Максiм Багдановiч

Четверг, 03 Июля 2014 г. 10:54 + в цитатник

Bagdanovich_M_4.jpg (466x700, 201Kb)

Максім Багдановіч (1891 – 1917) - беларускі паэт, публіцыст, літаратуразнаўца, перакладчык; класік беларускай літаратуры, адзін са стваральнікаў сучаснай літаратурнай беларускай мовы.

***

Я хацеў бы спаткацца з Вамі на вуліцы

У ціхую сінюю ноч

I сказаць:

«Бачыце гэтыя буйныя зоркі,

Ясныя зоркі Геркулеса?

Да іх ляціць нашае Сонца,

I нясецца за Сонцам Зямля.

Хто мы такія?

Толькі падарожныя, папутнікі сярод нябёс.

Нашто ж на Зямлі

Сваркі і звадкі, боль і горыч,

Калі ўсе мы разам ляцім

Да зор?»

Перевод:

Я хотел бы встретиться с вами на улице

в тихую синюю ночь и сказать:

“Видите эти крупные звезды,

ясные звезды Геркулеса?

К ним летит наше Солнце

и несется вслед за Солнцем Земля…

Кто мы такие?

Только странники, попутчики среди небес.

Зачем же нам на Земле ссоры и распри, боль и горечь,

если все мы вместе летим

к звездам?”

***

Зорка Венера ўзышла над зямлёю,

Светлыя згадкi з сабой прывяла...

Помнiш, калi я спаткаўся з табою,

Зорка Венера ўзышла.

З гэтай пары я пачаў углядацца

Ў неба начное i зорку шукаў.

Цiхiм каханнем к табе разгарацца

З гэтай пары я пачаў.

Але расстацца нам час наступае;

Пэўна, ўжо доля такая у нас.

Моцна кахаў я цябе, дарагая,

Але расстацца нам час.

Буду ў далёкім краю я нудзіцца,

Ў сэрцы любоў затаіўшы сваю;

Кожную ночку на зорку дзівіцца

Буду ў далёкім краю.

Глянь іншы раз на яе, – у расстанні

Там з ёй зліём мы пагляды свае...

Каб хоць на міг уваскрэсла каханне,

Глянь іншы раз на яе...

Серия сообщений "вершы на беларускай мове":
вершы на беларускай мове
Часть 1 - Максiм Багдановiч
Часть 2 - Вершы. Пятрусь Броўка
Часть 3 - Дыпламаваны баран. Кандрат Крапіва
...
Часть 19 - З Вялікаднем! С праздником Светлой Пасхи!
Часть 20 - Август – жнівень
Часть 21 - МАЛIТВА