Ларыса Геніюш стала прыкладам, як можна выжыць ва ўмовах бесчалавечнага рэжыму і не зламацца. Гэтая беларуска так і не прыняла савецкага грамадзянства. Вернасць ідэалам зрабіла яе маральным магнітам свайго часу. Адкуль узялася такая сіла ў звычайнай дзяўчыны з фальварка Жлобаўцы, што каля Ваўкавыска, піша «Наша гісторыя». (Артыкул быў упершыню апублікаваны ў 2020 годзе.)

Ларыса Геніюш і вядомая яшчэ з нашаніўскага перыяду пачатку ХХ стагоддзя беларуская дзяячка Паўліна Мядзёлка, што хінецца да яе. Мядзёлка стварала легенды пра каханне Янкі Купалы да яе, але многія лічаць, што яе роля ў 1930-я была злавесная: яна была даносчыцай у коле беларускай інтэлігенцыі. Не давярала ёй, трэба сказаць, і Геніюш, пра што пісала ў сваіх лістах. І гэтае фота не мусіць уводзіць у зман: урэшце адносіны паміж гэтымі дзвюма жанчынамі былі па ініцыятыве Геніюш разарваныя.

Для пакалення Ларысы Геніюш Беларусь была краінай страчаных айчынаў. Cады іх маладосці згарэлі ў вайну, палі іх бацькоў забралі ў калгасы. Хутары і фальваркі проста зніклі.

У Зэльве ўсё ж дэмантавалі помнік Ларысе Геніюш. Манумент знаходзіўся на тэрыторыі царквы цягам 20 гадоў, усталяваны па дабраслаўленні мітрапаліта Філарэта і належаў Беларускай праваслаўнай царкве. Факт дэмантажу Беларускае Радыё Рацыя пацвердзіў унук беларускае паэткі Міхась Геніюш.

Фота: «Народная Воля»

– Гэта для мяне вельмі непрыемны сюрпрыз. Я сёння атрымаў такі фотаздымак. Напісалі мне, што сёння ўночы гэты помнік знялі і кудысьці звезлі. Няма яго там. Не ведаю, чаму так сталася. Гэта для мяне вельмі дзіўна, хаця б з таго поваду, што нават за савецкай уладай, калі жыла Ларыса Геніюш, выдавалі яе кнігі, друкавалі вершы, плацілі ёй за гэта грошы, клікалі ў Саюз пісьменнікаў. І раптам помніка няма праз адну ноч.

Пра тое, што помнік Геніюш знеслі, стала вядома 30 сакавіка.



racyja.com/palityka/u-zelve-usyo-zh-skrali-pomnik-laryse-gen/