Іграў арган, здавалася, з нябёсаў

Ракой магутнай музыка плыла.

Спяваў натхнёна хор многагалосы,

І ў песне існасць мудрая была.

На ўзнёслай ноце "Глорыя" гучала -

Хвалебны гімн запаланіў цішу...

Мелодыя з вышынь ў адно яднала

З Вялікім Творцам кожную душу.

Святло заззяла, адступілі цені,

Знікала з сэрца чарада трывог.

Ні з чым не параўнальнае імгненне,

Калі да нас жывы прыходзіць Бог.

 

Ганна Танана