Это уже не только триодь, все подряд


Старый текст:

О тебе, отче (имярек), известен бысть спасения образ: восприим бо крест, последовал еси Христу, творяше же и учаше еже презрети плоть, преходит бо, прилежати же о души вещи безсмертней. Темже и со ангелы радуется преподобне дух твой.

Новообрядческий текст:

В тебе, отче, известно спасеся, еже по образу: приим бо крест, последовал еси Христу, и дея учил еси презирати убо плоть, преходит бо, прилежати же о души, вещи безсмертней. Темже и со ангелы срадуется, преподобне (имярек), дух твой.


Старый текст:

Святая безсеребненика и чудотворца, Козмо и Домиане, посетита нас в болезнех наших, туне прияста, туне и дадита нам.

Новообрядческий текст:

Святи безсеребреницы и чудотворцы, Космо и Домиане, посетите немощи наша: туне приясте, туне дадите нам.


Старый текст:

И нравом причастник, и престолом наместник апостлом быв, деянием обрете, богодухновенне, боговидения восход: сего ради слово истины исправляя, и за веру пострадал еси до крове, священномучениче (имярек), моли Христа Бога, спастися душам нашим.

Новообрядческий текст:

И нравом причастник, и престолом наместник апостлом быв, деяние обрел еси, богодухновенне, в видения восход: сего ради слово истины исправляя, и веры ради пострадал еси даже до крове, священномучениче (имярек), моли Христа Бога, спастися душам нашим.

(священномученику)


Старый текст:

В рождестве девство сохранила еси, и во успении мира не остави, Богородице: преставибо ся к животу, Мати сущи Живота, и молитвами Твоими избавляеши от смерти душа наша.

Новообрядческий текст:

В рождестве девство сохранила еси, во успении мира не оставила еси, Богородице, преставилася еси к животу, Мати сущи Живота, и молитвами Твоими избавляеши от смерти души наша.


Старый текст:

Богородице Дево, радуйся, обрадованная Марие, Господь с Тобою, благословенна ты в женах и благословен плод чрева Твоего, яко родила еси Христа Спаса, Избавителя душам нашим.

Новообрядческий текст:

Богородице Дево, радуйся, благодатная Марие, Господь с Тобою, благословенна ты в женах и благословен плод чрева Твоего, яко Спаса родила еси душ наших.


Старый текст:

Господи и Вдадыко животу моему, дух уныния, небрежения, сребролюбия, и празднословия, отжени от мене.
Дух же целомудрия, смирения, терпения и любве, даруй ми рабу Твоему.
Ей, Господи Царю, даждь ми зрети моя согрешения, и еже не осуждати брата моего, яко благословен еси во веки, аминь.

Новообрядческий текст:

Господи и Владыко живота моего, дух праздности, уныния, любоначалия и празднословия не даждь ми. (А может дать? Это нам такое Господь дает?)
Дух же целомудрия, смиренномудрия, терпения и любве, даруй ми рабу Твоему.
Ей, Господи Царю, даруй ми зрети моя прегрешения, и не осуждати брата моего, яко благословен еси во веки веков, аминь.


Старый текст:

Твердым умом, и богодухновенным учением озаряя мир, яко пресветлыми лучами. Обтече бо вселенную, яко молния светяся, Кириле святе. И разсевая слово Божие, на севере и на западе и на юзе, просвещая всех. Тем имый дерзновение ко Христу, непрестай моляся о всех нас.

Новообрядческий текст:

Твердым и богодухновенным учением просвещая мир пресветлыми зарями, обтече, яко молния вселенную, Кирилле блаженне, разсевая пресветлое Божие слово, на западе и севере и юзе мир просвещая чудесы.

(кондак)

Старый текст:

На небо сердца имуще, ангельскому уподобимся чину, и со страхом Судии припадем, победную возсылающе хвалу: Свят, Свят, Свят еси, Боже;
Смиряемии множеством прегрешений наших, и несмеющии воззрети на высоту небесную….

Новообрядческий текст:

На небо сердца имуще, ангельский подражим чин, и со страхом Судии припадем, победную взывающе хвалу: Свят, Свят, Свят еси, Боже наш;
Сляцаеми множеством прегрешений наших….
(троичны, 8 глас)

«ангельскому уподобимся чину» или «ангельский подражим чин»; хвала возсылается или взывается?


