zoloto7 все записи автора Кондак мученика Савина
глас 2
Божественная прозябения,/ цвет неувядающий,/ розга многоплодная, богоносе Савине,/ иже верою чтущих память твою/ веселия твоего исполни// и молися непрестанно о всех нас.

Тропарь святителя Серапиона, архиепископа Новгородского
глас 8
Твердый адамант воистину, отче, показался еси, во всем подобяся владыце своему святителю, неправедная изгнания, радуяся, претерпел еси: темже и Христос святителем и мучеником сликовна тя сотвори и дарова тя стаду твоему, яко сокровище неотъемлемо, чудесы всех обогащающа. Темже и мы, сошедшеся к раце мощей твоих, любовию вопием ти: моли о нас, пречестный архиерею Серапионе, отче наш!

Кондак святителя Серапиона, архиепископа Новгородского
глас 3
Яко венцем, пресветлым украсися днесь великий Нов град, и ликует в память пастыря своего и учителя, яко диадиму царскую возложши, великая же она лавра светло радуется, идеже прослави Бог Своего угодника, и прояви последнему роду нашему цельбоносныя мощи твоя, святителю Серапионе, и Церкви Божия веселитися созывающи на славословие, велегласно вопиющи: радуйся, граду твоему и обители похвала и всея Русския земли пресветлый светильниче!