О, святый мучениче Христов Трифоне, скорый помощниче всем к тебе прибегающим, и молящимся пред святым твоим образом скоропослушный предстателю! Услыши ныне и на всякий час моление нас, почитающих святую память твою, и предстательствуй о нас пред Господом на всяком месте. Ты бо, угодниче Христов, святый мучениче и чудотворче Трифоне, в великих чудесех возсиявый, прежде исхода твоего от жития сего тленнаго молился еси за ны ко Господу и испросил еси у Него дар сей: аще кто в коей-либо нужде, беде, печали и болезни душевней или телесной призывати начнет святое имя твое, той избавлен будет от всякого прилога злаго. И якоже ты некогда дщерь цареву, во граде Риме от диавола мучиму, исцелил еси, сице и нас от лютых его козней сохрани во вся дни жития нашего, наипаче же в день последняго нашего издыхания предстательствуй о нас. Буди нам тогда помощник, и скорый прогонитель лукавых духов, и к Царствию Небесному предводитель, идеже ты ныне предстоиши с лики святых у престола Божия. Моли Господа, да сподобит и нас причастники быти присносущнаго веселия и радости, да с тобою купно удостоимся славити Отца и Сына и Святаго Утешителя Духа во веки веков. Аминь.

Источник

Серия сообщений "молитва":
Часть 1 - Основные христианские молитвы
Часть 2 - Молясь не говорите лишнего
Часть 3 - Святая блаженная Ксения: утешающая всех, кто ее просит
Часть 4 - Чудеса по молитвам к мученику Трифону.Лидия Доброва
Часть 5 - Молитва Святому Великомученнику и Чудотворцу Трифону
Часть 6 - Кому молиться при поиске работы.
Часть 7 - Блаженная старица Матрона
...
Часть 15 - МОЛИТВЫ НА ИСЦЕЛЕНИЕ. Молитва "Да воскреснет Бог"
Часть 16 - Дорогая доченька!
Часть 17 - Православные иконы