Старый текст:

День он страшный помышляющи, душе моя, побди, вжигающи свещу свою и маслом просвещающи. Не веси бо, когда придет к тебе глас глаголющий, се жених. Блюди убо, душе моя, да не воздремлеши и пребудеши вне толкущи, яко пять дев. Но бодрено побди, яко да усрящеши Христа милостива, и даст ти чертог Божественныя славы Своея.

Новообрядческий текст:

День он страшный помышляющи, душе моя, побди вжигающи свещу твою, елеем просвещающи: не веси бо когда придет к тебе глас глаголющий, се жених. Блюди убо душе моя, да не воздремлеши, и пребудеши вне толкущи яко пять дев: но бодрено пожди, да усрящеши Христа елеем маститым, и даст ти чертог Божественный славы Своея.

(полунощница вседневная)


Старый текст:

Неописанное Слово Отчее из Тебе, Богородице, написася плотию. И оскверньшийся образ, в древнюю красоту, божественною добротою смеси. Но, исповедающе спасение, делом и словом сие воображаем.

Новообрядческий текст:

Неописанное Слово Отчее из Тебе, Богородице описася воплощаем. И оскверншийся образ в древнее вообразив, божественною добротою смеси. Но, исповедающе спасение, делом и словом, сие воображаем.


Старый текст:

Любящи божественныя пасхи причаститися, не от Египта, но из Сиона грядушия, греховный квас очистим покаянием; препояшем чресла наша умерщвлением сластей; украсим ноги сапогми, возбраним им от всякаго пути лукава, и утвердимся палицею веры. Да не ревнуим врагом Владычняго Креста, боготворяще чрево, но последуим постом, Иже на диавола победу нам показавшему Спасу душам нашим.

Новообрядческий текст:

Желающе божественныя пасхи причаститися, не от Египта, но из Сиона грядущия, греховный квас отимем покаянием; препояшим чресла наша умерщвлением сластей; украсим ноги сапогми, возбранительными от всякаго дела лукаваго, и утвердимся палицею веры. Да не ревнуим врагом Владычняго Креста, боготворяще чрево, но последуим постом, на диавола победу нам показавшему, Спасу душ наших.



Старый текст:

Вознесыйся на Крест волею, тезоименитому ныне граду Твоему, щедроты Твоя даруй, Христе Боже, возвесели силою своею благовернаго царя нашего, победы дая ему на сопостаты, пособие имущу Твое оружие, миру непобедимую победу.


Новообрядческий текст:

Вознесыйся на Крест волею, тезоименитому Твоему новому жительству, щедроты Твоя даруй, Христе Боже, возвесели нас силою Твоею, победы дая нам на сопостаты, пособие имущим(у) Твое оружие мира, непобедимую победу.



Старый текст:

Яко звезда многосветлая от юности провозсияв, осветил еси сердца верных добродетельми чудес твоих, чудоносче Тимофее преподобне.


Новообрядческий текст:

Яко звезда многосветлая от востока возсияв, озарил еси в сердцах верных добродетели чудес твоих, чудоносче всеблаженне Тимофее.

(кондак преподобному Тимофею, иже в Символех (21 февраля)



Старый текст:

Что Тя наречем, о Обрадованная? Небо, яко восияла еси Солнце правды; рай, яко возрастила еси цвет нетления; Деву, яко пребыла еси нетленна чистая; Матерь, яко имела еси на руку сына всех Бога, Того моли спастися душам нашим.

Новообрядческий текст:

Что Тя наречем, о Благодатная? Небо, яко возсияла еси Солнце правды; рай, яко прозябла еси цвет нетления; Деву, яко пребыла еси нетленна; чистую Матерь, яко имела еси на святых Твоих объятиях Сына, всех Бога, Того моли спастися душам нашим.


Старый текст:

Поклонения день честнаго Креста, придите к Сему вси, восстанием бо Христа, зари светолучныя простирает ныне. Того облобызаем, духовно радующеся.


Новообрядческий текст:

Поклонения день честнаго Креста, придите к Сему вси: восстания бо Христова зари, светосияяй предлагает ныне, того облобызаем душевно радующеся.


Старый текст:

Да восхвалят согласно небо и земля, яко предложен бысть всем всеблаженный Крест. На нем же пригвождься плотию, и заклан бысть Христос; Того облобызаем духовне радующеся.

Новообрядческий текст:

Да восхвалят согласно небо и земля, яко предлежит всем всеблаженнейший Крест, на немже пригвожден телесне пожреся Христос: того лобызаим душевно радующееся.

(неделя 3 седмицы; тропарь 1 песни канона)