Футаж начала фильма Представляет

•  

Футаж 25 лет - years 25 supergold

•  

Футаж 50 лет - years 50 supergold

•  
• 1
• 2
• 3
• 4
• 5

ФУТАЖ НОВОГОДНИЙ 2015 для текста

•  

Футаж С Новым 2015 годом

•  

Футаж - С Новым 2015 годом

•  
• 1
• 2
• 3
• 4
• 5

Новогодняя Овечка. Год Овцы 2015. Новогодние мультики про Овечку

•  
• 1
• 2
• 3
• 4
• 5

Футаж Год Овцы 2015

•  
• 1
• 2
• 3
• 4
• 5

Պահածոներ - Консервы

Պահածոներ

 

ՍԵՐԿԵՎԻԼԻ ԵՎ ԽՆՁՈՐԻ ՀՅՈՒԹ

Բաղադրիչներ.
սերկևիլ – 1 կգ,
խնձոր – 4-5 հատ,
կիտրոն – 1 հատ,
ջուր – 3 լ,
շաքարավազ – 2 բաժակ

Սերկևիլը լվանալ, կեղևը հեռացնել, կորիզները ևս: Կորիզները կարելի է թողնել, այդ դեպքում հյութը դոնդողի տարր կունենա: Սակայն սովորաբար կորիզները չորացնում և եփում են առանձին՝ իբրև հազի դեմ միջոց: Խնձորների կորիզները հեռացնել, շերտերի բաժանել: Կիտրոնը օղակների բաժանել, կորիզները հանել: Միրգը լցնել էմալապատ մեծ կաթսայի մեջ, վրան սառը ջուր լցնել և դնել կրակին: Թողնել, որ հյութը եռա մի քանի րոպե, մրգի շերտերը փափկեն: Ավելացնել շաքարավազը, որի քանակը կարելի է փոփոխել ըստ ճաշակի: Եփել երկու-երեք րոպե, խառնել փայտե գդալով, որ շաքարավազը վերջնականապես խառնվի: Կափարիչը ծածկել, թողնել, որ համերը միախառնվեն: Ապա լցնել ապակե տարաների մեջ և պահե սառը տեղում:

 

ՄԱՐԻՆԱՑՎԱԾ ԼՈԼԻԿՆԵՐ

Բաղադրիչներ.
մանր լոլիկներ,
յուրաքանչյուր 1 լ ջրի համար՝
աղ – 2 լիքը ճ. գդ.,
շաքարավազ – 2 լիքը ճ. գդ.,
քացախ – 2 ճ. գդ.,
հատիկ պղպեղ,
չորացրած սամիթի ճյուղեր,
սխտոր – 1 գլուխ,
դափնու տերև
Մանր լոլիկները լվանալ: Մաքուր բանկաների տակ դնել դափնու տերևներ, սամիթի ճյուղ և սխտորի ատամիկներ: Ջուր եռացնել: Լոլիկները շարել բանկաների մեջ, վրան լցնել ջուրը: Կափարիչները ծածկել, թողնել մի քանի րոպե: Ապա ջուրը թափել կաթսայի մեջ: Ավելացնել աղ, շաքարավազ, 2 դափնու տերև, մի փոքր ջուր ավելացնել, եռացնել, մինչև շաքարն ու աղը լուծվեն: Կրակն անջատել, ավելացնել քացախը: Աղաջուրը լցնել լոլիկների վրա: Բանկաները շարել մեծ կաթսայի մեջ՝ ստերիլացնելու համար: Ստերիլիզացնել 15 րոպե: Հետո փակել, ստուգել հերմետիկությունը և շուռ տալ: Ծածկել, թողնել հովանա: Պահել սառը տեղում:

 

ԱԶՆՎԱՄՈՐՈՒ «ՀՈՒՄ» ՄՈՒՐԱԲԱ

Բաղադրիչներ.

