Цитата сообщения Ленивый_Консерватор Соборная молитва о Сербской земле

Владыко Вседержителю, прими смиренное моление наше о православном роде Сербском.

Молим Тя, Многомилостиве, о толико страждущих ныне православных братиях наших, их же яко алтарь заповедный, священно поле Косово насильнически жаждут отъяти изгнавшии потомственных насельников края сего, обидчики жен их и дев, убийцы, не щадящии и младенцев.

Воспоминая вся благая, аще даша нам и отцем нашим, избегшим некогда муки и смерти от безбожных, братиями же нашими сербами приятым в отечество их, молим Тя Всеблагий, воздаж им в сей жизни временной защиту от Твою от напавших на них, в жизни же вечной спасение и радость вечную; молитвами Пречистые Владычицы Богородицы, Первопрестольника же Сербского, Святителя Саввы, и всех Святых славянских и вселенских.

Спаси Господи люди Твоя, все бо возможно Тебе, и Тебе яко Всесильну, благодарение и славу мы вси возсылаем: Отцу и Сыну и Святому Духу, во Святей Троице Единому Богу, ныне и присно и во веки веков. Аминь".