Чудотворную Иверскую икону почитают не только православные, но и люди других христианских исповеданий: известны случаи, когда в тяжких болезнях, потеряв надежду на врачей, перед этим образом неправославные с верой молили Богородицу об исцелении. Милостивая Заступница подавала им здравие и привлекала в лоно Православной Церкви. Перед Иверской иконой Пресвятой Богородице молятся об исцелении от душевных и телесных недухов, избавлении от всяких бед и напастей, скорбей, печалей, от козней злых людей и других несчастий. Царицу Небесную просят также исцелить и спасти безнадежных больных, наставить молящихся на путь истинной веры, даровать им радость и душевное спокойствие, сохранить от внезапной смерти без покаяния, помочь им Своими молитвами на Страшном Суде Христовом.

 

Молитва первая

ко Пресвятой Богородице перед иконой «Иверская»

 

О Пресвятая Дево, Мати Господа, Царице Небесе и земли! Вонми многоболезненному воздыханию душ наших, призри с высоты святыя Твоея на нас, с верою и любовию поклоняющихся пречистому образу Твоему. Се бо, грехми погружаемии и скорбьми обуреваемии, взирающе на Твой образ, яко живей Ти сущей с нами, приносим смиренная моления наша. Не имамы бо ни иныя помощи, ни инаго предстательства, ни утешения, токмо Тебе, о Мати всех скорбящих и обремененных! Помози нам, немощным, утоли скорбь нашу, настави на путь правый нас, заблуждающих, уврачуй и спаси безнадежных, даруй нам прочее время живота нашего в мире и тишине проводити, подаждь христианскую кончину и на Страшнем Суде Сына Твоего явися нам милосердая заступница, да всегда поем, величаем и славим Тя, яко благую заступницу рода христианскаго, со всеми угодившими Богу. Аминь.

 

Молитва вторая

ко Пресвятой Богородице перед иконой «Иверская»

 

О Пресвятая Госпоже Владычице Богородице! Приими недостойную молитву нашу и сохрани нас от навета злых человек и от напрасныя смерти, и даруй нам прежде конца покаяние, на моление наше умилосердися и радость вместо печали даруй. И избави нас, Госпоже, от всякия беды и напасти, скорби и печали и от всякаго зла. И сподоби нас, грешных рабов Твоих, одесную стати во Втором Пришествии Сына Твоего, Христа Бога нашего, и наследники нас быти сподоби Царствия Небеснаго и жизни вечныя со всеми святыми в безконечныя веки веков. Аминь.

 

© Михаил Тихомиров

 

Книги о Пресвятой Богородице https://www.pravmolitva.ru/catalog/knigi-o-presvyatoy-bogorodice.html