Кондак 1 Избранным угодником Божиим, всем святым, от века во всем мире просиявшим и на небеси венцы славы приявшим, похвальное приносим пение. Вы же, яко имущии велие дерзновение ко Господу, от всяких нас бед свободите, да зовем вам хвалебно: Радуйтеся, вси святии, теплии о всем мире Богу молитвенницы. Икос 1 Ангельский собор, умаленный падением гордых ангел и вами, всеми святыми, восполняемый, светло торжествует в день памяти вашей, и всю вселенную созывает на веселие духовное. Мы же, им подражающе, зовем вам радостно: Радуйтеся, святии, от века Богом предуведеннии и предуставленнии к славе небесней; Радуйтеся, от всех родов, мест и времен в служение Господу избраннии. Радуйтеся, избрание ваше подвигами благочестия оправдавшии; Радуйтеся, образом добрых дел ваших правый путь к небеси нам показавшии. Радуйтеся, прежде писаннаго закона Божия по закону совести праведно пожившии; Радуйтеся, в законней сени благочестно житие свое совершившии. Радуйтеся, в новей благодати светло добродетельми просиявшии; Радуйтеся, в последняя сия времена Богу благоугодившии и мзду с первыми получившии. Радуйтеся, от земных скорбей прешедшии к небесному покою; Радуйтеся, сподобльшиися зрети неисповедимую славу Божию. Радуйтеся, с лики безплотных непрестанно хвалящии Пресвятую Троицу; Радуйтеся, всегда молящиися Ей о всех почитающих вас. Радуйтеся, вси святии, теплии о всем мире Богу молитвенницы. Кондак 2 Видящи Православная Христова Церковь, многочисленными лики святых, яко прекрасными райскими цветы себе украшену, светло почитает память их и Пречистую Богоматерь с Рождшимся от Нея Христом Богом величает, вопиющи Тому хвалебную песнь: Аллилуиа. Икос 2 Разуму нашему просвещение у Господа испросите, святии угодницы Божии, да отрясше земное пристрастие, вознесемся сердцем и мыслию в наследованная вами и нам обещанная селения райская, и возопием вам радостно: Радуйтеся, ветхозаветнии праотцы и патриарси, родоначальницы по плоти Христа Сына Божия; Радуйтеся, яко благословением Божиим умножишася роды ваша, яко звезды небесныя. Радуйтеся, среди мрака древняго нечестия правую вашу веру во истиннаго Бога сохранившии; Радуйтеся, с надеждою чаявшии обетованного Искупителя. Радуйтеся, яко от вашего племене возсия пресветлая свеща — Богородица Мария; Радуйтеся, яко от Нея родися Победитель смерти и ада. Радуйтеся, верою во грядущаго Христа спасение улучившии; Радуйтеся, вместо древния клятвы благословение тем получившии. Радуйтеся, и во аде Христова пришествия ожидавшии; Радуйтеся, адских мучений Им избавленнии. Радуйтеся, на небеса со славою возведеннии; Радуйтеся, с лики ангельскими в вечныя обители Отца Небеснаго вселеннии. Радуйтеся, вси святии, теплии о всем мире Богу молитвенницы. Кондак 3 Силою Вышняго осенени бывше, святии, дерзновенно ополчистеся противу начал и властей злобы поднебесныя, и победивше тех коварства, вся благая начинания ваша добре совершисте, воспевающе всесильному человеколюбцу Богу: Аллилуиа. Икос 3 Имуще святии пророцы преславная селения во обителех дому Отца Небеснаго и присносущным светом лица Божия просвещаеми, неизреченнаго воистину со всеми святыми наслаждаетеся блаженства, егоже мы земнии причастницы быти желающе, воспеваем вам сице: Радуйтеся, святии пророцы, Богом избраннии прежде вашего рождения; Радуйтеся, верно поработавшии Ему прежде Христова воплощения. Радуйтеся, от младенчества благодатию Святаго Духа освященнии; Радуйтеся, посланнии от Господа вразумляти заблуждшия сыны Израилевы. Радуйтеся, предвозвестившии Христово от Девы славное рождение; Радуйтеся, звезды, предварившии пришествие истиннаго Солнца. Радуйтеся, законопреступных царей Израилевых дерзновенно обличившии; Радуйтеся, всякое людское нечестие мечем слова Божия нещадно посекшии. Радуйтеся, вернии раби Господни, вся хотения Его исполнившии; Радуйтеся, истину небоязненно пред властьми вещавшии. Радуйтеся, многи скорби в мире претерпевшии; Радуйтеся, со всеми избранными торжествующии на небеси в славе вечней. Радуйтеся, вси святии, теплии о всем мире Богу молитвенницы. Кондак 4 Бури житейския избавльшеся, вси святии, преидосте в небесный покой, на места злачна и прохладна, идеже потоцы сладости неисповедимыя, пища славы Божия нетленная, пения и гласы празднующих; тамо убо торжествуете со всеми ангельскими силами, поюще Богу: Аллилуиа. Икос 4 Око не виде и ухо не слыша, и на сердце земнаго человека не взыдоша радости и сладости, ихже вы ныне наслаждаетеся, Апостоли святии. Сего ради благоговейно взываем вам: Радуйтеся, святии Апостоли, с Предтечею Иоанном ближайшии друзи Христовы; Радуйтеся, по Пресвятой Деве Марии, первостоятелие у Престола Святыя Троицы. Радуйтеся, возвестившии миру таинство нашего искупления; Радуйтеся, светом веры Христовы омраченныя люди просветившии. Радуйтеся, семя слова Божия в сердца человеческая всеявшии; Радуйтеся, плоды трудов ваших в небесном вертограде пожинающии. Радуйтеся, святии отцы, седмию вселенскими соборы исповедание православныя веры утвердившии; Радуйтеся, утишившии бурю еретическаго нечестия. Радуйтеся, изъяснившии нам догматы православныя веры; Радуйтеся, и доныне учением вашим ограждающии Церковь Христову от ересей и расколов. Радуйтеся, святии иерарси, словом и житием светло просиявшии; Радуйтеся, во свете невечернем с духовными вашими чады ныне обитающии. Радуйтеся, вси святии, теплии о все мире Богу молитвенницы. Кондак 5 Боготочною, Спасе, Кровию Твоею искупленнии и верно Тебе на земли послужившии вси святии, ныне на тверди церковней яко звезды пресветлыя сияют, и всех нас, по морю страстнаго сего жития плавающих, на путь правый, к небесному отечеству ведущий, наставляют; о сем убо с радостию благодарно поем Богу: Аллилуиа. Икос 5 Видевши святии мученицы, яко в мире сем вся суетна суть и тлению причастна, потщастеся предвечному Богу благоугодити и претерпением лютых мук тленная на нетленная пременити, за еже сподобистеся предстояния у страшнаго Престола Владычня в славе вечней, в нейже не забудите и нас, память вашу совершающих и вопиющих вам таковая: Радуйтеся, святии страстотерпцы, кровию своею запечатлевшии правую вашу во Христа веру; Радуйтеся, не убоявшиися убивающих тело, души же не могущих убити. Радуйтеся, претерпевшии страшная мучения; Радуйтеся, явльшии на себе Христовых страстей изображения. Радуйтеся, победившии лютых мучителей свирепства; Радуйтеся, чрез огнь и воду прошедшии и в покой вечный вшедшии. Радуйтеся, исповедницы и священномученицы, пострадавшии за благочестие и почитание святых икон; Радуйтеся, преподобномученицы, в молитве Богу собеседовавшии и страданием диавола поправшии. Радуйтеся, за славу и честь Царя Небеснаго мужественно воинствовавшии; Радуйтеся, победную почесть от Христа на небеси приимшии. Радуйтеся, велию благодать от Господа получившии; Радуйтеся, многая и различная чудеса в славу Божию в поднебесней содевающии. Радуйтеся, вси святии, теплии о всем мире Богу молитвенницы. Кондак 6 Проповедуют христианстии роди славу вашу, вси святии; вы бо яко рай насажденный явистеся посреде Церкве, имущии древо жизни Самаго Господа, от него же вкусивше сладости райския, вся скорогибнущая в мире сем презресте, и радостно в небесный вертоград внидосте, поюще: Аллилуиа. Икос 6 Правоверие и добродетели преподобных отец, яко солнце, всему миру сияют и нам мрачный путь жизни сея просвещают, да не заблудим в пустыни греха и душепагубных ересей. Сего ради хвалебно им воспеваем: Радуйтеся, преподобнии отцы, мир и яже в мире любве ради Божия волею оставившии; Радуйтеся, преподобнии матери, в подвизех дневных и нощных земное течение совершившии. Радуйтеся, пустынницы, в пещерах и горах со зверьми пожившии; Радуйтеся, постницы, в алчбе и жажде временное житие препроводившии. Радуйтеся, столпницы, мраз и зной Царствия ради Небеснаго претерпевшии; Радуйтеся, затворницы, в сердечней тишине Бога взыскавшии. Радуйтеся, девственницы, целомудрие сохранившии и непорочному Агнцу Христу пoследовавшии; Радуйтеся, послушницы, Христово смирение стяжавшии. Радуйтеся, в общежитиих во взаимной братской любви ангельски пожившии; Радуйтеся, мудрии и кротции монахов наставницы бывшии. Радуйтеся, вси трудолюбцы, добродетелей совершенство стяжавшии; Радуйтеся, в покой Господа своего вшедшии. Радуйтеся, вси святии, теплии о всем мире Богу молитвенницы. Кондак 7 Хотя Всеблагий Господь явити миру, яко не всуе труждаются вси благоугождающии Ему, но яко велия мзда уготовася им в Царствии Небеснем; сего ради прослави сонмы святых угодник Своих, различне тому на земли послуживших; да и мы поревнуем тех житию, и тоя же вечныя славы чающе, поем Ему: Аллилуиа. Икос 7 «Веруяй в Мя, аще и умрет жив будет»,— рече Господь. Вам же, святии вси, изрядно приличествуют сии Владычни глаголы; вы бо аще и умросте на земли плотию, но душами в вышнем селении всегда живи суще, многая и неизреченная совершаете в мире чудеса, и теплым вашим к Богу ходатайством пособствуете нам, сице возглашающим вам: Радуйтеся горняя мудрствующим вашим умом истиннаго Бога познавшии; Радуйтеся, правую вашу в Святую Троицу веру непорочно сохранившии. Радуйтеся, Христа Сына Божия, истиннаго Бога и совершеннаго человека исповедавшии; Радуйтеся, в спасительныя Его страсти несумненно веровавшии. Радуйтеся, православием, яко звезды, блистающии; Радуйтеся, праведностию, яко финикс процветающии. Радуйтеся, плотию на земли, умом же на небеси пожившии; Радуйтеся, временною смертию на безконечную жизнь прешедшии. Радуйтеся, тесным путем евангельски шествовавшии; Радуйтеся, узкими враты Царствия Небеснаго достигшии. Радуйтеся, вечных благ наследницы; Радуйтеся, о спасении нашем теплии к Богу ходатаи. Радуйтеся, вси святии, теплии о всем мире Богу молитвенницы. Кондак 8 Страну ону горнюю, идеже вси святии по трудех земных почивают, умным очесем своим представляюще, аще и не можем постигнути сущаго тамо блаженства, мы земнии и плотию обложеннии, обаче, верою сие проразумевающе и сердцем предвкушающе, поем дивному во святых Своих Богу: Аллилуиа. Икос 8 Исчитаяй множество звезд и всем им имена нарицаяй, Вседержителю Господи, Ты един веси по имени всех благоугодивших Тебе. Мы же, дело суще руку Твоею, якоже песка морскаго исчести, сице и всех святых по имени нарещи не могуще, токмо изряднейшия рабы Твоя, от начала мира Тебе благоугодившия, именуем, глаголюще: Радуйтеся, Адаме и Ево, праотцы всего рода человеческаго; Радуйтеся, Авеле и Сифе, первии в мире благочестия рачителие. Радуйтеся, Ное, вторый рода нашего родоначальнице, и Аврааме, завета Божия приемниче; Радуйтеся, Моисее боговидче и Аароне, первый ветхозаветный священниче. Радуйтеся, Еноше и Илие, плотию смерти невкусившии и на небо восхищеннии; Радуйтеся, Исаие, Давиде и Данииле, зрителие таин Бога Вседержителя. Радуйтеся, Иоакиме и Анно, родившии Деву Марию, Матерь Христа Бога нашего; Радуйтеся, Петре, Павле, Иакове и Иоанне, избраннейшии Апостоли Христовы. Радуйтеся, Николае, Василие, Григорие, Иоанне и Афанасие, непоколебимии столпи церкве Христовы; Радуйтеся, Антоние, Пахомие, Евфимие, Иларионе и Савво, великие монахов наставницы. Радуйтеся, Георгие, Димитрие, Евстратие и Пантелеимоне, велиции мученицы Христовы; Радуйтеся, Варваро, Ирино, Параскево, Екатерино и вси мученицы, кровию своею торжество веры возвеличившии. Радуйтеся, вси святии, теплии о всем мире Богу молитвенницы. Кондак 9 Вси святии Твои, Господи, ангельский подражая чин, безпрестани славят Пресвятое Имя Твое на небеси, «Свят, свят, свят», — вопиюще; с ними же и мы грешнии на земли бренными устнами вопием: Аллилуиа. Икос 9 Витии суемудрыя недоумеют глаголати: како вы, вси святии, подобострастии нам бывше человецы, непреодолени страстьми бысте, мужеством вашим безплотныя враги победисте. Мы же, прославляюще укрепившаго вас Господа, хвалим доблести ваша и умиленно вопием: Радуйтеся, святии, вседушно Господа возлюбившии; Радуйтеся, любве Его ради живота своего не щадившии. Радуйтеся, мир и миродержителя победившии; Радуйтеся, вся сети древняго змия яко паучину разорившии. Радуйтеся, смирившиися под крепкую руку всеблагаго промысла Божия; Радуйтеся, покорившии волю свою воле Отца Небеснаго. Радуйтеся, прославившии Господа в душах и телесех ваших; Радуйтеся, возвеличившии Его во всех делех ваших. Радуйтеся, воздвизавшии руце ваши на творение дел благих; Радуйтеся, направлявшии стопы ваша на путь правый. Радуйтеся, не приложившии сердец ваших к земному богатству и наслаждению; Радуйтеся, всегда помышлявшии о благах небесных и вечном веселии. Радуйтеся, вси святии, теплии о всем мире Богу молитвенницы. Кондак 10 Спасения путем право шествующе и о судьбах правды Божия поучающеся, вси святии, явистеся яко древеса благоплодная при исходищах вод, и принесосте Богу плод добродетелей ваших во время свое. Ныне же в горнем Едеме неизреченнаго наслаждающеся блаженства, помяните и нас, чад ваших, отеческое ваше о спасении нашем попечение восхваляющих, Богу же поющих: Аллилуиа. Икос 10 Стена тверда нам противу лица вражия вы есте, вси святии, и теплии молитвенницы ко Христу о всем роде христианстем. Темже от стрел невидимаго борителя присно вами защищаеми, радостно взываем: Радуйтеся, рода человеческаго велие украшение; Радуйтеся, в странствии земном присная нам отрада и утешение. Радуйтеся, в брани со врагами спасения нашего сильнии нам помощницы; Радуйтеся, от меча гнева Божия молитвами вашими нас защищающии. Радуйтеся, сами искушени бывше, и нам во искушениих помогающии; Радуйтеся, покаянию нас грешных зело радующиися. Радуйтеся, на различных местех земли во вся времена праведно пожившии; Радуйтеся, аще и согрешившии, обаче истинным покаянием и слезами скверну грехов омывшии. Радуйтеся, от Адама даже до днесь в надежди жизни вечныя скончавшиися; Радуйтеся, от Востока и Запада пришедшии и на лоне Авраамли почившии. Радуйтеся, яко сонм ваш новыми с земли пришельцами всегда умножается; Радуйтеся, яко вами место падших духов в соборе ангельском восполняется. Радуйтеся, вси святии, теплии о всем мире Богу молитвенницы. Кондак 11 Песни наша хвалебныя, аще бы и тмочислени были, не довлеют к прославлению добродетелей ваших, вси святии; и нам немощным удобее любити молчание; но да не явимся лениви и неблагодарни за полученныя вас ради милости и благодеяния Божия, поем прославльшему вас Владыце: Аллилуиа. Икос 11 Светильницы света невечерняго вы есте, вси святии, у Престола Пресвятыя Троицы с ангельскими чинми в молитве о нас присногорящии, и на светлую спасения стезю наставляющии вопиющих вам сице: Радуйтеся, светильницы огня невещественнаго; Радуйтеся, насельницы обителей Отца Небеснаго. Радуйтеся, гроздие винограда Христова; Радуйтеся, благоуханнии цвети райстии. Радуйтеся, животочнии реки, в жажде духовней нас напояющии; Радуйтеся, дожденоснии облацы, в знои искушений нас прохлаждающии. Радуйтеся, духовнии ветри, зиму уныния от сердец наших прогоняющии; Радуйтеся, сладкопеснивии славии, духовную весну вечнаго блаженства нам возвещающии. Радуйтеся, мысленныя горы, к небеси нас возводящии; Радуйтеся, умнаго Солнца лучи, милость Его на нас изливающии. Радуйтеся, добрии кормчии, от потопления греховнаго нас спасающии; Радуйтеся, вернии путевождие, в небесное отечество нас путеводящии. Радуйтеся, вси святии, теплии о всем мире Богу молитвенницы. Кондак 12 Благодать, от Бога данную вам в воздаяние многих добродетелей ваших, кто от земнородных исповести возможет, о святии! Якоже бо капли морския по единой исчерпати, сице чудодействий ваших и подаваемых вами нам благодеяний несть мощно исчести. Сего ради радостно совершаем славное ваше торжество, и вся действующему в вас Господу зовем: Аллилуиа. Икос 12 Поюще Тя, Владыко Вседержителю, восхваляем вси Пресвятое Имя Твое, яко от начала мира в различная времена явил еси приснопамятныя святыя Твоя, Тебе единому в Троице славимому Богу благоугодившия, ихже молитвами от всех зол избавляеши вопиющия к ним: Радуйтеся, святии Божии угодницы с Пресвятейшею всея твари Приснодевою Мариею; Радуйтеся, и вы, безплотнии ангели, хранителие рода человеческаго. Радуйтеся, святии царие и князи, на земли благочестиво царствовавшии и Небесное Царствие наследившии; Радуйтеся, добрии градоправителие, в небесном граде обитати сподобльшиися. Радуйтеся, нелицеприятнии земнии судии, у небеснаго Судии оправдание и милость получившии; Радуйтеся, ревностнии словесных овец пастырие, от Пастыреначальника Христа похваленнии и прославленнии. Радуйтеся, праведнии земледелателие, в простоте сердца и незлобии Богу послужившии; Радуйтеся, терпеливии странницы, небеснаго отечества достигшии. Радуйтеся, юродивии, поношения и укорения Христа ради претерпевшии; Радуйтеся, безсребренницы, туне болящим исцеления подававшии и на небеси мзду приявшии. Радуйтеся, во всяком возрасте и звании угодившии Богу мужие и жены, яко вы едино есте о Господе и души ваша в руце Божией; Радуйтеся, яко в будущем веце купно с душами и телеса ваша вечныя славы причастны будут. Радуйтеся, вси святии, теплии о всем мире Богу молитвенницы. Кондак 13 О всеблаженнии угодницы Божии, вси святии, приявшии наследие благ вечных! Приимите сие наше хвалебное пение, и благоприятными вашими к Богу молитвами испросите нам грехов оставление и вечных мук избавление, да с вами в небесном нашем Отечестве поем Богу: Аллилуиа. (Этот кондак читается трижды, затем икос 1 и кондак 1)

