zoloto7 все записи автора Седмица 22-я по Пятидесятнице. Глас 4.

Поста нет.
Мч. Лонгина сотника, иже при Кресте Господни (I).

Св. Георгия исп., пресвитера (1931). Сщмч. Евгения пресвитера (1937). Сщмч. Алексия пресвитера (1938). Сщмч. Иоанна пресвитера (1942).

Прп. Лонгина, вратаря Печерского (XIII-XIV). Прп. Лонгина Яренгского (1544-1545).

молитвы:
Тропарь мученика Лонгина сотника
глас 4
Мученик Твой, Господи, Лонгин,/ во страдании своем венец прият нетленный от Тебе, Бога нашего:/ имеяй бо крепость Твою,/ мучителей низложи,/ сокруши и демонов немощныя дерзости./ Того молитвами// спаси души наша.

Кондак мученика Лонгина сотника
глас 4
Весело возрадовася Церковь/ в памяти днесь приснопамятнаго/ страдальца Лонгина,/ взывающи: Ты моя держава, Христе,// и утверждение.

Тропарь преподобного Лонгина, вратаря Печерского, в Дальних пещерах
глас 1
Преподобне и Богоблаженне отче Лонгине,/ врат монастырских опасный хранителю,/ опаснейший же и неусыпный своих чувствий/ от всякаго мирскаго суетствия затворителю,/ моли нарекшаго Себе дверь Господа Славы,/ да отверзет нам дверь милости Своея.
Кондак преподобного Лонгина, вратаря Печерского, в Дальних пещерах
глас 8
Вратом земным приседя и оным с послушания внешнима очима наблюдая,/ Небесная врата присно умныма своима очима наблюдал еси, преподобне Лонгине,/ в няже уже вшед и тамошния красоты сподобився, молися Господеви,/ да и мы получим вход Царствия Небеснаго.
Тропарь преподобнаго Лонгина
глас 1
Свыше Божественною благодатию просветився, Богомудре,/ многим терпением во временней жизни течение совершил еси,/ темже и по успении источаеши чудес благодать,/ иже с верою приходящим к тебе, Лонгине всеблаженне./ Слава Давшему ти крепость,/ слава Прославльшему тя в чудесех,/ слава Действующему тобою всем исцеление.
Кондак преподобного Лонгина Яренгского
глас 2
Вышних улучоти, премудре, желая,/ долу красных, мудре, преобидел еси,/ и Христови обнищавшему, сообнища,/ радуяся, последовал еси, Лонгине,/ к Нему же прилежно непрестай моляся о всех нас.