призри на чад Твоих, неисцельными недуги страждущих и ко святому образу Твоему с верою припадающих! Якоже птица крилома покрывает птенцы своя, тако и Ты ныне, присно жива сущи, покрый нас многоцелебным Твоим омофором. Тамо, идеже надежда исчезает, несумненною надеждою буди. Тамо, идеже лютыя скорби превозмогают, терпением и ослабою явися. Тамо, идеже мрак отчаяния в души вселися, да возсияет неизреченный свет Божества! Малодушныя утеши, немощныя укрепи, ожесточенным сердцам умягчение и просвещение даруй. Исцели болящия люди Твоя, о всемилостивая Царице! Ум и руки врачующих нас благослови, да послужат орудием всемощнаго Врача Христа Спаса нашего. Яко живей Ти сущей с нами, молимся пред иконою Твоею, о Владычице! Простри руце Твои, исполненныя исцеления и врачбы, Радосте скорбящих, в печалех Утешение, да чудотворную помощь скоро получив, прославляем Живоначальную и Нераздельную Троицу, Отца, и Сына, и Святаго Духа во веки веков. Аминь.




Рамочки от geniavegas

http://vsetsaritsa.ru/
http://vsetsaritsa.ru/innerlife/holyimage/