Инок аще небрежением ляжет спать в мантие, да сотворит поклонов 200.

И в рясе тоже не спать, аще оскверниши ю, то очистити оную много труда навлечеши.

Инок аще снимет с себя параманд со крестом нарочно или внезапу, по какой-либо ошибке да сотворит поклонов 1000.

Инок аще сходит в куколе или мантии в отходное место, на нужную потребу тела для испражнения, да сотворит поклонов 300.

Аще точию помочится, поклонов 150.

Инок аще пообедает без мантии, да сотворит поклонов 1000.

Аще точию испиет без мантии, да кроме трапезы, да сотворит поклонов 50.

Инок аще трубу откроет без мантии, или в умывальник вольет воды, поклонов 25.

Инок аще в мантии мочалку погану или лохань возмет рукою, да сотворит поклонов 50.

Благословение к епетимии. Благослови р. Б. Госп. Богу помолиться епетимию за мою ошибку.

Инок аще нечто малое возмет в мантии поганое или без мантии чистое сумнительное, да сотворит поклонов 17.

Инок аще дает стрещи власы своей простолюдину, или сам стрижет простолюдина, оба да поклонятся 1000 поклонов.

Инок аще потеряет мантию или параманд, или ино что от иноческаго образа, за что ему епитимия до смерти, поклонов по разсуждению духовника. Аще чин сгорит в пожаре, за это епитимии несть.

Инок аще помолится без мантии вечерню или павечерню, или ино кое моление, надев мантию второе да поет.

Инок в молении опустит соборную мантию на пол, или наступит на ню, или хватит нечистыми руками или за куколь, или за параманд или за камилавку, или на пол уронит, что из вышеписанных, или второпях наденет рясу, или мантию, или куколь, или камилавку без обычных молитв и поклонов, или без мантии благословится, или благословит кого, или простит кого, за сие особой епитимии не полагается, но повседневным каноном заменяется.

Кормчая, гл. 58, пр. 18. Никифор кидар. лист 97 об.: Яко не подобает службу совершати иноку кроме мантии. Гл. 26. пр. 59. Вас. Вел. л. 622: Аще кто без мантии творит дело в какове-либо месте, да будет без благословения. Кормч. гл. 54. Вопр. 15. об. еже глаголет Вас. Вел. в малых запрещениих его, яко да будет без благословения по мере согрешения. Ответ. Иже лишену быти некоему даемаго благословения в церкви рекших.

Анфоры потр. иноч., л. 78 об. 3-го счета. Бол. потреб. Иосиф. патр. 10го лета, л. 436: Иноку не достоит да власы его прост мирянин стрижет, но освящен кто или инок.

Номоканон, сиречь «Законоправильник о иноцех», потр. иноч. л. 29, 2-го счета, завещ. Вас. Вел.: Аще инок не чтет часа перваго, 3-го, 6-го и 9-го, несть ясти достоин. И аще не правит всего правила своего, яко мертва вменяет его Бог и да запретится яко же подобает.

Аще кто презвитер или диакон, или инок ведыи писания, а небрежет си утреню или часы, или вечерню, аще и в пути сыи, но пекиися о житейскии свое правило презирает, да имать запрещение лета два, простыи да сотворит поклонов 800.

Аще кии инок лишится часов, да сотворит поклонов 200.

Лишивыися полунощницы, да сотворит покл. 100.

Лишивыися утрени, да сотворит поклонов 200.

Канон иноком есть сущим убо малого образа покл. – 300, а великаго – 600.

Аще кии инок самовольне смеется или беседует кроме нужды на правиле, запрещение имать поклонов 50.

Аще кии инок на всем соборе церковнем, и при конце же не обрящется, да сотворит поклон 50.

Инок аще на пиру с мирскими, послушая и помогая, паче же благословя им неистовати, запрещается отлучением недель 6, на всяк день поклонов 100 творя и сухоядение.

33. Инок аще сидит в дому своем, яко мирянина сего вменяет Бог.

34. Инок аще оставит ложе свое, и уснет на дружнем без благословения вины, поклонов 50.

35. Инок аще упиется, или оклеветает, или без страха смеется, запрещается недель 5. Аще изблюет от многаго пития, или от чревообъядения, запрещается, якоже ниже в Номоканоне сем о священницех.

