"От времен Апостольских христиане всех веков, приступая ко всякому труду, начинали его молитвою, а окончание его тоже освящали молитвенным славословием Господу, о Нем же живем и движемся, и есмы. Поступим же и мы так с тобой, мой благолюбивый читатель!
Но не имея дара творческой молитвы, вспомним и запечатлеем в своей памяти то, что некогда вознеслось ко Господу из вдохновенного благодатью Всесвятого Духа сердца великого молитвенника Русской земли, иже во святых Отца нашего Димитрия, митрополита Ростовского и Ярославского. Я уверен, что и для тебя, как и для меня, предлагаемая твоему вниманию “Повесть о пяточисленных молитвах” - творение великого святителя - будет радостной и многополезной новинкой, особенно по тем дивным обетованиям, которые она в себе заключает.
Так послушай эту повесть, дорогой мой читатель! Я уверен, что ты не посетуешь на меня за то, что предлагаемое в этой “повести” новое - не мое и не новое, а только основательно и накрепко позабытое. Прости, что я встряхнул ею пыль веков: но эта пыль святая..."
Сергий НИЛУС
“Один старец от Богоносных Отцев, стоя на молитве и быв в восторзе, слышал глас Господа нашего Иисуса Христа, глаголющий с Пречистою и Пресвятою Богородицею, Материю Своею, рекши к Ней:
- Рцы Мне, Мати Моя, колико болезней наибольших, живущи на свете, претерпела еси Мене ради?
И рече Пресвятая:
- Сыне и Боже Мой! Наибольших пять болезней Тебе ради претерпела: первая - егда услышала от Симеона Пророка, еже имел еси убиен быти; вторая - еща, ищущи Тебе во Иерусалиме через три дня, Тя не видела есмь; третья - егда Тя поймана и связана от жидов услышала; четвертая - егда Тя на Кресте между разбойниками Распятаго видела; пятая - егда Тя видела во гробе полагаема.
И рече к Ней Господь:
- Глаголю Тебе, Мати Моя: аще кто каждую болезнь Твою на кийждо день прочтет с молитвою Моею, сие есть “Отче наш” и Архангельское обрадование, сие есть “Богородице Дево, радуйся” - за первую болезнь дам ему познание грехов и жаление о них; за вторую - дам ему всех грехов прощение; за третию - возвращу ему добродетели его, через грехи изгибшия; за четвертую - напитаю его, при смерти его, Телом и Кровию Моею Божественною; за пятую - явлюся ему Сам при смерти его и прииму душу его в живот вечный. Аминь.”
По видению этого Богоносного старца, святителем Димитрием Ростовским было сложено далее следующее молитвословие.
ПЯТОЧИСЛЕННЫЕ МОЛИТВЫ
Творение святителя Димитрия Ростовского
Начало к сим молитвам:
Слава Тебе, Христу Богу моему, не погубившему мя грешнаго со беззаконьми моими, но даже доселе грехом моим потерпевшему. (Поклон)
Сподоби, Господи, в день сей без греха сохранится нам; даруй ми, Господи, да ни словом, ни делом, ни помышлением прогневаю Тя, Создателя моего, но вся дела моя, советы и помышления да будут во славу Пресвятаго Имени Твоего. (Поклон)
Боже, милостив буди мне, грешному, во всей жизни моей: во исходе моем и по кончине моей не остави мене. (Поклон)
Сие, падши ниц на земли, глаголи:
Господи Иисусе Христе, Сыне Божий, приими умершаго мя душею и умом. Приими мя грешнаго, блудника, сквернаго душею и телом. Отыми неприязнь безстудную и не отврати лица Твоего от мене, не рцы, Владыко: не вем, кто еси, но вонми гласу моления моего; спаси мя, яко имеяй множество щедрот и не хощеши смерти грешника, не оставлю же Тя, Создателя моего, и не отступлю от Тебе, дондеже послушаеши мя и даси всем грехом моим прощение, молитв ради Пречистыя Твоея Матери, предстательствы честных Небесных Сил безплотных, святаго славнаго Ангела Хранителя моего, пророка же и предтечи Твоего Крестителя Иоанна, богоглаголивых Апостол, святых и добропобедных мученик, Преподобных и Богоносных отец наших и всех Твоих святых, помилуй и спаси мя грешнаго. Аминь.
Молитва Святому Духу
Царю Небесный, Утешителю, Душе истины, Иже везде сый и вся исполняяй, Сокровище благих и жизни Подателю, прииди и вселися в ны, и очисти ны от всякия скверны, и спаси, Блаже, души наша[2].
