Alina_RU_ âñå çàïèñè àâòîðà
Io, spisso, me trattengo na mez’ora
Ncopp’a nu studio medico privato,
addò tengo n’amico professore
ch’è n’arca ‘e sciènza, n’ommo assai stimato,

nu mièdeco che, a dditta d’ ‘e cliente,
è na specie ‘e San Ciro, bravo e santo,
uno ca fa sta’ bbona tutt’ ‘a ggente
e scèta ‘e muorte ‘a dint’o camposanto.

Nu juorno m’abbuscai na malatìa
E dall’amico mièdeco currette.
Isso me guarda e dice: -- Amico mio,
mmo mmo vatt’a spedì chesta ricetta,

curre add’ ‘o farmacista cchiù vicino,
ca chesta malatìa me fa paura,
po zumpe a’ casa, piglia ‘a mmedicina
e sùbbeto accumièncete sta cura. –

Io, pigliata ‘a ricetta, ‘o salutaie,
po, appena for’ ‘a porta, a uocchio a uocchio,
dette nu sguardo a ‘o foglio, e ce truvaie,
na lista longa ‘e gnòtole e papocchie.

Pumate, nchiaste, pinnule, supposte,
serènghe, nterocrìseme, salasse…
Liggenno tutto chillo fattapposte
Già steva pe venirme nu cullasso,

quanno facette na penzata ‘e bella:
invece ‘e me spedì sta mmedicina,
io m’accattaie nu chilo ‘e mozzarella,
sei felle ‘arrusto e nu perètto ‘e vino.

Po’ me ne jette a’ casa e (nce credite?)
Penzai sulo a magnà, tutt’ ‘a semmana,
e quanno me sentette ormai guarito
turnai add’ ‘o << San Ciro Toccasana >>.

L’amico fuie cuntento ‘e me vedè,
fece na festa appena ca trasette,
sicuro ‘avè salvato pure a me,
quase paternamente me dicette:

-- Amico caro, che soddisfazione
‘e te vedè cchiù meglio, stammatina!
Si vede ca te stai curanno buono
E ca t’ha fatto bene ‘a mmedicina.

Io: -- Terra, agliùtteme! Penzai fra me –
Si appura ‘a verità, vide che scuorno!
Nguente… serenghe… L’avesse ‘a sapè
‘a cura ch’aggio fatto chisti juorne! –

Po’ lle dicette: -- E mo ch’ato aggio ‘a fa? –
Isso me rispunnette: -- Stai guarenno?
Embè, che ato ancora t’aggio ‘a dà
Cuntinua ‘a cura ca già stai facenno!


Salvatore Tolino (Napoli, 23 gennaio 1924 - 19 febbraio 2001),

Ñåðèÿ ñîîáùåíèé "íåàïîëüñêèé äèàëåêò":

×àñòî ñïîðÿò î òîì, ÷òî æå åñòü äèàëåêò, íà êîòîðîì äî ñèõ ïîð ãîâîðèò çíà÷èòåëüíàÿ ÷àñòü æèòåëåé Íåàïîëÿ è þãà â öåëîì. Ñóùåñòâîâàë àíòè÷íûé ÿçûê, íåàïîëüñêèé. Óæå ìàëî êòî çíàåò åãî è ñîâñåì óæ ðåäêî ìîãóò íà íåì ïèñàòü. Ñîâðåìåííàÿ ìîëîäåæü ñòàðàåòñÿ ãîâîðèòü íà èòàëüÿíñêîì òîñêàíñêîì, â áîãàòûõ ñåìüÿõ ñ÷èòàåòñÿ äóðíûì òîíîì ðàçãîâàðèâàòü íà äèàëåêòå, íî âñå þæàíå ïðåêðàñíî ýòî óìåþò è ïîíèìàþò.  îòëè÷èè îò æèòåëåé Ñåâåðà Èòàëèè.

×àñòü 1 - Film. Benvenuti Al Sud 2010 Luca Miniero) Claudio Bisio, Angela Finocchi.
×àñòü 2 - Èòàëüÿíñêèé(òîñêàíñêèé) ÿçûê è íåàïîëèòàíñêèé äèàëåêò.
×àñòü 3 - La tombola napoletana. Íåàïîëåòàíñêîå ëîòî.
×àñòü 4 - ALESSANDRO SIANI - un grande artisto-comico, uno di Napoli.
×àñòü 5 - ‘A CURA poesia di Salvatore Tolino
×àñòü 6 - =Siamo Napoletani=