Богоизбранный полче и личе богокрасный, преподобнии отцы наши Печерстии, чудес многих источницы, иноческаго, постническаго общежития на Руси первоучители и наставницы, сие вам от душевнаго желания дерзаем принести похвальное пение. Вы же, яко имущи велие дерзновение к подвигоположнику Христу Богу нашему, молитеся Ему, молим вы, от всяких бед и зол нам избавитися, да с благодарением зовем вам: Радуйтеся, вси преподобнии отцы наши Печерстии, всемирнии светильницы, великии и преславнии чудотворцы. Икос 1 Ангелоподобнаго возжелаете жития, отцы богомудрии, мирския многомятежныя молвы избегосте, в пещерах тесных и темных вселистеся, идеже труды велии и подвиги подъясте, да Христа приобрящете; темже и слышите от немощных нас и грешных сия песнопения: Радуйся, Антоние, воздержания, смирения, послушания и безмолвия зерцало; радуйся, веры православныя крепкое забрало. Радуйся, Феодосие, монашеская похвало; радуйся, обители твоея велелепная славо. Радуйся Михаиле, первый архипастырю наш и учителю; радуйся, веры Христовой усердный насадителю и идолослужения искоренителю. Радуйся, Прохоре, чудотворче всеблаженный, хлебы сущими от былий и солию от пепла, гладом тающия люди пропитавый. Радуйся Иоанне, постом неизреченным просиявый. Радуйтеся, Феодоре и Василие, во временней жизни взаимным любве Христове союзом себе связавшии; радуйтеся, от корыстолюбиваго князя Мстислава крепко пострадавшии. Радуйтеся, яко и по блаженней кончине вашей во единей раце дружелюбно почиете; радуйтеся, яко во единем часе к престолу Божию предстасте. Радуйтеся, вси преподобнии отцы наши Печерстии; всемирнии светильницы, великии и пpecлавнии чудотворцы. Кондак 2 Видя Христос Господь, яко во имя Его снидостеся купножительствовати, посреде вас обретеся, пособствуя вам в различных подвизех, наипаче же во брани со духи злобы поднебесной, и обогащаше вас благодатию Духа Пресвятаго: одному подая дар пророчества, другому же дары исцелений, иному власть изгоняти духи нечистии, вы же благодать сию приемши, не вознесостеся духом своим, но в простоте души и сердца со смирением и благодарением Благодателю Богу песнь воспесте: Аллилуиа. Икос 2 Разум неуклонен имуще и крепкою верою в Бога вооружившеся, пути спасительнаго держастеся, отцы прехвальнии, егоже и совершисте преславно с помощию Христа и Пречистой Его Матери; сию помощь и нам, хотящим богоугодному житию вашему подражати, испросите у престола Всевышняго, да благодарно воспоем вам: Радуйся, Поликарпе, главо пресветлая, жития святых конечнее списавый и воедино собравый; радуйся, яко с ними у престола Троицы Пресвятыя представый. Радуйся, Варлааме, уме благодатный, пещеру темную и тесную светлым и пространным палатам предпочтый; радуйся, златотканныя одежды на рубы иноческия пременивый. Радуйся, Дамиане, целебниче безмездный, молитвами и святым елеем болящих уврачевавый; радуйся, купножития на небесех с преподобным Феодосием у Господа себе испросивый. Радуйся, Никодиме, в печении хлебов священных тридесят лет потрудивыйся. Радуйся, Лаврентие, в затворе теснейшем многолетно подвизавыйся. Радуйся, Афанасие, дар слез и умиления от Господа получивый. Радуйся, Еразме, за украшение храма Божия Матере палату красоты неизреченныя в Небесном Царстве от Христа стяжавый. Радуйся, Луко, заповедей Божиих усердный делателю. Радуйся, Нектарие, послушания неленостный исполнителю. Радуйтеся, вси преподобнии отцы наши Печерстии, всемирнии светильницы, великии и преславнии чудотворцы. Кондак 3 Силою и благодатию, данною ти свыше, в животе твоем, Агапите блаженне, болезни различныя врачевавый. Благодать сия и сила тебе и ныне присущая, паче же и умножися. Темже молим тя: исцели наша недуги, уврачуй страсти душевныя и телесныя, да здрави суще душою и телом, воспоем прославльшему тя Христу: Аллилуиа. Икос 3 Имущи к вам веру, любовь и усердие, ходатаи будете жизни вечныя, отцы богоприятнии! Ваши бо молитвы многомогущии у престола Божия; сего ради и прибегаем к вам, яко великим помощникам нашим и заступникам, славяще вас сице: Радуйся, Иоанне, яко послушание и по кончине своей проявил еси; радуйся, яко старшему брату свой смертный одр уступил еси. Радуйся, Феофиле, яко братним послушанием от гнева исцелился еси; радуйся, яко вместо гнева умиление и слезы непрестанныя возымел еси. Радуйся, Кукшо священномучениче, яко язычников множество ко Христовой вере привел еси: радуйся, яко за Христа со учеником твоим во главу усечен был еси. Радуйся, Алексие, молитвы умныя добрый делателю. Радуйся, Григорие, икон святых благоговейный писателю. Радуйся, Савво, чудес великих творителю. Радуйся, Сергие, послушания прехвальный рачителю. Радуйся, Меркурие, житию безплотных поревнователю. Радуйся, Пимене многоболезненный, крепкий на Бога упователю. Радуйтеся, вси преподобнии отцы наши Печерстии, всемирнии светильницы, великии и преславнии чудотворцы. Кондак 4 Бурный и широкий жития мирскаго путь возненавидевше, возлюбисте же вседушно узкую и прискорбную жития монашескаго стезю и сею усердна потекосте, отцы богомудрии; темже и Господь, видя ваше благое произволение, заповеда Ангелом своим споспешествовати вам и укрепляти вас. Сего ради, хотящему всем человеком спастися Христу, поем: Аллилуиа. Икос 4 Слышаще людие, яко Господь прославил святым нетлением телеса ваша и дарова вам благодать целити недуги и болезни, темже притекают к вам движимые верою, с Востока, Запада, Севера и Юга, похваляюще вас приветствии таковыми: Радуйся Несторе, первый Русский бытописателю; радуйся житий святых отцов Печерских сказателю и усердный им во всем подражателю. Радуйся, Евстратие, доблий мучениче и постниче, сообразно самому Христу пострадавший; радуйся, все язвы Господа Иисуса на теле своем понесший. Радуйся, Елладие, затворников похвало. Радуйся, Иеремие, прозорливых славо. Радуйся, Моисее, целомудрия светило. Радуйся, Иоанне, девства победо. Радуйся, Марко, его же честнии руце гробы святым ископаша; радуйся, его же гласа мертвии послушаша. Радуйся, Николо княже, в послушание братии Печерстей всецело себе предавый. Радуйся, Григорие, иже потоплением в реце кончину блаженную приявый, его же тело пречестное в келлии чудесно обретеся. Радуйтеся, вси преподобнии отцы наши Печерстии, всемирнии светильницы, великии и преславнии чудотворцы. Кондак 5 Видя Дионисий богомудрый телеса ваша во гробех святолепно почивающа, яже вниде покадити в день Пасхи Христовой, от избытка любве и благоговения к вам воззва: «Святии отцы и братия, ныне есть велик денъ: Христос воскресе!» И, о чудесе! Слышит абие от вас громогласное: «Воистину воскресе!» Дивяшеся чудеси сему преславному, поем воскресшему и пребывающему во век века Христу Богу: Аллилуиа. Икос 5 Разумнии звезды небесе пещернаго вы есте, отцы прехвальнии, путь иноческаго жития освещающии и на круге Русския Церкве православныя пресветло блистающии. Слава бо всечестных подвигов ваших во вся мира концы протече, исповедание же святыя веры вашея всю Вселенную облиста: того ради и дерзаем приносити вам сия убогия наша пения: Радуйся, Онисиме, яко теснотою затвора пещернаго в пространная селения райския прошел еси; радуйся, яко алчбою и жаждою насыщение бесконечное лицезрения Божия узрел еси. Радуйся, Матфее, яко за чистоту души и тела дара пророческаго сподоблен еси; радуйся, яко кротостию и незлобием высоких добродетелей достигл еси. Радуйся, Исаие, кладезю глубокий смирения; радуйся, источниче неиссякаемый чудотворений. Радуйся, Авраамие, сыне святаго трудолюбия. Радуйся, Нифонте святителю, поборниче Православия. Радуйся, Сильвестре, бисере пречестный. Радуйся, Пимене, сосуде Духа Святаго избранный. Радуйся, Онуфрие, языком молчаливый, умом хваливый Бога. Радуйся, Анатолие, терпеливый душею, разумом целомудренный. Радуйтеся, вси преподобнии отцы наши Печерстии, всемирнии светильницы, великии и преславнии чудотворцы. Кондак 6 Проповедницей нам является честная десница твоя, Спиридоне богоприятне, ею же православных чад твоих поучаеши, како персты слагати подобает во изображение креста святаго на челе, уста же расколоучителей заграждаеши, яве обличая их неправое учение о перстосложении; сим бо образом осенив себе крестным знамением отошел еси ко Христу, Ему же предстоя молися, да угасит безмерно горящую пещь страстей наших, да дарует нам истинное усердие славословити Его непрестанно во псалмех и пениих духовных в сей жизни и в будущей да сподобит нас пети Ему: Аллилуиа. Икос 6 Возсия яко пресветлое светило богознаменитая обитель ваша, отцы преподобнии и всю землю Русскую благодатию Божиею просвети: юже кровными поты воздвигосте и на ню же благодать свыше молитвами вашими и святыми подвиги привлекосте, ревнуя бо поревновасте пророчеству, еже рече: «На горах сих возсияет благодать Божия и вера умножится». Темже к вам, яко виновником пророчества онаго зовем: Радуйся, Арефо, яко Господь милость свою на тебе удиви; радуйся, яко Господь украденное богатство твое в милостыню тебе вмени. Радуйся, Феофиле, ему же земля бысть ложем, власяница одеждею. Радуйся, Сисое, ему же бдение бысть сном, слезы успокоением. Радуйся, Алипие, ему же Ангели в трудех святаго иконописания помощники быша. Радуйся, Симоне cвятитeлю, его же святии руцы жития святых написаша и нам на пользу душевную предаша. Радуйся, Никоне, Антония первый благоговейный учениче; радуйся, Феодосия в делех монастырских усердный сотрудниче и в душеспасительных подвизех рачительный соучастниче. Радуйся, Феофане, яко тело постом умертвил еси. Радуйся, Онисифоре, яко душу бденными молитвами оживил еси. Радуйся, Макарие, яко за жизнь святую истлением тела от Господа почелся еси. Радуйся, Анастасие, диаконе благоговейный и страдальче предивный. Радуйтеся, вси преподобнии отцы наши Печерстии, всемирнии светильницы, великии и пpecлавнии чудотворцы. Кондак 7 Хотя преблагий Господь страну нашу благодатию Своей обогатити и дати образ хотящим спастися, подвиже вас Духом Святым на вельми скорбное и богоугодное житие, им же удивисте не токмо человеков на земли, но и Ангелов на небеси: вы бо, о, отцы богоноснии, в пещерах заключившеся, аки во гробех, всеусердно в теплоте сердца и души, Единому Богу поработасте, богокрасно поюще песнь: Аллилуиа. Икос 7 Новыя жизни иноческия отцами и учителям и явистеся, яже на Руси ниже именовася когда, сию вы насадисте и добре укоренисте. Темже безчисленныя множества монашествующих последующе душеспасительным стезям вашим благодарно вам воспевают: Радуйся, Авраамие, яко Христа Господа всею душою и сердцем возлюбил еси; радуйся, яко Его ради и труды велии затвора пещернаго подъял еси. Радуйтеся и вы, дванадесять братий прекраснии, яко церковь Божия Матере небеси подобную украсили есте; радуйтеся, яко за труды ваша динарий от Сына Ея Христа Бога, Царство Небесное восприяли есте. Радуйся, Исаакие, яко премногими страдании диавольскую прелесть низложил еси. Радуйся, Илие, яко воздержания подвиги и безстрастия благодатию обогатился еси. Радуйся младенче мучениче Иоанне, яко кровь твою святую неповинно за Христа пролиял еси; радуйся, Никоне, яко на кресте простершему волею длани Христу терпением и незлобием вельми угодил еси. Радуйся святителю Ефреме, яко пчела сот пресладок, тако ты Устав студийский в обитель Печерскую принесл еси. Радуйся, Тите блаженне, яко гневнаго беса смирением попрал еси; радуйся, яко тьму лукавых демонов далече от нас прогоняеши. Радуйся, яко свет, еже не гневатися на ближняго, собою нам проливаеши. Радуйтеся, вси преподобнии отцы наши Печерстии, всемирнии светильницы, великии и преславнии чудотворцы. Кондак 8 Странное и преславное чудо благодати небесныя проявися воочию всех верных: пещера разбойников в храм Божий соделася: идеже бо грех преизобилова, тамо благодать приумножися, идеже терн беззакония укоренися, тамо кедры рая Христова возрасташа, идеже блато смрадное греха бяше, тамо источницы безсмертия воскипеша, идеже смерть обладаше, тамо Господь воцарися. Дивящеся изменению десницы Вышняго, зовем: Аллилуиа. Икос 8 Все ваше, преблаженные отцы, тщание, желание и попечение бяше, да всезлобному рода христианскаго врагу гордую главу попрати и сотрети, Господа же Иисуса Христа в душах и телесах ваших да возвеличите и прославите; сего ради приветствуем и вас сице: Радуйся, священномучениче Лукиане, яко уготовася тебе небесное жилище; радуйся, яко страдальцу, даровася тебе нескончаемое райское покоище. Радуйся, Лаврентие, яко суеты мирския избегл еси; радуйся, яко к общежитию с миром ангельским востекл eси. Радуйся, Пафнутие, яко, помня час смертный, непрестанно слезил еси; радуйся, яко при кончине от Ангелов утешения сподобился еси. Радуйся, Мартирие, яко за великую чистоту и постнические подвиги дара целити болезни сподоблен был еси. Радуйся, иерарше Иларионе, яко стадо словесных овец Христовых на пажитех Православия добре упасл еси. Радуйся, княже Феодоре, яко в честь и во славу Церкви православной много потрудился еси. Радуйся, Дионисие, яко «воистину воскресе Гоcподь» от преподобных отцев в день Пасхи услышал еси. Радуйся, Афанасие, яко красная мира сего презрев, блату вменил еси. Радуйся, святителю Феофиле, пастырю добрый, яко за пасомых тобою и живот положити готов был еси. Радуйтеся, вси преподобнии отцы наши Печерстии, всемирнии светильницы, великии и преславнии чудотворцы. Кондак 9 Всем есте вся, отцы преподобнии, небесная бо врачества предлагаете нам и к безмездным лечбам своим вся ны созываете, не хитростьми человеческими, ни обязаньми, но действием Святаго Духа душевныя и телесныя исцеления преестественне подаете, еже приемлюще обильно, род всяк и возраст Благодателю и Промыслителю зовет благодарно: Аллилуиа. Икос 9 Витии многовещаннии риторскими своими языки не возмогут достойно воспевати вашея святыни, тем паче аз убогий словом и разумом, киими песньми восхвалю вас, о отцы, Ангелом равночестнии, обаче побужден усердием и любовию яже к вам, дерзаю венчати вас сими недостойными моими похвалами: Радуйся, Зиноне, постом и многими иными подвиги иноческаго жития светло просиявый; радуйся, смирением, кротостию и послушанием землю кротких наследивый. Радуйся, Григорие, яко зелием, им же питался, здравие болящим преподавый. Радуйся, Ипатие, святым отцем в болезнех со всеусердием послуживый и за сия благодать Духа исцеляти недуги восприявый. Радуйтеся, отцы преподобнии, их же пречестнии главы во здравие душ и телес наших миро источают; радуйтеся, их же пресвятии души в неизреченней славе Божию престолу предстоят. Радуйся, Моисее, яко молитвами, постом и веригами страсти умертвил еси. Радуйся, Иосифе, яко вратами смиреннаго и усерднаго послушания в вечный покой вшел еси. Радуйся, Павле, яко николиже в праздности времене препроводил еси, темже со труждающимися и обремененными водворился еси. Радуйся, Сисое, яко чрезмерными подвигами постничества не токмо человеков, но и Ангелов удивил еси. Радуйтеся, Леонтие и Геронтие, яко из младенчества Христа возлюбили есте; радуйтеся, яко во отрочестве в подвизех наставником соравнялися есте. Радуйтеся, вси преподобнии отцы наши Печерстии, всемирнии светильницы, великии и преславнии чудотворцы. Кондак 10 Спасти хотя многих, всех обращения и спасения милостивно ищай премилосердный Христос Бог наш, других вас отцев Египта, Фиваиды и Палестины, — Руси прояви, да вами многих вразумит и покажет вашим житием путь ко спасению, в чем вы потруждшеся, добре преуспеете, в неведении сущих Евангельстей истине неленостно поучая, к правоверию приведосте и к хранению Божиих заповедей и богоугодному и чистому житию словом и делом непрестанно возбуждасте, Богу Помощнику песнь поюще: Аллилуиа. Икос 10 Стеною твердою и ограждением крепким будете нам, всехвальнии отцы, с теплою верою, усердием и любовию к вам прибегающим, ограждающе нас противу чувственных и мысленных врагов наших, да не убоимся их, но да побеждаим тии молитвами вашими ко Христу Богу, зовуще с благодарением к вам сице: Радуйся, Несторе, нижняя презревый, вышняя же возлюбивый; радуйся, яко пред кончиною самого Господа Иисуса Христа со Ангелы видети сподобивыйся. Радуйся, Феодоре, яко хранение устом своим положил еси. Радуйся, Памво исповедниче, боги языческия проклявый, имя же Господа небесе и земли исповедавый. Радуйся, Софроние, затвором крепким и железом тело стеснивый, душею же и умом со псалмопением к небеси непрестанно паривый. Радуйся, Панкратие, яко болящим благодатию Духа Святаго исцеления источаеши. Радуйся, Антоние, яко духи лукавыя от приходящих к тебе с верою проганяеши. Радуйся, Мардарие, нищеты и нестяжания любителю. Радуйся, Аммоне, древним отцем святым в подвизех всеусердный подражателю. Радуйся, Пиоре, страсти телесныя огнем воздержания попаливый. Радуйся, Мартирие, добродетельным нравом душу просветивый. Радуйся Руфе, во образ житием своим постникам и подвижникам бывый. Радуйтеся, вси преподобнии отцы наши Печерстии, всемирнии светильницы, великии и преславнии чудотворцы. Кондак 11 Пение всякое хвалебное побеждается множеством преславных ваших подвигов и трудов чрезмерных, превосходящих житие человеческое, но ангельскому подобное: и похвалам от Ангел паче, а не от человек вам приносимым быти достояше, обаче усердное наше видяще произволение, с верою и любовию приносимое нами приимите пение и испросите нам оставление грехов, и да в добром исправлении и покаянии скончаем временное сие житие наше, в вечном же да сподобимся молитвами вашими пети Богу: Аллилуиа. Икос 11 Свет вам незаходимый возсия возненавидевшим страстей тьму, угодницы Божии преславнии: веселие же нескончаемое восприя вас, добрый подвиг со тщанием скончавшим. Темже предстояще престолу Христову, поминайте нас поющих вам сия: Радуйся, Евфросиние, горняго Иерусалима дши пречестная; радуйся, дольняго Иерусалима, нашею града Киева, мати пресветлая. Радуйся, Иулиане, дево, лилие прекрасная, произростшая в земном Христовом саде; радуйся, процветшая в небесном Его вертограде. Радуйся, Макарие священномучениче, яко до смерти верен пастырь был еси; радуйся, яко прежде, неже прияти ти престол на земли чувственный, на престолы мысленные предпослался еси. Радуйся, Кассиане, затворниче дивный. Радуйся, Арсение, яко за богоугодные временные, вечно от Христа упокоен еси. Радуйся, Евфимие, яко пощения ради твоего великаго и немолчнаго славословия Богу, райских сладостей насыщаешися и со Ангелы поеши. Радуйся, Вениамине, яко раздав имения твоя, на лоне Авраама почиваеши. Радуйся, Тите, яко земнаго царя воинство оставль, да Небесному Царю храбрейший воин будеши. Радуйся, Ахило, яко от юности распялся еси житию и страстем, да распеншагося волею на кресте Христа приобрящеши. Радуйтеся, вси преподобнии отцы наши Печерстии, всемирнии светильницы, великии и преславнии чудотворцы. Кондак 12 Благодатию Всемилостиваго и Всещедраго Бога житием равноангельным пожисте, отцы духоноснии, чудеса многи содеясте, храм Пречистей Госпоже Деве Богородице пречуден создасте и яко невесту прекрасну златом, сребром и камением многоценным украсисте, в онь же людие от всея Вселенныя приходяще, восхваляют о вас Христа Бога, поюще Ему: Аллилуиа. Икос 12 Поюще ваше безмолвное житие, похваляем подвиги ваша — пост, молитвы, слезы, коленопреклонения, всенощныя бдения, плоти умервщления, духа сокрушение, долулегания, смирение, кротость, молчание, терпение, нищету, нeстяжание и вся та чтим, яже любви ради Христовы подъясте, тако воспевающе: Радуйтеся, Паисие и Меркурие, яко в неразлучней жизни и единодушней любви братской пожисте на земли; радуйтеся, яко единою жизнию и радостию вкупе наслаждаетеся со Христом и на небеси. Радуйся, Макарие, яко Самуил в юном возрасте в служение Господу предназначен был еси. Радуйся, Пимене, яко пшеница гумна Христова, в житницы небесныя предопределен еси. Радуйся, Силуане, яко на крилех поста и молитвы к Богу возлетел еси. Радуйся, Агафоне, яко на плещех добродетелей высоких в горныя подъят еси. Радуйся, Захарие, яко бесом страшен был еси, Ангелом же собеседник явился еси, с ними же и ко престолу Троицы Пресвятыя воспарил еси. Радуйся, Игнатие, княже пресветлый пещернаго града; радуйся, пастырю преподобный богоизбраннаго стада. Радуйся, мучениче младенче, яко за Христа от Ирода бесчеловечнаго чашу смерти испивый; радуйся, землю Востока кровию освятивый и нашу страну пришествием твоим благословивый. Радуйся, Лонгине, яко путем узким право шествовал еси, им же и рая Божия доспел еси. Радуйтеся, вси преподобнии отцы наши Печерстии, всемирнии светильницы, великии и преславнии чудотворцы. Кондак 13 О Всеблаженнии и всяких похвалений превышнии, преподобнии отцы наши Печерстии, приимите сие малое вам приношение, якоже и Господь прият две лепты вдовицы: и не возгнушайтеся молением нашим, яко и Христос не возгнушался лобзания блудницы, и сподобите нас ходатайством вашим ко Господу в добром исправлении и покаянии скончати житие сие и с молитвою во устех, в сердце и душе отьити от сея временныя жизни к вечней, и предстати престолу Всевышняго, идеже вы предстоите и со Архангелы и Ангелы и со всеми святыми, песнь поюще: Аллилуиа. (Этот кондак читается трижды, затем икос 1 и кондак 1) Молитвенное поклонение святым угодникам, почивающим в пещерах Киево-Печерской Лавры Молитва преподобным отцем, глаголемая при входе в пещеры, или когда и где кто изволит Ближния пещеры Преподобнии и богоноснии отцы наши Печерстии, избегшии молвы житейскаго попечения и подвизавшиися в подземных (сих) жилищах, тесноту и тьму (зде) претерпевшии, и тем обретши широту небеснаго и блаженнаго пространствия, и просветившиися немерцающим светом троическаго облистания, молите Бога о мне грешнем, да и аз утесняемый скорбьми, от мира сего находящими, и мраком грехов моих омраченный получу от Него отпущение неправд моих и вселюся в вечную и блаженную жизнь в нескончаемом Его царствии. Аминь. Преподобне и богоносне отче наш Антоние Печерский, моли Бога о мне грешнем, да твоими молитвами спасет и помилует мя, да и просветит мя Своею благодатию. Преподобне отче наш Прохоре, моли Бога о мне грешнем, да помилует мя недостойного. Преподобне отче наш Иоанне, моли Бога о мне грешнем, да спасуся твоими молитвами. Святая и праведная дево, княжно Иулиание, моли Бога о мне грешнем. Преподобнии отцы наши Феодоре и Василие, молите Бога о мне грешнем, да дарует и мне вашими молитвами сию благодать, во еже подражати вашему дружелюбному житию, дабы жити ми в мире и любви со всеми ближними моими. Преподобне отче наш Поликарпе, моли Бога о мне грешнем, да твоими молитвами сподоблюся получити от Него отпущение множества грехов моих. Преподобне отче наш Варлааме, моли Бога о мне грешнем, во еже презрети ми вся благая и красная мира сего, да единаго Его приобрящу, сокровище живота моего неиждиваемое. Преподобне отче наш Дамиане, моли Бога о мне грешнем, да твоими молитвами, во дни живота моею на земли избавлен буду от болезней душевных и телесных. Преподобне отче наш Никодиме, моли Бога о мне грешнем, да сохранен буду от всякаго зла. Преподобне отче наш Лаврентие, моли Бога о мне грешнем, да помилован буду на Страшнем Его суде. Преподобне отче наш Афанасие, моли Бога о мне гpeшнем, да дарует ми покаяние во днех живота моего, да плачуся выну о гpecex моих. Преподобне отче наш Еразме, моли Бога о мне грешнем, да сподоблен буду поне при кончине живота моего принести Ему всецелое покаяние. Преподобне отче наш Луко, моли Бога о мне грешнем, да сохранит мя Своею благодатию от всякаго навета сопротивнаго. Преподобне отче наш Агапите, уврачуй мя твоими молитвами пред Богом, да буду здрав духом и телом моим. Преподобнии отцы наши Иоанне и Феофиле, молите Бога о мне грешнем, да дарует ми смирение и память смертную. Преподобне отче наш Кукшо, моли Бога о мне гpeшнем, да просветит мя Своею благодатию, во еже выну внимати ми Евангельским словесем. Преподобне отче наш Нектарие, моли Бога о мне грешнем, да в чистоте сердца моего буду ходить пред Ним во вся дни живота моего. Преподобне отче наш Алексие, моли Бога о мне грешнем, да помилует мя недостойнаго. Преподобне отче наш Григорие, моли Бога о мне грешнем, да дарует ми выну неленостно бодрствовати духом, и поучатися в законе Его день и нощь. Преподобне отче наш Сергие, моли Бога о мне грешнем, да сподобит мя быти тщаливым ко всякому благу, и во всем послушливым божественным Его заповедем. Преподобне отче наш Савво, моли Бога о мне грешнем, да твоими молитвами избавлюся от многих моих беззаконий. Святителю отче наш Меркурие, моли Бога о мне грешнем, да твоими молитвами избавлюся от множества моих прегрешений. Преподобне отче наш Пимене, моли Бога о мне грешнем, да дарует ми терпение в злостраданиих моих. Преподобне отче наш Несторе, моли Бога о мне грешнем, да буду вписан в книгу вечнаго живота, сущаго в царствии Небеснем. Преподобне отче наш Евстратие, моли Бога о мне грешнем, да поможет ми распятися Ему со страстьми и похотьми моими, иже присно борют мя, и выну воюют на душу мою. Преподобне отче наш Елладие, моли Бога о мне грешнем, да помилует мя недостойнаго. Преподобне отче наш Иеремие, моли Бога о мне грешнем, да буду яве видети моя прегрешения. Преподобне отче наш Моисее, моли Бога о мне грешнем, да дарует ми чистоту душевную и целомудрие. Преподобне отче наш Иоанне, моли Бога о мне грешнем, да поможет ми отвращитися от блудных страстей плоти моея, да даст ми презрети вся красная мира сего, да единаго Его возлюблю и единому Ему да послужу. Преподобне отче наш Марко, моли Бога о мне грешнем, да дарует ми память о загробном животе моем. Преподобне отче наш Григорие, моли Бога о мне грешнем, да сподобит мя скончати житие мое безгрешно и с покаянием. Преподобне отче наш Онисиме, моли Бога о мне грешнем, да сохранен буду твоими молитвами от всякаго злаго обстояния. Преподобне отче наш Матфее, моли Богa о мне грешнем, да спасуся твоими молитвами. Прсподобне отче наш Исаие, моли Бога о мне грешнем, да твоими молитвами спасет и помилует мя недостойнаго. Преподобне отче наш Аврамие, моли Бога о мне грешнем, да возлюблю и аз трудолюбие и подвиг духовный, якоже возлюбил еси некогда ты. Святителю отче наш Нифонте, моли Бога о мне гpeшнем, да сподобит мя Царствия Своего Небеснаго. Преподобне отче наш Сильвестре, моли Бога о мне грешнем. Преподобне отче наш Макарие, моли Бога о мне гpешнем. Преподобне отче наш Пимене, моли Бога о мне гpешнем. Преподобне отче наш Онуфрие, моли Бога о мне грешнем, да положит хранение устом моим, Преподобне отче наш Анатолие, моли Бога о мне грешнем, да помилует мя недостойного. Преподобне отче наш Спиридоне, моли Бога о мне грешнем, да простит моя согрешения. Преподобне отче наш Сисое, моли Бога о мне грешнем да спасуся твоими молитвами. Преподобне отче наш Феофиле, моли Бога о мне грешнем. Преподобне отче наш Арефо, моли Бога о мне грешнем. Преподобне отче наш Алипие, моли Бога о мне грешнем, да обновятся во мне зраки Его образа. Преподобне отче наш Онисифоре, моли Бога о мне грешнем. Святителю отче наш Симоне, моли Бога о мне грешнем, да буду вписан в книгу вечныя жизни. Преподобне отче наш Никоне, моли Бога о мне грешнем, да помилует мя недостойнаго, и сохранит мя Своею благодатию от всякого прилога диавольскаго. Преподобне отче наш Феофане, моли Бога о мне грешнем, да дарует ми выну приносити Ему покаяние. Преподобне отче наш Анастасие, моли Бога о мне грешнем, да помилует мя недостойнаго, и Своею благодатию да покрыет моя согрешения. Преподобнии отцы наши Дванадесять братий о Христе, молите Бога о мне грешнем, да сотворит мя храмом Своего обиталища и спасет мя недостойнаго. Преподобне отче наш Аврамие, моли Бога о мне грешнем. Преподобне отче наш Исаакие, моли Бога о мне грешнем, да сохранит мя от борителя демона, иже присно воюет на душу мою. Преподобне отче наш Илие, моли Бога о мне грешнем, да помилует и спасет мя, недостойнаго раба Своего. Святый мучениче, младенче Иоанне, пострадавый за Христа, моли Бога о мне грешнем, да буду и аз причастник Небесныя Славы и Царствия. Преподобне отче наш Никоне, моли Бога о мне гpeшнем, да дарует ми благодать терпеливо переносити злострадания, от мира сего находящия. Святителю отче наш Ефреме, выну поминай мя пред Богом, да помилует и спасет мя недостойнаго, и введет мя во ограду избраннаго Своею стада. Преподобне отче наш Тите, моли Бога о мне грешнем, да даст ми благодать во еже не гневатися ми ни на когоже, но с любовию прощати обидевших мя. Дальния пещеры Преподобнии и богоноснии отцы наши Печерстии (зде почивающии), помяните мя пред Господем, яко аз усердно к вам прибегаю, скорым помощником и молитвенником о душе моей, да и аз купно с вами и со всеми святыми сподоблюся получнти часть во Царствии Небеснем. Преподобне отче наш Пафнутие, моли Бога о мне грешнем, да даст ми выну помышляти час смертный и день судный, дабы ми непрестанно плакати о гpecex моих. Преподобне отче наш Афанасие, моли Бога о мне грешнем. Преподобне отче наш Дионисие, моли Бога о мне грешнем. Святителю отче наш Феофиле, моли Бога о мне грешнем, да спасуся твоими молитвами. Преподобне отче наш Зиноне, моли Бога о мне грешнем, да помилует мя недостойнаго. Преподобне отче наш Григорие, моли Бога о мне грешнем, да дарует ми выну неленостно бодрствовати духом и телом во спасение души моей. Преподобне отче наш Ипатие, сотвори мя твоими пред Богом молитвами здрава духом (и телом), и испроси ми у Бога отпущения множества грехов моих. Преподобне отче наш священномучениче Лукиане, моли Бога о мне грешнем, да твоими молитвами получу Царствие Небесное. Преподобне отче наш Феодоре, презревый мир, и яже в мире, моли Бога о мне грешнем, да помилует мя недостойнаго. Преподобне отче наш Мартирие, моли Бога о мне грешнем, да спасуся твоими молитвами. Преподобне отче наш Иларионе, образе смирения и чистоты, моли Бога о мне грешнем, да буду и аз подражати, твоему житию. Преподобне отче наш Лаврентие, моли Бога о мне грешнем, и буди мне заступник пред Богом во вся дни живота моего. Преподобне отче наш Моисее, не остави мене твоими молитвами пред Богом во еже спастися ми. Преподобне отче наш Иосифе, моли милостиваго Богa о мне грешнем, да получу от Него милость в день испытания всех человек. Преподобне отче наш Павле, моли Бога о мне грешнем, да спасет мя твоими молитвами. Преподобне отче наш Сисое, моли Бога о мне грешнем, да твоими молитвами помилует и спасет мя недостойнаго и избавит мя от наваждения диавольскаго. Святый отроче Леонтие, моли Бога о мне грешнем. Святый отроче Геронтие, моли Бога о мне грешнем. Преподобне отче наш Несторе, моли Бога о мне гpeшнем, да спасуся твоими молитвами. Преподобне отче наш Памво, моли Бога о мне грешнем. Преподобне отче наш Феодоре, моли Бога о мне гpeшнем, да дарует ми благодать во еже не согрешати ми языком моим. Преподобне отче наш Софроние, моли Бога о мне грeшнем. Преподобне отче наш Панкратие, моли Бога о мне грeшнем. Преподобне отче наш Анатолие, моли Бога о мне грeшнем. Преподобне отче наш Мардарие, моли Бога о мне грeшнем. Преподобне отче наш Аммоне, моли Бога о мне грeшнем. Преподобне отче наш Пиоре, моли Бога о мне грешнем. Преподобне отче наш Мартирие, моли Бога о мне грeшнем. Преподобне отче наш Руфе, моли Бога о мне грешнем. Преподобная мати Евфросиние, моли Бога о мне грешнем, да помилует и спасет мя недостойного. Преподобне отче наш Кассиане, моли Бога о мне грeшнем. Преподобне отче наш Арсение, моли Бога о мне грешнем, да возлюблю и аз трудолюбие и подвиг духовный, якоже возлюбил еси иногда ты. Преподобне отче наш Евфимие, моли Бога о мне грешнем да спасуся твоими молитвами. Преподобне отче наш Вениамине, моли Бога о мне грешнем, да презрю и аз вся красная мира сего, и Единаго Его, Творца и Создателя моего, возлюблю. Преподобне отче наш Тите, моли Бога о мне грешнем, да поможет ми братися со врагом моего спасения — диаволом. Преподобне отче наш Ахило, помози ми твоими молитвами пред Богом подвизатися во всякой правде и истине. Преподобнии отцы наши Паисие и Меркурие, молите Бога о мне грешнем, да поможет и мне жити со всеми ближними моими в мире, любви и согласии. Преподобне отче наш Макарие, моли Бога о мне грешнем, да помилует мя окаянного. Преподобне отче наш Пимене, моли Бога о мне грешнем, да дарует ми выну приносити Ему покаяние во гресех моих. Преподобне отче наш Силуане, моли Бога о мне грешнем, да твоими молитвами избавлюся от сетей вражиих. Преподобне отче наш Агафоне, моли Бога о мне грешнем, да спасуся твоими молитвами. Преподобне отче наш Игнатие, моли Бога о мне грешнем, да сподоблюся получити Царствие Небесное. Пресвятая и Преблагословенная Богородице Дево Марие, Пренепорочная Мати Христа Бога нашего, Заступнице рода христианскаго, нe остави мя грешнаго Твоими всесильными молитвами пред Богом, во еже спастися ми и получити Царствие Небесное. Преподобне отче наш Феодосие, моли Бога о мне грешнем, да твоими молитвами дарует ми благодать, во еже жити ми на земли во всякой правде и истине, и сих ради по кончине моей сподобит мя внити в небесный чертог нескончаемаго блаженства. Святии Мироточцы, молите Бога о мне грешнем, да спасуся вашими молитвами и сохранюся от всякаго зла. Святый мучениче Младенче, моли Бога о мне грешнем. Преподобне отче наш Логгине, моли милостиваго Бога, да отверзет ми двери Своею милосердия, и да введет мя в чертог нескончаемаго блаженства. Молитва, глаголемая при выходе из пещер Преподобнии и богоноснии отцы наши Печерстии (зде телесы вашими на ложах почивающии), молитвенницы о всем мире преславнии, молите Бога о мне грешнем, да сохранит мя Своею благодатию, и да просветит помраченный грехми ум мой светом божественного познания, и по кончине моей да сподобит мя Царствия Своего Небеснаго. Молитвы всем преподобным Киево-Печерским Молитва первая Преподобнии и богоноснии отцы наши Антоние и Феодосие, и вси преподобнии Печерстии, светила земная пресветлая, от темных мест пещерных в земли Русской славно просиявшии, и сию многими светозарными ангелонравнаго вашего жития звездами онебесившии, всю же Вселенную высоких добродетелей светлостьми и чудес божественных блистаньми удивившии, и ныне смертным западом плотски на время во гроб зашедше, душами со Христом Солнцем Правды, суще праведницы просвещаетеся, яко солнце во Царствии Небеснем: идеже молитвенная ваша к Богу Свету лучи о Отечестве своем простирающе, не забудите и нас, всегдашния своя молитвенники, в нощи страстей и скорбей пребывающия, свыше благодатными призирати осиянии; яко да во свете добродетельнаго вашего жития право ходяще, сподобимся зрети свет неприкосновенныя славы Божия, хваляще Его купно с вами в нескончаемыя веки. Аминь. Молитва вторая О угодницы Христовы, преподобнии отцы наши Антоние и Феодосие и вси святии Киево-Печерстии, светильницы пресветлые, святостию иноческаго жития первые просиявшие на земле Российстей, покровители града Киева и всего отечества нашего! К вам, молитвенникам теплым и предстателям непостыдным, усердно притекаем, в нуждах и скорбях наших утешения и помощи просяще. Помозите нам, рабам Божиим (имена), заступницы наши! Утвердите нас в вере святей, сохраните Церковь Божию от пагубных ересей и расколов, научите нас всегда творити заповеди Божия и вся предания церковная, от отец нам заповеданная, будите нам благосердые отцы и теплые молитвенницы, яко да прославим имя Живоначальныя Троицы, Отца и Сына и Святаго Духа во веки. Аминь.