37. Инок, аще солжет вольным хотением, имать запрещение 100 поклонов великих. Аще же спасет душу или ближняго, греха не имать.

Инок аще посмеется паче уставления, имать поклонов 50.

100. Инок аще идет с женою поприще едино, да отлучится дней седмь, поклонов 100.

104. Инок простыи бияй кого, прежде да примирится оному, таже да сотворит поклонов 300.

105. Инок после павечерницы ядыи и пия постится едину седмицу сухоядение и покл. 200. Аще повелит нужда ясти и пити, второе павечерницу поет.

106. Инок аще распояшется на ложе своем, да сотворит поклонов 50.

Аще инок без повеления своего игумена сотворит что от нужных не к пользе, но к своей его страсти. – должен бо есть игумен исправити то и тако благословити брата, да начнет другое дело. Сие же сотворити, еже тем пользовати брата, аще не жестосердием, но милосердием да мерится.

Аще же кии инок без вины благословныя и рассуждения прекословит игумену своему, да отлучится от обители. Аще и вельми есть разумен, отгоним есть отнюд.

Аще кии инок вземся на игумена своего и досадит ему, да запретится лето едино, покл. 1000 на всяк день да творит.

Аще кии инок взем в руку свою древо, и уязвит игумена своего, да отсечется рука его. отцеубиица есть.

Аще инок в коем-либо словеси ко спасению его изглаголанным прекословит игумену своему, яко соперник Божии обретается. И да уцеломудрится от общаго запрещения.

Аще кии инок идет в некии путь без повеления игумена своего, да отлучится братства своего седмицу едину, творя поклонов 1000.

Аще кто от инок тайно ест, кроме братства, да творит 1500 поклонов, отлучается на 2 недели.

Инок ядыи от плода новаго без благослвоения игумена, да отлучится дней 8.

Аще кто от инок оглаголет и оклеветает старейшаго, несть далече гнева Божия. Сицевый же да отлучится месяц 6, творя поклонов 2000.

Яко недостоит просту человеку укорити священника или запрещати, или поношати, или клеветати, или обличати в лице, аще негде истина есть. Аще же постигнет сие сотворити простолюдин, сиречь, простый человек, да есть анафема. И да изгнан будет из церкви, отлучен бо есть Св. Троицы и послан будет во июдино место. Писано бо есть: Князю людей своих да не речеши зла, тако же настоятеля бесчествуя.

О иноцех.

Аще кто инок обличает и потязует игумена своего пред миряны, аще и истина суть глаголана от него, и той и верующии ему с ним погибель наследят. Покаявжеся, да запретится лето едино, и поклонов 1800. Пред собором бо братии, аще что имать, должен есть глаголати.

Инок аще ударит каково-либо животно с яростию или разбиет, да отлучится 3 месяца и покл. 300.

Аще кии инок потязует иного инока в коеи-либо главизне или клевете нань изречет и посмеяние, имать запрещение 8 дней и покл. 100 на день.

Имеяй ненависть на кого в доме молитвы, да не входит дондеже примирение сотворит, да сотворят же оба поклонов 50.

Аще кии инок играяи в гусли и с миряны часто сообщаяся, а не с подобными себе, да отлучится 2 месяца, поклонов 150.

И сокровищуяи, и в росты дая, или да престанет, или отлучится. Покаявжеся да запретится лето едино, поклонов 150.

Аще послушник имать вещь кроме воли игумена своего, да отлучится лето едино и покл. 2000.

Аще кии инок имея сребренники и не исповесть я при смерти своей должен есть игумен расточить их над ним, глаголя сице: «Сребро твое с тобою в погибель да будет». И тако без пения погребут, и да молитжеся о нем игумен с братиями дней 40, творяще на всякий день поклонов 40. И минувшим четыредесятим днем, начнут пети над ним уставленыя помины и погребение. А еже утаенная от него, вся требующим и нищим да разделятся.

Инок аще имать вещи и любит я, да отвержет от себя, ибо пакостит душу ему.

Аще кии брат укоризну прият от брата, и молен быв от дружины си, не простит согрешившему, да отлучится седмицу едину.

Аще кии брат буесловит и бесчествует братию и мирян разгалюет, покл. 100. Еще же должен есть перед ним еже оболга и оклевета, славу и честь благую воздати, глаголя, яко он сице оклеветах и ложь рекох, но брат той честен, праведен и свят по св. Златоусту и отечнику.

