zoloto7 все записи автора Ин кондак славных и всехвальных 12-ти апостолов
глас 2
Петра, вернии, каменя веры, похвалим/ и Павла Богомудраго,/ созывают бо всех праздновати верою,/ соборне вкупе вся дванадесяте, яко проповедники вере,/ просяща грехов оставления.

Собор славных и всехвальных 12-ти апостолов. Тропарь
глас 4
Апостолов первопрестольницы/ и вселенныя учителие,/ Владыку всех молите/ мир вселенней даровати/ и душам нашим велию милость.

Кондак апостолов
глас 2
Камень Христос каменя веры прославляет светло,/ учеников преизрядна,/ и с Павлом весь дванадесяточисленный собор днесь,/ ихже память совершающе верно,// сих Прославльшаго прославляем.

Тропарь преподобного Петра, царевича Ордынского (Ростовского)
глас 8
Отечества своего, блаженне Петре, удалився,/ и богомерзкую веру отнюд возненавидев,/ от тьмы во свет пришел еси/ и вселился еси во славный и многонародный град Ростов,/ в немже житие честно пожив,/ церковь во имя святых апостол Петра и Павла воздвигл еси Христовою благодатию,/ и сию чудными иконами, яко невесту, украсив,/ святителя же, и князя, и вся люди житием своим удивил еси,/ темже и по смерти твоей Христос даром чудес обогати тя./ Поминай нас, чтущих пресветлую память твою, преподобне отче Петре,/ и моли Христа Бога спастися душам нашим.
Кондак преподобного Петра, царевича Ордынского (Ростовского)
глас 4
Явися велие солнце Христовой Церкви,/ просвещая учения светлостьми, всечестне,/ яко черпалом златым,/ от кладязя неископаннаго чудес почерпл еси,/ от источника неистощимаго,/ на память успения твоего пришедшим, всеблаженне Петре,/ ныне всем подававши грехов прощение, славо преподобным.

Тропарь святителя Софрония, архиепископа Иркутского
глас 4
От юности Христа возлюбил еси, блаженне Софроние,/ добре управил еси иноческия обители/ и, архиерейства саном почтен быв,/ упасл еси Иркутскую паству,/ темже и по преставлении дарования чудес от Бога приял еси/ и молиши Христа Бога/ избавити нас от бед и спасти души наша.

Тропарь святителя Софрония, епископа Иркутского
глас 4
От юности Христа возлюбил еси, блаженне Софроние,/ добре управил еси иноческия обители/ и, архиерейства саном почтен быв,/ упасл еси Иркутскую паству,/ темже и по преставлении дарования чудес от Бога приял еси/ и молиши Христа Бога/ избавити нас от бед и спасти души наша.

Ин тропарь святителя Софрония, архиепископа Иркутского
глас 1
Скорый в бедах и скорбех заступниче,/ отче иерарше страны Сибирский,/ святителю Софроние,/ на Небеси предстояй с первоиерархом Иркутския Церкве и всеми святыми,/ выну имаши благоволение Господа славы,/ призри на люди, притекающия к честным останкам святых мощей твоих,/ с верою и любовию слезно просящия твоея помощи и заступления,/ моли, Егоже проповедал еси людем Сибири,/ избавити я от находящих зол и наветов вражиих,/ просветити людей оляденевшая древле неверием сердца,/ даровати утверждение веры Христовы/ и спасти души наша.
Кондак святителя Софрония, архиепископа Иркутского
глас 4
Соименнаго мудрости иерарха,/ изрядное Церкве Иркутския украшение,/ отца нашего святителя Софрония любовию восхвалим, вси вернии,/ той бо есть хранитель града и страны сея/ и молитвенник о душах наших.

Ин кондак святителя Софрония, архиепископа Иркутского
глас 3
Пастырей Начальнику, Христу,/ трудился еси, святителю Софроние,/ на пажити духовней северныя страны нашел,/ языцы монгольстии от прелести и скверны идольския избавляя,/ привел еси я к свету веры Христовой,/ и ныне, со Ангелы Владычню Престолу предстоя,/ моли непрестанно о всех нас,/ избавити ны от бед и спасти души наша.

Собор славных и всехвальных 12-ти апостолов. Тропарь
глас 4
Апостолов первопрестольницы/ и вселенныя учителие,/ Владыку всех молите/ мир вселенней даровати/ и душам нашим велию милость.
0