zoloto7 все записи автора Тропарь преподобного Дионисия, игумена Глушицкого
глас 1
Божественною любовию от юности распалаемь,/ Дионисие преподобне,/ вся, яже в мире красная, возненавидев,/ Христа единаго возлюбил еси/ и сего ради во внутреннюю пустыню вселился еси,/ со зверьми живый, весь Христови./ Отонудуже и Всевидящее Око, твоя труды видев,/ даром чудес и по преставлении обогатил тя есть./ Темже вопием ти:/ моли непрестанно о всех нас,/ честную память твою присно/ в песнех почитающих.

Кондак преподобного Дионисия, игумена Глушицкого
глас 8
Все твое умное желание к Богу вперив,/ Тому невозвратно от души последовал еси, в пустыню вселився,/ и, тамо ангельски пожив, многим путь был еси ко спасению;/ сего ради и Христос тебе прослави и даром чудес обогати./ Темже вси вопием ти:/ радуйся, Дионисие преподобне, пустынный жителю.

Тропарь мученика Иустина Философа и иже с ним
глас 4
Мученицы Твои, Господи,/ во страданиих своих венцы прияша нетленныя от Тебе, Бога нашего:/ имуще бо крепость Твою,/ мучителей низложиша,/ сокрушиша и демонов немощныя дерзости./ Тех молитвами// спаси души наша.
Кондак мученика Иустина Философа
глас 2
Премудростию Божественных твоих словес, Иустине,/ Церковь Божия вся украсившися,/ жития твоего светлостию мир освещает,/ излияния же ради крове венец прием/ и со Ангелы предстоя Христу,// моли непрестанно о всех нас.

Тропарь преподобного Агапита Печерского, врача безмездного, в Ближних пещерах
глас 5
Богоноснаго Антония ревнуя смиренномудрию,/ аки некиим врачеством зелием снедным/ исцелял еси болящия, преподобне Агапите,/ тем и врача неверна уверив,/ наставил еси на путь спасения./ Уврачуй и наша болезни/ и молися Господеви о воспевающих тя.

Кондак преподобного Агапита Печерского, врача безмездного, в Ближних пещерах
глас 6
Врач сый изряден, чудне,/ являя несумненную твою веру,/ обличая же армениново неверие/ и приводя его к благочестию,/ себе, близ смерти бывшу,/ испросил еси от Бога продолжение живота/ и, сим чудом того уверив,/ привел еси Христови,/ Емуже в веселии предстоя,/ молися о нас, преподобне.