Семь отроков жили в III веке. Святой Максимилиан, один из них, был сыном градоначальника города Эфеса, остальные шестеро его друзей также происходили из эфесской аристократии, и все они находились на военной службе и были христианами. Император Декий прибыл в Эфес и приказал приносить жертвы языческим божествам, но юноши отказались это сделать. Тогда император приказал снять с них знаки воинского отличия — воинские пояса, но тем не менее, отпустил их на свободу, надеясь, что они передумают, пока он воюет

.Юноши покинули город и укрылись в пещере на горе Охлон,где молились, готовясь к мученическому подвигу. Святой Иамвлих во время одного из своих походов в город за хлебом услышал, что император вернулся, и его с товарищами ищут для суда. Отроки добровольно вышли из пещеры и явились на суд.Их приговорили принять смерть в своей пещере — император приказал заложить вход в неё камнями, чтобы отроки умерли от жажды и голода. Два сановника, присутствовавших при закладке входа, были тайными христианами и, чтобы память о мучениках сохранилась, они вложили в кладку ковчежец с 2 оловянными дощечками, где были написаны имена семи отроков и обстоятельства их страданий и смерти.по воле Божьей отроки не умерли, а заснули чудесным сном, длившимся почти два столетия, затем пробудились, чтобы открыть Церкви тайну воскресения мёртвых — чудо их пробуждения способствовало укреплению веры в воскресение плоти..Православная церковь совершает память семи отрокам дважды: 4 августа и 22 октября
Акафист святым семи отрокам Ефесским
Кондак 1
Избранник от воскресшаго плотию из мертвых Христе Бога, во уверение общаго всех воскресения миру явленнии, предивнии отроцы, иже во Ефесе, прославляюще прославльшагося в вас Господа, похвальная пения возносим вам, глаголюще: Радуйтеся, страстотерпцы Христовы, всемирнаго воскресения мертвых пречуднии проповедницы!

Икос 1
Ангелов Творец, ведый из начала несумнённую крепость исповедания вашего, сотвори вас в лютых обстояниих провозвестники быти общаго всех
воскресения, яко ангелоподобныя свидетели Евангельскаго обетования.
Сицевому о нас смотрению Божию дивящеся, во благоговеинстве зовём сице:
Радуйтеся, светлыя звезды грядущаго воскресения; радуйтеся, преславний лучи Христа Спаса воскресшаго.
Радуйтеся, деннице великаго дне Господня; радуйтеся, из домов неверных верная Христу чада явившийся.
Радуйтеся, в чудный свет и свободу сынов воскресения призваннии; радуйтеся, Духом Святым в проповедники глаголов живота вечнаго избраннии.
Радуйтеся, страстотерпцы Христовы, всемирнаго воскресения мёртвых пречуднии проповедницы!

Кондак 2
Видяще вас родители разум добр имущия, потщашася в чин воинский дружины царёвы вас устроити; вы же, вся тлённая мира презревше, в Сион горний к Царю Небесному сердцы своими востекосте, да яко друзи Божии и служителие тайны общаго воскресения вменени будете, поюще Христу: Аллилуиа.

Икос 2
Разум Христов чистыми душами восприяти сподобившеся, дивнии отроцы, посреде греховныя жизни сверстник ваших благодатию Христовою соблюдаеми, друг ко другу любовию и единением духа братие явистеся, и во едино совершени бысть. Сего ради приимите от нас похвалы сия:
Радуйтеся, единою банею пакибытия возрожденнии; радуйтеся, любовию Христовою аки братие соединеннии.
Радуйтеся, Церкве Божия чада возлюбленная; радуйтеся, Ангелов Божиих собеседницы.
Радуйтеся, паче брашен естественных истинным хлебом жизни себе питавший; радуйтеся, сею пищею чрез благодать Святаго Духа от смерти в жизнь процветший.
Радуйтеся, страстотерпцы Христовы, всемирнаго воскресения мертвых пречуднии проповедницы!

Кондак 3.
Сила Вышняго, таинники благодати в злостраданиих укрепляющи, сих венчаем добропобедным исповедания увенчатися пред человеки и Ангелы сподоби, нас же научи пети Богу: Аллилуиа.

Икос 3
Имуще тщание в дом Господень на молитву по вся дни приходити, никакоже сего обычая отвергостеся, святий, гонению Декиеву бывшу; уведевше врази веры Христовы, царя о сем известити потщашася, обаче мучителева прещения на прославление вам силою Божиею пременишася. Таковому убо о вас Божию промышлению радующеся, со умилением глаголем вам сице:
Радуйтеся, тёмныя силы князя мира сего благодатию Христовою сокрушивший; радуйтеся, злобу и коварство слуг его всепобедно посрамивший.
Радуйтеся, козней и прещений их не убоявшийся, ниже смутившийся; радуйтеся, помощию Божиею видимо укрепившийся.
Радуйтеся, яко древле Даниил в пещере Львове, посреде мучителей сохранении; радуйтеся, силою Владычнею из среды их неврежденно изведеннии.
Радуйтеся, страстотерпцы Христовы, всемирнаго воскресения мертвых пречуднии проповедницы!

