Псалом 5
Мой Царю' и мой Бо'же,
я'ко помолю'ся, Го'споди, к Тебе',
разуме'й мое' зва'ние,
зау'тра глас мой услы'ши,
внуши' глаго'лы моя',
зау'тра Ти предста'ну, и мя у'зриши,
вонми' гла'су моего' моле'ния.

Го'споди, аз же мно'жеством Твоея' ми'лости
в дом Твой вни'ду,
поклоню'ся ко хра'му Твоему' свято'му,
в Твое'м стра'се,
наста'ви мя Твое'ю пра'вдою,
враг мои'х ра'ди,
испра'ви мой путь пред Тобо'ю,
Го'споди.

Я'ко Бог беззако'ния не хотя'й,
не присели'тся к Тебе' лука'внуяй.
Вся де'лающыя беззако'ние
возненави'дел еси',
вся глаго'лющыя лжу,
погуби'ши.
Ниже' пребу'дут беззако'нницы
пред очи'ма Твои'ма:
гнуша'ется Госпо'дь
му'жа крове'й и льсти'ва.

Я'ко и'стины несть во усте'х их,
су'етно их се'рдце,
да отпаду'т от мы'слей свои'х,
им Суди' Бо'же,
гроб отве'рст горта'нь их,
свои'ми язы'ки льща'ху,
да изри'ни еси' я,
я'ко преогорчи'ша Тя,
по мно'жеству их нече'стия.

Го'споди, о Тебе' похва'лятся
и'мя Твое' лю'бящии,
и возвеселя'тся
вси на Тя упова'ющии,
и во век возра'дуются,
и Ты в них всели'шися,
я'ко пра'ведника
Ты благослови'ши,
я'ко ору'жием благоволе'ния,
нас венча'л еси', Го'споди.