zoloto7 все записи автора Тропарь обновления храма Воскресения Христова в Иерусалиме
глас 4
Якоже вышния тверди благолепие,/ и нижнюю споказал еси красоту святаго селения славы Твоея, Господи,/ утверди сие во век века/ и приими наша в нем непрестанно приносимая Тебе моления, Богородицею,// всех Животе и Воскресение.
Кондак обновления храма Воскресения Христова в Иерусалиме
глас 2
Обновления Духа в сердцах/ и просвещение внутренним даруй/ верою совершающим священная обновления храма дому Твоего,/ eмуже благоволил еси создатися в Твое Божественное имя,// Единe во святых Прославляемый.
Кондак обновления
глас 4
Небо многосветлое/ Церковь показася,/ вся просвещающая верныя,/ в нейже стояще зовем:/ сей дом утверди, Господи.
Тропарь священномученика Корнилия
глас 4
И нравом причастник,/ и престолом наместник апостолом быв,/ деяние обрел еси, богодухновенне,/ в видения восход;/ сего ради слово истины исправляя,/ и веры ради пострадал еси даже до крове,/ священномучениче Корнилие,/ моли Христа Бога,// спастися душам нашим.
Тропарь предпразднства
глас 4
Животворящий Крест Твоея благости,/ егоже даровал еси нам недостойным, Господи,/ Тебе приносим в молитву:/ спаси люди и град Твой молящийся, Богородицею,// Единe Человеколюбче.
Тропарь предпразднства Воздвижения
глас 4
Животворящий Крест Твоея благости,/ Егоже даровал еси нам недостойным Господи,/ Тебе приносим в молитву,/ спаси люди и град Твой молящийся, Богородицею,/ Едине Человеколюбче.