У хуткаснай электрычцы, што ездзіць цяпер між Мінскам і Заслаўлем людзей няшмат. У 8:57 швейцарскі цягнік выходзіць з вакзала: частка месцаў вольная. Чыгуначнікі на сваім сайце паведамляюць, што пасажыры электрычкі выказаліся за падвышэнне коштаў на праезд. Маўляў, маршрутка даражэй. Еўрарадыё вырашыла пракаціцца да Заслаўля і пагаварыць пра гэта з пасажырамі.