Аще кии инок речет, яко имать род, да отлучится дней 8 и покл. 40. Отнележе пострижеся и обещася Богу, рода не имать.

Аще кии инок будет мужеложник, имать лет 16, творя всегда поклонов 600.

Аще кии инок пиет вино чрез силу, более ему мясо ясти, а не упиваться вином, в нем же есть блуд.

Крадый иже от вверенныя ему службы, конечное да возвратит и отдаст под анафемою. А зане украде или присвоит, или дадет кому, вящшему запрещению подлежит.

Чти канон 10-й второперваго собора и апостол. 25 пр.: Инок аще лобжет якову жену или отроча спяще, да сотворит покл. 500. Или рещи, яко ниже во святую неделю достоит иноку матерь свою лобызати, а сотворивыи сие имать покл. 300.

Аще кии инок уснет без молитвы игуменовой, да сотворит поклонов 500.

Инок иже не извещает деяния и помыслы своя дух. отцу на всякую седмицу, да запретится дний 15.

Инок в баню отходя и помазуется помазанием, или на всякии день мыяся, разве точию за немощь, аще убо священник есть, да не литоргисает лето едино, покл. 500, аще послушник есть – пол сих.

Иноцы же и понедельник да хранят всего лета, яко же среду и пяток, тако бо от отец прияхом, кое бо прощение есть иноку, аще не преизбыточествует пост его паче мирских. Наипаче же егда и от мирян благоговейнии сие хранят. Глаголет же св. Симеон чудотворец: «Во всем житии да постится инок на всяк день, кроме общих постов, не менее девятаго часа».

Инок, тайноядущии мясо кроме болезни и благословения отца, тот не должен 40 дней вкушати рыбу, яйца и сыр. Ибо написано: плоти угодия не творити в похоти. Рукопис. Зонарь: Иноку не подобает в баню ходить отнюдь никако, кроме немощи, ради великия язи некия. Древле иноч. устав, стр. 116. Баню, говорит, для больных чаще, а для здоровых реже.

Како подобает иноку одеватися.

Свитка т. е. рубашка. – Взять оную невывернутую, передом к себе и ознаменоватися с Исусовой молитвой и поцеловать пуговку и петельку. И потом одевать с молитв. сей: Благодарю Тя Господи Боже мой, яко сподобил мя еси одеятися сею ризою в покров телеси моему. И сподоби мя Господи Боже мой в день сей сохранитися без греха, и творити волю Твою, яко благословен еси во веки, аминь. И покл. в пояс.

К рясе: Взять оную правой стороной к себе и ознаменоваться с Исусовой молитвой однажды и потом пуговку взять в правую руку, а петельку в левую и поцеловать пуговку, затем петельку, надевать с правой стороны и глаголати молитву, что и к свитке: Блгадарю Тя Господи…

К мантии: Все упование мое…

К камилавке: Взять верховкой к себе и ознаменоваться с Исусовой молитвой. И передняго евангелиста край целовать в пушок у правой и левой руки. И надевать с молитвой: Дивен Бог во святых своих, Бог израилев.

К куколю: Взять оный за крыльца верх, верховкой к себе. И ознаменоваться с Исусовой молитвой и поцеловать крыльца у правой и левой руки и надевать с молитвою: Свят, свят, свят Господь Саваоф, исполнь небо и землю славы Твоея.

К параманту: Парамант переменять только тогда, когда износится гайтан. Тогда нужно взять новый парамант углами к верху к себе и знаменоватися с Исусовой молитвою, и потом целовать углы, к которым пришит гайтан. Затем сложить старый гайтан с новым в одно место на правом плече и перевернуть оба через голову на левое плече.

Парамант никогда не снимается.

Аще по какой либо ошибке снимется, тогда оный взять углами, к которым пришит гайтан, правой стороной к себе и ознаменоваться с Исусовой молитвой однажды, и поцеловать те углы к которым пришит гайтан, затем надеть на себя.

А снимать чин иноческии, чтобы ни случилось: куколь, мантию, рясу и камилавку – ознаменоватися с Исусовой молитвою, и снявши поцеловать, также как и надевать.

А прочее снимать: Апостольник, полурясок, свитку и пояс не целовать, а просто с Исусовой молитвой снимать.