Кондак 4
Бурею ярости движим, злочестивый Декий царь во гневе святыя вопрошает: почто не бысте с нами в праздник богов, всю вселенную призвавших к поклонению? Ему же Максимилиан, един от седми, отвещает: имамы единаго Бога и Царя, иже на Небеси, Ему же приносим на всяк час жертву хваления, исповедания и моления, поюще Ему: Аллилуиа.

Икос 4
Слышав нечестивый царь, како веру вашу со дерзновением исповедаете, чести вбинския лишити вас повеле, и тако испытания ваша Христа ради начашася, Христом скоропослушно в пречудное успение преображенная. Темже и ныне крепость в испытаниих от Бога умолите поющим:
Радуйтеся, воеве царя земнаго, к воинству Царя Небеснаго сопричтении; радуйтеся, честь земную оставльшии, да славу небесную восприимете.
Радуйтеся, земньія чести за Христа лишении; радуйтеся, сего ради венцы нетленными от Него увенчании.
Радуйтеся, победы Его проповедницы явленнии; радуйтеся, славы Его вечныя седмочисленное блистание.
Радуйтеся, страстотерпцы Христовы, всемирнаго воскресения мертвых пречуднии проповедницы!

Кондак 5
Божественный любве теплотою грееми, благодатию Христовою от мучителей покровени явилися есте, святии отроцы, Максимилиане, Иамвлише, Мартиниане, Иоанне, Дионисие, Ексакустодиане же и Антонине, в летех юных красоту внутренняго человека с лепотою внешнею сочетавающе и, яко Ангели, в племени исповедания вашего воспевающе Богу: Аллилуиа.

Икос 5
Видев злохитрый царь Декий зело благолепную юность вашу, на неколико днии ослабу от уз вам дарует, прельстити вас ко отречению от Христа надеяся. Вы же, во свояси отшедше, сребро и злато нищим раздати потщастеся, ко исходу себе уготовляюще. Сего ради восписуем вам похвальная сия:
Радуйтеся, закосневшаго во зле мучителя на некое милосердие подвигшии; радуйтеся, младенческою кротостию вашею коварную злобу его на время угасивший.
Радуйтеся, красотою сынов света злообразныя служители греха пленивший; радуйтеся, Духа Святаго благодатию коварство их победно посрамивший.
Радуйтеся, чрез раздаяние земных богатств сокровищем небесным обогатившийся; радуйтеся, и нас взаим давати Богу научающий, да богатство неоскудеваемое на Небесех обрящем.
Радуйтеся, страстотерпцы Христовы, всемирнаго воскресения мёртвых пречуднии проповедницы!

Кондак 6
Проповедует пещера горы Охлон чудную славу вашу, святии отроцы, дебри бо и вертепы ея молитвою вашею облагоухали есте, отонюдуже на тверди церковней, якоже звезды славы небесныя, из мрака гробов чудно возсиявшыя, явистеся и нас Первоначальнику общаго воскресения Христу Богу пети научисте: Аллилуиа.

Икос 6
Возсияти хотя людем свет истины, мглу же заблуждения разгнати, Христос Бог снити вам во мрак могильный соизволи, яко да послежде в дивнем востании вашем общее воскресение уверит. Пред таковым Божиим о вас благоволением преклоняющеся, возсылаем вам хваления сия:
Радуйтеся, твердости ради исповедания от мук промыслительно избавлении; радуйтеся, и нас крепце за правду братися научающий.
Радуйтеся, безболезненно подвиг ваш скончавший; радуйтеся, чудным сном почившии, во еже восстанием от сего сна смерти мглу заблуждения разсеяти.
Радуйтеся, в нетлении телес ваших Господом соблюденнии; радуйтеся, прежде общаго воскресения изволением Божиим восставшии.
Радуйтеся, страстотерпцы Христовы, всемирнаго воскресения мертвых пречуднии проповедницы!

Кондак 7
Хотя безбожный царь нуждею к идолослужёнию святыя привлещи, паки праздник идольский устрояет и тыя нань привести повелевает; не обретшым же тех во граце Ефесе слугом его, родители их казнию устрашити тщится, но от сих извещен бывает, яко святии в пещере сокрышася, воспевающе Богу: Аллилуиа.

Икос 7
Новое устремление злобы мир явил есть, егда родителие место покбища чад своих цареви открыта, и тако любве отчия к ним отрекашася. Сего ради ко избранником Божиим глаголем сице:
Радуйтеся, миром отверженнии и небо восприявшии; радуйтеся, Отца ради Небеснаго отцы земными преданнии.
Радуйтеся, отеческою люббвию Его в таинственнем сне чудно сохранении; радуйтеся, нетление улучившии и мир светом воскресения осиявшии.
Радуйтеся, путь к сему дивному свету нам указующии; радуйтеся, час кончины сбытием обетования Божия нам услаждающии.
Радуйтеся, страстотерпцы Христовы, всемирнаго воскресения мертвых пречуднии проповедницы!

Кондак 8
Странное и преславное чудо всемогущества Божия на вас, святии отроцы, показася, камением бо по повелению Декиеву в пещере заграждении и печатию запечатленнии, сто и семьдесят лет даже до днии царя Феодосия тамо спяще пребыли естё, воставше же аки живйи, саддукёйское мудрование посрамили: естё, поюще Христу, вас воскресившему: Аллилуиа.

Икос 8
Весь седмочисленный исповедников лик, во гробе каменнем заключен быв, жизни вечныя никакоже отлучися, но истекшым стом и осмидесятим летом сон от очес их произволением Божиим отрясеся, и тако святии отроцы живии воссташа, весь мир о воскресении всех уверяюще и нас пети научающе еице: Радуйтеся, упование общаго воскресения обетованием Божиим утверждающий; радуйтеся, краеугольнаго ради камене Христа Бога камением во гробе загражденнии.
Радуйтеся, Его ради, во гробе запечатленнаго, печатию запечатленнии; радуйтеся, Агнцем, вземшим на Себе грех мира, от уз смерти свобожденнии.
Радуйтеся, во уверение общаго воскресения, якоже Лазарь четверодневен, из гроба изведеннии; радуйтеся, числу седми херувим, престолу славы Божия предстоящих, сообразнии.
Радуйтеся, страстотерпцы Христовы, всемирнаго воскресения мертвых пречуднии проповедницы!

Конддк 9
Всякое естество ангельское возрадовася о чуднем по мнозех летех восстании вашем и ужасашеся: како вы,преславнаго убо чудесе, о вас бывшаго, не ведуще, обычное целование друг другу подаете и утреннее пение Господу, аки вчера ко сну отшедшии, приносите, поюще: Аллилуиа.

Икос 9
Ветииствующий язык не возможет изрещи чудес Твоих, Господи, вемы бо, како блаженный отрок Иамвлих, многолетняго успения своего не разумея и во град за пищею исшедый, удивися, егда Ефес, Христовою верою издавна просвещенный, увиде, и Господа прослави, нас же глагблати сотвори таковая:
Радуйтеся, делателие на ниве Господней, молитвенныя слезы обильно пролившии; радуйтеся, в скудости и гонении почившии, во славе и богатстве восставшии.
Радуйтеся, зрением торжества веры Христовы, во дни ваша гонимыя, по восстании образовании; радуйтеся, победу Христа над миром яве узревшии.
Радуйтеся, и нас на сию уповати научающии; радуйтеся, от уныния нас ограждающии.
Радуйтеся, страстотерпцы Христовы, всемирнаго воскресения мертвых пречуднии проповедницы!

Кондак 10
Спасти хотя Бог и в вере утвердити люди, сия о многолетнем успении Иамвлиха чрез древний пенязь, на торжище им принесенный, научает, епископу града сия уразумевшу и Бога прославившу с песнию: Аллилуиа.

Икос 10
Стена и утверждение веры явистеся, святии, человеком, в пещеру вашу пришедшым и ковчежец с хартиею обретшым, на нейже имена ваша и кончины образ написана быша, во еже пети всем:
Радуйтеся, седмь избранных сосудов Божиих; радуйтеся, вкупе со святыми мученики елеем радования помазаннии.
Радуйтеся, седмь светильников пред престолом Ходатая Бога и человеков; радуйтеся, седмь труб благовестил втораго пришествия Сына Человеческаго.
Радуйтеся, седмь Ангел, благовествующих нам славу до конца претерпевших; радуйтеся, яко седмисвещник златый, церковь Божию украшающий.
Радуйтеся, страстотерпцы Христовы, всемирнаго воскресения мертвых пречуднии проповедницы!

Кондак 11
Пение благодарственное Пресвятёй Троице вознося, благочестивый царь Феодосии со тщанием во Ефес устремися, во еже святыя отроки видети, и седмь днии тамо пребываше, дондеже сии, главы преклонше, дух свой Господу предаша, купно с ними победную возсылая песнь Христу Богу: Аллилуиа.

Икос 11
Светильницы, тьму ереси разгоняющий, явилися есте, святий отроцы, светом нетления вашего сияющии и блаженным по восстании паки успением истину грядущаго живота утверждающии, саддукейское бо мудрование посрамивше, вся раздоры церковныя утишили есте, общее воскресение вкупе с древним Лазарем уверяюще. Темже, благодаряще о сем Господа, со умилением зовем вам: Радуйтеся, скорбное житие наше добрым упованием осиявающии; радуйтеся, посреде волн жития сего к пристанищу Небесному нас направляющий. Радуйтеся, яко звезды, во отишие блаженнаго покоя в чертозе Христове нас путеводящии; радуйтеся, блаженство вечное, скорбящим уготованное, благовествующии. Радуйтеся, яко недостойны суть страсти нынешняго времене к будущей славе, уверяющии; радуйтеся, доблии вестницы Царства Небеснаго бывший. Радуйтеся, страстотерпцы Христовы, всемирнаго воскресения мертвых пречуднии проповедницы!

Кондак 12
Благодать дадеся вам от Бога, во еже вся любящия и чтущия вы в чудный свет Его руководствовать Темже и нашея жизни скорбный путь крепкою надеждою воскресения озарите, от грехбвныя погибели нас соблюдите и в час смертный нам предстаните, да вашим заступлением невечерняго света величествия Божия и мы грешнии достижем, идеже с лики праведных воспоим о вас Богу: Аллилуиа.

Икос 12
Поюще дивное прославление силы Божия в вас, святти отроцы, ублажаем вы, яко заступники и молитвенники наша пред Господем, и с любовию, святей иконе вашей предстояще, возглашаем вам хваления сия:
Радуйтеся, в Российстей земли града Старицы похвало и утверждение; радуйтеся, вся окрестныя веси славою благодатныя помощи вашея исполнивший.
Радуйтеся, болящих младенцев прибежище и исцеление; радуйтеся, скорбей родителей их не ложное врачевание.
Радуйтеся, всем любящим и чтущим вы покрове и ограждение; радуйтеся, всего мира христианскаго помоще и заступление.
Радуйтеся, страстотерпцы Христовы, всемирнаго воскресения мертвых пречуднии проповедницы!

Кондак 13
О чуднии отроцы, светом небесныя славы вашея и уверением нескончаемаго живота скорбный путь жития нашего озаряющий! Приимите малое сие моление наше и не отрините нас, притекающих к вам: молите присно всех Владыку, да и мы райскаго чертога не лишени будем, но вкупе со святыми воспоим тамо Христу Богу: Аллилуиа.

Этот кондак читается трижды, затем 1-й икос "Ангелов Творец..." и 1-й кондак "Избранник от воскресшего плотню..."
Молитва святым семи отрокам во Ефесе

О пречуднии святии седмочисленнии отроцы, Ефеса града похвало и всея вселенныя упование! Воззрите с высоты небесныя славы на нас, любовию память вашу чтущих, наипаче же на младенцы христианский, вашему заступлению от родителей своих препорученныя. Низведите на ня благословение Христа Бога, рекшаго: оставите детей приходити ко Мне. Болящия убо в них исцелите, скорбящия утешите; сердца их в чистоте соблюдите, кротостию исполните я, и в земли сердец их зерно исповедания Божия насадите и укрепите, во еже от силы в силу им возрастали. И всех нас, святей иконе вашей предстоящих рабов Божиих (имена), и тепле вам молящихся, сподобите Царствие Небесное улучити и немолчными гласы радования тамо прославляти великолtпое имя Пресвятыя Троицы, Отца и Сына и Святаго Духа, во веки веков. Амbнь.

Молитва
Господи Иисусе Христе, Сыне Божий, грядьій судити живых и мертвых, молитв ради святых седми бтроков ефесских, помилуй нас, грешных, прости грехопадения всей нашей жизни, и имиже вёси судьбами сокрый нас от лица антихриста в сокровенной пустыне спасения Твоего. Аминь.