ազնվամորի(կարելի է կարմիր կամ սև հաղարջ) – 1 կգ,

շաքարավազ – 1.5 կգ

Հատապտուղները կարելի է պահածոյացնել նաև առանց եփելու: Այսպես ավելի շատ օգտակար բաղադրիչներ կպահպանվեն մթերքի մեջ: Իսկ ազնվամորու մուրաբան համարվում է մրսելուց առաջացած հիվանդությունների լավագույն դեղամիջոցը: Ազնվամորու առողջ հատիկներն ընտրել, լվանալ, թողնել, որ հատիկները քամվեն և չորանան: Շաքարավազը լցնել վրան, մի քանի ժամ թողնել: Փայտե գդալով անընդհատ խառնել, մինչև շաքարը լիովին խառնվի և ստացվի համասեռ զանգված: Առավել համասեռ կստացվի, եթե միրգը մսաղացով անցկացնեք: Խառնել այնքան ժամանակ, մինչև շաքարավազն այլևս ամանի հատակին նստվածք չառաջացնի: Հետո լցնել մաքուր բանկաների մեջ և պահել:

 

ՍԱԼՈՐԻ (ԾՅՈՐԻՆԻ) ՄՈՒՐԱԲԱ

Բաղադրիչներ.

ծյորին – 2 կգ,

շաքարավազ – 2.5 կգ

Միրգը լավ լվանալ, ընտրել առողջ պտուղները: Մրգի հատիկները լցնել էմալապատ թասի մեջ, ծակծկել: Շաքարավազը լցնել սալորների վրա, թողնել ողջ գիշեր: Եթե բավականաչափ հյութ չառաջանա, պատրաստել օշարակ 1:2 հարաբերությամբ և լցնել վրան: Միրգը առաջացած հյութի հետ դնել կրակին, եռացնել: Առաջացած փրփուրը վերցնել ծակոտկեն գդալով: Կրակն անջատել, թողնել գիշերը մնա: Առավոտյան սալորները հանել հյութից, հյութը եռացնել, միրգը գցել եացած հյութի մեջ, թողնել սառչի: Մի քանի ժամ անց մուրաբան եռացնել, լցնել լավ լվացած բանկաները և փակել:

 

ՄԱՐԻՆԱՑՎԱԾ ԿԾՈՒ ՊՂՊԵՂ

Բաղադրիչներ.
կարմիր կծու պղպեղ - 200 գ,
կարմիր գինու քացախ - 1 բաժակ,
աղ - 1/2 թ.գդ.

Պղպեղները լվանալ, հեռացնել սերմերն ու կոթերը, պղպեղներն աղալ: Խառնել աղ, քացախ, լցնել փոքր բանկաների մեջ, կափարիչները փակել: Պահել սառը և չոր տեղում: 2-3 օրից պղպեղը պատրաստ կլինի: Մարինացված պղպեղը կարելի է օգտագործել թե իբրև համեմունք ուտեստների մեջ, թե իբրև սոուս մսի և թռչնամսի հետ:

 

ԳԱԶԱՐԻ ՄՈՒՐԱԲԱ

Բաղադրիչներ.
գազար – 1 կգ,
կիտրոն – 1 կգ,
շաքարավազ – 2 կգ,
վանիլին – 1 տուփ

1 կգ գազարի համար անհրաժեշտ է  1 կգ կիտրոն: Լվանալ, մաքրել, մսաղացով աղալ: Խառնել շաքարավազին և եփել մոտ 40 րոպե: Ջերմային մշակման վերջում ավելացնել վանիլինը: Լցնել մաքուր բանկաների մեջ, փակել կամ պարզապես պահել սառնարանում:

 

 

 

ԿԱՆԱՉ ԱՋԻԿԱ

Բաղադրիչներ.