Подобает ведати, когда следует снимать куколь во время молитвы.

На вечерне: На замолитвовании куколь не снимать. Аще же сам замолитствует, тогда снимать.

Снимать – когда сам кадит, снимать к «Свете тихии», и когда кончится прокимен – тогда надевать. И на всех отпустах непременно снимать.

На павечернице и полунощнице: - снимать на «Верую», а после «Святыи Боже» - надевать.

Примечание: Снимать же и егда поют трипесни в праздник Р. Х. и Богоявления, и на страстной седмице на 9 песне, и на отпусте на павечернице, и повся дни на «Достойно есть».

На утрени: - Снимать на «екса-псалмы», и когда пропоют «Бог Господь», тогда надеть. Снимать перед Евангелием к прокимну, а после Евангелия, когда пропоют «Слава Тебе Господи» надевать. Снимать на катавасию 8-й песни и по окончании 9-й песни после «Достойно» надевать. Снимать на словословии, и по окончании славословия надевать.

На часех: - Снимать к Евангелию, а после «Верую» надевать. К апостолу не снимать; аще ли сам чтет апостол, то снять. И на «Достойно» снимать.

На молебне: - Снимать на «Бог Господь» и пропоют, тогда надевать. Снимать к прокимну на Евангелие, и когда пропоют «Слава Тебе Господи» - надевать. Снимать на 9 песни, и после задостойника надевать.

На правиле: - В чине правильных канонов во время чтения кондаков и икосов, и на «Достойно» и егда прилучится «О тебе радуется».

Толкование образа иноческаго.

Велик убо есть поистине чин иноческии, и блажен инок, иже поживет по образу, его же прият, и сохранит обет свой непорочне. Вся бо яже образа иноческаго суть таинственна же и священна.

Пострижение - убо власов являет всех помышлениии и печалей житейских отъятие. Яко же власы отлагает, тако подобает ветхаго человека отложити со страстьми и похотьми.

Аще же совлещи вся мирская одеяния и облещися во власяницу, яже есть хитон веселия и радования, вместо наготы оноя и студа и последования чрез послушание в нетленную жизнь иноческии образ святой являет, еже от средния жизни на совершенную претворяет.

Парамант – же есть последование крестное Владыце Христу, знаменает щит спасительный.

Пояс же усмен (кожанный) – знамение умерщвения бессловесныя похоти, яко же бо есть от мертва тела пояс, сице и мы да уморим любосластие в нас.

Сандалия – же знаменует, еже обутися во уготование благовествования миру, яко да не к тому от мысленных змиев угрызнется помыслов в пяту, но выше сих да наступит и поперет льва и змия, тайныя злобы и зависти звери, и непревратным да течет путем Евангелия.

Мантия – же есть одежда нетления и чистоты: образует плащаницу погребения и знамения смерти, есть от некиих мофорис, по иному же образу и подобию ангельские криле. Того суть ради и слагаем на ней на правом и на левом боку по 18 складок (потому что у ангела на древней иконе в крылех правом и левом по толику перьев). Без рукав же того ради, аще восхощет что сотворити ветхаго человека, абие воспомянет, яко рукав не имать, сиречь рук не имать неподобнаядела творити.

Камилавка – же явдляет образ шлема спасения, знамение же Божественнаго покрова, и еже по духовному покрывало.

Куколь – же знамение незлобия и младенчества, и паки образ есть благодати Спаса нашего Бога, покрывающая нам Ума Владыку, и согревающая еже о Христе младенчествова, противу заушати присно ураняти начинающим демоном.

Иноку не должно работати без мантии.

Кто совершит какую-либо работу без мантии или куколя, тот должен подвергнуться епитимии как презритель. Кормч. гл. 62, пр. 59; Соловецк. челобитная, л. 83 об.

Сказание, в какой чистоте и опасности подобает мантию носити.

Инок должен надевать всякую вещь, перво зря усердно на св. иконы и знаменавшеся крестн. знамен. с прилежанием и целовать в двух местах, с великою любовию, аки ангельское и царское одеяние, и тако надевать со благоговением, занося по солнцу на правое плече, и нося на себе с радостию, яко одея тя Господь в ризу спасения, и отъят от тебе вся грехи твоя, того ради красуйся в ней, паче царския багряницы.

