О пречистая Богомати, Всецарице! Услыши многоболезненное воздыхание наше пред чудотворною иконою Твоею, из Афонского удела в Россию пренесенною, призри на чад Твоих, неисцельными недуги страждущих, ко святому образу Твоему с верою припадающих! Якоже птица крилома покрывает птенцы своя, тако и Ты ныне, присно жива сущи, покрый нас многоцелебным Твоим омофором. Тамо, идеже надежда исчезает, несумненною Надеждою буди. Тамо, идеже лютыя скорби превозмогают, терпением и ослабою явися. Тамо, идеже мрак отчаяния в души вселися, да возсияет неизреченный свет Божества! Малодушныя утеши, немощныя укрепи, ожесточенным сердцам умягчение и просвещение даруй. Исцели болящия люди Твоя, о всемилостивая Царице! Ум и руки врачующих нас благослови, да послужат орудием Всемощнаго Врача Христа Спаса нашего. Яко живей Ти, сущей с нами, молимся пред иконою Твоею, Владычице! Простри руце Твои, исполненныя исцеления и врачбы, радосте скорбящих, в печалех утешение, да чудотворною помощь скоро получивше, прославляем Живоначальную и Нераздельную Троицу, Отца и Сына и Святаго Духа во веки веков. Аминь.
|  | | | | | | | |
В Москве икона Божией Матери «Всецарица» имеется в Храме Всех Святых в Красном селе по адресу: 2-й Красносельский переулок, дом 7 (ст. метро «Красносельская»)
Керчаночка обратиться по имени
Четверг, 22 Августа 2013 г. 22:56 (ссылка)