Трисвятое
Святый Боже, Святый Крепкий, Святый Безсмертный, помилуй нас. (Читается трижды, с крестным знамением и поясным поклоном.)
Слава Отцу и Сыну и Святому Духу, и ныне и присно и во веки веков. Аминь.
Молитва ко Пресвятой Троице
Пресвятая Троице, помилуй нас; Господи, очисти грехи наша; Владыко, прости беззакония наша; Святый, посети и исцели немощи наша, имене Твоего ради.
Господи, помилуй. (Трижды).
Слава Отцу и Сыну и Святому Духу, и ныне и присно и во веки веков. Аминь.
По сем:
МОЛИТВА 1
Молитва Господня
Отче наш, Иже еси на небесех! Да святится имя Твое, да приидет Царствие Твое, да будет воля Твоя, яко на небеси и на земли. Хлеб наш насущный даждь нам днесь; и остави нам долги наша, якоже и мы оставляем должником нашим; и не введи нас во искушение, но избави нас от лукаваго.
Песнь Пресвятой Богородице
Богородице Дево, радуйся, Благодатная Марие, Господь с Тобою; благословена Ты в женах и благословен плод чрева Твоего, яко Спаса родила еси душ наших.
О, Мати Милосердая, Дево Марие, аз грешный и непотребный раб Твой, воспоминаючи Твоя болезни, егда Ты услышала от Симеона пророка о немилостивном убиении Сына Твоего, Господа нашего Иисуса Христа, приношу сию тебе молитву и Архангельское обрадование, приими в честь и память болезней Твоих и умоли Сына Твоего, - Господа нашего Иисуса Христа, да дарует ми познание грехов и жаление о них. (Поклон)
МОЛИТВА 2
( здесь повторить молитвы как в первоим варианте)
----------------------------------------------------------------------
Отче наш: Яко Твое есть Царство:
------------
Богородице Дево, радуйся.
------------------------------------
О, Богоблаженная и Пренепорочная Отроковице, Мати и Дево, приими от мене, грешнаго и непотребнаго раба Твоего, сию молитву и Архангельское обрадование в честь памяти болезни Твоея, егда позабыла Сына Твоего, Господа нашего Иисуса Христа, в церкви и через три дни Его не видела еси; умоли Его и испроси у Него всех грехов моих прощение и оставление, Едина Благословенная. (Поклон)
МОЛИТВА 3
Отче наш: Яко Твое есть Царство:
-------------
Богородице Дево, радуйся.
-----------------------------------
О, Мати Света, Преблагословенная Дево Богородице, приими от мене, грешнаго и непотребнаго раба Твоего, сию молитву и Архангельское обрадование, в честь и память болезни Твоея, егда Сына Твоего, Господа нашего Иисуса Христа, поймана и связана слышала еси. Умоли Его, да возвратит мне добродетели, через грех изгибшия, да Тя, Пречистая, во веки величаю. (Поклон)
МОЛИТВА 4
Отче наш: Яко Твое есть Царство:
-------------
Богородице Дево, радуйся.
---------------------------------
О, Милосердия Источниче, Дево Богородице, приими от мене, грешнаго и непотребнаго раба Твоего, сию молитву и Архангельское обрадование в честь и память болезни Твоея, егда на Кресте между разбойники видела еси Сына Твоего, Господа нашего Иисуса Христа, Егоже умоли, Владычице, да подаст ми дар милосердия Своего в час смерти моея и да напитает мя Телом и Кровию Своею Божественною, да Тя, Заступницу, славлю во веки. (Поклон)
МОЛИТВА 5
Отче наш: Яко Твое есть Царство:
-------------
Богородице Дево, радуйся.
-----------------------------------
О, Надеждо моя, Пречистая Дево Богородице, приими от мене, грешнаго и непотребнаго раба Твоего, сию молитву и Архангельское обрадование в честь и память болезни Твоея, егда видела еси Сына Твоего, Господа нашего Иисуса Христа, во гробе полагаема. Егоже умоли, Владычице, да явится мне в час смерти моея и да приимет душу мою в живот вечный. Аминь. (Поклон)
О, Премилостивая Дево, Госпоже Богородице, чадолюбивая Горлице, небесе и земли Самодержавная Царице, любезная Приемнице всех, простирающих к Тебе свои мольбы, печальных Утешительнице, приими от мене, грешнаго и непотребнаго раба Твоего, пяточисленное мое сие моление, в нем же воспоминаю земные и небесныя Твоя радости, умильно вопиюща к Тебе сице:
(Земные радости)
Радуйся, заченшая во чреве без семене Христа Бога нашего.
Радуйся, во чреве без болезни носившая Того.
Радуйся, порождшая чудным смотрением.
