|
Молитвы
Перед вкушением пищи
Oтче наш, Иже еси на небесех! Да святится имя Твое, да приидет Царствие Твое, да будет воля Твоя, яко на небеси и на земли. Хлеб наш насущный даждь нам днесь; и остави нам долги наша, якоже и мы оставляем должником нашим; и не введи нас во искушение, но избави нас от лукаваго.
Или:
Очи всех на Тя, Господи, уповают, и Ты даеши им пищу во благовремении, отверзаеши Ты щедрую руку Твою и исполняеши всякое животно благоволения.
После вкушения пищи
Благодарим Тя, Христе Боже наш, яко насытил еси нас земных Твоих благ; не лиши нас и Небеснаго Твоего Царствия, но яко просреде учеников Твоих пришел еси, Спасе, мир даяй им, прииди к нам и спаси нас.
Молитва на благословение скоромного в Рождество Христово
(читается на первой праздничной трапезе вместо обычной молитвы)
Господи Иисусе Христе, Боже наш, изволивый спасения нашего ради на земли во плоти явитися и от Безневестныя и Пречистыя Девы Марии неизреченно родитися! Благодарим Тя, яко сподобил еси нас, подвигом поста предочистившихся, достигнути великаго праздника Твоего Рождества и в радости духовной со ангелами воспевати Тя, с пастырями славословити, с волхвами поклонятися. Благодарим Тя, яко по великому милосердию Твоему и безмерному снисхождению к немощем нашим утешаеши нас ныне не точию изобильною пищею духовною, но и трапезою праздничной. Темже молим Тя, отверзающаго щедрую руку Твою, исполняющаго все живущее благ Твоих, дающаго всем пищу соответствующую времени и правилам церковным, благослови праздничныя снеди, верным людем Твоим уготованныя, наипаче сия, от нихже повинующеся Уставу Церкви Твоея, в мимошедшии дни поста воздерживались рабы Твои, да будут оне вкушающим их со благодарением во здравие, в подкрепление сил телесных, в веселие и радость. Да вси мы всякое довольство имуще изобиловати будем и в дела благая, и от полноты благодарнаго сердца славити Тя, питающаго и утешающаго нас, купно же и Безначальнаго Твоего Отца и Пресвятаго Духа во веки веков. Аминь.
|
|
|
| | Литвинова В И |
|
|
|
|
|
Апис_862 обратиться по имени
Православных поздравляю с Рождеством Христовым! Воскресенье, 06 Января 2013 г. 10:16 (ссылка)
соня_лифинская обратиться по имени
Воскресенье, 06 Января 2013 г. 12:31 (ссылка)
