Ежедневные молитвы о чадах

Господи Иисусе Христе, буди милость Твоя на детях моих (имена), сохрани их под кровом Твоим, покрый от всякаго лукаваго похотения, отженй от них всякаго врага и супостата, отве'рзи им уши и очи сердечныя, даруй умиление и смирение сердцам их.

Господи, все мы создание Твое, пожалей детей моих (имена), и обрати их на покая­ние.

Спаси, Господи, и помилуй детей моих (имена), и просвети их ум светом разума Евангелия Твоего, и настави их на стезю за­поведей Твоих, и научи их, Спасе, творити волю Твою, яко Ты еси Бог наш.

Святителю Василию Великому

 (о помощи в трудах)

О великий и пресвятый святителю, отче Васйлие! Призри от высот небесных на нас, раб Божиих (имена), и умоли Господа, егб-же верный на земли служитель был еси, да дарует нам веры правыя твердое и неизме'н-ное сохранение, Церкви Святей послуша­ние, жития нашего исправление, и во всех нуждах, скорбех и искушениих скорое помо-жёние, терпение же и укрепление. Подаждь нам твое святое благословение, да оным осеняемии во вся дни, богоугодно в мире и покаянии поживем и во Царствии Небеснем сподббимся купно с тобою и со всеми свя­тыми Живоначальную Троицу, Отца и Сы­на и Святаго Духа, воспевати и славити во веки веков.

.Преподобному Серафиму Саровскому

(во всякой скорби, нужде, недоумении)

О пречудный отче Серафиме, великий Са­ровский чудотворче, всем прибегающим к тебе скоропослушный помбщниче! Во дни земнаго жития твоего никтоже от тебе тощь и неутешен отыде, но всем в сладость бысть видение лика твоего и благоуве'тливый глас словес твоих. К сим же и дар исцелений, дар прозрения, дар немощных душ врачевания обилен в тебе явйся. Егда же призва тя Бог от земных трудов к небесному упокоению, николйже любы твоя преста от нас, и невоз­можно есть исчйслити чудеса твоя, умно­жившаяся, яко зве'зды небесныя; се бо по всем концём земли нашея людем Божиим являешися и даруеши им исцеления. Темже и мы вопие'м ти: о, претйхий и кроткий угодниче Божий, дерзновенный к Нему молйтвенниче, николйже призывающия тя отреваяй! Вознеси о нас благомбщную твою мо­литву ко Господу сил, да дарует нам вся благопотребная в жизни сей и вся к душев­ному спасению полезная, да оградит нас от падений греховных и истинному покаянию да научит нас, во еже безпреткнове'нно внйти нам в вечное Небесное Царство, идеже ты ныне в незаходймей сияеши славе, и тамо воспевати со всеми святыми Живоначальную Троицу во веки веков. Аминь.

Св. праведному Иоанну Кронштадтскому

О великий чудотворце и предйвный угод­нице Божий, богоносне отче Иоанне! Прй-зри на нас и внемли благрсердно молению нашему, яко великих дарований сподоби тя Господь, да ходатаем и присным молитвен­ником за нас, рабов Божиих (имена), будеши. Се бо страстьмй греховными обуреваеми и злобою снедаеми, заповеди Божия пренебрегохом, покаяния сердечнаго и слез воздыхания не принесбхом, сего ради мно­гим скбрбем и печалем достойни явйхомся.

  Ты же, отче праведный, вёлие дерзновение ко Господу и сострадание к ближним своим имея, умоли Всещедраго Владыку ми­ра, да пробавит милость Свою на нас и по­терпит неправдам нашим, не погубит нас грех ради наших, но время на покаяние мйлостивно нам дарует.

О свя'тче Божий, помозй нам веру право­славную непорочно соблюсти и заповеди

Божий благочестно сохранйти, да не обладает нами всякое беззаконие, ниже посрав мится Правда Божия в неправдах наших, но да сподобимся достигнута кончины христи-анския, безболезненныя, непостыдныя, мирныя и Тайн Божиих причастныя.

Еще молим тя, отче праведне, о еже Цер­кви нашей Святей до скончания века ут­вержденной быти, Отечеству же нашему мир и пребывание испроси и от всех зол со­храни, да тако народи наши, Богом хранйми, в единомыслии веры и во всяком бла­гочестии и чистоте, в лепоте'духовнаго брат­ства, трезве'нии и согласии свидетельствуют: яко с нами Бог! В Немже живем и движемся, и есмы, и пребудем во веки. Аминь.