Радуйся, восприимшая от волхвов-царей дары и поклонение.
Радуйся, яко обрела еси посреди учителей Своего Сына и Бога.
Радуйся, яко Рождество Твое преславно из мертвых воста.
Радуйся, видевшая возносящагося Своего Создателя, к Нему же сама душею и телом возшла еси.
Небесные радости)
Радуйся, девства ради Своего, паче ангел и всех святых Преславная.
Радуйся, близ Пресвятыя Троицы просияющая.
Радуйся, Миротворице наша.
Радуйся, Властительнице, обладающая всеми небесными силами.
Радуйся, паче всех дерзновение к Сыну и Богу Своему имущая.
Радуйся, милосердая Мати всем, к Тебе прибегающим.
Радуйся, яко Твое веселие во веки не скончается!
И мне недостойному, по неложному обещанию Твоему, в день исхода моего милостиво предстани, да Твоим руководством управлен буду к горнему Иерусалиму, в нем же прославлено царствуеши с Сыном Твоим и Богом нашим, Ему же подобает всякая слава, честь и поклонение со Отцем и с Пресвятым Духом в безконечныя веки веков. Аминь.
От скверных устен моих и от мерзкаго сердца, от нечистаго языка и от души оскверненной приими, Госпоже Царице, сие похваление, Радосте моя. Приими, якоже вдовии прияла еси две лепты, и даруй ми принести Твоей благости дар достоин, о, Владычице моя, Пречистая Дево, Небесная Царице, якоже хощеши и волиши. Паче же и научи мя, что ми подобает Тебе, Матери Божией, глаголати и к Тебе Единой грешных Прибежищу и Утешению. Радуйся, Владычице, да и аз, многогрешный раб Твой, радостно зову Тебе, воспетой Матери Христа Бога нашего. Аминь.
На Твой Пресвятый образ взирая, яко истинную Самую Тя зрю Богородицу, верою сердечною и любовию от души припадая, покланяюся Тебе с Предвечным на руку Твоею держимым Младенцем, Господом нашим Иисусом Христом, боголепно почитая, и молю Тя со слезами, покрый мя покровом Твоим от враг видимых и невидимых, Ты бо род человеческий ввела еси в Царство Небесное. Аминь.
По сем:
Окончание молитв
Достойно есть яко воистину блажити Тя Богородицу, Присноблаженную и Пренепорочную и Матерь Бога нашего. Честнейшую Херувим и славнейшую без сравнения Серафим, без истления Бога Слова рождшую, сущую Богородицу Тя величаем.
Слава Отцу и Сыну и Святому Духу. И ныне и присно и во веки веков. Аминь.
Господи, помилуй. (Трижды)
Господи, Иисусе Христе, Сыне Божий, молитв ради Пречистыя Твоея Матере, преподобных и богоносных отец наших и всех святых помилуй нас. Аминь.
Слава и Благодарение Господу за все!
http://www.bogistina.info/molitvi/rostovscy_pyatochislennye.shtml
Серия сообщений "МОЛИТВЫ БОГОРОДИЦЕ":
Часть 1 - СОН ПРЕСВЯТОЙ БОГОРОДИЦЫ
Часть 2 - МОЛИТВЫ БОГОРОДИЦЕ
Часть 3 - Молитвы иконе Божией Матери "Скоропослушница"
Часть 4 - "Царица Небесная" Песни православных паломников
Часть 5 - Повесть о пяточисленных молитвах
Часть 6 - Молитва Божией Матери перед иконой «Хлебная»
Часть 7 - Афонская Молитва по Соглашению с монахами Афона
Часть 8 - Царице моя преблагая.....Братский хор Свято-Успенской Святогорской Лавры -
ОткрыткиПерерожденный каталог открыток на все случаи жизни
СтенаСтена: мини-гостевая книга, позволяет посетителям Вашего дневника оставлять Вам сообщения.
Для того, чтобы сообщения появились у Вас в профиле необходимо зайти на свою стену и нажать кнопку "Обновить
Всегда под рукойаналогов нет ^_^
Позволяет вставить в профиль панель с произвольным Html-кодом. Можно разместить там банеры, счетчики и прочее
Я - фотографПлагин для публикации фотографий в дневнике пользователя. Минимальные системные требования: Internet Explorer 6, Fire Fox 1.5, Opera 9.5, Safari 3.1.1 со включенным JavaScript. Возможно это будет рабо
Онлайн-игра "Большая ферма"Дядя Джордж оставил тебе свою ферму, но, к сожалению, она не в очень хорошем состоянии. Но благодаря твоей деловой хватке и помощи соседей, друзей и родных ты в состоянии превратить захиревшее хозяйст