Блаженная Пелагия РязанскаяБлаженная Пелагея Рязанская (1890-1966) Блаженная Пелагия родилась в селе Захарово Захаровского района Рязанской области в 1890 году. Слепой от рождения девочке было даровано Господом духовное зрение. В три года избранница Божия уже удивляла взрослых своей прозорливостью. По свидетельству очевидцев, блаженная Пелагия никогда не ела мяса, а в первую, четвертую и седьмую недели Великого поста вкушала лишь одну просфору, пила один стакан святой воды в день. Блаженная Пелагия РязанскаяМногие верующие исцелялись по молитвам блаженной, получали советы и духовные наставления. Наставления блаженной Пелагии изобиловали яркими образами и сравнениями, которые не всегда нужно понимать буквально, так как вообще наставления блаженных носят зачастую прикровенный характер. Блаженная Пелагея делала по десять тысяч поклонов за 14 часов молитвы в сутки. Она отмечала, что при правильном сложении перстов из них исходит огонь. И когда мы наносим на себя крестное знамение, то благодатный огонь опаляет, освящает и очищает наше тело. Кровь, подаваемая сердцем, проходит через огненный крест и поэтому очищается от всего дурного и страшного – всё сгорает! Поэтому, чем больше мы крестимся, говорила Пелагия, тем чище кровь, тем выше разум, тем ближе к Богу, тем быстрее доходит наша молитва до Господа. В этом – значение Креста! Блаженная Пелагия мирно отошла ко Господу в 1966 году и почитается в Рязанской епархии, как местночтимая святая. КОНДАК 1 Богом избранная от младенчества на служение и обличение буия мира сего и Преподобным Серафимом Саровским, старцем, наставляема, стяжала велия дары за подвиги духовныя и без очес телесных вся прошлая, яко и грядущая зрившая, темже убо и дар пророчества и прозорливости от Бога прияла еси, к тебе же мы и ныне яко прежде вси, незрячи грех ради наших и заблудшии, за наставлением и помощью притекаеми с радостию зовем: Радуйся, блаженная девице Пелагия на облечение нечестия и славы Веры Православныя дары пророчества от Господа приявшая. ИКОС 1 Родишися чадо Божие в Рязанской губернии в селе Поярково, что в Михайловском уезде, в семье крестьянской у Александра и Наталии, нарекаемых Лобачевыми, слепенькою промыслом Божиим быша, но откры Господь дитю малому очи духовныя и в три года от роду возопи блаженное чадо «вижу свет» – и с той поры стала зрити то, что и премудрым невидимо, -души людския, прошлое их и грядущее. И прежде претерпеша обиды от сверстник и сродник в доме отчем, и взята была к людием благочестивым в семью Петра и Анастасии Орловых, мы же воспоем ти чадо Божие тако: Радуйся с рождения телесно слепенькой рожденная; Радуйся духовными очима одаренная; Радуйся с семи лет свет Божий увидевшая; Радуйся – «Я вижу свет», вруг радостно вскричавшая; Радуйся с тех пор дары пророчества и прозорливости приявшая; Радуйся в родном дому отеческом премного пострадавшая; Радуйся из детства скорби от сродников и сверстников познавшая; Радуйся, блаженная девице Пелагия на облечение нечестия и славы Веры Православныя дары пророчества от Господа приявшая. КОНДАК 2 Из детства поразила еси ты о, мати, всех дары своими, ибо родишися без очес телесных, духовными очима зрила еси прошедшая и грядущая, яко сущая, и внегда уразумеша твои ближнии, яко сосуд Божией благодати еси, сташа вопрошати тя, скажи о, чадо, како должно поступити, склоняя разум свой пред Премудростию Божией, просвещающей тя. Мы же Создателю всех за благодеяния Его на нас бывшия радостно поем: Аллилуиа. ИКОС 2 На последния сия времена избра тя Господь, якоже древле посла праведнаго Авраама, пророка и Боговидца Моисея, праведнаго Еноха и пророка Илию и вся пророки, да послужат примером для иудеев, да покаются и да отвратятся от беззаконий своих и паки во еже обличите нечестивыя служители Алтаря Господня и старцы иудейския. Тако и ныне сего ради избра тя Господь, горлицу богоглаголивую, яко глашатая Словес Божиих, да посрамлены будут тобою сильныя мира сего, и обличатся темныя дела их. Мы же ведая, яко Господь умудряет младенцы и просвещает слепцы, вопием ти, мати наша, сицевая: Радуйся, благодать Божию измлада стяжавшая; Радуйся, еюже Премудрость Божию познавшая; Радуйся, духовными очима Бога Слова зрившая; Радуйся, за всех Творца Всевышняго молившая; Радуйся, грехи плотския не познавшая; Радуйся, смирением любовь Христову собиравшая; Радуйся, блаженная девице Пелагия на облечение нечестия и славы Веры Православныя дары пророчества от Господа приявшая. КОНДАК 3 Преродобный отец наш Серафим, старец досточудный, приял тя, еще младенца бывшу, под водительство свое, наставляя тя, якоже отец духовный и взращивая в тебе дары духовныя, божественныя, сего ради многажды являлся еси пред мысленными очима твоима, разъясняя недоуменныя вопросы твоя, яже в молитве твоей ко Господу о всех притекающих к тебе с верою вопрошала еси. Тако ведома богомудрым учителем, возходила еси по лествице духовней, еяже край досязаше даже до Небеси, идеже Ангелы Божии со всеми Святыми непрестанно поют Богу: Аллилуиа. ИКОС 3 Внегда содела тя, мати, Господь чадом духовным, и таинницей преподобного Серафима, яко наследницу в старческом служении, и ты прияша от него дар духовного рассуждения, возносила еси своя моления ко лучезарному старцу, вопрошая о всем еже быша и надлежит быти в грядущем; и старец являшеся ти, и беседоваша с тобою разъясняя ти истины Веры Православныя, мы же тебе за несение людям Света Истины Христовой возпеваем вси: Радуйся, ученице преподобного Старца Серафима; Радуйся, по вере сердца и молитве – Херувима; Радуйся, Ангелом Хранителем хранимая; Радуйся, самою Богородицею на небо возносимая; Радуйся, Царицею Небесною любимая; Радуйся, народом Божиим достойно чтимая; Радуйся, блаженная девице Пелагия на облечение нечестия и славы Веры Православныя дары пророчества от Господа приявшая. КОНДАК 4 Явишася ти Мати Божия, егда бык огромный едва не найде на тя, стоящу посреди дороги, и растеряшася вси, оставиша тя со страхом глядеша со стороны, како зверь сей егоже боялися вси, поступит с тобою; ты же узрела вдруг Жену, – взявшую за руку тя и отведшую в сторону от погибели мы же дивяся спасению твоему величаем Господа сице: Аллилуиа. ИКОС 4 И на мысли твоя о смерти и жизни ответила ти Мати Божия, возведоша на Небо блаженства тя и низведоша во адову пропасть, показаша яко праведныя благоденствуют; души заслужившия сия на земли трудами, скорбями и смертию даже мученическою за Христа приятою и како грешнии мучитися за наслаждения и развращения и убийства и пьянство и за убийство чад во утробе, за сожжение усопших и табака проклятого курение, будут во преисподней, мы же ти мати поем: Радуйся, в Небесныя чертоги с Богородицей попавшая; Радуйся, награду за труды, страдания, скорби увидавшая; Радуйся, сие блаженство зримо Духом осязавшая; Радуйся, в Раю Небесном побывавшая; Радуйся, все сладости Небесных благ видавшая; Радуйся, на путь спасения себя и ближних ставшая; Радуйся, блаженная девице Пелагия на облечение нечестия и славы Веры Православныя дары пророчества от Господа приявшая. КОНДАК 5 Воистину како после сего житии безпечно могла ти Мати, когда незведе ти Богомати во ад и показаша грешники, златолюбцы и скупцы, празднословы и пустословы, осуждающия и ворующия, пиющия и чад во утробе убивающия, блудящия и отца и мать не чтущия, Церковь гонящия, и крещенныя, но в храм не ходящия и многими другими грехами согрешающия, и креста на себе правильно не налагающия, устрашилася и пела всю жизнь свою, избави мя Боже от сего вопия: Аллилуиа. ИКОС 5 Открышася ти Истины Веры Православныя и сташа ты на защиту от попрания Святых догматов, седьмию вселенскими Соборами установленных, ибо видеша ты блаженными духовными очима падение великое благочестия и любви, ко Господу среди народа и служителей призванных на сие, но не исполняющих долга своего достойно и праведно; и благослови тя Господь обличити грехи мира, сего ради вопием: Радуйся, Креста Христовой Истины носительница; Радуйся, со крестным знамением на диавола борительница; Радуйся, как правильно креститься всем учительница; Радуйся, духовных лиц и нерадивых обличительница; Радуйся, крестом врагов – бесов разящая воительница; Радуйся, знамения крестнаго, – основы веры защитительнице; Радуйся, блаженная девице Пелагия на облечение нечестия и славы Веры Православныя дары пророчества от Господа приявшая. КОНДАК 6 Поведаша ти, о мати, преподобный Серафим о том – чему надлежит бысть впредь и о том , почему сие нам попущено быша, како Царство Русское разрушилося за нечестие архиереев, достойно народ не пасших, како оные Государя Николая предаша на смерть крестную, яко некогда Христа первосвященники на Кресте распяша, ужасошася слепенькая от сего коварства и видя грядущия времена, указанныя ти не преставала пети: Аллилуиа. ИКОС 6 Господи помилуй, Господи помилуй, Господи помилуй вопияла ти блаженная девице, как же так – сколько было на Руси людей духовного звания, священников и монахов и столько храмов и монастырей. А вдруг порушилося вся сия красота и благочестие сменилось нечестием, святость – безбожием и богоборчеством и народ прияша сие, и идолам стал служить, Господи, во страхе вопияла ти, спаси землю Русскую от ига безбожныя власти: Радуйся, на защищение Отечества от ига богоборческого ставшая; Радуйся, молитвой и крестом с постом всех супостатов поражавшая; Радуйся, от Серафима старца дары знания духовной жизни взявшая; Радуйся, его своим духовным наставлением считавшая; Радуйся, Саровским старцем о грядущем извещавшая; Радуйся, дарами Духа Святаго щедро темных озарявшая; Радуйся, блаженная девице Пелагия на облечение нечестия и славы Веры Православныя дары пророчества от Господа приявшая. КОНДАК 7 Все беды наша, – глаголала блаженная за предательство Святаго Царя Николая со Ангельским Семейством Его и яко на иудеях кровь лежит Христова навеки, ежели истинно не покаются, а не лицемерно, так и на нас всех кровь Помазанника Божия – искупителя за грехи народа, кровь мученическую пролияша за ны; ты же зря во всех и вся чудная дела, неведомого всем, промысла Божия воспевала хвалу Ему: Аллилуиа. ИКОС 7 Попусти Господь сие за беззакония наша, ибо Церковь – есть общество людей исповедующих Единого Бога, Отца и Сына и Святаго Духа, чтущая все заповеди данныя Им; и догматы и правила Святых Апостолов и Святых Отцев, кои есть законы неприложныя и где Истина изложена верно и нарушение сих установлений ведет под анафему всех дерзнувших на сие; без телесных очес благодатию Божией ратовала за стояние в Вере, мы же тебе за сия поем вси: Радуйся, безстрашная защитнице Веры Православныя; Радуйся, облечительнице лукавых служек славная; Радуйся, воительнице истиннаго благочестия предивная; Радуйся, за брань духовную, за Веру ангелом хранимая; Радуйся, полки бесов молитвой побеждавшая; Радуйся, нечистых духов и людей им сослужащих обличившая; Радуйся, блаженная девице Пелагия на облечение нечестия и славы Веры Православныя дары пророчества от Господа приявшая. КОНДАК 8 Тако определи Господь познати девице то, что скрыто от премудрых века сего и даша ти дары зрения духовнаго для наставления чад Божиих, ибо пали слуги Его во грехи нерадения и стяжания; и крестнаго знамения нанести на себя не могут, зато и других овец Отчих не назидают и сами грядут куда не ведают, во ад преисподнейший, и народ несчастный ведут им верящий более, нежели Господу Своему, Ему же токмо пети надобно: Аллилуиа. ИКОС 8 Горькия труды глаголати о падении тех, о ком молился Преподобный Серафим Саровский; коему яви Господь аки архиерейский чин отпадет от Веры Истинной тако, что и сами архиереи верить в Воскресение Христово не будут и онечестивятся, еже и фарисеи и книжники, распявшия Господа тако, что и догматами и Правилами Святых Апостолов пренебрегут, страшное сие пророчество Старца Серафима, видеши ти сбывающимся духовными очима своими, призывала, покайтесь пока есть еще время; мы же тебе блаженная девице Пелагие за правдолюбие твое воспеваем: Радуйся, Преподобного Серафима пророчеств возвестительнице; Радуйся, отпадших от догматов Веры нашей Православной облечительнице; Радуйся, на путь спасения отпадших словом правды наставительнице; Радуйся, к покаянию зовущая и облечением лечащая целительнице; Радуйся, болящих от духовныя заразы и телесныя недуги избавительнице; Радуйся, всех слову внявших Истины спасительнице; Радуйся, блаженная девице Пелагия на облечение; нечестия и славы Веры Православныя дары пророчества от Господа приявшая. КОНДАК 9 Молися преподобный старец к Богу со слезами и просиша, и ужасошася открывшемуся ему нечестию архиереев: лучше меня Господи, убогаго Серафима лиши Царствия Небесного, да их помилуй. Но отвеща Господь рабу Своему: даже ради твоих молитв не помилую их, ибо слуга, еже предаде Господина Своего, и пастырь, еже вверенныя ему овцы не сохрани, но попусти волкам расхитити их, и тако сотворша, не восхотеша покаятися, и наказующему неправедныя и лукавыя слуги и рабы Своя, со страхом и трепетом вопием: Аллилуиа. ИКОС 9 Даша ти Господь видети мытарства, еже по кончине души грешников примут и пламень вечнующий и жар нестерпимый, уготованныя для безпечно жизнь проводящих, в веселии и развлечениях, пекущихся, о том, что едино есть на потребу телесную, о спасении же души, нерадеющих, и уповающих на богатство свое и собирающия несметные запасы в житницы свои, Бога же забывающих, и насмешников, смеющихся над ближними своими и унижающих их, и осуждающих, и чревоугодников, пирующих в посты и постные дни; жен, мужскую одежду носящих, мужей, косы яко девы растящих, и обманщиков, клеветников, хищников, гордецов, гневливых и блудников и прочия, их же обличая, блаженная девице, молилася еси ко Господу, да вразумит их, да отстанут от дел своих. Мы же тебе, разум Христов имущей, поем сицевая: Радуйся, чародеев и лицедеев обличительнице; Радуйся, воздаяния для мстительных, коварных и лукавых на мытарствах тайнозрительнице; Радуйся, прелюбодеев с воры и убийцы словесами о Суде, о Страшном устрашительнице; Радуйся, от лжи и ярости и гнева, гордости и зависти, просящих у тебя молитв благая избавительнице; Радуйся, всех исказителей честнаго Божия Креста, незрячих, вразумительнице; Радуйся, мучения в аду всех делателей зла и злом идущих зрительнице; Радуйся, блаженная девице Пелагия на облечение нечестия и славы Веры Православныя дары пророчества от Господа приявшая. КОНДАК 10 Жар нестерпимый в центре Земли, души мытарятся там, посмотри. Видеша многие эти мучения, сны есть кошмарные, нам – вразумление. Видели многие в жизни такое, но разъяснение было простое, диавол нашепчет, все это мол ложь, ты лишь один раз на свете живешь, и человек не желая познать, сам себя в ад здесь готовит попасть; грешник, очнись же и Богу воспой, чтоб не случилось все это с тобой: Аллилуиа. ИКОС 10 Вся видела еси ты, блаженная Пелагия, не имущи очес телесных, самим Богом вразумляема, и таланты своя не сокрыла еси в земли, яко раб лукавый, но умножила их еси, яко раб разумный; прияла и раздавала еси щедрая дары твоя всем страждущим и к тебе приходящим за духовным советом и помощию, яко на источник животворящей воды, напаяющий вся с верою притекающая к нему. И вся словеса твоя сбывалися и житию твоему дивилися вси и подвигам подъемлемым Бога ради: ибо по шестьнадесять тысящь поклонов творила моляся ко Господу день и нощь. Тем же мы, прославляя дивного во Святых своих Бога, давшего тебе такую крепость, с веселием поем ти сице: Радуйся, молитву к Богу паче всех любившая Радуйся, поклоны неизчетны о спасении нас грешных Богу приносившая; Радуйся, всех приходящих к ти с любовию принимавшая; Радуйся, вси печали и скорби духовным словом утолявшая; Радуйся, псалтирь от корки до корки наизусть всю знавшая; Радуйся, всех нас во Царствие Христово призывавшая; Радуйся, блаженная девице Пелагия на облечение нечестия и славы Веры Православныя дары пророчества от Господа приявшая. КОНДАК 11 Словом Божией Истины, дерзновенно обличала еси ти о, блаженная девице Пелагия, клевретов проклятого антихриста, близ грядущего в мир, по попущению Божию, за премногия беззакония наша и нечестие и предательство Истинныя Веры Православныя и попрание крестнаго знамения, оружия непобедимаго на диавола; рекла ти , девице Пелагия: отойду азъ ко Господу, и народится сын погибели, еже есть антихрист; вы же, кто помоложе, узрите сие горе воочию, ибо таковаго не носила еще земля. Мы же, имея тя заступницу пред Богом об избавлении от печати диавольския Святой Руси и даровании Царя Православнаго, Господа молим вопиюще: Аллилуиа. ИКОС 11 Не изсякнет к тебе поток людей Божиих, ибо твоими молитвами многая чудеса совершашася и пророчества твои изполняшася. Тако и до ныне печешися о нас, предуказавши знамения последних времен и прихода антихриста. Сего ради веруем, яко прорекла еси, яко мощи преподобнаго Серафима Саровскаго и до ныне хранятся в Москве у благочестивыя старицы, оныя же явит их в надлежащее время, егда Господь укажет, первоиерарху Церкви и понесут их по каширской дороге в Саров, идеже Старец сей чудный воскреснет, яко и предсказал сам о себе, и укажет Руси Святой Государя истиннаго на последние сия времена, и воспоют посреди лета Пасху. Мы же благодарнии за вразумление твое нам поем ти: Радуйся, Христос Воскресе и Воистину Воскресе восклицавшая; Радуйся, о Воскресении Христовой Церкви на Руси мечтавшая; Радуйся, о всем грядущем имже извещавшая Радуйся, чад Церкви Божией канонам Православным научившая; Радуйся, Царя Грядущего Руси Святой провозвещавшая; Радуйся, блаженная девице Пелагия на облечение нечестия и славы Веры Православныя дары пророчества от Господа приявшая. КОНДАК 12 Внегда замысли диавол в конец погубите страну Русскую настало лютое время гонения на Церковь Христову, и явися супостат и самозванец, сам себя, – «Никитой» называющий, истинное же имя и отечество свое, скрывающий, безбожными властями к руководству страны приставленный; он же и обещал, по наущению лукаваго, всю Церковь изничтожить, а последняго иерея по телеприемнику показати. И паки же решил окаянный, засеяти проклятыми плевелами американскими всю землю Русскую, дабы голодом одну третию часть населения уморити. Ти же, блаженная Пелагия, прозривши духовными очами, яко колдун той есть и предтеча антихриста, потщалася еси строгим постом и молитвою поразити сего лукаваго змия во главу, и сие изполнивши, победоносною воеводою явилася еси, разорив все замыслы лукаваго, а его приспешника «Никиту» низринув с высоты вниз, дивяся сему, в веселии вопием Богу: Аллилуиа. ИКОС 12 И взяша на себя подвиг немощная и слепенькая молитвенница и сто дней и нощей пребыла еси в посте и молитве, вкушая токмо едину просфору в день и выпивая один стакан святой воды, умоляя Господа дабы Он сверг сего самозванца и избавил Церковь Святую Свою от разорения, а духовенство от уничтожения. И приклонился еси на твое моление Господь и услыша молитву твою и посла избавление от погибели неминуемой множеству народа русскаго, и снят был еси с должности нежданно для всех супостат сей нечистивый, преданный своими же споспешниками. Мы же ти, сего ради похвалу приносим сицевую: Радуйся, невидимое множество народа спасшая; Радуйся, на молитву, яко воин за Отечество и Веру ставшая; Радуйся, сто дней одну просфору и стакан воды Святой вкушавшая; Радуйся, о, Господи, спаси народ и духовенство умолявшая; Радуйся, на диавола победу одержавшая; Радуйся, молитвой козни супостатов разрушавшая; Радуйся, блаженная девице Пелагия на облечение нечестия и славы Веры Православныя дары пророчества от Господа приявшая. КОНДАК 13 О, блаженная девице Пелагия, благодать Святаго Духа от младенчества приявшая, аки талант драгоценный, его же всю жизнь свою приумножала еси трудами и подвигами, во Славу Пресвятей Троицы творимыми, еще же очес телесных лишенная, вся духовно прозревала еси, како и мудрыя не разумеют Тайн мира сего, и яко воин на поле брани, посрамила еси житием своим вся козни бесовския и человеческия. Приими о , преблаженная, сие малое моление наше, из глубины души возносимое, и моли Господа нашего Иисуса Христа низпослати нам Царя Православнаго, Помазанника Божия, на спасение Руси Святыя от супостаты и избавления народа нашего от клейма злохитраго, проклятого антихриста и всея страны нашей от ига его. Мы же непрестанно поем о сем Богу: Аллилуиа. (Сей кондак глаголи трижды. И паки: икос 1 и кондак 1) МОЛИТВА БЛАЖЕННОЙ ПЕЛАГИИ РЯЗАНСКОЙ О, блаженная девице Пелагия Рязанскою называемая, ты же издетства Небесною жительницею бывшая и токмо странницею в телеси на земли пожившая; велией благодати за любовь ко Господу сподобившаяся и даров прозорливости и пророчества удостоившаяся, с Самою Царицею Небесною и Рай и ад посетившая и все мытарства за грехи видевшая; со преподобным Серафимом, аки со отцем общавшаяся и от него вся бывшая и грядущая познавшая, умом чистым всегда на Небеси пребывавшая, молися ко Пресвятей Троице и Заступнице нашей Богородице за ны, да не погибнем в геене огненной за грехи наша многия и принеси покаяние наше за грех цареубийства и предательства. Да простит нас неразумных Господь и ниспошлет нам Государя Славного, Самодержавного Православного молитвами преподобного Серафима, да со воскресшим старцем Саровским и Государем, им указанным, со всем народом воспоем Пасху посреди лета: Христос Воскресе из мертвых смертию смерть поправ и сущим во гробех живот даровав! Аминь.

