Да молчит всякая плоть человеча и да стоит со страхом и трепетом, и ничтоже земное в себе да помышляет: Царь бо царствующих, и Господь господствующих, приходит заклатися и датися в снедь верным. Предходят же Сему лики ангельскии со всяким началом и властию, многоочитии Херувими и шестокрылатии Серафими, лица закрывающе, и вопиюще песнь: Аллилуия, аллилуия, аллилуия.