Цитата сообщения Мария_Вера Суббота Акафиста



7/20Март

Седмица 5-я Великого Поста.

Похвала Пресвятой Богородицы
(Суббота Акафиста).

Некоторые особенности богослужения


Суббота 5-й седмицы называется субботой Акафиста, а сама служба получила название Похвалы Пресвятой Богородицы. В этот день на утрени читается акафист Божией Матери в память Ее заступничества и избавления Константинополя в эти дни поста от сарацин и скифов в 626 году.

Акафист прочитывается в четыре приема, каждый раз по 3 икоса и 3 кондака. Каждое чтение начинается и заключается пением кондака Взбранной Воеводе. На каждое чтение священнослужители выходят через царские врата на середину храма.

Текст службы в субботу 5-й седмицы. Песнопения Триоди Постной

Поется великое славословие.

Великое славословие

Слава в вышних Богу, и на земли мир, в человецех благоволение.

Хвалим Тя, благословим Тя, кланяем Ти ся, славословим Тя, благодарим Тя великия ради славы Твоея.

Господи Царю Небесный, Боже Отче Вседержителю, Господи Сыне Единородный Иисусе Христе, и Святый Душе. Господи Боже, Агнче Божий, Сыне Отечь, вземляй грех мира, помилуй нас: вземляй грехи мира, приими молитву нашу: Седяй одесную Отца, помилуй нас.

Яко Ты еси Един Свят, Ты еси Един Господь, Иисус Христос, во славу Бога Отца, аминь.

На всяк день благословлю Тя, и восхвалю имя Твое во веки, и в век века.

Сподоби Господи в день сей без греха сохранитися нам.

Благословен еси Господи, Боже отец наших, и хвально и прославлено Имя Твое во веки, аминь.

Буди Господи, милость Твоя на нас, якоже уповахом на Тя.

Благословен еси Господи, научи мя оправданием Твоим.

Благословен еси Господи, научи мя оправданием Твоим.

Благословен еси Господи, научи мя оправданием Твоим.

Господи, прибежище был еси нам в род и род. аз рех: Господи, помилуй мя, исцели душу мою, яко согреших Тебе.

Господи, к Тебе прибегох, научи мя творити волю Твою, яко Ты еси Бог мой: яко у Тебе источник живота, во свете Твоем узрим свет. Пробави милость Твою ведущым Тя.

Святый Боже, Святый Крепкий, Святый Безсмертный, помилуй нас. Трижды. Слава, и ныне: Святый Безсмертный, помилуй нас.

Таже высочайшим гласом:

Святый Боже, Святый Крепкий, Святый Безсмертный, помилуй нас.

На всех часах - тропарь и кондак праздника.


Тропарь, Глас 8

Повеленное тайно прием в разуме, в крове Иосифове тщанием предста безплотный, глаголя Неискусобрачней: Приклонивый схождением небеса, вмещается неизменно весь в Тя. Егоже и видя в ложеснах Твоих приемша рабий зрак, ужасаюся звати Тебе: радуйся Невесто Неневестная.


Взбранной Воеводе

Взбранной Воеводе победительная, яко избавльшеся от злых, благодарственная восписуем Ти раби Твои Богородице: но яко имущая державу непобедимую, от всяких нас бед свободи, да зовем Ти: Радуйся Невесто Неневестная.


Прокимен Богородицы - песнь Богородицы, глас 3:

Величит душа Моя Господа, и возрадовася дух Мой о Бозе, Спасе Моем. Стих: Яко призре на смирение рабы Своея, се бо отныне ублажат Мя вси роди.

Причастен:
Чашу спасения прииму и имя Господне призову.