Беззакония моя презри, Господи, от Девы рождейся, и сердце мое очисти, храм то творя Пречистому Твоему Телу и Крови, ниже отрини мене от Твоего лица, без числа имеяй велию милость. Слава: Во причастие святынь Твоих како дерзну [вниду], недостойный? Аще бо дерзну к Тебе приступити с достойными, хитон мя обличает, яко несть вечерний, и осуждение исходатайствую многогрешной души моей. Очисти, Господи, скверну души моея, и спаси мя, яко Человеколюбец. И ныне: Многая множества моих, Богородице, прегрешений, к Тебе прибегох, Чистая, спасения требуя: посети немощствующую мою душу, и моли Сына Твоего и Бога нашего, дати ми оставление, яже содеях лютых, Едина благословенная. Кондак 1 Избранный Женише душ и сердец, вочеловечением Своим и смертию на Кресте обручивый Себе на веки весь род человечь, и давый нам в залог вечныя жизни самое Пречистое Тело и Кровь Свою, се по гласу Твоему и аз недостойный, дерзая прихожду к Божественной Трапезе Твоей, и поражен величием ея, вопию: Иисусе, Боже сердца моего, прииди и соедини мя с Тобою на веки. Икос 1 Ангела Твоего к провидцу Исаии со углем горящим от Алтаря Небеснаго послал еси, во еже очистити тем устне его, егда видев Тя, седяща на Престоле, о нечистоте своей сокрушашеся: аз же, оскверненный душею и телом, како дерзну приступити ко причащению Божественных Твоих Таин, аще не Ты Сам очистиши мя свыше; темже из глубины души вопию Ти: Иисусе Всеблагий, коснися огнем благодати Твоея и моих нечистых устен. Иисусе, попали терние моих многих прегрешений. Иисусе, созижди во мне сердце чисто, и обнови во утробе моей дух правый. Иисусе, изведи из темницы страстей бедную душу мою. Иисусе, потреби во мне нечистыя помыслы и злая похотения. Иисусе, направи слабыя стопы моя на путь заповедей Твоих. Иисусе, Боже сердца моего, прииди и соедини мя с Тобою на веки. Кондак 2 Желанием возжелавый ясти со ученики последнюю пред страданием Твоим Пасху, да преподаси им среди нея последний и наибольший залог любве Твоея, прежде двою дний предпослал еси два от них во Иерусалим, да шедше уготовают ю. Научаяся отсюда, како и нам подобает благовременне уготовляти себе к снедению нашея Божественныя Пасхи, сиречь, Тела и Крови Твоея, благодарственно зову Ти: Аллилуиа. Икос 2 «Иззуй сапоги от ногу твоею, земля бо, на нейже стоиши, свята есть», - рекл еси Моисею из купины, горевшия и несгаравшия, от невидимаго во оной присутствия Твоего. Сосуд же с Божественным Телом и Кровию Твоею воистину более и святее неопалимыя купины есть: аз же перстен, нечист, продан под грех. Темже со смирением и верою вопию Ти: Иисусе Всемогущий, совлецы мя ветхаго человека с деяньми его. Иисусе, умертви семя тли во мне гнездящееся. Иисусе, расторгни узы греха, имиже связа мя враг. Иисусе, подаждь ми сердце смиренно и дух сокрушен. Иисусе, отжени от мене искушение и соблазны. Иисусе, утверди мя в вере и любви к Тебе. Иисусе, Боже сердца моего, прииди и соедини мя с Тобою на веки. Кондак 3 «Отцы ваша ядоша манну в пустыни и умроша; «Аз есмь Хлеб, сходяй с небесе, да аще кто яст от него, жив будет во веки; и Хлеб, егоже Аз дам, Плоть Моя есть, юже Аз дам за живот мира», - рекл еси иудеом, искавшим видети от Тебе знамение с небеси, подобное манне Моисеевой; еже мы слышаще и сбытие предреченнаго видяще, со страхом зовем: Аллилуиа. Икос 3 Востав с вечери, якоже повествует святой Иоанн, и препоясався лентием, умыл еси ноги учеником, научая сим, да не приступаем к Божественней Трапезе Твоей неомытии слезами покаяния во гресех наших. Ощущая превелию нужду сего таинственнаго омовения и скудость слез ожесточеннаго сердца моего, с Петром вопию Ти: Иисусе Преблагий, Сам ми умый не нозе токмо, но и руце и главу. Иисусе, обнажи предо мною бездну душевнаго моего растления. Иисусе, разверзи во мне источник сокрушения сердечнаго. Иисусе, ороси мя каплями Твоего милосердия. Иисусе, обвей мя страхом Суда и мук вечных. Иисусе, возбуди совесть, спящую во мне, и укрепи глас ея. Иисусе, Боже сердца моего, прииди и соедини мя с Тобою на веки. Кондак 4 «Не сей ли есть Иисус, Сын Иосифов, Егоже мы знаем отца и Матерь? Како убо глаголет Сей, яко с небесе снидох? И како может дати нам Плоть Свою ясти?», - глаголаху между собою жидове, слышавше о преславнем обетовании Твоем датися в снедь верным, не ведуще, по окаменению сердец своих, со смирением веровати и взывати к Тебе: Аллилуиа. Икос 4 «Аще на снесте Плоти Сына Человеческаго и не пиете крове Его, живота не имате в себе», - провещал еси косным, во еже веровати, иудеом, еже слово жестоко к слышанию показася и некиим от ученик Твоих, неведущим еще таин Царствия Божия. Мы же, светом Евангелия озареннии и откровенным лицем Божественную славу Твою зряще, с верою и любовию зовем Ти: Иисусе, вся могий величеством силы и державы Твоея. Иисусе, творяй и совершаяй паче, неже можем разумети и помыслити. Иисусе, манну с неба некогда в знамение настоящаго Таинства, одождивый. Иисусе, ко прообразованию тогожде, воду из камене источивый. Иисусе, облак крастелей в напитание алчущим в пустыни иудеом пославый. Иисусе, пред очию самех сумнящихся иудеев, пятию хлебы пять тысящ народа насытивый. Иисусе, Боже сердца моего, прииди и соедини мя с Тобою на веки. Кондак 5 Ядущим на вечери учеником, прием хлеб, благословив и преломив, подал еси им, рек: «Приимите, ядите, Сие есть Тело Мое, еже за вы ломимое во оставление грехов»; потом же чашу подав, рекл еси: «Пийте от нея вси, Сия есть Кровь Моя Новаго Завета, яже за вы и за многи изливаемая во оставление грехов». Сему Божественному и пресладкому гласу внемлюще, со благодарением зовем: Аллилуиа. Икос 5 «Ядый Мою Плоть и пияй Мою Кровь во Мне пребывает, и Аз в нем; той имать живот вечный, и Аз воскрешу его в последний день, си есть в воскресение живота и блаженства»; сего убо вожделеннаго воскресения в живот ища сподобитися, из глубины души вопию Ти: Иисусе, приблизися к ищущему соединения с Тобою. Иисусе, вниди во утробу, во вся составы и вся кости моя. Иисусе, буди светом моего помраченнаго ума. Иисусе, наполни Собою ненасытимую всем миром бездну моего сердца. Иисусе, вещай гласом моея совести. Иисусе, движи и управляй моею волею. Иисусе, Боже сердца моего, прииди и соедини мя с Тобою на веки. Кондак 6 «Аминь аминь глаголю вам: един от вас предаст Мя», - рекл еси в скорби духа учеником Твоим на вечери. Они же, аще и чисти от замысла предания, «Еда аз есмь?», - вопрошаху Тя кийждо, показующе сим глубину своего смиренномудрия. Аз же что реку Ти, седмижды на день падаяй и изменяяй Тебе? Обаче Ты Сам соблюди мя, да не отпаду в конец, взывая Ти благодарне: Аллилуиа. Икос 6 «Якоже розга не может плода творити о себе, аще не будет на лозе, тако и вы, аще во Мне не пребудете; а иже будет во Мне и Аз в нем, той сотворит плод мног», - сице тайнодействуя, поучал еси возлюбленныя ученики Твоя на пути в Гефсиманию. Сему убо наставлению внемля и немощь естества моего без благодати Твоея ведая, прилежно вопию Ти: Иисусе, Пренебесный Делателю, Сам мя всади в живоносный вертоград Твой. Иисусе, Лоза истинная, прикрепи мя к Тебе, яко розгу дикую. Иисусе, Кореню неизсыхающий, исполни мя соком жизни вечныя. Иисусе, Победителю всякия мертвенности, отреби, еже изсохло есть во мне от зноя страстей. Иисусе, красный добротою, украси мя цветами благих чувств и помышлений. Иисусе, богатый в милости, ущедри мя плодами истиннаго покаяния и правды. Иисусе, Боже сердца моего, прииди и соедини мя с Тобою на веки. Кондак 7 «И кто есть предаяй Тя?», - вопросившу ученику, иже возлеже на вечери на персях Твоих; «Той есть, - отвещал еси, - емуже Аз, омочив в солило, хлеб подам»; и омочь хлеб подал еси Иуде Симонову Искариотскому, подвизая его на покаяние; он же ожесточен сый духом злобы, не восхоте разумети гласа любве своего Учителя и Господа. Таковаго жестокосердия да буду избавлен благодатию Твоею, зовя Ти выну: Аллилуиа. Икос 7 Щадя немощь естества нашего, отвращающагося вкушения плоти человеческия, не яве, но под видом хлеба и вина благоволил еси преподати нам Пречистое Тело и Кровь Твою. Чудяся о таковом снисхождении премудрости Твоея к немощи естества нашего, благодарне славословлю Тя сице: Иисусе, премудре и человеколюбне строяй все дело спасения нашего. Иисусе, самыя спасительныя Таинства Твоя приспособляяй к немощи нашего разумения и чувств. Иисусе, во уверение сумнящихся, на Святой Трапезе многажды вместо хлеба и вина Самое Тело и Кровь Твою проявивый. Иисусе, достойным служителям алтаря Духа Пресвятаго, на освящение Даров сходяща, показавый. Иисусе, вместо недостойных служителей алтаря Ангелов Твоих невидимо для совершения Божественнаго Таинства посылаяй. Иисусе, явлением чудес на Святей Трапезе многия из самых зловерных к вере обративый. Иисусе, Боже сердца моего, прииди и соедини мя с Тобою на веки. Кондак 8 И по хлебе, сиречь по вкушении от поданнаго Тобою хлеба предателю, якоже повествует святый Иоанн, вниде в онь сатана. Оле страшныя казни за неверие! Оле злополучнаго жребия предателя! Еже во спасение долженствоваше быти, в смерть и погибель ему обретеся. Пред таковым убо судом правды Твоея благоговея, со страхом и трепетом зову Ти: Аллилуиа. Икос 8 «Сие творите в Мое воспоминание», - рекл еси учеником на вечери, преподав им под видом хлеба Тело, а под видом вина - Кровь Свою. Темже убо, елижды от Хлеба ядим и от Чаши пием, смерть Твою возвещаем, по слову святаго Павла. Воспоминая убо ныне страдания Твоя, со умилением зову Ти: Иисусе, в руце врагов Твоих для спасения мира Себе произвольне предавый. Иисусе, легионом Ангелов в защиту Твою явитися не попустивый. Иисусе, невернаго ученика воззрением на него и гласом алектора к покаянию обративый. Иисусе, Каиафе и Пилату, неразумне вопросившим Тя, ответа не давый. Иисусе, со Креста распеншим Тя у Отца отпущения грехов просивый. Иисусе, Матери Твоей возлюбленнаго ученика премилосердне усыновивый. Иисусе, Боже сердца моего, прииди и соедини мя с Тобою на веки. Кондак 9 «Иудо, лобзанием ли Сына Человеческаго предаеши?», - воззвал еси горце к ученику неверному, егда он прииде со спирою в вертоград Гефсиманский, ища предати Тя лобзанием. Обаче и сей преострый глагол не порази раскаянием души, во зле ожесточенней. Ведый убо непостоянство и моея воли, страшуся, да не дам Ти когда и аз, неблагодарный, лобзания Иудина: Ты Сам убо укрепи мя благодатию Твоею, да с благоразумным разбойником выну зову: Аллилуиа. Икос 9 «Отче, да вси едино будут, якоже Ты во Мне, и Аз в Тебе, да и тии в Нас едино будут, да и мир веру имет, яко Аз от Тебе изыдох», - тако возгласил еси в последней велицей молитве ко Отцу. Сему пресладкому гласу Твоему последуя и о силе молитвы Твоея дерзая, с верою возглашаю Ти: Иисусе, вся совокупляяй во едино, возсоедини всех нас неразлучне с Тобою и Отцем Твоим. Иисусе, вся примиряяй, даждь, да будем вси единомысленни в вере и любви к Тебе. Иисусе, не терпяй вражды и разделений, потреби злочестивыя ереси и расколы. Иисусе, всех любяй и милуяй, собери во едино стадо вся заблуждшия овцы. Иисусе, мир всем подаваяй, утоли зависть и пререкание между призывающими имя Твое. Иисусе, причащаяй мя Самаго Тела и Крови Твоея, да буду воистину плоть от плоти и кость от костей Твоих. Иисусе, Боже сердца моего, прииди и соедини мя с Тобою на веки. Кондак 10 На вечери в Кане Галилейстей воду в вино претворив, первое сим знамение Божественныя силы Твоея показал еси. Отходя же на Крест, яко Жених душ, последнее чудо любве верующим в Тя явил еси, претворив хлеб в Тело Твое и вино в Кровь Твою, имиже насыщаяся и аз в живот вечный, благодарне зову Ти: Аллилуиа. Икос 10 В день воскресения Твоего, двема от ученик Твоих спутешествуя во образе странника в Еммаус, поучал еси их о тайне страданий Твоих: онема же держастася очи, да Тя не познаета, аще и сердце их горя бе в них от сладости словес Твоих. Егда же, преклонився на моление их, вшел еси с ними облещи и, благословив хлеб, подал еси им - абие отверзостася има очи, да Тя познаета. Подобяся сим учеником, дерзаю и аз со смирением вознести к Тебе сицевый глас: Иисусе Долготерпеливый, не остави и мене единаго на пути жизни за скудость веры моея. Иисусе, научи мя, якоже и онех, разумети пророчествия о Тебе и тайну благодатнаго соединения с Тобою. Иисусе, согрей и воспламени, якоже онех учеников, и мое хладное сердце. Иисусе Преблагий, облязи и со мною, яко уже преклонился есть к вечеру день жизни моея. Иисусе, даждь ми познати Тя воистину в настоящем преломлении таинственнаго Хлеба и в питии от Чаши. Иисусе, сотвори, да и аз, познав силу любве Твоея, буду провозвестником оныя для братий моих. Иисусе, Боже сердца моего, прииди и соедини мя с Тобою на веки. Кондак 11 Побеждающему обещал еси дати ясти от древа животнаго, еже есть посреде рая Божия, и от манны сокровенныя. К сему вкушению на небеси да будет ми приуготовлением на земли причащение Тела и Крови Твоея, к немуже аз, недостойный, ныне приступая, зову: Аллилуиа. Икос 11 «Ядый и пияй недостойне, суд себе яст и пиет, не разсуждаяй Тела и Крови Господни», - вразумляет приступающих к причащению небошественный Павел. Темже и аз страшуся и трепещу своего недостоинства, но да не надолзе удаляяся Твоего общения, от мысленнаго волка звероуловлен буду, прихожду к Тебе со гласом таковым: Иисусе, приими мя, якоже приял еси мытаря, блудницу и разбойника. Иисусе, не возгнушайся внити под кров души моея, аще и весь пуст и пался есть. Иисусе, разверзи и моя душевныя очи, якоже разверз еси слепому от рождения. Иисусе, прорцы и мне, якоже оному разслабленному: востани и ходи. Иисусе, устави ток нечистых пожеланий души моея, якоже уставил еси токи жены кровоточивыя. Иисусе, уврачуй проказу души и совести моея. Иисусе, Боже сердца моего, прииди и соедини мя с Тобою на веки. Кондак 12 Завистию диавола, усты змия глаголавшаго, весь род человеческий вкушением от плода запрещеннаго рай погуби и смерти предадеся. Вкушением же от Пречистаго Тела и Крови Твоея вси земнороднии паки вечныя сподобляются жизни и восходят на первое достояние: врачевство бо от яда змиина и семя безсмертия есть причащение Животворящих Тайн Твоих; темже благодарне зову Ти: Аллилуиа. Икос 12 Се пред сосудом с Божественными Тайнами Твоими предстою, злых же помышлений моих не отступаю: едина всемогущая благодать Твоя ободряет и привлекает мя; темже, повергая себя в бездну милосердия Твоего, вопию: Иисусе, призываяй к покою в Тебе всех труждающихся и обремененных, приими и мене, утружденнаго суетою мира. Иисусе, пришедый призвати не праведныя, но грешныя на покаяние, разреши и мя от грехов и страстей моих. Иисусе, исцеляяй всякий недуг и всякую язву, уврачуй раны и гноение души моея. Иисусе, насыщаяй алчущия, насыти мя Телом и Кровию Твоею. Иисусе, воскрешаяй мертвыя, оживи мя, умершаго грехми. Иисусе, Победителю ада, извлеки мя из челюстей духа злобы. Иисусе, Боже сердца моего, прииди и соедини мя с Тобою на веки. Кондак 13 О Пресладкий и Всещедрый Иисусе, выну сходяй, яко манна с небесе, для питания душ и сердец наших в Таинстве Пречистаго Тела и Крови Твоея, сподоби мя неосужденно причаститися Божественных Таин Твоих, да исцелен, насыщен, освящен и обожен Тобою на веки, благодарно зову Ти: Аллилуиа. (Этот кондак читается трижды, затем икос 1 и кондак 1) Молитва Владыко Христе Боже, Иже страстьми Своими страсти моя исцеливый и язвами Своими язвы моя уврачевавый, даруй мне, много Тебе прегрешившему, слезы умиления; сраствори моему телу от обоняния Животворящаго Тела Твоего, и наслади душу мою Твоею Честною Кровию от горести, еюже мя сопротивник напои; возвыси мой ум к Тебе, долу поникший, и возведи от пропасти погибели: яко не имам покаяния, не имам умиления, не имам слезы утешительныя, возводящия чада ко своему наследию. Омрачихся умом в житейских страстех, не могу воззрети к Тебе в болезни, не могу согретися слезами, яже к Тебе любве. Но, Владыко Господи Иисусе Христе, Сокровище благих, даруй мне покаяние всецелое и сердце люботрудное во взыскание Твое, даруй мне благодать Твою и обнови во мне зраки Твоего образа. Оставих Тя, не остави мене; изыди на взыскание мое, возведи к пажити Твоей и сопричти мя овцам избраннаго Твоего стада, воспитай мя с ними от злака Божественных Твоих Таинств, молитвами Пречистыя Твоея Матере и всех святых Твоих. Аминь.

