zoloto7 все записи автора Седмица 25-я по Пятидесятнице. Глас 7.

Поста нет.
Мчч. Онисифора и Порфирия (ок. 284-305). Прп. Матроны (ок. 492). Прп. Феоктисты (881).

Сщмчч. Парфения, еп. Ананьевского, Константина, Димитрия, Нестора, Феодора, Константина, Виктора, Илии пресвитеров, Иосифа диакона и прмч. Алексия (1937).

Мч. Александра Солунского (IV). Мч. Антония (V). Прп. Иоанна Колова (V). Прпп. Евстолии (610) и Сосипатры (ок. 625). Прп. ОнисифораПечерского (1148). Свт. Нектария, митр. Пентапольского, Эгинского чудотворца (1920).

Иконы Божией Матери, именуемой "Скоропослушница" (X).


Тропарь Божией Матери пред иконой Ее 'Скоропослушница'
глас 4
К Богородице притецем, сущии в бедах,/ и святей иконе Ея ныне припадем,/ с верою зовуще из глубины души:/ скоро наше услыши моление, Дево,/ яко Скоропослушница нарекшаяся./ Тебе бо раби Твои в нуждах// готовую Помощницу имамы.

Кондак Божией Матери пред иконой Ее 'Скоропослушница'
глас 8
В мори житейстем обуреваемии,/ треволнению подпадаем страстей и искушений./ Подаждь убо нам, Госпоже, руку помощи, якоже Петрови Сын Твой,/ и ускори от бед избавити ны, да зовем Ти:// радуйся, Всеблагая Скоропослушнице.
Тропарь мучеников Онисифора и Порфирия
глас 4
Мученицы Твои, Господи,/ во страданиих своих венцы прияша нетленныя от Тебе, Бога нашего,/ имуще бо крепость Твою,/ мучителей низложиша,/ сокрушиша и демонов немощныя дерзости./ Тех молитвами// спаси души наша.

Кондак мучеников Онисифора и Порфирия
глас 2
Мученик двоица, пострадавше крепко,/ вражию гордыню на землю низложисте,/ озарившеся благодатию несозданныя Троицы,/ славнии Онисифоре и Порфирие,// молитеся непрестанно о всех нас.
Тропарь преподобной Матроны Царьградской
глас 8
Мужескомудрено утаившися вражиих лукавых путей, Матроно,/ к жизни воистину шествовавши несумненною волею/ и неуклонное течение Богомудро скончавши,/ от Христа прияла еси благодать духовную,/ тем и воду цельбам источаеши/ любовию притекающим в память твою славную,/ мнихом похвала,/ моли Христа Бога спастися душам нашим.
Кондак преподобной Матроны Царьградской
глас 2
За любовь Господню, преподобная Матроно,/ покоя желание возненавидела еси,/ лощением дух твой просветивши,/ но твоими молитвами и противных шатания разори,/ крепко бо звери победила еси.
Тропарь святителя Нектария Эгинского, митрополита Пентапольского
глас 4
Преподобнически пожив, яко мудрый иерарх,/ прославил еси Господа/ добродетельным житием, Нектарие преподобне./ Темже, Утешителя прославлен силою,/ Божественными мощми твоими,/ демоны отгониши и болящия исцеляеши,/ верою приходящия ти.