О помощи в учении

Преподобному Сергию Радонежскому

О преподобие и богонбсне отче наш Сергие! Воззри на нас (имена) мйлостивно и, к земли приверженных, возведи к высоте небесней. Укрепи наше малодушие и утверди нас в вере, да несомненно уповаем получити вся благая от благосе'рдия Владыки Бога молитвами твоими. Испроси предстательством твоим всякий дар, всем и коемуждо благопотребен, и вся ны споспешествую­щими твоими молитвами сподбби в день Страшнаго Суда шуия части избавитися, десныя же страны общники быти и блажен­ный оный глас Владыки Христа услышати: приидйте, благословеннии Отца Моего, на­следуйте уготованное вам Царствие от сложения мира. Аминь.

О здоровье детей

Великомученице Екатерине

О святая дево и мученице Екатерйно! Молим тя: призри на бедствия нас, грешных раб Божиих (имена), сотвори нас горняя мудрствовати, а не земная. Поспеши нам молитвами твоими побеждати плотская по-хоте'ния, к миру пристрастие и козни злых духов, на нас злобно воюющих; да твоим предстательством во дни жития сего свободни явимся от враждебных их нападений и по исходе от воздушных их истязаний. О премудрая дево! Даруй нам вся яже к поль­зе прошения, можеши бо многая испросити у Возлюбленнаго Жениха твоего, Христа Бога нашего. Мы вемы, яко много может молитва праведнаго, поспешествуемая благодатию Милосерднаго Бога, Емуже слава, честь и благодарение всегда, ныне и присно, и во веки веков*

.При трудных родах

Преподобной Мелании Римляныне

Кондак, глас 3

Девства чистоты возлюбльши и обручника к благим увещавши, премножество богатства расточи в пребывание иночеству­ющим, богоблаженная, и обители воздвйже. Темже в Небесныя обители вселися, по­минай нас, Мелание всечестная*

.Молитва супруги во время беременности

О Преславная Матерь Божия, помилуй меня, рабу Твою, и приидй ко мне на по-

во время моих болезней и опасностей, с которыми рождают чад все бедные дщери Евы. Вспомни, о Благословенная в женах, с какою радостию и любовию Ты шла по­спешно в горнюю страну посетить сродницу Твою Елисавету во время ее беременности, и какое чудесное действие произвело бла­годатное посещение Твое и в матери, и в мла­денце. И по неисчерпаемому благосердию Твоему даруй и мне, униженнейшей рабе Твоей, разрешиться от бремени благополуч­но; даруй и мне сию благодать, чтобы дитя, покоящееся теперь под моим сердцем, пришедши в чувство, с радостным взыгранием, подобно святому младенцу Иоанну, покло­нялось Божественному Господу Спасителю, Который из любви к нам, грешным, не возгнушался и Сам стать младенцем. Неизглаголанная радость, которою преисполнилось девственное Твое сердце при воззрении на новорожденного Твоего Сына и Господа, да сладит скорбь, предстоящую мне среди болезней рождения. Жизнь мира, мой Спа­ситель, рожденный Тобою, да спасет меня от смерти, пресекающей жизнь многих мате­рей в час разрешения, и да причтёт плод чрева моего к числу избранных Божиих. Ус­лышь, Пресвятая Царица Небесная, смирен­ную мольбу мою и призри на меня, бедную грешницу, оком Твоея благодати; не постыди моего упования на Твое великое ми­лосердие и осени меня. Помощница хрис­тиан, Исцелительница болезней, да сподоб­люсь и я испытать на себе, что Ты Матерь милосердия, и да прославлю Твою благо­дать, не отвергшую никогда молитвы бед­ных и избавляющую всех призывающих Тебя во время скорби и болезни. Аминь.

Молитва по соглашению о супругах

Господи, Иисусе Христе, Боже наш! Ты обещал пречистыми устами Твоими: "Если двое из вас согласятся на земле просить о всяком деле, то чего бы ни попросили, будет им от Отца Моего Небесного. Ибо где двое или трое собраны во имя Мое, там я посреди них".

Непреложно слово Твое, Господи. Ми­лосердие Твое неизреченно. Человеколю­бию Твоему несть конца.

Сего ради и мы, рабы Твои, согласив­шись между собою, усердно просим: спаси, Господи, и помилуй рабов Твоих (имена). Укрепи их семью, утверди любовь между ними. Да устроится их жизнь не по грешной человеческой воле, но по Твоему святому Промыслу. Да прославится в них имя Твое во веки веков. Аминь.