Кондак 1 Избранной в Предвечном Совете Богоотроковице Марии, послужити велию таинству Боговоплощения, сияющей девственной чистотою паче высшия небесныя чистоты, благоговейныя пения принесем Тебе, Богородице, о всерадостном от Архангела Благовещении Твоем. Ты же, яко обрадованная и радость падшим людем подати могущая, избави нас от всяких бед и греховныя печали, и возведи нас к небесней радости, да с Гавриилом вопием Тебе: Радуйся, Благодатная, Господь с Тобою. Икос 1 Архангел Гавриил предстояй Престолу Божию выну зрит неприступную Божественную Славу, егда же прииде время избавления человеков, прия повеление Господне: Буди служитель страшному чудеси и таинству сокровенному: милосердием Моим подвигся ко взысканию заблудшаго Адама, снити тщуся. Гряди убо во град Назарет, в немже отроковица Мария обитает, да прелюбезную красоту девства узриши. Гряди к сему одушевленному Божию Кивоту, ко второму Небеси на земли сущему. Иди к Сей Обители Воплощения Моего и возвести нетленное Мое от Нея пришествие. Блюди же, да не смутиши и да не устрашиши душу Девы, да в радости будет, а не в печали благовестие твое. Сего ради приступи к Ней кротко и первый глас твой радость Ей да принесет, и да возопиеши Ей сице: Радуйся, Благодатная, Еюже радость возсияет. Радуйся, Обрадованная, Еюже клятва исчезнет. Радуйся, Благословенная, Еюже вся тварь обновляется. Радуйся, Препрославленная, Еюже весь мир спасается. Радуйся, Богоизбранная Отроковице, падшаго Адама воззвание. Радуйся, Пренепорочная Лево, слез Евиных избавление. Радуйся, Благодатная, Господь с Тобою. Кондак 2 Видев Архангел Гавриил, яко Человеколюбец Господь умилосердися, гиблемый зря род человеч, удивися зело, како Бог, Егоже небеса вместити не могут, в девичестей хощет вместитися утробе, како не опалит ю огнь Божества, како Бог, на Негоже Херувими и Серафими возрети не смеют, хощет во образе раба явитися на земле, да с человеки поживет. Сему неизреченному таинству чудящеся со страхом возопи Богу: Аллилуиа. Икос 2 Разум неуразумеваемый страшнаго таинства открывая, рече Владыка Ангелов ко Архистратигу: что смущаешися, Гаврииле, о новости вещи? Аще не опали огнь купину в пустыне горевшую и не сгоравшую, не опалит всячески утробу Девичу Огнь Божества Моего, но паче оросит ю и освятит благодать Моя. Идеже бо хощет Бог, побеждаются естества уставы. Гавриил же, сия слышав, радости исполнися Божественныя, и отыде в Назарет, исполняя повеление Господне, помышляюще в себе, како внидет к Отроковице и како возвестит Ей таинство чудесное, во еже не смутити Ея девический помысл, и рече к себе: возвещу убо Ей первее радость, и целуя воспою глас таковый: Радуйся, Радосте всему миру, Тебе бо Единой подобает радоватися. Радуйся, Сладосте Ангелов, от Тебе Единей благоволи Господь воплотитися. Радуйся, Неувядаемый Цвете чистоты, Ты бо небесное благоухание всему миру явила еси. Радуйся, белоснежный крине девства, Ты бо райское девство на земли насадила еси. Радуйся, Сокровище паче всего дражайшее, Твоея бо доброты возжела Царь Небесный. Радуйся, Утро всему миру светлейшее, Твоим бо светом разгонится мрак греховный. Радуйся, Благодатная, Господь с Тобою. Кондак 3 Силою Божественною укрепляемый слете с небесных высот великий Архангел и в Назарет град прииде, и обрете Святую Деву во внутреннем чертоге Своем не о житейских пекущуюся, но в молитве и чтении кпижнем Пребывающую. Та бо разгнув книгу Исаии пророка, читаше словеса его: “Се Дева во чреве приимет и родит Сына и нарекут имя Ему Еммануил”. И распаляшеся серафимскою любовию не точию к Имущему скоро приити Христу, но и к Девице оной, Яже имать родити Того, и размышляше коль неизреченно есть таинство сие и коль велико есть достоинство Девицы Тоя, и моляшеся, о еже увидети Ю, и аще возможио, последнейшею Ей быти рабынею Тоя, да с радостию воспоем Богу: Аллилуиа. Икос 3 Имуще страх велий и благоговение к Богоотроковице, Юже Бог избра быти Владычицею неба и земли, великий Архангел приближися ко внутренним дверем чертога Тоя, и се абие внезапу предста Преблагословенней с кротостию великою, предста Пренепорочней небесный Вестник, да радость всему миру благовестит, предста безплотный Чистой Деве, да безчестие женское в честь преложит, и между Создателем и созданием уневещение да сотворит, и светлым гласом абие глагола Неискусобрачней: Радуйся, Благодатная, ликуй ныне и веселися, яко Господь с Тобою. Радуйся, Благословенная, слыши ныне и приклони ухо Твое, яко возжела Царь доброты Твоея. Радуйся, Обрадованная, яко благословенна Ты в женах. Радуйся, Препрославленная, яко велия слава Твоя на небесах. Радуйся, Богоизбранная Отроковице, яко спасется Тобою от прелести весь род человеческий. Радуйся, преизящная Девице, яко возвеселится о Тебе весь превысочайший собор Ангельский. Радуйся, Благодатная, Господь с Тобою. Кондак 4 Бурю внутрь имущи помышлений сумнительных, смятеся Пресвятая Дева, таковое небесное благовестие услышавше, помысливше же в себе, каково будет целование сие, рече ко Архангелу: Ева, праматерь Моя, приемши разум змиин, лишися пищи Божественныя и изгнана бысть из рая, темже и Аз боюся целования страннаго твоего, стыдящеся поползновения. Сего ради отступи от дверей Моих, и не вещай глаголов, их же сбытия никакоже можеши показати, да не обольщена буду, что ум мой и душу смущаеши... Аз же в тишине духа Моего воспевати буду: Аллилуиа. Икос 4 Слыша Архангел смиренных глагол Пресвятыя Девы высоту, рече к Ней: Что мене боишися, Всенепорочная, паче Тебе боящагося? Что мене благоговееши, Владычице, Тебе честно благоговеющему? Не удивляйся странному моему зраку, не ужасайся, Архангел бо есмь. Змий прельсти Еву иногда, аз же Божий предстатель послан есмь Божественный Совет Предвечный поведати Тебе. Не бойся, Мириам, обрела бо еси благодать у Бога безмерный ради девственныя чистоты Твоея. Сего ради зачнеши во чреве и родиши Сына и наречеши Имя Ему Иисус. Сей будет Велий и Сын Вышняго наречется. И даст Ему Господь Бог престол Давида отца Его и воцарится в дому Иаковли во веки и Царствию Его не будет конца. Благовествующе же сие велие благочестия таинство, со страхом вопию Тебе сицевая: Радуйся, звездо незаходимая, вводящая в мир Великое Солнце Христа. Радуйся, заре присносияющая, являющая человеком всего мира Творца. Радуйся, паче утра светлейшая, всем во тьме греха сидящим свет благодати облистающая. Радуйся, паче злата дражайшая, всем неведущим Бога сокровище веры показующая. Радуйся, Лествице Небесная, Еюже Бог нисходит с небес. Радуйся, мосте к небесем приводяй, Имже мир исполняется чудес. Радуйся, Благодатная, Господь с Тобою. Кондак 5 Богодухновенныя глаголы Архангеловы слышавше, Пресвятая Дева смутися паче бывшаго, зане тии Рождество Ей возвещаху. Сего ради рече ко Архистатигу: Глаголи Мне явственнейше, како зачну, Дева сущи отроковица браку Непричастная. Како будет сие, идеже мужа не знаю? Како убо глаголеши, яко рожду, боюся еда лесть глаголеши? Сия рече не неверия ради, но яко не веде, како может родити, естества законы превосшедши. Сего ради рече ко Ангелу: скажи Ми образ рождения, во еже не повредитися девству Моему, и тогда обрящеши сердце Мое к Божию изволению готовое, да с радостию воспою Богу: Аллилуиа. Икос 5 Видев Архангел величие веры Пречистыя, рече к Ней: Глаголы, яже мне вещаеши, обычая есть рождества человеков смертных, законам же естества не работает Иисус, Содетель естества, Отроковице. Ты ищеши увидети от мене образ зачатия Твоего, но той несказанен есть: Дух Святый найдет на Тя и Сила Вышняго осенит Тя, темже и Рождаемое Свято наречется Сын Божий. От Того во чреве приимеши и Той совершит в Тебе недоведомое зачатие, о Пресвятая Дево. Сего ради прославляю Тя сице: Радуйся, Духа Пресвятаго Невесто Богоизбранная и преднареченная. Радуйся, Бога Отца Дщерь прелюбимая и превожделенная. Радуйся, свитче Божественный, в немже перстом Отчим написуется в Тебе Божие Слово. Радуйся, златый светильниче, Имже Огнь Божества возсияет всему миру. Радуйся, глубино неисчерпаемая, неудобозримая и Ангельскима очима. Радуйся, высото неизглаголанная, неудобовосходимая человеческими помыслы. Радуйся, Благодатная, Господь с Тобою. Кондак 6 Проповедника Божественнаго и Вестника небесного тя верую быти, рече Пресвятая Дева ко Ангелу: вижду бо тя ангельскою облистаема светлостию, обаче стыждуся скоро веровати словесем Твоим, не уведевше первее со всякою известностью. Слышах бо Священную некую Деву Еммануила рождающую, пророком древле предреченную. Сего ради хощу разумети, како естество человеческое претерпит Божества растворение, да познаю таинства силу и с верою воспою Богу: Аллилуиа. Икос 6 Возсиявает ныне, Пречистая, Тобою всему миру велие Таинство воплощения Божия, — рече Архангел к Богородице, — Ты бо еси Оная Святая Дева, о Нейже предрече Исайя. Ты еси Дверь Божества, чистотою запечатленная и девством хранимая, Юже Иезекииль предвиде. Господь пройдет Тобою, якоже солнечная луча стекло или кристал проходит, просвещающи и освящающи Тя Божественною Славою, во еже быти Тебе истинною Материю Божией, рождающей Совершеннаго Бога и Совершеннаго человека, и Девою Нетленною, якоже прежде Рождества, такожде в Рождестве и по Рождестве Твоем, родиши бо Сына, Соблюдающа Твое девство неврежденно. Сего ради, прославляюще величие тайны Твоея, вопию Тебе сице: Радуйся, Купино Неопалимая, Юже не опалит огнь Божества, Моисеем Предзримая. Радуйся, двере затворенная, Еюже пройдет Бог, Иезекиилем предреченная. Радуйся, Скиние предивная, Яже Невместимаго Бога не тесно вместит, Авраамом прообразованная. Радуйся, руно орошенное, на Негоже Владыка яко капля дождевная тихо снидет, Гедеоном предвещанное. Радуйся, земле ненасеянная, Слово Небесное, яко пшеницу плодоносную, чисто прозябающая. Радуйся, ниво неоранная, Сына Божия, яко клас Божественный, яве произрастающая. Радуйся, Благодатная, Господь с Тобою. Кондак 7 Хотящи веровати страшней тайне Архангелом возвещенной, Пресвятая Дева обаче смутися промышляющи высоты сия величество, и вся стыдящися, глаголаше: Рцы Ми, Гаврииле, истиннейшая, како нетленней бывши чистоте Моей, рожду с плотию Безплотнаго? чудеса всегда быша множицею Божественною силою чудодействуема, дева же неискусомужне никогдаже роди. Сего ради како может всеми невместимый и всеми невидимый во чрево девичие вселитися, еже Сам созда? Рцы Ми сия, да с верою воспою Богу: Аллилуиа. Икос 7 Нова и страшна и чудна Твоя таинства, рече Ангел Богородице, и новую тварь показа Тобою всех Творец Господь, Ты бо Едина Царя Воплощаема приимеши во утробе, да Ты Едина Мати Сына Божия пронаречешися, Чистая. Сего ради не дивися чудеси и да не сумнишися: “Бог, идеже хощет, побеждается естества чин”, вся бо возможна суть Всемогущему. И якоже от ребр Адамовых создана бысть Ева без матери древним Богозданием, тако и ныне от Твоего девства воплощается без отца всех Господь. И да уверит Тя жезл Ааронов невлажно прозябший и руно Гедеоново, зане, яко росу, зачатие приимеши, Нетленная Дева сущи. Такожде и купина во огне неопально пребывшая да возвестит Ти, яко приимеши огнь, Божества, Приснодева, и по Рождестве пребудеши Чистая. Сего ради приими целование мое, да вси племена земная с радостию воспоют Тебе: Радуйся, жезле Ааронов, нетление всему миру прозябший. Радуйся, финикс Давидов, безсмертие падшим людем процветший. Радуйся, Скиние Небесная, от Херувимов осеняемая и ублажаемая. Радуйся, Святая Святых Большая, от Серафимов почитаемая и приснославимая. Радуйся, Чаше Безсмертнаго Царя, в Нейже растворяется от Святаго Духа всемирная радость. Радуйся, Стамно Божественныя манны, от Неяже верным уготовляется неизреченная сладость. Радуйся, Благодатная, Господь с Тобою. Кондак 8 Страннаго Рождества сего величество смущает Мя, — рече Пресвятая Дева ко Ангелу, — понеже Всеблагой благоволи паче ума вселитися в Мя, да храм чист душею и плотию соблюден буду Ему, глас радования глагол твоих приемши, веселия Божественнаго исполняются, да упразднится ныне Мною древнее Евино осуждение и да воздается Мною днесь долг человеков, да вси Светлому Благовещению сему радующеся, благодарственно воспоют Богу: Аллилуиа. Икос 8 Вся тварь ныне о Тебе радуется, Благодатная, Ангельский Собор и человеческий род, — рече Архангел, — яко дадеся Тебе радость Божественная и яко всякое обетование Божие Тобою ныне приемлет конец: Тобою днесь благословися Авраам о семени своем. Тобою ныне свободися Ева от древния печали. Тобою ликует Адам, яко днесь исполняется первое благовестие падшим людем: семя Жены сотрет главу змия. Тобою вся тварь ныне начинает свобождатися от рабства тлению в свободу славы чад Божиих. Тобою ныне подадеся всему роду человеческому всякая радость и веселие вечное, да вси во веки восхвалят Тя сице: Радуйся, Обрадованная Дево, от древних патриархов прообразованная. Радуйся, Святая Богоневесто, всеми пророки древле предвозвещенная. Радуйся, Вертограде заключенный, в Негоже Царь Небесный возжела внити. Радуйся, Кладезю запечатленный, от Негоже никтоже возможет испити. Радуйся, Саде Божественный, в Немже от всех цветов Святаго Духа райское благоухание во весь мир изнесеся. Радуйся, Раю новонасажденный, в Немже Божественное древо жизни посреде Тебе к прозябению уготовися. Радуйся, Благодатная, Господь с Тобою. Кондак 9 Всякое естество Ангельское удивися ныне о Тебе, Пречистая, слышаще дивное Твое со Архангелом Гавриилом собеседование и наипаче моление Твое сие: “Душу очисти, Тело освяти, Церковь сотвори Мя вместительну Божию и Скинию Богоукрашенну, да наитием Пресвятаго Духа сотворюся храм одушевлен и Матерь Чистая Жизни”. Егда же по молитве сей изрекла еси из смиреннаго сердца Твоего: “Се Раба Господня, буди Ми по глаголу твоему, да вселится Бог в Мя”, вся Небесныя Силы прославиша Бога, видяще, яко готово сердце Твое к приятию Божественному, и со страхом и с радостию воспеша Ему: Аллилуиа. Икос 9 Вития Божественный Святый Архангел Гавриил бысть в страсе и в молчании глубоцем и прекрати глаголы своя, егда, Пресвятая Дево, Ты изрекла еси смиренное слово Свое: “Се раба Господня, буди Ми по глаголу твоему”. В начале мирскаго бытия творческим словом сим: “да будет”, Творцем изреченным, создана быша всяческая видимая и невидимая. Ныне же слово сие, Девою изреченное, низведе Творца твари в мир сей и тако открывается днесь еже от века таинство великое: Сын Божий Сын Девы бывает, да бога Адама соделает. Соприсносущное Слово Отчее, не разлучився от горних, сниде на землю и бысть Плоть и вселися в ны, неизреченно истощается и во Утробу Девичу вселяется. Да радуется убо небо и земля и со Архангелом да поет Пречистей Деве сице: Радуйся, Небо земное, до горних высот смиренным духом возшедшее. Радуйся, Селение Небесное, Слово Божие неизреченно вместившее. Радуйся, Благословенная, зачатие Превечнаго Бога нетленно приемшая. Радуйся, Благодатная, Чертог Девства Твоего в зачатии Едина сохраньшая. Радуйся, Чистая Дево, естества уставы в Боговоплощении преславно победившая. Радуйся, Богоневесто, естество Ангельское в Благовещении Твоем предивно возвеселившая. Радуйся, Благодатная, Господь с Тобою. Кондак 10 Спасти хотяй мир, Человеколюбец Господь сниде, яко дождь на руно в Пречистую утробу Твою, о Богомати, и абие неизреченным наитием Святаго Духа содеяся недоведомое зачатие и Превечное Слово Божие Плоть бысть и вселися в Тя, восприяв Ю от Пречистых кровей Твоих без услаждения плотскаго, но не без услаждения духовнаго: тогда бо Девическое сердце Твое божественным исполнися желанием и дух Твой горяще пламенем Серафимския любви, ум же весь, аки вне Себе быв, в Бозе углубляшеся. И тако услаждаяся неизреченнаго Боголюбия сего и умнаго Боговидения, Ты поклонилася еси Воплощаемому от Тебе Господу Твоему и радостно воспела еси Ему: Аллилуиа. Икос 10 Стена еси девам, Богородице Дево, ибо девственно от Духа Свята зачала еси Предвечнаго Бога и Дева пребыла еси и тако Еву от древния печали свободила еси. Днесь — радость Благовещения, девственное торжество и таинство велико, начало нашего спасения. Днесь веселится небо и радуется земля. Сего ради великий Гавриил первый от всея твари, разумев духом великое Боговоплощения таинство, поклонися со страхом велиим воплощьшемуся в Девичей утробе Спасу мира и воплощшую Пречистую Деву почти подобающим поклонением, яко Царицу неба и земли, и с благовением велиим воспе Ей таковая: Радуйся, Высокого таинства Воплощения Божия пречудное совершение. Радуйся, неизреченнаго составления Плоти Христовой преславное явление. Радуйся, Чертеже безсеменнаго уневещения, в Немже Творец всего мира днесь вместися. Радуйся, Ковчеже Божественнаго Воплощения, Имже радость велия всей вселенней ныне даровася. Радуйся, Девице, Боготканную порфиру от Пречистыя Плоти Твоея Слову Божию исткавшая. Радуйся, Отроковице, нетленную багряницу от девственных кровей Твоих Агнцу Божию взаимодавшая. Радуйся, Благодатная, Господь с Тобою. Кондак 11 Пение всеумиленное принесла еси, Пречистая, егда по отшествии Архангелове посетила еси праведную Елисавету южику Твою и возвестила ей радость Благовещения, в веселии духа, глаголюще: “Величит душа Моя Господа и возрадовася дух Мой о Бозе Спасе Моем. Яко призре на смирение Рабы Своея, се бо отныне ублажат Мя вси роди”. Сие посещение Твое возвесели праведную Елисавету и взыграся от радости младенец Иоанн во чреве ея, и исполнися Духа Свята Елисавет, и рече: “Откуду мне сие, да прииде Мати Господа Моего ко мне”. Да взыграется ныне и наш дух, ощущающи в день Благовещения Твоего радость посещения Твоего. Сего ради с Елисаветою возопием Тебе: “Благословена Ты в женах и Благословен Плод чрева Твоего”, Ему же выну да поем вси: Аллилуиа. Икос 11 Свет велий и Божественный возсия в души Твоей, Пречистая, егда по гласу Архангела Дух Святый сниде на Тя и Сила Вышняго осени Тя и егда абие зачала еси в Богоблагодатней девственней утробе Своей Творца светов, Егоже свет во тьме светит и тьма его не объят. Той просвети Тя, яко солнце, светом Божества Своего, Всю прослави и обожи, сего ради “сияет доброта Твоя, блистает чистоты Твоея светлость, якоже предрече о Тебе в Песнех Дух Святый: “Вся добра еси, ближняя Моя, и порока несть в Тебе”. Вся Избранна, Вся Преукрашенна явилася еси, Юже Бог возлюби, Вся Чистая и Божественный Славы исполненна. Сим Божественным Твоим Светом просвещаемии, да воспоим Тя и мы в песнех, яко Матерь Света сице: Радуйся, Свеще Божественнаго Света, Свет Невечерний в утробе Твоей понесшая. Радуйся, Луче Умнаго Солнца, весь мир светом Лица Божия просветившая. Радуйся, Небесный Светильниче, на свещнице земном всей вселенной возженный. Радуйся, Живоносный Источниче, благодатию Духа Святаго преизобильно орошенный. Радуйся, Светоносная Дево, Еяже ради свет Боговедения днесь нам всем возсия. Радуйся, Избранная Богоневесто, Еюже ныне радость неизреченная весь мир облиста. Радуйся, Благодатная, Господь с Тобою. Кондак 12 Благодать Божественная и радость велия процвете днесь всему миру, Пречистая, в светоносный день Благовещения Твоего, яко Тебе ради в день он древняя печаль преста и начало спасения человеков положися: Сын Божий, Сын Девы явися и земля Евы ради проклята бывшая, Тобою, Дево, днесь паки благословися. Херувим от древа жизни отступает и врата райския верным днесь паки отверзаются, мир же весь исполнися радости, отнележе великий Гавриил еже радуйся Тебе, Дево, свыше возгласи. Сего ради небеса убо достойно днесь да веселятся, земля же да радуется, всякое же дыхание и тварь да поют о Тебе Богу: Аллилуиа. Икос 12 Поюще всерадостное от Архангела Благовещение Твое, Богородице, восхваляем вси страшное, преславное и велие таинство чистаго и девственнаго от Духа Святаго зачатия Твоего, поклоняемся нетленно зачатому от Тебе Сыну Твоему Христу Богу нашему и от всего сердца веруем и исповедуем, яко и в Божественном зачатии и по Рождестве Твоем Ты пребыла еси Приснодева. Сего ради с Гавриилом принесем Тебе сицевый Архангельский глас: Радуйся, Благодатная, облеченная в Солнце, сияющая благодатию и славою всей вселенней. Радуйся, Благословенная, от восток солнца до запад препетая и превозносимая по всей поднебесней. Радуйся, Ангельское великое удивление, Гавриила красотою девства Своего удивившая. Радуйся, всему миру благое веселие, падшия люди радостию Благовещения Твоего возвеселившая. Радуйся, смиренная Раба Господня, высотою смирения Своего Бога на землю низведшая. Радуйся, Милосердная Мати Бога Вышняго, Матерним заступлением Своим многие грешники ко Христу приведшая. Радуйся, Благодатная, Господь с Тобою. Кондак 13 О, Всепетая Параклита Невесто, Чистая брака не познавшая Дево! Архангела красотою Девства удивившая и Богу Слову Плоть нетленно днесь взаимодавшая, нынешняя наша приемши приношения о всерадостном от Гавриила Благовещении Твоем, Христу Богу обрученныя в девстве сохрани, всех же в чистоте укрепи и от бед избави, да свободшеся Тобою от вечных мук. Тобою рай да обрящем, идеже вси да воспоем о Тебе Богу: Аллилуиа. (Этот кондак читается трижды, затем икос 1 и кондак 1) Молитвы Пресвятой Богородице в праздник Благовещения Пресвятой Богородицы Молитва первая Приими, Всеблагомощная, Пречистая Госпоже Владычице Богородительнице, сия честныя дары, Тебе единой прикладныя от нас, недостойных рабов Твоих, от всех родов избранная, всех тварей небесных и земных вышшая явльшаяся. Понеже бо Тебе ради бысть Господь сил с нами, и Тобою Сына Божия познахом, и сподобихомся Святаго Тела Его и Пречистыя Крове Его. Темже блаженна еси в родех родов, Богоблаженная, Херувимов светлейши и Серафимов честнейши сущая. И ныне, Всепетая Пресвятая Богородице, не престай молящися о нас, недостойных рабех Твоих, еже избавитися нам от всякаго совета лукаваго и от всякаго обстояния: и сохранитися нам неврежденным от всякаго ядовитаго прилога диавольскаго. Но даже до конца молитвами Твоими неосужденных нас соблюди: яко да Твоим заступлением и помощию спасаеми, славу, хвалу, благодарение и поклонение за вся в Троице Единому Богу и всех Создателю возсылаем, ныне и присно и во веки веков. Аминь. Молитва вторая К Тебе, Пречистей Божией Матери, аз окаянный, припадая, молюся: виждь, Царице, яко безпрестанно согрешаю и прогневляю Сына Твоего и Бога моего. И многажды аще каюся, ложь пред Богом обретаюся, и каюся трепеща, да не како поразит мя Господь, и по часе мале паки таяжде творю. Сия ведущи, Владычице моя, Пресвятая Богородице, почто не помилуеши, почто не укрепиши мя, и чесо ради не подаси ми всегда благая творити? Веси убо, о Владычице, яко отнюдь имам в ненависти злая моя дела и всею мыслию люблю закон Бога моего. Но не вем, Госпоже Пречистая, откуду яже ненавижду, тая творю, и сей преступаю. Но не попущай, Пресвятая, воли моей совершатися, неподобна бо есть, но да будет во мне воля Сына Твоего и Бога моего, да мя спасет, и вразумит, и подаст ми благодать Святаго Духа, дабы аз отныне престал сквернодействовати, и прочее бых пожил в повелениих Сына Твоего, Господа нашего Иисуса Христа, Емуже подобает всякая слава, честь, поклонение и велелепие со Безначальным Его Отцем и с Пресвятым и Благим и Животворящим Его Духом, ныне и присно и во веки веков. Аминь. Молитва третья О, Пресвятая, Богоизбранная Дево, Святаго Утешителя Духа Всенепорочная Невесто, Пребожественнаго же Отца Небеснаго Дщерь Превожделенная, посреде терния мира сего Тем обретенная, яко крин пресветлый добротою девства блистающийся, да Сыну Божию Чистая Матерь Неискусобрачная будеши! Что убо воздадим Тебе в пресветлый день сей Благовещения, воньже Архангела Гавриила красотою безмернаго девства Своего удивила еси и от того неизреченное обрадование восприяла еси? Что принесем Тебе за вся утешения Твоя, имиже возвеселила еси в день сей весь мир видимый и невидимый, наипаче же падший древле род человечь? Днесь спасения нашего начало и еже от века таинства явление: ныне убо Слово Божие тихо сниде с небес, яко капля каплющая на землю, и вселися в Твою Богоблагодатную Девственную утробу и бысть Плоть спасения нашего ради. Сего ради днесь Ангели ликуют на небесех и вся тварь веселится и радуется, празднующе начало свобождения своего от работы истления в свободу славы чад божиих. Ныне радуется женское естество, Евы ради падшее, та бо повинувшися змию печаль роди женам и неудержанно введе смерть. Ты же, Дево, разрешила еси от горькия работы весь род человечь и свободою Христовою естество женское почтила еси, зане девством чистым паки истинную жизнь ввела еси, и сего ради жены, девство держаще, врага яве побеждати начинают. Ныне Адам ликует, видев, яко в пресветлый день сей исполнися на Тебе первое райское благовестие, яко семя Жены сотрет главу змия. С нимже ликовствует ныне весь род человечь, понеже Тобою, Пречистая, упразднися днесь древнее отвращение Божие к человеком, Бога бо паки привела еси к нам. Сего ради зрим Тя ныне, якоже древле Иаков, яко Лествицу Высокую, Еюже сниде Бог на землю и яко Мост Пречуден, имже сущих от земли паки возводиши на небо. Что воздадим Тебе, Царице неба и земли, за вся сия, имиже радость несказанную подала еси падшим и заблуждшим людем Твоим? Вся наши жертвы и приношения ничтоже суть пред величеством благодеяний Твоих. Единое точию угодно Тебе: “сердце сокрушенно и смиренно”, егоже и Сын Твой и Господь наш “не уничижит”. Сего ради молим Тя: исполни нас от превосходящия высоты смирения Своего елика вместити возможем, да принесем Ти во всесвятый день Благовещения Твоего Твоя от Твоих, во еже во всяцем деле блазе не мыслити высокая, но выну в смирении духа пребывати. Сею первейшею добродетелию украшени, в пресветлый день сего праздника Твоего в кротости и чистоте сердца со Архангелом Гавриилом возопием тебе: Радуйся, Благодатная, Радуйся, Обрадованная, Радуйся, Преблагословенная, Господь с Тобою и Тобою с нами во веки веков. Аминь. Тропарь Благовещению Пресвятой Богородицы Тропарь, глас 4 Днесь спасения нашего главизна и еже от века таинства явление: Сын Божий Сын Девы бывает, и Гавриил благодать благовествует. Тем же и мы с ним Богородице возопим: радуйся, Благодатная, Господь с тобою. Кондак, глас 8 Взбранной воеводе победительная, яко избавльшеся от злых, благодарственная восписуем Ти, раби Твои, Богородице; но яко имущая державу непобедимую, от всяких нас бед свободи, да зовем Ти: радуйся, Невеста Неневестная. Величание Архангельский глас вопием Ти, Чистая: Радуйся, Благодатная, Господь с Тобою. Задостойник, глас 4 Благовествуй, земле, радость велию, хвалите, Небеса, Божию славу. Яко одушевленному Божию Кивоту, да никакоже коснется рука скверных. Устне же верных Богородице немолчно, глас Ангела воспевающее, с радостию да вопиют: радуйся, Благодатная, Господь с Тобою.

Предлагаю простой рецепт, который поможет нормализовать работу желудка и избавит людей, особенно старшего возраста, от неприятного заболевания - запора.