կանաչ կոծւ և քաղցր պղպեղներ –  500-ական գրամ,
համեմ – 250 գ,
մաղադանոս – 250 գ,
սամիթ – 250 գ,
նեխուր – 150 գ,
սխտոր – 3 պճեղ, համեմի աղացած սերմ – 1 ճ. գդ.,
գինու քացախ,աղ:Մշակված կծու և քաղցր պղպեղները մսաղացով անցկացնել: Կանաչին լվանալ, նույնպես աղալ սխտորի հետ: Համեմել աղով, քացախով, համեմի սերմով:  Խառնել, լցնել բանկաների մեջ, պահել սառնարանում: Կարելի է նաև փակել ստերիլ բանկաների մեջ ջերմային մշակման ենթարկելուց հետո:

 

ՍՈՈՒՍ ՍԱՑԵԲԵԼԻ

Բաղադրիչներ.
հասած լոլիկներ – 3 կգ,
կարմիր քաղցր պղպեղ – 1 կգ,
սխտոր – 2 կգ,
կարմիր գինու քացախ – 1 բաժակ,
բուսայուղ, աղ

Լոլիկների վրա խաչաձև կտրվածք անել, գցել եռացած ջրի մեջ: Հետո գցել սառը ջրի մեջ: Կեղևն ու սերմերը հեռացնել: Սխտորը մաքրել, պղպեղի միջուկը հանել, բանջարեղենը աղալ: Քացախը եռացնել, սառեցնել: Բանկաները լվանալ, չորացնել, դնել 200°C ջեռոցում 10 րոպե, սառեցնել: Ստացված տոմատի խյուսին ավելացնել աղ, քացախ, լցնել բանկաների մեջ: Ամեն բանկայի երեսին մի փոքր բուսայուղ լցնել, փակել և պահել սառը և մութ տեղում:

 

ՁՄԵՐՈՒԿԻ ՄՈՒՐԱԲԱ

Բաղադրիչներ.
ձմերուկ – 0.5 կգ,
ջուր – 2 բաժակ,
կիտրոն – 2 հատ,
շաքարավազ – 1 կգ

Ձմերուկի կեղևը հեռացնել, 0,5 կգ ձմերուկը կտրատել փոքր կտորներով, սերմերը հեռացնել: Ձմերուկի կտորները գցել մեկ բաժակ սառը ջրի մեջ, եփել 20 րոպե: Մեկ այլ կաթսայի մեջ եփել օշարակ: Երկու կիտրոնի կեղևը հանել, միջուկը կտրատել, կորիզները հանել, գցել մեկ բաժակ ջրի մեջ: Եփել տասը րոպե, ավելացնել շաքարավազի հետ խառնած կիտրոնի կեղևը և մեկ կգ շաքարավազ: Օշարակը եփել և ձմերուկի կտորները զգուշորեն գցել մեջը: Եփել մոտ կես ժամ: Մուրաբան լցնել ստերիլ բանկաների մեջ, փակել:

 

ՄԱՐԻՆԱՑՎԱԾ ՊՂՊԵՂ

Բաղադրիչներ.
կարմիր, կանաչ, դեղին պղպեղներ – 1,25 կգ,
սխտոր – 4 պճեղ,
կարմիր կծու պղպեղ – 2 հատ,
գինու քացախ – 375 գ,
անիսոնի օղի – 2 ճ. գդ.,
աղ – 2 թ. գդ.,
շաքարավազ – 5 գ,
դափնու տերև – 4 հատ

Պղպեղները լվանալ, մաքրել: Սխտորը մաքրել, չորս մասի բաժանել ամեն պճեղը: Չիլին մաքրել և կտրատել: Քացախը խառնել 375 մլ ջրին, ավելացնել անիսոնի օղին, աղը, շաքարավազը, չիլին, սխտորը, եռացնել: Մարինդի մեջ գցել պղպեղները, եփել 3 րոպե: Ավելացնել դանու տերևը: Մարինացված բանջարեղենը լցնել մաքուր բանկաների մեջ, փակել: Թողնել գոնե մեկ շաբաթ, որպեսզի համերը միախառնվեն: Կարելի է պահել սառնարանում մոտ վեց ամիս:

 

ԿԾՈՒ ՊԱՀԱԾՈ «ԶՈՔԱՆՉԻ ԼԵԶՈՒ»

Բաղադրիչներ.
սմբուկ – 5 կգ,
կարմիր քաղցր պղպեղ – 1,5 կգ,
սխտոր – 200 գ,
կծու պղպեղ – 1-2-3 հատ,
քացախ – 1 բաժակ,
արևածաղկի յուղ – 0,5 լ

