zoloto7 все записи автора Кондак мучениц
глас 4
За Троицу терпеливно страдальчествовавшия,/ многокозненнаго врага победисте,/ братски облекшеся Духом,/ темже водвористеся с пятьми девами/ в Hебесном, страстотерпицы, чертозе,/ и со Ангелы Всецарю// в веселии непрестанно предстоите.
Тропарь преподобного князя Андрея, в иночестве Иоасафа, Спасокубенского (Каменского)
глас 2
Яко древо насаждение при водах воздержания,/ струями слез твоих напаяем, преподобне отче Иоасафе,/ сеяв бо слезами, в радости жнеши добродетельныя рукояти./ Тем Великий Мздовоздатель в житницах Небесных тя сокровище положи,/ но поминай чтущих любовию пресветлую память твою,/ моли Святую Троицу, преподобне Иоасафе,/ спастися душам нашим.
Ин тропарь преподобного князя Андрея, в иночестве Иоасафа, Спасокубенского (Каменского)
глас 2
Насажденный при водах воздержания,/ струями слез Твоих напаяем,/ яко леторасль живоносная в вертограде Церкве Божия процвел еси, блаженне Иоасафе,/ плоды добродетелей возращая и души верующих питая./ Темже и Христос в Небесныя страны тя пресели./ Но поминай нас любовию святую твою память чтущих благоверне княже,/ и моли Пресвятую Троицу во еже спастися душам нашим.
Кондактропарь преподобного князя Андрея, в иночестве Иоасафа, Спасокубенского (Каменского)
глас 4
Явися велие солнце Христове Церкви,/ просвещая тех житием своим, всечестне,/ яко черпалом златым от кладезя неископаннаго,/ чудес почерпл еси от источника неистощимаго,/ на успение свое пришел еси, всеблаженне Иоасафе,/ ныне всем даеши грехом прощение.
Тропарь преподобного Павла Послушливого, Печерского, в Дальних пещерах
глас 3
Послушанию Христову подражавый,/ и Имени Его ради во всяком послушании, терпеливне, даже до смерти, Павле всечестне, потрудивыйся,/ мзду же ныне послушания своего трудолюбно от Господа прием,/ к Нему всегда молися о нас, поющих тя.
Кондак преподобного Павла Послушливого, Печерского, в Дальних пещерах
глас 1
Послушника истинна и преподобным равночестна,/ всеблаженнаго отца нашего Павла,/ приидите, любимицы, усердие ублажим,/ яко молящася непрестанно о всех нас.