Иноку аще случится с себя снять мантию или куколь, или рясу, то должен снять со страхом Божиим перед св. иконою, а обращает по солнцу на левое плечо, и двукраты целовать по обычаю с крестным знамением, зря на св. иконы с мол. Исус. без поклонов. И сложить искусно на гвоздичек или на ином месте. Почитать святая честно, ибо егда снимает и кладет мантию, то ангелу в руку отдает: а когда надевает, тогда от рук ангеловых приемлет ю, а целование евангелистов и прочих мест – пуговок и петелек купно у всех вещей – являет любовь ко ангельскому образу.

Аще ли случится снять мантию на пути, егда изыти на нужную потребу, где нет иконы, то обратися лицем к востоку и ознаменовашися снимай и положи ю на чистом месте, как должно быть. А когда управится, умыв руки, тогда взять и одевать ю по обычаю.

Иноку подобает быти в мантии на трудах и в келии и на пути.

Иноку новопостриженному подобает закрыватися куколем на пути и за трапезою. Тако св. Пахомию ангел Господень завеща, ядуще же главы покрывают кукольми, да не видят брат брата ядуще.

Сему преподобн. Пахомию прежде всех проявлен бысть великий образ ангельскии, иже есть схимонах, а до того времене в малом образе иноцы были.

Егда бывает гроза или гром и молнии, тогда иноку подобает во всем чину на молитве стояти.

Иноку не подобает камилавку снимать никогда. Аще во время нощнаго почивания спадет с головы, когда пробудится, то паки наденет ю со обычною молитвою: «Дивен Бог…».

Егда же прилучится по какои-либо нужде помыть голову, то свитку спустить до пояса, а парамант блюсти опасно, чтобы не снять его с себя, но мытися в нем. Занеже парамант со крестом не снимается с инока никия ради потребы.

Иноку аще случится когда помыти мантию, то мыти нужно ю без мыла, во особом чистом сосуде или проточной воде, такоже и рясу мыти во отдельном от мантии сосуде с мылом, а воды из сосудов в поганое место не выливать.

Волосы после пострижения и поновления, или мантию или рясу, или ино что от иноческаго образа на огни сжечь, точию пепел в воду отпускать.

О чистоте внешней.

Подобает же тебе, брате и внешнюю чистоту со всяким опасением хранити, да не приимешися нечистыми руками и не умывенными ни за какову святыню, ни за крест, ни за книгу, ни за что ино, иже освящено Богови. Пелены, кадило, фимиам и свещи, и служебные сосуды, и ризы такоже, и ко всяким сосудам и платию. И ко всему надо иметь брежение и хранение. Сапоги или онучи положить на лавку или на ином чистом месте, и то место омой. А лица своего и тела и ног отнюд никакою водою не умывай. Тако бо святии старцы повелевают иноком житие. Ангели убо никогда же спят, ни дремлют, ни водою себя умывают, но безпрестанно день и нощь всегда служат Богу и славят Его. Сице и мниси, восприемшии образ ангельскаго подобия, должни есть мы тако же жити, яко ангели. Глаголю тебе, о сем же святии истово сия сами совершая, нам образ спасения оставиша, дабы вси хотящии жити по Христе, ведали путь спасения.

Четь-минея, маия 3, л. 120, житие преп. Феодосия Печерскаго:

Никогда же его видеша поливающа на свое тело воду, угодия ради: но токмо руце и лице умываше.

О пострижении и поновлении гуменца.

Ведомо же буди о сем, яко по пострижении инока по четыредесятих днех поновляет евангельский отец, сиречь постригатель новопостриженному гуменец, еже в пострижении его во иночество постриженное. Новопостриженый присед, снимает куколь и камилавку со главы и глаголя в тайне псалом 50. Отец же взем ножницы и с молит. Исусовой, постригает гуменце стоя, только елико в пострижении его во иночество постриженное, се же творится на едине в келии, никому же ту сущу, за еже не видетися главе его. Посем читает пред отцем прощение и отходит в келию свою. Сице же творит всегда ежегодно каждый пост, даже до смерти своея. Аще ли преставится отец его, то избирает, некоего старца искусна, и сие творит неизменно. И сице поновляя пострижение свое, поновляет и житие свое.

Подобно и житие свое убо инокини творят. Поновление творит евангельская мать 4 раза в год, т. е. каждый пост.

Иноку не стрижет власы простой, но инок.