Лекарство можно приготовить самостоятельно, в домашних условиях. Для этого необходимо приобрести в аптеке пачку коры крушины и Холосас есть в аптеах (250 гр-300 гр.) Кору крушины необходимо купить именно в аптеке, а не собрать самостоятельно, так как перед употреблением она должна быть выдержана не менее года, при этом условии активно проявляются ее лечебные свойства.
Лекарство из коры крушины
Кору крушины (одну пачку) залить 1 литром воды и варить 20 мин на слабом огне. Потом настоять два часа. Процедить. Одновременно перемолоть на мясорубке два стакана изюма, желательно белого, залить двумя литрами воды и также проварить на слабом огне 20 мин. Настоять два часа. Оба отвара соединить и добавить 250 гр Холосаса. Лекарство готово.

Употреблять рекомендуется по две-четыре ложки ежедневно. Можно утром и вечером, некоторым будет достаточно один раз в день. Со временем организм сам определит необходимую дозу - желудок заработает, нормализуется пищеварение, и, как следствие, исчезнет беспокоящая проблема.

Источник: http://recipeshealth.ru/publ/prostye_recepty/lekar...zaporov/8-1-0-39#ixzz3OUIcvek7

Самоисполняющаяся сказка (о том, как загадывать себе мужчину, и для тех, кто ещё не встретил своего суженого)

- Пора мне, — сказал Иванушка, затягивая дорожную котомку.
- Ну, пора так пора, — скучным голосом согласилась Баба Яга. - Погостил, подкормился, уму-разуму научился…
- Угу. - Спасибо душевное за хлеб-за соль, за перину мягкую, за баньку жаркую… Ммммм, эта банька!!! Да, дров я там три поленницы впрок наколол, ежели что… надолго теперь хватит…
- Ты не тяни кота за хвост, давай уже, — сурово приказала Яга. - Вон, пирогов возьми в дорогу.
- Стало быть, спасибо за все, и будьте здоровы. Пойду я.
- Да иди ты! – радушно напутствовала Яга. – Овощ тебе в помощь!
- В смысле?
- В смысле хрен с тобою!
- Хрен всегда со мною… — рассеянно пробормотал Иван. – Ну, все. Обниматься будем?
- Еще чего! – сурово нахмурилась Яга. – Долгие проводы – лишние слезы. Давай-давай, двигай, богатырь…
Иван вскинул котомку на плечо, отвесил земной поклон и бодро двинулся по направлению к чаще. Яга стояла на крылечке, смотрела вслед из-под руки. Здоровенный черный котяра вышел из избушки, сел у порога и презрительно фыркнул.
- Ну и что ты тут расселся? – неприязненно спросила Баба Яга, покосившись на животное. – Опять, небось, жизни учить будешь?
- Мммммнннняяяя… а смысл? – иронически прищурился кот. – Ученых учить – только портить…
- Вот-вот… и нечего тут ухмыляться.
- Кто ухмыляется? – притворно удивился кот. – Я, напротив, скорблю и выражаю соболезнования… в связи, значит, с безвременным исходом очередного подопечного…
- А веником? – нахмурилась Яга.
- Ученого кота-то? Я вас умоляю! Я ужасно расстроюсь и не смогу ни по цепи ходить, ни сказки сказывать. Так что себе дороже выйдет.
- Сказки он сказывать не сможет… Велика потеря… Ты бы, черт мохнатый, хоть раз для меня сказку сложил, для хозяйки своей… А то кормлю-пою тебя, а ты только сторонних клиентов обслуживаешь…
- Сказку? Для тебя? Это, например, на какую же тему?
- На какую, на какую… Сам, небось знаешь!
- Не-а, не знаю, — зевнул кот и стал вдумчиво умываться, вылизывать свою белую манишку. «Опрятный, зараза», — машинально подумала Яга.
- Чегой-то? Неуж сызнова гостей намываешь? Нееее, ты кончай это дело, мне отдых требуется и восстановление душевного равновесия. А то я с этим Иваном-болваном вся утомилась. Ну ладно, ладно, не болваном – дураком… Вот скажи на милость, почему он такой популярный персонаж, этот Иван-дурак? А главное, почему все эти дурачки сюда, к избушке моей, нескончаемой чередой тянутся? Нет, ну это я зря спрашиваю, сама ответ знаю. Бабу Ягу все знают, если мудрости-силенок-волшебства понабраться надо, куда ж еще? К Яге! А опосля он уже вовсе и не дурак, а если и дурак, так удачливый. Ясное дело, дальше ему сказочными дорогами, да на подвиги. Так что дело обыденное: помогла – и до свиданьица, скатертью дорога!
Кот прекратил гигиенические процедуры и уставился на Ягу – весь такой внимательный, понимающий.
- Мннняяяя…. Ну-ну, продолжай, интересная сказка получается…
- А чего продолжать-то? ПЕРСОНАЖ я, значицца, ПОПУЛЯРНЫЙ, УВАЖАЕМЫЙ… Живу в достатке, а если чего и нет – мигом наколдую, я ж волшебница знатная, для меня ничего невозможного нет! А что на отшибе, в глухомани – так это мне как раз по нраву, утомляюсь я среди суеты людской, я природу люблю и тишину…
- Ну и про что тебе сказку сказывать, ежели ты и так всем довольна?
- Всем, да не всем… Вот если честно, завидки меня берут: с чего это так устроено, что все Елены Прекрасные, Василисы Премудрые, Марьи-Искусницы и прочие Крошечки-Хаврошечки в конце концов замуж выходят, счастье свое обретают, за мужем живут, как за каменной стеной, а я должна и сама выживать, и еще добрых молодцев морально и материально поддерживать?
Кот презрительно фыркнул. - Ну да! Накорми их, напои, в баньке попарь, советы добрые им дай, самооценку подними, где они по жизни напортачили, растолкуй, а еще и подарки: кто рушничок с оберегом с собой уносит, кто гребень волшебный, а кто и меч-кладенец волочет. Пользуются моей добротой, а я отказать никому не могу.
Кот зажмурился и покачал головой, словно тоже ужаснулся: ох, пользуются, вон сколько добра перетаскали!
- Оно конечно, по сюжетной линии мне от энтого дела никак не отвертеться, им другие дела сказкой определены, но вот как бы хорошо было, если бы в избушке меня кто-то ждал… Работа работой, а для души тоже кто-то быть должен. Или я не женщина?
- Ну так наколдовала бы себе спутника жизни, за чем же дело стало? – удивился кот.
- Дык это… сама не знаю, какого мушшыну мне надо, — призналась Баба Яга. – За жизнь мою сказочную, многотрудную, кого только у меня не было… да что я рассказываю, ты ж и сам все с печи наблюдал. Только вот со временем на шею они мне садятся… а мне это очень огорчительно! Потому как я на себе и без того все волшебство мира тащу, а тут еще и они на закорки мостятся…
- А это потому что ты привыкла помогать да направлять, советы мудрые давать да штучки волшебные… Тебе разве такой мужчина нужен, который все еще свой путь ищет да подвигов жаждет? Ну уж нет, это не спутники, это – гости! Тебе мужчина нужен тебе под стать, состоятельный и обстоятельный, у какого не косая сажень в плечах, а голова на плечах да опыт за плечами.
- Ох, Котофеич, верно ты про плечи-то глаголешь! – удивленно покачала головой Баба Яга.– А я все думаю, что это мне со всеми этими богатырями-царевичами через короткое время скучно становится, аж до оскомины?
- А потому и скучно, что все ты им уже дала, всему научила, значит, отношения исчерпаны, — заметил кот. – Ты же баба мудрая, бывалая, разные виды видавшая, вполне героическая, да еще и волшебная на всю голову – на фига тебе царевичи да герои? Тебе друг и соратник нужен!
- Да-да-да! – горячо закивала Яга. – Правда твоя, Котофеич, очень мне друга и соратника не хватает!!!
- А какой он должен быть, этот твой друг и соратник?
- Ну, я не знаю, — задумалась Яга. – Как вот так сразу-то определить?
- А ты подумай, что тебе больше мурчит, — промурлыкал кот. – Я вот, например, всегда так делаю. Мурчит – стало быть, нравится. Не мурчит – значит, даром мне этого не нать.
- А как оно узнать, мурчит или не мурчит? – озадачилась Баба Яга. – Я ж не кошка все-таки…
- Ты-то не кошка? – насмешливо уставился на нее котяра. – Да ты, можно сказать, всем кошкам предок и родоначальница! Ты вспомни: когда в животе тепло да приятно становится, как после сметанки, это и есть «мурчит». Ну же, давай!
- Ну, что же мне мурчит-то? Значит, должен он быть не шибко молодой, жизнь знающий и опыт имеющий.
- Умгумммм… — довольно проурчал кот.
- Телосложения среднего – не толстый, не костлявый, а так, аппетитный…
- Смотри не съешь его под запарку-то, — съязвил кот. – А то прецеденты-то были!
- А чтоб не съела я его, должен он быть с понятием и мне не надоедать, — решила Яга. – Значит, у него должно быть свое занятие. Например, я зелья варю, а он сидит в уголке, в поле зрения, пишет, например, чего-нибудь… или считает…
- Значит, образованный должен быть, — кот подсказал.
- Ну да. Ученый.
- А в антимном плане как?
- Способный, но обучаемый. Азартный, но в меру. Искусный, но без глупостей. Ласковый, но ненавязчивый. Это вот мне очень мурчит!
- И такое возможно, — согласился кот. – Есть такие мужчины на свете, даже и немало. А по хозяйству как?
- Чтобы руки у него были нужным концом приставлены и как положено росли. Чтобы и избушку поправить мог, и табурет сколотить, да и поесть приготовить, если что.
- Это правильно. А то ты вечно улетишь куда-нибудь в ступе, а я тут голодный сижу или на птичек охочусь, как будто и не волшебный кот, а какой-нибудь дикий, камышовый… Так что да, кулинарные навыки одобряемммссс…
- Еще хочу, чтобы был он мягкий и пушистый, без излишней агрессии, — вспомнила Яга. – У меня агрессии на двоих хватит, так что пущай гасит, в случае чего.
- Хорошо, что вспомнила, — заметил кот. – Тебе под горячую руку лучше не попадаться, в жабу превратишь – не заметишь.
- Ага, ага, временами лютую я, это верно… Но если ко мне с понятием, может, и обойдется. Ты вот полезешь, об ноги потрешься, помурлычешь – я и оттаиваю… И он чтоб также!
- Значит, должен твой друг и соратник быть с понятием и ласковый, — уточнил кот.
– Ну, дальше думай.
- Ухаживал чтоб за мной, — подумав, сказала Яга. – Холил, любил и лелеял. Уж очень мне мурчит, когда меня по заслугам балуют.
- Заслужила, имеешь право, — мурлыкнул кот.
- И чтоб я за ним как за каменной стеной! Хочу быть ЗА МУЖЕМ – не перед ним, не под ним, не над ним, а ЗА ним!
- Стало быть, ровня тебе нужна, — подсказал кот. – Чтобы и он волшебником был. Ну, в своей области, конечно. А тебе какие больше нравятся – блондины или брюнеты?
- По молодости к брюнетам благоволила, — мечтательно зажмурилась Баба Яга. – Жгучие такие, страстные, иии-эххх, стрррасти в клочья!!!! А теперь-то годы уже не те, покоя хочется и взаимопонимания… У самой космы седые, ну и он пусть будет седенький, уютный такой…
- Седенький – не серенький, седина – признак мудрости да опытности, — ухмыльнулся кот. – Как насчет зажиточности?
- Чтоб ни румян, ни бледен, ни богат, ни беден, а так, посерединке, — решила Яга. – Обеспеченный во всех сторон, словом. Избушка-то моя на одну рассчитана, так чтоб у него домик был поболе моего, в уединенном месте и в зелени лесной. Да, еще транспорт для нас двоих, а то в ступу вдвоем и не сунешься. Чтобы в страны заморские с ним летать не зазорно было, и чтоб ни в чем себе не отказывать, но и в злате-серебре не захлебнуться. А то, знаешь, у богатых свои причуды…
- Знаем-знаем, слышали, а как же, — согласился кот. – Значит, золотая серединка. Еще что?
- Еще-то? А чтобы люб он мне был, — застенчиво призналась Яга. – Чтобы как посмотрю на него – так триста лет с плеч долой, кровушка играла и ножка притопывала. Чтобы так меня разбирало, что хоть без ступы в полет отправляйся! Вот это мне однозначно и решительно мурчит!
- Раз мурчит – будем брать. Ничего не забыла?
- Слушался меня чтоб, — подумав, дополнила Баба Яга. – Не люблю, когда мне перечат. Только чтобы сам по этому поводу не бесился. Добровольно, значит… Но мнение свое чтоб имел и в жизни применял!
- Понятненько, нужен умеренный подкаблучник. Ну что, подведем итоги? Интересно тут получается!
- Давай, давай, самой интересно! – оживилась Яга.
- Посмотрим, кто Бабе Яге в мужья сгодится. Нам нужен друг и соратник, мужчина, близкий по годам, с образованием, то есть ученый, с мудростью в голове и опытом за плечами, умеренный подкаблучник, приятной внешности, в прошлом пусть брюнет, а ныне седой, средней комплекции, жилищно и материально обеспеченный, самостоятельный, работающий и дело свое любящий, с домом просторным и личным транспортом, антимно активный, любящий и нежный, но ненавязчивый, спокойный и уравновешенный, к волшебству склонный, до работы по хозяйству способный, в том числе и готовить, к заморским путешествиям приспособленный, внимательный и понимающий, ласковый и мягкий, для тебя очень даже желанный. Все так?
- Все так! Прямо портрет нарисовал! – с чувством проговорила Яга. – Вот такой мне и нужен!
- Так это тебе я нужен, — сказал кот.
- Чаво???
- Не «чаво», а «кого»! – довольно промурлыкал котяра. – Это ж ты ж меня описала, слово в слово!
- Ты чего, Котофеич, белены давеча объелся али от старости совсем с ума сбрендил??? Где ж это видано, чтоб волшебницы за котов замуж выходили???
- Я ж тоже не простой кот, а волшебный… — хмыкнул Котофеич, поднимаясь на задние лапы. – Ейн, цвей, дрей! – и кот с отчаянным мявом брякнулся с крыльца, только пыль во все стороны брызнула. А когда встал – тут уже Яга чуть с завалинки не брякнулась. Стоял перед ней не кот, а Мужчина Ее Мечты: ни румян, ни бледен, ни богат, ни беден, средней комплекции и с импозантной сединой в приглаженной прическе, в черном костюме с белоснежной манишкой и белыми же перчатками. Стоял, улыбался во всю свою кошачью морду, усы топорщил.
- Эт что? Эт как? – схватилась за сердце Яга. – Глазам своим не верю!
- Это потому что ты хоть и Яга, а все ж таки баба, — явно довольный произведенным впечатлением, промурлыкал бывший кот. – Мужчины Мечты, как правило, рядом ходят, а вы всю жизнь на царевичей да богатырей засматриваетесь. Вот так Сказка Жизни вас совсем неподалеку ожидает, а вы и не замечаете.
- Но ты ж со мной с незапамятных времен живешь!!! И ни разу в мужчину не превращался! – все еще никак не могла прийти в себя Яга.
- Ну, если ты меня хотела исключительно котом видеть – что же я, навязываться буду? Дамский каприз – закон, а я со всем согласен, как истинный джентльмен и умеренный подкаблучник.
- Но как? Как??? Как ты мужчиной-то обернулся???
- Чай, было время волшебству научиться, — скромно заметил Котофеич. – Так-то я кот ученый, если не забыла… Хотя я теперь, конечно, не столько кот, сколько жених.
- Тоже мне жених! Ты же у меня на печке живешь, ни кола, ни двора!
- Напрасно вы это, мадам! За столько лет уж сумел накопить кое-какие сбережения… И недвижимость, и движимость имеется, даже не сомневайтесь! Я же на печи не просто лежал, я наблюдал, анализировал и к делу применял.
- Погоди… Это что же получается? – вдруг прищурилась Баба Яга. – Выходит, я при тебе тут переодевалась неоднократно, а ты, гад, все время с печи подсматривал???
- И не без удовольствия, — галантно ввернул жених. – Незабываемммые ммминуты!
- Да я тебе… Да я тебя… А ну, где веник??? На секунду ведь обернулась – веник схватить, а он, подлец, успел быстрее: протягивал ей другой веник, альтернативный, из белых ромашек и синих васильков. Когда только и нарвать успел, шустрый такой?
- Мадам, учитывая нашу многолетнюю связь и устоявшиеся отношения, разрешите, минуя конфетно-букетный период, смиренно вас просить: будьте моей женой!
- Ой, ну я даже не знаю, — как девчонка, зарумянилась Яга. – Надо бы все-таки как-то пообщаться, узнать друг друга поближе… Хотя чего это я несу, куда уже ближе-то? В общем, я согласная!
…Целую неделю лес гудел – такая была свадьба. Население окрестных деревушек дальше опушки и не совалось – повсюду шатались в обнимку лешие и пьяные медведи, кикиморы зазывали одиноких путников в чащу предаться запретным удовольствиям, а утомленные русалки падали с ветвей, как спелые яблоки. Баба Яга была красавица – сияла, как маков цвет. Жених выглядел, как полковник в отставке или посол иноземной державы. Откуда Яга его выкопала, никто не знал. «Вот ведь какого мужика отхватила, старая карга, не иначе, приворожила», — шептались злые языки. Яга посмеивалась, слухи не подтверждала и опровергала, да и вообще мало разговаривала – больше целовалась.. Только безнадежно одинокой кикиморе, которая рыдала под кустом, Яга шепнула:
- Кончай реветь. Ты пока думай, какой мужик тебе мурчит, ага? Вот вернусь из свадебного путешествия, выдам тебя замуж за Мужчину Твоей Мечты. И всех выдам. Я теперь знаю, как.

Серия сообщений "ЮМОР":

позитив

Часть 1 - Женщины за рулём:-
Часть 2 - А свадьба пела и плясала
...
Часть 10 - Бесподобный юмор!! Рекомендую, друзья!
Часть 11 - Новогодний юмор
Часть 12 - БАБА ЯГА ВЫХОДИТ ЗАМУЖ..сказка ХАХАХА...ОТ Женский клуб "Веста"| Минск
Часть 13 - Улыбнуло...
Часть 14 - Первое апреля - День юмора.
...
Часть 22 - Улыбнуло...да ещё как...ХАХА
Часть 23 - ДЕНЬ ВЛЮБЛЁННЫХ С ЮМОРОМ... УЛЫБНИТЕСЬ. ПУСТЬ НАСТРОЕНИЕ ОТЛИЧНЫМ БУДЕТ
Часть 24 - Пусть говорят - Горько!

Серия сообщений "ЦВЕТЫ":
Часть 1 - Денежное дерево принесет успех
Часть 2 - Фестиваль цветов в Голландии.
...
Часть 15 - ДЛЯ ОБЩЕНИЯ #Постила
Часть 16 - >***ЦВЕТЫ НА ЧЕРНОМ-4***
Часть 17 - Художниk Alberto Guillen
Часть 18 - Фото необычных цветов, похожих на что-то другое
Часть 19 - ***ПРЕКРАСНЫЕ И НЕПОВТОРИМЫЕ....***цветы
...
Часть 38 - ***ПРЕКРАСНАЯ И МНОГОЛИКАЯ ФУКСИЯ-3***
Часть 39 - ***НЕПОВТОРИМЫЙ И ЧАРУЮЩИЙ МИР КРАСОТЫ-МИР ЦВЕТОВ***
Часть 40 - Как украинский иммигрант создает цветы, покорившие Белый дом и Dior

Серия сообщений "ПЛАНЕТА ЗЕМЛЯ":
Часть 1 - Самые красивые места планеты Земля 2011
Часть 2 - САМЫЕ НЕОБЫЧНЫЕ МЕСТА НА ЗЕМЛЕ
...
Часть 4 - Лучшие фотографии дикой природы России
Часть 5 - Нетронутая природа фотографа Дэвида Шульца.
Часть 6 - Великие тайны 31 Авгутса 2014 ART TV
Часть 7 - Лучшие работы конкурса смешных фотографий дикой природы
Часть 8 - Байкал зимний.
...
Часть 10 - Коридор затмений Луны и Солнца на январь-февраль 2018
Часть 11 - Юго-западная Америка. От Долины смерти до Великого каньона
Часть 12 - ..........ОЧЕНЬ ТРЕВОЖНЫЕ ПРЕДУПРЕЖДЕНИЯ.....ОСОБЕННО ДЛЯ КАМЧАТКИ.......

Серия сообщений "ДУХОВНОСТЬ":
Часть 1 - БИБЛЕЙСКИЕ сюжеты
Часть 2 - СПАСИБО ГОСПОДИ ТЕБЕ
...
Часть 10 - РОССИЯ, С ПРАЗДНИКОМ ТЕБЯ !!!
Часть 11 - Беседы в дни Великого поста и Страстной седмицы...АУДИО
Часть 12 - Старец Паисий и я, стоящий вверх ногами
Часть 13 - Монах Потапий Кавсокаливит. Прп. Паисий Святогорец как Кавсокаливит.
Часть 14 - Чудотворец XX века: старец, исцеляющий грешников
...
Часть 34 - Молитва Вселенского Мироздания
Часть 35 - Десница святителя Спиридона. В ДАНИЛОВОМ МОНАСТЫРЕ В МОСКВЕ.
Часть 36 - Страх! Кому уходит наша энергия? Управление эмоциями