Բացի սմբուկից մնացած բոլոր մթերքները մսաղացով աղալ: Ավելացնել քացախը: Սմբուկները օղակ-օղակ կտրել, աղ անել, դնել մի կողմ: Քամել դառը հյութը:  Նախընտրելի են երկար ու բարակ սմբուկները: Սմբուկը տապակել բուսայուղի մեջ երկու կողմից, լցնել աղացած զանգվածի մեջ: Հետո պատառաքաղով սմբուկները պղպեղից հանել, շարել մեկլիտրանոց բանկաների մեջ, կափարիչը դնել վրան: Երբ բոլոր սմբուկները տապակված և տեղադրված կլինեն բանկաների մեջ, աղացած պղպեղի զանգվածը լցնել սմբուկների վրա: Ստերիլացնել  40 րոպե, փակել, շուռ տալ, թողնել սառչի:

 

ԿԵՌԱՍԻ,ԴԵՂՁԻ ՋԵՄ ՎԱՐԴԻ ԹԵՐԹԻԿՆԵՐՈՎ

Բաղադրիչներ.

ՔԱՂՑՐ ՊՂՊԵՂ ԼՈԼԻԿԻ ԽՅՈՒՍԻ ՄԵՋ

Բաղադրիչներ.

քաղցր պղպեղ,

լոլիկ,

աղ

Լոլիկները լվանալ, մսաղացով աղալ, քամիչով անցկացնել: Ստացված լոլիկի խյուսը եփել այնքան, որ ծավալը 2-3 անգամ պակասի: Հետո ավելացնել աղը 1 ճաշի գդալ 1 լիտր լոլիկին հաշվարկով: Պղպեղը լվանալ, սերմերը ու կոթերը հանել, դնել բանկաների մեջ: Պղպեղների վրա լցնել լոլիկի տաք խյուսը: Բանկաները ծածկել ստերիլ կափարիչներով: Բանկաները դնել տաք ջրով լի կաթսայի մեջ, 15 րոպե ստերիլացնել: Բանկաները փակել, շուռ տալ, թողնել այդպես հովանա: Պահել մութ, սառը տեղում:

 

ՌԵՀԱՆՈՎ ԵԼԱԿԻ ԿՈՆՖԻՏՅՈՒՐ

Բաղադրիչներ.
ելակ – 1,2 կգ,
շաքարավազ – 500 գ,
կիտրոնի հյութ – 2 ճ.գդ.,
ռեհան – 4 ճյուղ

Ելակի պոչերը հեռացնել, լվանալ, վրան լցնել շաքարավազը, կիտրոնի հյութը, ռեհանի տերևները: Զգուշորեն խառնել, թողնել 2—3 ժամ: Հետո ռեհանը հանել: Եռացնել, եփել հինգ րոպե: Ելակները հանել, օշարակը եփել հինգ րոպե, մինչև այն թանձրանա: Միրգը լցնել թանձրացած օշարակի մեջ, եփել մեկ րոպե: Վերցնել կրակից, լցնել բանկաների մեջ:

 

Տաք ուտեստներ - Горячие блюда

Տաք ուտեստներ

 

ՄՍՈՎ, ԽՄՈՐՈՎ ՌՈՒԼԵՏՆԵՐ

Բաղադրիչներ.

խմոր.

ձու – 1 հատ,

աղ,

ալյուր – 3 բաժակ,

ջուր,

միջուկ.աղացած միս – 500 կգ,սոխ – 2 գլուխ,խառը կանաչի,աղ, սև և կարմիր պղպեղ,թանձրահյութի համար.սոխ – 1 գլուխ,յուղ – 1 գդալ,տոմատի մածուկ – 1-2 ճ. գդ: Ալյուրը մաղել, վրան մեկ ձու կոտրել, աղ ցանել, խառնել: Աստիճանաբար ավելացնել այնքան ջուր, որքան կպահանջվի ոչ շատ պինդ խմոր ստանալու համար: Խմորը գունդ անել, դնել մի կողմ: Միսը աղալ, աղալ նաև սոխն ու կանաչին: Եթե թարմ կանաչի չկա, կարելի է փոխարինել չորացրած կանաչիով՝ ծիթրոն, ռեհան, մաղադանոս: Աղ, պղպեղ ցանել, խառնել: Խմորը բացել, միսը համաչափ տարածել խմորի վրա և փաթաթել ռուլետի նման: Ապա զգուշորեն կտրատել, շարել կաթսայի մեջ այնպես, որ ռուլետների միջև տարածություն չմնա: Թավայի մեջ յուղը հալեցնել, լուսնաձև կտրատած սոխով սոխեռած անել: Երբ սոխը ոսկեգույն դառնա, ավելացնել տոմատի մածուկը: Խառնել, լցնել ռուլետների վրա: Ավելացնել նաև 3/4 բաժակ եռջուր, կափարիչը փակել և եփել մարմանդ կրակով:

 

ԲԱՆՋԱՐԵՂԵՆՈՎ ԼՑՈՆՎԱԾ ԽՈԶԻ ՄԻՍ

Բաղադրիչներ.
խոզի փափկամիս – 200 գ,
սոխ – 1 գլուխ,
լոլիկ – 1 հատ,
գազար -  1 հատ,
սունկ – 100 գ,
բուսայուղ,
աղ, պղպեղ, կանաչի

Մսին աղ, պղպեղ ցանել, սուր դանակով կողքից կտրել, բացել գրպանի պես, ոչ մինչև վերջ: Սոխը մանր կտրատել, տապակել բուսայուղով, ավելացնել լոլիկի շերտերը, լավ լվացած. կտրատած սունկը, տապակել անընդհատ խառնելով: Երբ սունկի և լոլիկի առաջացրած հյութը ցամաքի, ավելացնել քերած գազարը, խառնել, աղ, պղպեղ ցանել: Մի փոքր չորացրած կանաչի շաղ տալ: Միջուկը գդալի օգնությամբ տեղավորել մասի գրպանիկի մեջ, չոփով ամրացնել: Մսի կտորները տապակել թեժ կրակի վրա երկու կողմից: Ապա հանել, շարել տապակի մեջ, եփել ջեռոցում, մինչև միսը պատրաստ լինի, մոտ 40 րոպե:

 

ԽՈԶԻ ՄՍՈՎ ՏԱՊԱԿԱ

Բաղադրիչներ.

խոզի միս – 300 գ,

կարտոֆիլ – 4-5 հատ,

աղ, պղպեղ

Խոզի միսը լվանալ, կտրատել ոչ մեծ կտորների: Աղ, պղպեղ ցանել, թողնել երկու րոպե: Մսի կտորները շարել թավայի մեջ և եփել մարմանդ կրակի վրա: Թավայի կափարիչը փակ թողնել այնքան, մինչև մսից դուրս եկած հեղուկը ցամաքի: Ապա կափարիչը վերցնել: Կարտոֆիլը մաքրել, կտրատել, լցնել թավայի մեջ: Մսի յուղոտ մասի շնորհիվ արդեն հարկավոր չէ ոչ կարագ, որ բուսայուղ: Կարտոֆիլն ու միսը տապակել մինչև կարմրելը: Մատուցել թթվի կամ աղցանի հետ:

 

 

ՏԱՊԱԿԱԾ ԼՅԱՐԴ

Բաղադրիչներ.
տավարի լյարդ – կես կգ,
սոխ – 2-3 գլուխ,
կարագ – 2 ճ. գդ.,
աղ, սև պղպեղ,
կանաչի ըստ ճաշակի
Լյարդը լավ լվանալ, թաղանթը հեռացնել: Կտրատել ոչ շատ մանր: Սոխը օղակ-օղակ կտրատել, կարագով տապակել: Ապա ավելացնել լյարդը: Թավայի կափարիչը ծածկել, եփել այնքան, մինչև թավայում հեղուկը ցամաքի: Ապա համեմել աղով, սև աղացած պղպեղով: Թողնել կրակին ևս մեկ-երկու րոպե: Կարելի է չորացրած թարխուն ավելացնել կամ թարմ համեմ, ըստ ճաշակի: Մատուցել լոլիկի շերտերի հետ:

 

