Дзьмітрыя Дашкевіча этапавалі ў Віцебскі сьледчы ізалятар, паведаміла Радыё Свабода. Новы адрас для допісаў Зьмітру Дашкевічу: 210026, Віцебск, вул. Гагарына, 2, СІЗА-2. Дашкевічу Дзьмітрыю Вячаслававічу (Дашкевичу Дмитрию Вячеславовичу. 210026, Витебск, ул. Гагарина, 2, СИЗО-2). Народны паэт Беларусі Ніл Гілевіч напісаў верш, прысвечаны Зьміцеру Дашкевічу Знаю, саколе, чаму так нервуеш ты іх - Злыдняў, да гора святой Беларусі глухіх. Знаю, чаго так лютуюць, звярэюць чаго. Гэта яны так не церпяць сумлення твайго. Гэта яны не прымаюць так веру тваю. Гэта яны ненавідзяць так мову тваю. Гэта яны так зайздросцяць любові тваёй. Гэта яны так баяцца свабоды тваёй. Гэта - яны. Ну а тысячы добрых людзей Ім насупор прыхінаюць цябе да грудзей.