Пред иконой Пресвятой Богородицы «Знамение» Новгородская молятся о прекращении бедствий, о защите от нападения врагов, от пожаров, о защите от воров и преступников и о возвращении утраченного, об избавлении от чумы, об умирении враждующих и избавлении от междоусобной брани..

МОЛИТВЫ ПРЕСВЯТОЙ БОГОРОДИЦЕ И ПРИСНОДЕВЕ МАРИИ ПРЕД ЕЯ ИКОНОЮ "ЗНАМЕНИЕ"

О, Пресвятая и Преблагословенная Мати Сладчайшаго Господа нашего Иисуса Христа! 

Припадаем и покланяемся Тебе пред святою чудотворною иконою Твоею, воспоминающе дивное знамение Твоего заступления, Великому Новуграду от нея явленное во дни ратнаго на сей град нашествия. 

Смиренно молим Тя, Всесильная рода нашего Заступнице: якоже древле отцем нашим на помощь тогда ускорила еси, тако и ныне нас немощных и грешных Твоего Матерняго заступления и благопопечения сподоби. Церковь святую утверди, град Твой и всю страну нашу православную и всех нас, припадающих к Тебе с верою и любовию и умиленно просящих со слезами Твоего заступления, помилуй и сохрани. 

Ей, Госпоже Всемилостивая! Умилосердися на ны, обуреваемыя грехми многими, простри ко Христу Богу Богоприимнеи руце Твои и предстательствуй за нас пред благостию Его, просящи нам прощения прегрешений наших, благочестнаго, мирнаго жития, благия христианския кончины и добраго ответа на страшнем суде Его, да спасаеми всесильными Твоими к Нему молитвами, блаженство райское унаследуем, и со всеми святыми воспоем Пречестное и Великолепое имя Достопокланяемыя Троицы, Отца и Сына и Святаго Духа, и Твое велие к нам милосердие во веки веков. Аминь. 

ТРОПАРЬ
Яко необоримую стену и источник чудес, стяжавше Тя раби Твои, Богородице Пречистая, сопротивных ополчения низлагаем. Темже молим Тя, мир граду Твоему даруй и душам нашим велию милость. 

КОНДАК, ГЛАС 4
Честнаго образа Твоего знамение празднующе людие Твои, Богородительнице, имже дивную победу на сопротивныя граду Твоему даровала еси, темже Тебе верою взываем: радуйся, Дево, христиан похвало. 

ВЕЛИЧАНИЕ
Величаем Тя, Пресвятая Дево, Богоизбранная Отроковице, и чтим образ Твой святый, имже точиши исцеления всем с верою притекающим.

27 ноября/10 декабря – Новгородская;

20 июля/2 августаи  27 ноября/10 декабря – Абалацкая (1637);

8/21 марта (1898), 8/21 сентября (1295),
27 ноября/10 декабря (1295)и в 9-ю пятницу по Пасхе –
Курская-Коренная;

27 ноября/10 декабря – Серафимо-Понетаевская (1879), Царскосельская.

Тропарь иконе Божией Матери «Знамение»,

Глас 4:

Яко необоримую стену и источник чудес / стяжавше Тя раби Твои, Богородице Пречистая, / сопротивных ополчения низлагаем. / Темже молим Тя: / мир граду Твоему даруй // и душам нашим велию милость.