ՀԱՎԻ ՄՍՈՎ ՈՍՊՈՎ ԱՊՈՒՐ

Բաղադրիչներ.
ոսպ – 100 գ,
սոխ – 1 գլուխ,
յուղ կամ կարագ – 1-2 ճ. գդ.,
կանաչ քաղցր պղպեղ- 1 հատ,
կարտոֆիլ – 2 հատ,
հավի միս – 100 գ,
թարմ համեմ

Հավի միսը եփել (կարելի է ոսկրոտ կտորները եփել, նրանք ապուրն ավելի համեղ են դարձնում): Աղ ցանել, եփվելու ընթացքում ցանցկեն գդալով փփրուրը հանել: Ոսպը մաքրել, լվանալ, թրջել: Ապա ջուրը թափել, սառը ջուր լցնել, եփել այնքան, մինչև ոսպի հատիկները փափկեն: Սոխը մանրացնել, տապակել կարագով: Պղպեղի սերմատուփը հեռացնել, մանր կտրատել, տապակել սոխի հետ: Հավի միսն ու արագանակը լցնել սոխեռածի վրա: Ավելացնել մաքրած, կտրատած կարտոֆիլը, քամած ոսպը: Երբ ապուրը գրեթե պատրաստ լինի, լցնել կտրատած համեմը, հինգ րոպե անց վերցնել կրակից: Մատուցել չորահացի հետ:

 

ՀԱՎՈՎ ՀԱԳԱՆԻ

Բաղադրիչներ.
հավ – 1 հատ,
կարագ – 2 ճ. գդ.,
չամիչ – 60 գ,
բոված ալյուր – 1 ճ գդ.,
կարմիր կծու չորացրած պղպեղ,
հոնի պաստեղ – 1ճ. գդ.,
Աշտարակ սոուս,
սամիթ, համեմ,աղ:Հավի միսը խաշել, աղ ցանել: Հոնի պաստեղը պատրաստել վաղօրոք: Հոնը եփել, քամիչով անցկացնել, պահեստավորել: Թավայի մեջ կարագ հալեցնել, չամիչը բովել: Երբ այն ուռչի, ավելացնել Աշտարակ սոուսը, հոնի պաստեղը: Հետո մի քիչ բոված ալյուր ցանել, անընդհատ խառնել: Հավի արգանակ ավելացնել, աղ ցանել, խառնել: Կանաչին մանր կտրատել, լցնել սոուսի մեջ: Ավելացնել հավի եփված կտորները, ողջ արագանակը: Մի քանի կտոր կծու պղպեղ գցել հագանու մեջ: Հագանին լցնել մատուցվող ափսեի մեջ, վրան կտրատած կանաչի լցնել, զարդարել մի կտոր կարմիր պղպեղով:

 

ՏԱՊԱԿԱ «ԱՐՄԱՎԻՐ»

Բաղադրիչներ.
հորթի միս – 300 գ,
սմբուկ – 1 հատ,
լոլիկ – 1 հատ,
նեխուր – 3 ցողուն,
սոխ – 1 գլուխ,
բուսայուղ – 2 ճ. գդ.,
կարագ – 20 գ,
թթվասեր,
սոուս «Աշտարակ» – 2 թ. գդ.,բոված ալյուր – 1 ճ. գդ.

Սմբուկը երկայնակի շերտատել: Սոխն ու լոլիկը օղակ-օղակ կտրատել: Նեխուրը կտրատել: Թավայի մեջ բուսայուղ տաքացնել: Տապակել սմբուկի, սոխի շերտերը: Աղ ցանել, շուռ տալ, հանել թավայից: Տապակել կտրատած միսը, լոլիկը: Երբ միսը գրեթե պատրաստ լինի, աղ ցանել: Միսն ու լոլիկը հանել թավայից, տեղավորել սմբուկի կողքին: «Աշտարակ» սոուսը կարելի է նախապես պատրաստել և պահեստավորե: Ընկույզը, սխտորը, կտրատած համեմն ու սամիթը հավանգի մեջ ծեծել, ավելացնել սպիտակ գինի, մի փոքր բուսայուղ: Թավայի մեջ կարագ հալեցնել, կտրատած նեխուրը մի քիչ դաղել, ավելացնել սոուսը, բոված ալյուրն ու թթվասերը: Մի քիչ ջուր ավելացնել, աղ անել: Եփել, որ սոուսը թանձրանա: Թանձրահյութը լցնել տապակած մսի և բանջարեղենի վրա, մատուցել:

 

ՏԱՊԱԿԱ «ԱՐԱՐԱՏ»

Բաղադրիչներ.
հորթի միս -400 գ,
բրինձ – 1.5 բաժակ,
սալորի չիր – 3 հատ,
ծիրանի չիր – 2 հատ,
կարագ – 1 ճ. գդ.,
սերուցք – կես բաժակ,
զաֆրան – կես թ. գդ.,կոնյակ – 20 գ,բուսայուղ – 2 ճ. գդ.,չոր լավաշ,աղ,  պղպեղ:Բրինձը եփել, ջրքամել, աղ անել: Միսը բարակ շերտերի բաժանել: Թավան տաքացնել, նախ տապակել միսն առանց յուղի: Հետո շուռ տալ: Երբ միսն արդեն երկու կողմից կեղև ստանա, բուսայուղ ավելացնել թավայի մեջ: Երբ միսը մի քանի րոպե կտապակվի և գրեթե պատրաստ կլինի, ավելացնել աղ, պղպեղ, կոնյակ և այրել այն: Կրակը թեժացնելու դեպքում սպիրտային մասն ինքնիրեն կայրվի: Մեկ այլ թավայի մեջ կարագը հալեցնել: Չիրը մանր կտրատել և բովել կարագով: Ափսեի մեջ դնել նեխուրի տերևները: Վրան Արարատի նման մեծ ու փոքր բլրակներով դնել բրինձը: Շուրջը շաղ տալ չիրը: Մի կողմում տեղադրել տապակված կտրատած միսը: Թավայի մեջ լցնել սերուցքը, զաֆրան ավելացնել, մի քիչ եփել: Թանձրահյութը լցնել բրնձի և մսի արանքում: Զարդարել չորացրած լավաշի կտորներով:

 

ՍՈՒՆԿՈՎ ՍՊԱՍ

Բաղադրիչներ.
մածուն – 0.5 լ,
ձու – մեկ հատ,
ալյուր – 1 ճ. գդ.,
ձավար – կես բաժակ,
կոլոլակ – 3 հատ,
սունկ – 4 հատ,
սոխ – 1 գլուխ,
աղ, կարմիր պղպեղ,բուսայուղ, չորացրած ծիթրոն:Ձավարը նախապես խաշել: Ձուն կոտրել կաթսայի մեջ, ալյուրը լցնել վրան, խառնել: Ավելացնելլ մածունը և մածունի չափ սառը ջուր: Խառնել, կարելի է մեկ-երկու ճաշի գդալ թթվասեր ավելացնել, ավելի համեղ կստացվի: Սպասն անընդհատ խառնելով եփել մարմանդ կրակի վրա, մինչև եռալը: Ցանկալի է խառնել փայտե գդալով, այդպես սպասը չի կտրվի: Ավելացնել խաշած ձավարը, եռալուց հետո նաև տավարի մսով երեք կոլոլակ: Սունկը բարակ շերտատել, տապակել բուսայուղի մեջ, լցնել սպասով կաթսան: Նույն թավայում տապակել մանրացրած սոխը, համեմել կարմիր պղպեղով, ծիթրոնով, աղ անել: Սպասը լցնել մատուցվող ափսեի մեջ, վրան դնել սոխեռածը:

 

ԲԱՆՋԱՐԵՂԵՆՈՎ ՃՈՒՏ

Բաղադրիչներ.
ճուտ – 1 հատ,
դդմիկ – 1 հատ,
կարմիր պղպեղ – 1 հատ,
կանաչ պղպեղ – 1 հատ,
ծաղկակաղամբ – 2-3 կտոր,
աղ, սպիտակ պղպեղ

