Молитва об устройстве дочерей замуж.

Молитва праведному Филарету Милостивому.

О великий и пречудный праведниче Божий милостиве Филарете ! Предстоя на Небеси Престолу Божию с лики Ангелов ,призри милостивым оком  на люди ,просящия сильныя твоея помощи .Умоли благосердие Человеколюбца бога, да не осудит нас по беззаконием нашим ,но да сотворит с нами по милости Своей ! Многим в скудности  и недостаточестве живущим  ты при жизни усердно помогал еси, людей убогих изобильно питал еси. Испроси и нам у Христа ,Бога нашего ,мирное и безмятежное житие ,здравие душевное и телесное ,земли благоплодие и во всем всякое изобилие и благоденствие , и да не во зло обратим благая даруемыя нам от щедраго Бога,но во славу Его  и в прославление твоего заступления . Моли Господа ,да хранит во здравии ,мире ,тишине и нелицемерном послушании семьи  наши ,от старших до последних ; да дарует чадом нашим (имена) смирение и кротость ,любовь и житие благоговейное ,святое и во всем верное заповедям Божиим. По христианской же кончине  да сподобит всех нас получити Небесное Царствие , идеже вси праведнии,купно с тобою ,присно славят Отца и Сына и Святого Духа . Аминь.

Молитва о даровании благочестивого жениха.

***

О, Всеблагий Господи ,я знаю ,что великое счастье мое зависит от того ,чтобы я Тебя любила всею душею и всем сердцем моим, и чтобы исполняла во всем святую волю Твою. Управляй же  Сам,о Боже мой, душею моею и наполняй сердце мое: я хочу угождать Тебе одному,ибо Ты Создатель и Бог мой. Сохрани меня от гордости и самолюбия : разум ,скромность , целомудрие пусть украшают мя. Праздность противна Тебе и порождает пороки,подай же ми охоту к трудолюбию и благослови труды мои. Поелику же Закон Твой повелевает жить людям в честном супружестве , то приведи меня ,Отче Святый ,к сему освященному Тобою званию ,не для угождения вожделению  моему ,но для предназначения Твоего , ибо Ты Сам сказал: нехорошо человеку быть одному и,создав ему жену и помощницу, благословил их радости, множитися и населяти землю(Быт.1:28; 2:28)

Услыши  смиренную молитву мою из глубины девичего сердца Тебе посылаемую: дай мне супруга честнаго и благочестивого,чтобы мы в любви с ним и согласии прославляли Тебя, милосерднаго Бога : Отца и Сына и Святого Духа ,ныне и присно и во веки веков. Аминь.

Пред иконой Пресвятой Богородицы «София- Премудрость Божия» молятся о благополучии в доме, в семье, при трудности выбора решения.

Молитва Софии, Премудрости Божией

Непостижимая и Всепетая Премудросте Божия, Софие Преименитая, девственных душе, сиречь Единородный Сыне, Слове Божий, приими молебное сие пение от недостойных и скверных уст наших. Аще и писана суть: не красна песнь во устех грешничих, обаче же разбойник единем словом спасеся, мытарь воздыханием оправдася и хананеина дщерь матерним прошением исцелися, понеже Ты, Господи, Благ и Человеколюбив, грядущаго в мир просвещаеши, и грехи грешником отпущаеши, и разумом неразумных наполняеши, и буияго умудряеши, и жаждущия благих словес души учением Твоим, яко самаряныню водою живою, напаяеши, блудника целомудренна устроивши, разбойнику рай отверзавши, зане Ты еси всех благих Податель, и Вразумитель, и животу Хранитель, Христе Боже наш, и Тебе славу и хвалу, честь и благодарение и славословление возсылаем и поклонение творим со Безначальным Твоим Отцем, и со Пресвятым, и Благим, и Животворящим Твоим Духом, и со Пресвятою и Пренепорочною Твоею Материю, Владычицею нашею Богородицею и Приснодевою Мариею, ныне, и присно, и во веки веков. Аминь.