У 2020-м Патрыцыя Свіціна атрымала прэзідэнцкую стыпендыю па падтрымцы таленавітай моладзі. Яна была лаўрэаткай 2-й ступені міжнароднага фальклорнага конкурсу «Как на речке было на Фонтанке» ў Санкт-Пецярбургу — за гэта і была ўзнагароджаная. 

Але пасля гвалту, які ўчынілі ўлады пасля выбараў, дзяўчына публічна адмовілася ад узнагароды.

Як вынікае з відэа, 22-гадовую дзяўчыну вінавацяць ва ўдзеле ў пратэстах і «негатыўных паведамленнях» у адрас сілавікоў і вайны. У якасці «доказу» апошняга прыводзіцца допіс дзяўчыны з сацсетак, дзе яна піша, што супраць выкарыстання тэрыторыі Беларусі для агрэсіі і за вывад расійскіх войскаў з нашай краіны.
nashaniva.com/317036