Ճուտը կրծքի մասից կտրել, բացել: Ավելորդ մասերը հեռացնել, լավ լվանալ: Ճուտը համեմել աղով, պղպեղով: Վրան բուսայուղ լցնել, դնել թեժ կրակին՝ կաշին դեպի վեր: Յոթ-ութ րոպե տապակել, շրջել, թողնել տապակվի մյուս կողմից: Պղպեղները կիսել, սերմատուփերը հեռացնել: Դդմիկն օղակ-օղակ կտրել: Ծաղկակաղամբը բույլերի բաժանել: Բանջարեղենը շարել տաք թավայում ու խորովել առանց յուղի: Շրջել, շարել մատուցվող ափսեի մեջ: Ափսեի մի կողմում դնել տապակված ճուտը, մատուցել:

 

ՏԱՊԱԿԱԾ ԻՇԽԱՆ ԲՐՆՁԻ ԽԱՎԱՐՏԻ ՀԵՏ

Բաղադրիչներ.
իշխան – 1 հատ,
բրինձ – 1 բաժակ,
կանաչ պղպեղ – 1 հատ,
կարմիր պղպեղ – 1 հատ,
թարմ մաղադանոս,
աղ, սպիտակ պղպեղ,
կարագ, բուսայուղ,
սոխ – 1 գլուխ

Բրինձը եփել, ջրքամել: Թավայի մեջ մի փոքր բուսայուղ լցնել, մի կտոր կարագ հալեցնել: Սոխը մանր կտրատել, տապակել: Պղպեղների սերմատուփերը հեռացնել, պղպեղները կտրատել խորանարդիկներով: Սոխեռածի հետ պղպեղը նույնպես տապակել, խառնել: Ավելացնել ջրքամած բրինձը, խառնել: Մաղադանոսը կտրատել, խառնել խավարտին, կափարիչը ծածկել: Ձկան փափկամիսը փշերից առանձնացնել, համեմել աղով և սպիտակ պղպեղով: Ձիթայուղով տապակել, շուռ տալ: Երբ ձուկը երկու կողմից կեղև ստանա, ծածկել կափարիչը և շոգեխաշել, մինչև պատրաստ լինի, մոտ 10 րոպե: Մատուցվող ափսեի մեջջ լցնել բրինձը, կողքին դնել տապակած իշխանը, զարդարել կանաչիով:

 

ԿԾՈՒ ԹԵՎԻԿՆԵՐ

Բաղադրիչներ.
հավի թևիկներ – 6-8 հատ,
սխտոր – 2 պճեղ,
աղ, կարմիր կծու պղպեղ,
աջիկա – 2 ճ. գդ.,
բուսայուղ,
ալյուր – 0.5 բաժակ

Հավի թևիկները լվանալ, տրորելով աղ, կծու պղպեղ և ճզմած սխտոր քսել: Թողնել կես ժամ: Թավան տաքացնել, բուսայուղ լցնել: Աջիկան խառնել ալյուրին, թևիկները թաթախել խառնուրդի մեջ: Ապա տապակել տաք յուղի մեջ: Երբ թևիկները կեղևապատվեն, կափարիչը ծածկել և թողնել մինչև պատրաստ լինի: Մատուցել աղցանի և գարեջրի հետ:

 

ՄԵՔՍԻԿԱԿԱՆ ԱՊՈՒՐ «ՏԱԿՈ»

Բաղադրիչներ.
տավարի կամ հավի միս – 500 գ,
եգիպտացորեն – 1 տո

Մանկական սնունդ - детское питание

Մանկական սնունդ

դդում – 1 կգ,

կաթ – 150 գ,

բրինձ – 125 գ,

շաքարավազ – 50 գ,

կարագ – 2 ճ.գդ.,

մաղադանոս, սամիթ, աղ

հավի կրծքամիս –  1 հատ,

ձու – 2 հատ,

սպիտակաձավար (манка) – 2 ճ.գդ.,

ալյուր –  2 ճ.գդ.,

մայոնեզ կամ թթվասեր – 1 ճ.գդ.,

աղ, պղպեղ,

բուսայուղ

Հավի միŒ

Խմորեղեն - кондитерские изделия

Խմորեղեն